Morgunblaðið - 03.06.1987, Blaðsíða 9

MÖftGÚNé'LÁÖÍÐ, MlÐVíKÍÍDÁGtfft ’SÍ. TONÍ'l^'
BJ 9*
MATTHÍAS BJARNASON UMISLENZKA FLUGÆVINTÝRIÐ:
Eldhugnr og
framtak einstaklinga

Matthías Bjarnason, samgönguráðherra, á skrifstofun sinni í
Hafnarhúsinu.
Flugmálaáætlun
þýðirbetriog
markvissari und-
irbúning fram-
kvæmda
Samkvæmt lögum um flug-
málaáætlun, sem samþykkt
vóru í vor og eru nýjung, eru
tryggðir tekjustofnar til fram-
kvæmda í flugmálum. Fram tii
þessa hefur þurft að sækja
framkvæmdafé til fjárveitinga-
valdsins [Alþingis] frá ári til
árs - með misjöfnum árangri.
Hin nýju lög um flugmálaá-
ætlun gera það kleift að gera
framkvæmdaáætlanir til lengri
tíma. Þannig er hægt að vanda
allan undirbúning betur og
gera framkvæmdirnar mark-
vissari. Fólk veit og fyrirfram,
hver stefnan er, hvers er að
vænta. Ég er ánægður með að
hafa sem samgönguráðherra
átt minn hlut að markvissari
vinnubrögðum að þessu leyti.
Það er Matthías Bjarnason sem
þannig komst að orði við Morg-
unblaðið, aðspurður um lög um
flugmálaáætlun, sem sett vóru
á liðnu vori.
Slitlag á áætlunar-
flugvelli
Matthías Bjamason, sam-
gönguráðherra, sagði m.a., að
með flugmálaáætlun, sem sam-
þykkt var í vor er leið, sjái menn
fram á að innan fárra ára verði
komið bundið slitlag á alla áætlun-
arflugvelli landsins - og vonandi
fleiri velli, en ráðgert fram-
kvæmdatímabil er 10 ár. Ég tel
ekki óeðlilegt að auk bundins slit-
lags á áætlunarflugvelli verði sett
olíumöl á hina minni flugvelli,
sagði ráðherrann. Það var gert á
nokkrum stöðum 1983 (hluti af
flugbrautum) og gafst vel.
Fyrir utan þessa áætlun verður
síðan ráðist í aðkallandi stórfram-
kvæmd í flugmálum innanlands,
uppbyggingu Egilsstaðaflugvall-
ar. Til þeirrar framkvæmdar
ganga 60 milljónir króna á þessu
ári. Stefnt verður að því að ljúka
þessu stóra verkefni á þremur
árum.
Tekjustofnar flug-
málaáætlunar
Tekjustofnar flugmálaáætlunar
eru eldsneytisskattur og farþega-
skattur, sem nánar segir til um í
lögunum.
Þessi tekjuöflun er í samræmi
við það sjónarmið, að eðlilegt sé
að umferðin rísi að hluta til undir
þeim kostnaði, er hún stofnar til,
flugvöllum og búnaði þeim til-
heyrandi. Hinn eðlilegi rekstrar-
og launakostnaður er síðan
greiddur af fjárlagafjárveitingum,
eins og á svo mörgum öðrum þjón-
ustusviðum.
Flugöryggismál
Flugöryggismál heyra fyrst og
fremst undir flugmálastjóm.
Ástand flugöryggismála er mjög
mismunandi eftir einstökum flug-
völlum. í þeim efnum horfir sitt
hvað til bóta. Aðkallandi verkefn-
um á þessu sviði hefur hinsvegar
verið sinnt. Og svo verður áfram.
Ráðuneytið hefur áhuga á að
fylgja fram eðlilegri framvindu í
flugöryggismálum til samræmis
við viðurkennda fjölþjóðlega
staðla og kröfur.
V araf lugvöllur
Engin ákvörðun liggur fyrir um
varaflugvöll fyrir millilandaflugið.
Ráðuneytið hefur hinsvegar út-
vegað fjármagn til könnunar á
því, hvar hentugast og hag-
kvæmast væri að byggja vara-
flugvöll. Sérstök nefnd starfar að
því verkefni og þegar hefur sitt
hvað verið gert í gagnasöfnun og
úrvinnslu gagna.
Sex staðir sæta könnun á veg-
um nefndarinnar: Blönduós,
Sauðárkrókur, Akureyri, Húsavík
(Aðaldalur), Egilsstaðir og Homa-
fjörður. Ég reikna með að þessi
nefnd skili áliti fljótlega.
Það er mikill misskilningur,
sem þó er ýjað að af sumum, að
þessi varaflugvöllur fyrir milli-
landaflugið, sem að er stefnt,
verði „dulbúinn herflugvöllur".
Það er víðs Qarri að svo sé. Hann
er fyrst frem hugsaður til að auka
á flugöryggi til og frá landinu og
hefur mikið sparnaðargildi (elds-
neyti og hleðsla, þ.e. arðsemi
flugferðarinnar) fyrir flugfélögin,
sem halda uppi utanlandsflugi.
Varaflugvelli fylgir marghátt-
aður kostnaður í ýmsiskonar
aðstöðu, öryggistækjum, starfs-
mannahaldi, hótelum o.sv.fv., en
væntanlega einnig atvinna og
bætt þjónusta.
Slíkur varaflugvöllur, ef til
kemur, verður að sjálfsögðu
íslenzk framkvæmd, íslenzk eign
og rekstrarlega á íslenzkum hönd-
um. Það kemur hinsvegar til
greina að afla erlends fjármagns
til varaflugvallar í samráði við þá
erlenda flugaðila sem hér fljúga
yfir, en slíkur varavöllur eykur
flugöyrggi þeirra sem okkar.
Stefnan innanlands
Það er meginstefnan, inn á við,
að gera rekstraraðilum kleift að
halda uppi áætlunarflugi innan-
lands á þeim flugleiðum, sem
staðið geta undir slíkum rekstri.
Hinsvegar er ekki ástæða til að
halda uppi áætlunarflugi á
skemmri leiðum þar sem bflar eru
í raun jafnfljótir, miðað við þann
tíma sem það tekur að komast á
og af flugvelli.
Flugleiðir annast farþegaflug
milli fjölmennustu byggðarlag-
anna en Arnarflug (og það flugfé-
lag sem tekur við af því)
áætlunarflug til fámennarri staða.
Minni flugfélög koma og við sögu
á styttri flugleiðum, einkum í
leiguflugi, og þjónusta smærri
staði. Eg tel að styrkja megi bet-
ur þessi litlu flugfélög sem þjóna
þörfu landsbyggðarhlutverki. Ég
þekki sem ísfirðingur vel til þeirr-
ar gagnsemi sem þeim fylgir.
Þetta, ásamt því að byggja upp
flugvelli, öryggistæki, bæta veð-
urþjónustu og gæta þess að þetta
haldist allt í hendur, er sú stefna
er að innanlandsfluginu lýtur.
Stefnan út á við
Utanlandsflugið er af eðlilegum
ástæðum háð loftferðasamning-
um við aðrar þjóðir. I þeim efnum
hefur giftusamlega tekist til á
undanfömum árum.
Flugleiðir, sem er langstærsti
flugrekstraraðilinn í millilanda-
flugi, hafa bætt við flugleiðum á
þessu ári, svo sem til Orlando og
Boston. Flugleiðir hafa og aukið
veralega flug til Evrópu.
Arnarflug flýgur á Amsterdam
og Hamborg, en er ltið félag,
miðað við Flugleiðir.
Ég tel að samkeppni sé nauð-
synleg. Hinsvegar má hún ekki
vera óhófleg að mínu mati.
Skammt er að minnast ástæðna
sem leiddu til sameiningar Flugfé-
lags íslands og Loftleiða. Samein-
ing flugfélaga erlendis, til að
styrkja rekstrareiningar og ná
fram rekstrarhagkvæmni, er held-
ur ekki einsdæmi.
Samkeppni er nauðsynleg, ekki
sízt fyrir neytendur. Rekstrarleg
einokun felur oftar en ekki í sér
dýrari og lakari þjónustu en ella.
En fyölþjóðlegir loftferðasamning-
ar, flugrekstraraðstæður og
sívakandi mat á framvindu og
framþróun á þessu sviði, verður
að ráða stefnumörkun og ákvörð-
unum hér eftir sem hingað til ef
vel á að vera.
Heppnir með fram-
varðarsveit f lugmál-
anna
Ég get ekki látið hjá líða, sagði
samgönguráðherra, að geta þess
í lokin, að við íslendingar höfum
verið mjög lánsamir með menn,
sem gert hafa flugið að áhuga-
máli sínu og margir hveijir að
slnu lífsstarfi. Það er fyrst og
fremst fyrir eldhug og framtak
einstaklinga, sem farið hafa fyrir
í flugmálum okkar, að þessi mál
hafa þróast jafnvel og raun ber
vitni. Við höfum mjög góðu fólki
á að skipa I flestum eða öllum
greinum flugsins, allt frá félögun-
um sjálfum, sem annast flugið,
og flugmálastjóm til einstakra
starfsstétta.
Það fer að vísu aldrei hjá því
að til árekstra komi, en þá er um
að gera að reyna að eyða misskiln-
ingi og leysa hnúta. Ég hefí átt
ágætt samstarf við flugfélögin,
flugráð, flugmálastjóra og aðra,
er hér koma við sögu. Og ég er
bjarsýnn á íslenzkt hyggjuvit og
framtak í flugrekstri á komandi
tíð, sagði samgönguráðherra um
leið og hann sló botninn í samtalið.
- sf.

MAL
Síðustu sætin 13. júní -TTÖ daga eða 3 vikur.
Fjölskyldutilboð
Einn borgar fullt aðrir í fjölskyldunni minna.
Verðdæmi 10 daga ferð kr. 17.400.- 3 vikur 27.300.-
Verð á mann miðað við hjón með 2 börn yngri en 16 ára.
Brottfarardagar:
Júní 1., 1 3., 22.
Júlí 4., 13., 25.
Ágúst 3., 15., 24.
Sept. 5., 14., 26.
Okt. 5.
Umboö á islandi fyrir
DINERS CLUB
INTERNATIONAL
moiviK
FERÐASKRIFSTOFA, Iönaöarhúsinu Hallveigarstigl. Simar 28388 oq2858(
28388 og 28580