Morgunblaðið - 03.06.1987, Blaðsíða 23

MORGUNBLAÐIÐ, MIÐVIKUDAGUR 3. JÚNÍ 1987
B 23
PETUR EINARSSON, FLUGMALASTJORI:
Flugmálaáætlunin er
bylting í vinnubrögðum
Pétur Einarsson, flugmálastjóri.
„Ég tel að þau verkefni, sem
við vinnum nú að, flugmálaá-
ætlun og uppbygging flugleið-
sögukerfis, séu einkar
mikilvæg fyrir framtíðina. Sum
þessara verkefna hefðu að vísu
mátt vera fyrr á ferð.
Ég tel hinsvegar að það sem
helzt vantar í íslenzk flugmál
og hafi lengi vantað sé mark-
vissari islenzk flugmálastefna,
hvernig við eigum að reka okk-
ar flug“. Það er Pétur Einars-
son, flugmálastjóri, sem þannig
komst að orði, þegar Morgun-
blaðið bankaði upp á hjá honum
i tilefni 50 ára afmælis islenzks
atvinnuflugs.
Sem allra mest frjáls-
ræði
„Ef menn ætla að horfa til framtí-
ðar á 50 ára afmæli íslenzks
atvinnuflugs þá er það þessi þátt-
ur, mótun flugmálastefnu, sem
skiptir mestu“, sagði flugmála-
stjóri. „Þú spyrð um sérstakt
„draumaverkefni" á þessum tíma-
mótum. Þau eru mörg, en ég nefni
fyrst markvissari flugmálastefnu.
Það er mín skoðun að íslenzka
flugmálastefnu eigi að byggja á
nær algjöru athafnafrelsi, þannig
að innanlandsflug sé gefið frjálst,
sérleyfi öll afnumin. Milliandaflug
á einnig að gefa frjálst að lang
mestu leyti.
Bandaríkjamenn hafa gert
þetta, Bretar, Hollendingar og
Nýsjálendingar eru að gera þetta,
Þjóðveijar, Frakkar og efalaust
fleiri þjóðir eru að stíga sín fyrstu
skref. Reynslan er alls staðar hin
sama: umbrotatímabil, sem geng-
ur yfír á tiltölulega skömmum
tíma, en gæði þjónustunnar fyrir
neytandann stórbatnar og verð
lækkar. Að vísu þýðir þetta hert
eftirlit með flugrekstraraðilum og
auknar kröfur til þeirra.
Að þessu eigum við að stefna.
Þetta á að vera framtíðin. Flugfé-
lögin eiga að hafa frjálræði og
ábyrgð. Með þessu móti er rekstr-
Vantar
markvissa
flugmálastefnu
argrundvöllur þeirra og bezt
tryggður. Alvarlegasta vandamál
íslenzkra flugmála í dag er það,
hvað rekstrargrundvöllur þessara
fyrirtækja er ótraustur, nánast
allra.
Innanlandsflug: Rúm-
lega 300 þúsund
farþegar
Farþegar í innanlandsflugi hafa
verið um 315 þúsund síðustu ár.
Árleg aukning hefur verið 7 -
10%. Aukningin á fyrst og fremst
rætur í erlendum ferðamönnum.
Ástæða er til að ætla að þessi
vöxtur verð svipaður áfram.
Að Keflavíkurflugvelli sleppt-
um er mest farþegaumferð um
Reykjavíkurflugvöll, sem hefur
nálægt helming umferðar innan-
lands, þá kemur Akureyrarflug-
völlur, síðan Egilsstaðir,
Vestmannaeyjar, ísafjörður og
Húsavík. Samkvæmt framtíð-
arspá um þróun íslenzkra flug-
mála er reiknað með talsverðri
aukningu, en þróun flugumferðar
helzt í hendur við ástandið í efn-
hagsmálum okkar. Mjög náin
fylgni er milli þróunar vergra
þjóðartekna og farþegafjölda.
Flugvellir og f lugör-
yggismál
Flugvellir eru einn flöturinn á
hugtakinu flugöryggi. Ástand
flugvalla á íslandi, utan Keflavík-
urvallar, er hörmulegt. EN og ég
legg áherzlu á þetta EN nú í vor
var samþykkt flugmálaáætlun á
Alþingi, sem er bylting i íslenzk-
um flugmálum. Hún gerir ráð
fyrir - við skulum kalla það endur-
reisn íslenzkra flugmála úr
öskustónni. Nú eru framkvæmdir
í flugmálum kortlagðar tíu ár
fram í tímann og fjármagn mark-
að með lögum til framkvæmdanna
að stærstum hluta. Núverandi
samgönguráðherra, Matthías
Bjarnason, á lof og virðingu fyrir
forystu hans og framtak í þessu
máli.
Flugöryggistæki á jörðu niðri
eru í góðu horfi. Við erum sífellt
að bæta það sem fyrir var. I dag
höfum við net af radíóvitum, sem
eru tiltölulega frumstæðir í sam-
anburði við beztu tækni en hafa
þó dugað okkur. Við höfum ijöl-
stefnuvita á þremur stöðum, sem
koma að mjög góðu gagni. Við
höfum Lorans-C-kerfi, sem ný-
lega er búið að viðurkenna til
flugleiðsögu innanlands og þýir
nánast byltingu á því sviði. Við
höfum tengingu við tvær radar-
stöðvar Nato hér á landi, annars-
vegar í Keflavík og hinsvegar á
Homafirði. Tengingin við Homa-
fjörð er ekki komin í full not, en
hún þýðir mikið framfaraskref í
flugöryggi, hvað varðar flugum-
ferðarþjónustu.
Þetta er í stuttu máli það sem
við höfum. Við ráðgerðum hins-
vegar mikla sjálfvirkni í flugum-
ferðarþjónustu, á næstu 4 til 6
árum, sem verður greidd alger-
lega af erlendu fé, það er þeim
flugaðilum sem fara um okkar
flugumferðarsvæði. Ennfremur
tengingu við nýjar radarstöðvar
Nató hér á landi, tengingu við
radarstöð Nató í Færeyjum, vænt-
anlega á næsta ári. Við höfum
og vakandi áhuga á að tengjast
radarstöðvum Bandaríkjamanna á
Grænlandi.
í nýjum lögum um flugmálaá-
ætlun er síðan, sem fyrr segir,
gert ráð fyrir fjármögnun fram-
kvæmda í flugöryggismálum, sem
miða að því að mæta alþjóðlegum
kröfum á áætlunartímabilinu (250
m.kr. framkvæmdafé á ári miðað
við stöðu krónunnar í dag). Al-
þingi ræður síðan ferðinni, hvort
mörkuð stefna stenzt eða ekki.
Nokkur stór verkefni
Auk almennrar framkvæmdaá-
ætlunar blasa við þijú stór
verkefni: flugstöð í Reykjavík,
malbikun Reykjavíkurflugvallar
og bygging Egilsstaðaflugvallar.
Það var pólitísk ákvörðun að byija
á Egilsstaðaflugvelli (nú í sumar)
en hin tvö koma síðar.
Skipulag Reykjavíkurflugvallar
er frágengið sem og staðsetning
nýrrar flugstöðvar, þannig að nú
stendur ekki á öðru en fjár-
magni, sem kemur á næstu tíu
árum.
Þá starfar á vegum flugmála-
stjómar nefnd að athugun á fjórða
stóra verkefninu, varaflugvelli
fyrir millilandaflugið (3000 m.
braut með stæðum og öðru til-
heyrandi). Nefndin mun væntan-
lega skila af sér í haust. Sex
flugvallarstæði eru í athugun.
Þörfin fyrir slíkan varaflugvöll er
fyrir hendi. Tilurð hans yki á ör-
yggi í millilandaflugi og gæti
sparað flugfélögum mikla §ár-
muni.
Mögnleikarnir eru
miklir
Víða var við komið í viðtalinu
við flugmálastjóra og fátt eitt af
því rúmast innan ramma þröngs
blaðaviðtals. Hann sagði flug-
málastjóm í daglegum tengslum
við fjölmörg lönd. Stofnunin væri
í vissum skilningi utanríkisráðu-
neyti.
Mergurinn málsins væri sá að
efla tiltæka hvata íslenzks hugvits
og framtaks í flugmálum. Hugvi-
tið og framkvæmdaviljinn em til
staðar, sagði flugmálastjóri. Það
þarf að leysa þessar auðlindir úr
læðingi. Og starfsvettvangurinn,
heimurinn, er geysistór. Við flytj-
um ekki nema um 1,2% af flugfar-
þegum yfir N-Atlantshafið. Við
getum gert miklu meira víða um
heim. Eg hefi í þessu sambandi
áhuga á að stofnuð verði sérstökt
svið innan Háskólans fyrir flug.
Þá þarf ekki síður að styrkja,
efla og bæta flugkennsluna hér
heima, en aðstaða hennar er
hvergi nærri nógu góð, raunar
vantar mikið á það. Flugkennslan
er nánast eina námið í þessu landi
sem er ekki á vegum ríkisins.
Flugkennslu hér á landi er
ábótavant. Þar verður úr að bæta
sem allra fyrst. Hafa verður í
huga að nútímaflug er fyrst og
fremst nákvæmni og hátækni.
Menntun og þekking skiptir mestu
máli í þessari mikilvægu starfs-
grein - sem öðrum.
Auðvitað er engum sama hvar hann eyðir langþráðu sumarfríi
sínu. Það er öruggt að fríið verður eins og best verður á kosið
ef þú velur hina frábæru aðstöðu okkar á Alcudia ströndinni á
Mallorca. Ströndin er sú stærsta og besta á Mallorca, glæsileg
íbúðahótel, stórgóð aðstaða, þaulvanir fararstjórar og sérstakur
barnafararstjóri tryggja að öll fjölskyldan nýtur sumarleyfisins
eins og best verður á kosið.
Sökum mikillar eftirspurnar höfum við fjölgað ferðum tilMallorca
og eigum því laus sæti 13. júní, 20. júní og 6. júlí.
Aðrar ferðir eru nánast uppseldar.
Ef þér er ekki sama velur þú Alcudia með Polaris.
✓Av
FERÐASKRIFSTOFAN