Morgunblaðið - 25.04.1987, Side 22

22
MORGUNBLAÐIÐ, LAUGARDAGUR 25. APRÍL 1987
Sumar-
málarabb
GledSegt sumar
Gleðilegt sumar — gleðilegt
sumar. Þessi góða íslenska kveðja
ómar af vörum margra þessa dag-
ana. Fáar þjóðir fagna vorkom-
unni á sama hátt og við
íslendingar, enda ástæðan ríkari
hjá okkur en hjá flestum öðrum.
Norðurlandabúar fagna ekki vor-
komunni eins og við og sé hinn
dæmigerði Skandinavi spurður
um sumardaginn fyrsta, koma á
hann vöflur, það hugtak er
óþekkt. Sá sem reynir að klóra í
bakkann nefnir gjaman Jóns-
messuna og þá hlæjum við íslend-
ingar dátt.
Ýmsir siðir eru tengdir þessum
tímamótum hjá okkur og má
nefna þann sið að gefa sumar-
gjöf. Bak við þá venju blundaði
e.t.v. hugsunin um að rík ástæða
væri til að gleðjast yfir því að
hafa þraukað veturinn af.
í þjóðfélagi, þar sem flestir
gátu tekið undir með skáldinu sem
kvað: Ég er bóndi og allt mitt á
— undir sól og vindi, skipti árferð-
ið öllu og íslendingar fyrri alda
höfðu trú á veðrabrigðum ýmissa
merkisdaga til spásagnar um
lengri eða skemmri tíma. Að sjálf-
sögðu höfðu mót sumars og veturs
spásagnargildi. Víða var sá siður
í hávegum hafður að setja út öðu-
skel með vatni í að kvöldi hins
síðasta vetrardags. Ef fraus sam-
an sumar og vetur átti vel að
vora. Ekki hef ég reynt þetta sjálf
og gaman væri að vita hvort nokk-
ur hafi gert það nú á þessum
tímamótum. Eru e.t.v. veðurfræð-
ingar og veðurtungl alveg búnir
að leysa af hólmi eldri aðferðir?
BLÓM
VIKUNNAR
48
Umsjón:
Ágústa Bjömadóttir
Veðrið — já það verður sjálf-
sagt enn um sinn óþijótandi
umræðuefni okkar íslendinga og
þá ekki síst þeirra sem unna
gróðri. í raun má segja að undar-
lega hafi viðrað í vetur og þá
ekki síst suðvestanlands, þar sem
veturinn kom naumast fyrr en um
miðjan mars. Að undanskildum
frostakafla í haust hefur verið
ótrúlegt blíðviðri. Já, svo mildur
vetur að garðagróður hefur víða
látið ginnast til að vakna af vetr-
ardvalanum. í garði mínum hafa
krókusar blómstrað síðan 1. fe-
brúar. Og nú er að sjá hvort
frostakaflinn sem hefur verið nær
samfellt síðan um miðjan mars
hefur skammkalið tijágróður. En
fátt er svo með öllu illt að ekki
boði nokkuð gott segir máltækið
og e.t.v. lærðum við af þessu hreti
að einhverjar þær tegundir sem
nú eru komnar í ræktun séu í
raun of viðkvæmar fyrir íslenska
veðráttu.
Eitt er það blóm, sem hefur
staðið af sér veturinn og ætlar
enn að vaxa með vorinu, en það
er Blóm vikunnar.
Eins og margir lesendur muna,
var þessi þáttur endurvakinn 1.
laugardag í sumri fyrir réttu ári.
Greinahöfundar eru félagar í
Garðyrkjufélagi íslands en
Ágústa Bjömsdóttir hefur umsjón
með þættinum. Það er dijúg vinna
sem liggur bak við svona regluleg-
an þátt og oft erum við í vafa um
hvaða efni eigi helst að skrifa.
Ekki svo að skilja að skortur sé
á viðfangsefnum, en hvað vilja
lesendur helst? Við höfum fengið
mjög jákvæð viðbrögð en látið
okkur vita um óskaefnið.
Óskaefnið, já við gróðurunn-
endur eigum margt óskaefnið. Og
nú ætlar sjónvarpið að láta nokk-
um hlut óska okkar rætast. 2.
maí hefur göngu sína í sjónvarp-
inu ný þáttaröð sem nefnist
Garðrækt. Þetta er röð a.m.k.
10 þátta um garðrækt sem sýnd
verður á laugardögum kl. 6.
Norska sjónvarpið og norska
garðyrkjufélagið hafa átt sam-
vinnu í a.m.k. 10 ár um gerð
garðyrkjuþátta sem sýndir em á
hveiju vori.
Stjóm G arðyrkj u fél ags i n s hef-
ur í góðri samvinnu við Hinrik
Bjamason hjá sjónvarpinu valið
úr þessu safni. Hér er komið víða
við og við reyndum af fremsta
megni að velja þætti sem falla vel
að íslenskum aðstæðum. Og jafn-
vel þótt ekki sé unnt að leika allt
eftir hér á landi, má fá margar
góðar hugmyndir og læra ný
vinnubrögð. Olafur B. Guðmunds-
son ritari G.í. og ritstjóri Garð-
yrkjuritsins mun fylgja þáttunum
úr hlaði af okkar hálfu, Fyrsti
þátturinn fjallar um skjól, annar
um harðgerð sumarblóm. Rætt
verður um grænmetisgarðinn,
ræktun tómata og agúrka, skóla-
garða, steinhæðir og steinbeð,
hellulagnir, matjurtaræktun fatl-
aðra og hvemig byggingarlóð
breytist í skrautgarð. Jón O. Ed-
wald þýðir þættina. Munið bara
að hvfla ykkur á garðvinnunni kl.
6 á laugardögum og setjast stutta
stund fyrir framan sjónvarpið.
Nú fer í hönd unaðsfullur
árstími. Vonandi hefur nýliðinn
illviðrakafli sameinað páskahret
og sumarmálahret, krossmessu-
hret og hvítasunnuhret.
Megi fyrsti laugardagur í sumri
verða íslensku þjóðinni til farsæld-
ar.
Sigríður Hjartar, formað-
ur Garðyrkjufélags ís-
lands.
Nýju kosningalögin gera allar spár erfiðari
- segja tölvuforritarar fyrir kosningasjónvarp
FORRIT fyrir kosningasjónvarp
Stöðvar 2 og ríkissjónvarpsins
eru nú fullgerð. Stöð 2 vinnur
með tölvubúnað frá IBM og hef-
ur Tölvumyndir hf. gert forritið.
Ríkissjónvarpið hinsvegar er
með tölvubúnað frá Hewlett
Packard og hefur Verk- og kerf-
isfræðistofan unnið forritið fyrir
kosningasjónvarp þess.
Davíð Jónsson hjá Verk- og kerf-
isfræðistofunni sagði að forritun
samkvæmt nýju kosningalögunum
væri heldur flóknari en samkvæmt
SÆNSKAN EÐA
AMERISKAN BÍL.
ÞYSKAN,
NIPPARTS
Það er sama hverrar
þjóðar bíllinn er.
Við eigum varahlutina.
EIGUM Á LAGER:
kúplingar,kveikjuhluti;bremsuhluti,
STARTARA, ALTERN ATORA, SÍUR,AÐALLJÓS,
BENSÍNDÆLUR, ÞURRKUBLÖÐ ofl.
KREDITKORTA ÞJÓNUSTA
FREMSTIR í VARAHLUTUM
BÍLVANGUR sf
HÖFÐABAKKA 9 SÍMI 687BOO
gömlu lögunum. Fara þyrfti í gegn-
um fleiri skref við úthlutun þing-
sæta en áður auk þess sem taka
þyrfti tillit til fleiri reiknitalna og
undantekninga en áður. „Nýju lögin
gera spár erfíðari en áður. Illmögu-
legt er að taka nokkurt mark á
spám fyrr en að minnsta kosti
fyrstu tölur úr öllum kjördæmum
liggja fyrir vegna nýju laganna og
nýrra flokka, sem nánast eru
óþekktar stærðir.
Þegar búið er að lesa upp tölur
úr hveiju kjördæmi fyrir sig, liggja
fyrir útreikningar og yfírlit yfír
þingmannafjölda hvers flokks í
kjördæminu. í framhaldi af því get-
um við sýnt sambærilegt yfírlit yfír
landið og hvemig stjómin gagnvart
stjómarandstöðunni stendur. Við
bemm saman fylgi flokka eftir kjör-
dæmum og niðurstöður kosninga
eftir mismunandi kosningalögum.
Við getum sýnt hvaða áhrif nýju
kosningalögin hafa með tilliti til
fjölda atkvæða að baki hveijum
þingmanni, bæði eftir einstökum
flokkum og kjördæmum, en með
nýju lögunum er einmitt verið að
reyna að jafna misræmi á milli kjör-
dæma,“ sagði Davíð.
Friðrik Sigurðsson, forritari hjá
Tölvumyndum hf., var sammála
Davíð um að nýju kosningalögin
hefðu það í för með sér að erfítt
yrði að gera góða spá um úrslit
kosninganna nema að fyrir lægju
tölur frá öllum kjördæmum. „Fylgi
flokks í einu kjördæmi hefur áhrif
á þingmannatölu í því næsta og til
þess að sjá þessar breytingar fyrir,
verða að liggja fyrir marktækar
tölur úr öllum kjördæmum. Það sem
hinsvegar hefur skeð í skoðana-
könnunum er að einstök kjördæmi
hafa aldrei verið tekin fyrir, nema
í einstökum tilvikum, heldur landið
sem heild tekið allt. Því verðum við
að bíða eftir fyrstu tölum úr öllum
kjördæmum til að geta spáð að al-
vöru í spilin," sagði Friðrik.