Morgunblaðið - 22.01.1987, Side 2

2
MORGUNBLAÐIÐ, FIMMTUDAGUR 22. JANUAR 1987
Tek ekki við tillögum
fræðsluráðs á meðan
Þráinn er formaður
— segir menntamálaráðherra
„Ég fæ ekki séð að ég geti
haft neitt samstarf við þessa
menn á meðan formennsku í
fræðsiuráðinu gegnir maður á
borð við Þráinn Þórisson sem
lýsti mig beran að ósannindum í
Morgunblaðinu í dag á blaðsíðu
37 og verður nú sjálfur uppvís
að fádæma framkomu,“ sagði
Sverrir Hermannsson mennta-
málaráðherra í gærkveldi, eftir
að honum bárust niðurstöður
fundar fræðsluráðs í Norður-
landsumdæmi eystra. Þar var
meðal annars samþykkt að senda
aðstoðarmanni ráðherra sím-
skeyti með tillögu um að skipa
Sverri Thorsteinsen frá Stóru
Tjörnum fræðslustjóra til bráða-
birgða.
Menntamálaráðherra sagðist
ekkert hafa persónulega á móti
Sverri Thorsteinsen, enda þekkti
hann manninn ekkert. Hann gæti
jafnvel hugsað sér að skipa hann
sjálfur í embætti, en bætti við:
„ ... en á móti tillögum fræðsluráðs
tek ég ekki á meðan Þráinn er þar
formaður. Svo mikið er víst.“
Varðandi ummæli Þráins vísaði
ráðherra til fréttar Morgunblaðsins
í gær þar sem hann er spurður álits
á málflutningi Sverris á Alþingi í
fyrradag. Þráinn segir þar meðal
annars, að ráðherra fari ekki rétt
með hvað varðar húsaleigumál
Sturlu fyrrum fræðslustjóra.
Fundur fræðsluráðs stóð frá kl.
15 til 20 í gær og vildu menn ekk-
ert segja um efni hans í lokin.
Þráinn Þórisson formaður sagði
aðeins að niðurstaða fundarins
kæmi í ljós í dag, að öðru leyti vildi
hann ekki tjá sig um málið. Starfs-
fólk skrifstofunnar fundaði einnig
í gærkvöldi, ennfremur stjóm
Bandalags kennara. Skólastjórar
koma saman til fundar í dag.
Steingrímur Sigfússon:
Hættur við að flytja van-
trauststillögu á Sverri
STEINGRÍMUR Sigfússon al-
þingismaður er horfinn frá þeirri
hugmynd sinni að flytja van-
trauststillögu á menntamálaráð-
herra vegna brottvikningar
Sturlu Kristjánssonar fyrrver-
andi fræðslustjóra Norðurlands-
umdæmis eystra. Flytur
Steingrímur þess í stað tillögu
til þingsályktunar um að skipuð
verði rannsóknarnefnd er rann-
saki deiluatriði. Steingrímur
mun ekki hafa fengið hljóm-
grunn fyrir vantrauststillögu-
hugmyndum sínum innan
þingflokks Alþýðubandalagsins,
samkvæmt heimildum Morgun-
blaðsins.
„Það þjónar ekki endilega til-
gangi málsins að flytja vantrausts-
tillögu," sagði Steingrímur í samtali
við Morgunblaðið, „því það sem
deiluaðilar biðja um, er að fá rann-
sókn og hún fengist með þessu
móti.“
Morgunblaðið hefur heimildir
fyrir því að a.m.k. fjórir þingmenn
Alþýðubandalagsins myndu styðja
menntamálaráðherra í þessu máli,
ef Steingrímur flytti vantrauststil-
lögu, en það eru þingmennirnir
Guðrún Helgadóttir, Geir Gunnars-
son, Guðmundur J. Guðmundsson
og Garðar Sigurðsson.
Guðrún Helgadóttir sagði í sam-
tali við Morgunblaðið í gær um
þetta mál: „Þetta er mesta vand-
ræðamál. Einkum er það slæmt
fyrir það, að það er rekið inn í fjöl-
miðla og leikið þar vikum saman,
jafnvei þannig að símtöl manna
koma í útvarpi. Auðvitað fór ráð-
herra hranalega að þessari upp-
sögn, en hitt kemur mönnum
tæplega á óvart, að ráðuneytið geri
kröfur til þess að embættismenn
þess reyni að halda þau fyrirmæli
sem ráðuneytið gefur og framfylgja
þeirri stefnu sem ráðuneytið hefur
og mótar, hvort sem hún er góð
eða vond.“
Guðrún sagði að sér þætti átak-
anlegt að inn í umræðuna á Alþingi
blönduðust alls óskyldir hlutir.
Þingmaður gerði fyrirspum og _ráð-
herra bæri að svara henni. Aður
en menn hlýddu á skýringar ráð-
herra, hefðu ákveðnir þingmenn
setið heima hjá sér og samið langar
ræður, sem ættu heima undir allt
annarri umræðu, þ.e. fjárlagaum-
ræðu. „Þetta mál fjallar ekki um
stefnu í sérkennslumálum," sagði
Guðrún, „sú stefna er mótuð við
gerð fjárlaga og þar hefðu þessar
umræður átt heima. Það hafa nú
ekki allir þingmenn verið svo gífur-
lega áhugasamir fyrir umbótum í
sérkennslumálum, fyrr en þetta mál
kemur upp.“
Guðrún sagði að það væri auðvit-
að alveg sama þegar embættismað-
ur hlýddi ekki fyrirmælum
yfirboðara sinna, hvort það væri í
málum sem varðaði böm, vegamál
eða hafnargerð. „Það er auðvitað
ekkert vit í því að láta það rugla sig
í þessu máli, að vitaskuld vantar
mikið upp á að sérkennslu sé sæmi-
lega sinnt í landinu," sagði Guðrún,
„en það á auðvitað ekki að hafa
hin minnstu áhrif á það hvort ríkis-
stjóm á að ráða meðan hún situr,
eða hvort við ætlum að taka upp
lögmál fmmskógarins, þar sem
embættismenn gera það sem þeim
sýnist. Hingað til hefur þingmönn-
um ekki þótt það gott, en það kann
að vera að það henti núna.“
Viðskiptin við Sovétríkin:
Höfum ekki staðið
við fisksölusanmiuga
Morgunblaðið/Þorkell
Hjalti Þorkelsson kastar rekunum yfir líkkistur sjómannanna þriggja
frá Grænhöfðaeyjum. Davíð Ósvaldsson útfararstjóri aðstoðar.
Sjómennirnir frá Grænhöfðaeyjum:
Utförin fór fram í gær
ÚTFÖR þriggja sjómanna frá Grænhöfðaeyjum, sem fórust með
tankskipinu Syneta við Skrúð á jóladag, fór fram frá Fossvogskap-
ellu í gær. Kaþólskur prestur, Hjalti Þorkelsson, jarðsöng, en lík
sjómannanna voru jarðsett í kirkju-garðinum í Gufunesi.
Tólf menn fórust með Syneta og
voru sex þeirra breskir og sex frá
Grænhöfðaeyjum. Lík sjö þeirra
hafa fundist, þar af fjögurra Breta,
en þau voru send til Bretlands fyrir
skömmu og jarðsett þar. Hinsvegar
var óskað eftir því að lík sjómann-
anna þriggja frá Grænhöfðaeyjum
yrðu jarðsett hér þar sem ættingjar
þeirra fundust ekki.
Sjómennirnir, sem fengu hinstu
hvílu í kirkjugarðinum í Gufunesi,
hétu Manuel Joao Nascemento, 32
ára bátsmaður, Domingo Manuel
Rocha, 33 ára gamall háseti, og
Ramino Fortes Silva, 29 ára gam-
all háseti.
Farmannaverkfallið:
Töf á lestun saltsíldar
VERKFALL undirmanna á far-
skipum er nú farið að hafa áhrif
víða. Meðal annars hefur það
komið í veg fyrir útskipun á
saltsíld fyrir Sovétríkin, en
síldina skal afhenda á ákveðnum
tímabilum samkvæmt samning-
um. Gunnar Flóvenz, fram-
kvæmdastjóri Síldarútvegs-
nefndar, segir þetta orðið
töluvert bagalegt.
Eins og fram hefur komið í frétt-
um fórst flutningaskipið Suðurland
á leið sinni til Sovétríkjanna í des-
ember. Farmur skipsins var 19.000
tunnur af saltsfld. Sovétmenn hafa
ekki óskað samsvarandi magns til
viðbótar nú og líklegast er, að þess-
ar 19.000 tunnur bætist við sölu-
samninga fyrir næstu vertíð.
Lögmaður Ragnars Kjartanssonar:
Gerir kröfu um sérstakan
saksóknara í Hafskipsmálinu
NÚ skortir um fjórðung upp á
að íslendingar hafi staðið við
Helgi vann
HELGI Ólafsson vann skák sína
við enska skákmanninn Flear í
5. umferð alþjóðlega skákmóts
ins í Wijk aan Zee og er í 2.-3.
sæti með 3,72 vinning, ásamt van
der Sterren frá Hollandi. Nigel
Short er í efsta sæti með jafn-
marga vinninga og eina biðskák.
Korchnoi og Nougeiras eru í 4.-5.
sæti með 3 vinninga.
Önnur úrslit í gær voru þannig
að Korchnoi vann Hulak og Miles
vann Gutman. Jafntefli varð í skák-
um van der Wiel og van der Sterren,
Anderson og Nougeiras og Sosonko
og Ljubojevic og skák Short og
Zapata fór í bið.
í dag er frídagur á skákmótinu,
en á morgun föstudag leiða þeir
saman hesta sína Helgi og Short
og hefur sá síðamefndi hvítt.
ÁrmiriialiÍtílHÍHÍIiHliit
gerða sölusamninga fyrir síðasta
ár á frystum fiski við Sovét-
menn. Alls var samið um sölu á
24.000 lestum, en um 18.000 hafa
verið fluttar utan.
Þetta mun vera í fyrsta sinn, sem
íslendingar geta ekki staðið við
gerða samninga um sölu á frystum
físki til Sovétríkjanna, en undanfar-
in ár höfum við yfirleitt setið uppi
með talsverðar birgðir af fiski á
þennan markað og lagt áherzlu á
að þeir auki kaupin. Vegna þessar-
ar breyttu stöðu hefur verið
ákveðinn fundur með íslenzku selj-
endunum, SH og Sambandinu, í
Sovétríkjunum 9. febrúar til að
fínna lausn á þessu máli. Samið var
um fast verð í samningunum og
lækkun dalsins hefur valdið því, að
framleiðsla fyrir Sovétríkin var
óhagkvæm og framleiðsla fyrir þau
því í minna lagi. Lausn þessa máls
verður svo undanfari samingsgerð-
ar fyrir þetta ár, en ljóst er að við
þá gerð, munu íslendingar leggja
áherzlu á verðhækkun og minna
magn en á þessu ári.
JÓN Magnússon, lögmaður
Ragnars Kjartanssonar, hefur
ritað Hallvarði Einvarðssyni
ríkissaksóknara bréf, þar sem
þess er krafist að skipaður verði
sérstakur saksóknari, sem ekki
sé starfsmaður ríkissaksóknara-
embættisins, í máli því er lýtur
að meintum brotum Ragnars
varðandi svonefnt Hafskipsmál.
í bréfinu kemur fram það álit
lögmannsins, að það sé „sjálfsögð
krafa, að hvorki rikissaksóknari
né aðrir starfsmenn rikissak-
sóknaraembættisins fjalli um
málið til ákvörðunar um meðferð
þess“, eins og þar segir.
Jón Magnússon vitnar í bréfi sínu
til lagagreinar þar sem kveðið er á
um að ríkissaksóknari víki sæti,
þegar hann sé svo riðinn við mál
að hann mætti ekki gegna dómara-
störfum í því. í því sambandi bendir
lögmaðurinn á að ríkissaksóknari
gegndi embætti rannsóknarlög-
reglustjóra ríkisins við upphaf
rannsóknarmeðferðar málsins hjá
RLR og tók ákvarðanir um máls-
meðferð. Af þeim sökum telji hann
sjálfsagt og eðlilegt að hvorki ríkis-
saksóknari né aðilar sem hann
hefur skipunarvald yfir annist málið
á ákærustigi. „Slíkt samræmist
ekki þeim viðhorfum sem ég tel að
leggja eigi til grundvallar til að
tryggja hlutlæga skoðun á öllum
stigum máls á meintum ávirðingum
grunaðra manna,“ segir í bréfí Jóns
Magnússonar til ríkissaksóknara.
Hallvarður Einvarðsson ríkissak-
sóknari staðfesti í samtali við
Morgunblaðið í gær að hafa móttek-
ið bréf Jóns Magnússonar, lög-
manns Ragnars Kjartanssonar, en
kvaðst á þessu stigi ekki vilja tjá
sig um málið.
Bréfí lögmannsins fylgdi greinar-
gerð í 14 liðum þar sem nefnd eru
þau atriði sem liggja að baki kröf-
unnar um að ríkissaksóknari og
embætti hans víki sæti í Hafskips-
málinu.