Morgunblaðið - 03.06.1987, Blaðsíða 32

32 B
MORGUNBLAÐIÐ, MIÐVIKUDAGUR 3. JÚNÍ 1987
Morgunblaðið/Ólafur K. Magnússon
Þota afgerðinniBoeing-737ílitum Flugleiða. Á hátíðarfundistjórnar Flugleiða á Akureyriíkvöld verður tekin formlegákvörðun um endumýjun flugvéla, sem fljúga
á Evrópuleiðum félagsins. Hafaþotur af gerðinniBoeing 737-400 orðið fyrir valinu.
Flugleiðir kaupa
Boeing 737-400í Evrópuflugið
FORMLEG ákvörðun um endurnýjun flugvélakosts Flugleiða i
Evrópufluginu verður tekin á hátíðarfundi stjórnar félagsins, sem
haldinn verður á Akureyri í dag í tilefni stofnunar Flugfélags
Akureyrar fyrir 50 árum. Þar verður ákveðið að kaupa nýjar
bandarískar þotur af gerðinni Boeing 737-400. Valið hefur staðið
á milli hennar og evrópskrar þotu af gerðinni Airbus 320-200.
Það réði einkum úrslitum að Boeing-þoturnar voru fáanlegar að
minnsta kosti þremur árum fyrr, eða á árinu 1989.
Hin nýja þota Flugleiða er nýj-
asta afbrigðið af mest seldu þotu
Boeing-verksmiðjanna í dag.
Boeing 737-400 svipar mjög til
300-gerðarinnar, en er þó 10 fet-
um eða þremur metrum lengri.
Má segja að Boeing 737-300 hafi
verið lengd með því að setja tvö
fimm feta löng millistykki í
skrokkinn, eitt fyrir aftan væng
og annað fyrir framanhitt, og að
útkoman sé Boeing 737-400.
Miðað við að farþegaklefanum
sé skipt í tvö farrými tekur Bo-
eing 737-400 146 menn í sæti en
168 á óskiptu farrými, og er þá
miðað við þrengsta bil milli sæta.
Ætlunin er að sæti verði fyrir 158
farþega í Flugleiða-vélunum. Til
samanburðar tekur 300-gerðin
milli 110 og 149 farþega, og 200-
gerðin 115-130.
Flugleiðsögutæki og stjórntæki
þotunnar verða af nýjustu og full-
komnustu gerð, en á þessu sviði
hefur orðið bylting síðustu árin.
Tölvu- og rafeindatæknin er notuð
til hins ýtrasta til þess að minnka
vinnuálagið í stjómklefanum.
Ekki veitir af því aðeins tveir flug-
menn verða í stjómklefa Boeing
737-400. Þar verður ekki þörf
fyrir þriðja manninn, flugvélstjó-
rann, eins og í Boeing-727.
Boeing 737-400 mun geta flog-
ið full af farþegum í allt að 37
þúsund feta hæð, sömu hæð og
300-gerðin en 2.000 fetum hærra
en 200-gerðin. Vegna breytinga
á væng verður sömuleiðis hægt
að fljúga 400-gerðinni hægar í
aðflugi, og er hraðamunurinn
miðað við 200-gerðina nálega 10
hnútar, eða tæpir 20 km/klst. Að
dómi flugmanna er 737-400 mjög
meðfærileg og flugeiginleikar
hennar eru rómaðir.
Reiknað er með að fyrsta flug-
vélin af gerðinni Boeing 737-400
verði afhent bandaríska flugfélag-
inu Piedmont í september á næsta
ári og að hún hefji farþegaflug
skömmu seinna.
Venjulega er hægt að velja
mismunandi aflmikla hreyfla á
hveija flugvélagerð og mun flug-
drægni aflmestu þotunnar af
400-gerðinni verða 2.900 sjómíl-
ur.
Flugtaksvegalengd Boeing
737-400 er 2.000 metrar og er
þá miðað við flugtak við sjávar-
mál í logni og 29 stig hita.
Mótvindur og lægri lofthiti styttir
þessa vegalengd til muna og verð-
ur flugtaksbrunið því talsvert
styttra í Keflavík því þar er sjald-
an logn og enn síður 30 stiga hiti.
Sala á 737-þotunni var hæg
fyrstu árin en undanfarin ár hefur
engin Boeing-þota selzt jafn vel.
Samtals voru pantaðar 335 flug-
vélar hjá verksmiðjunum í fyrra,
þar af 204 Boeing 737-300/400
og 12 737-200. Um miðjan maí
sl. höfðu 1.818 Boeing 737-þotur
verið seldar frá því þessi flugvél-
artegund fór sitt fyrsa flug 9.
apríl 1967. Önnur Boeing-þota,
727-tegundin, er mest selda far-
þegaþota heims. Smíði hennar var
hætt 1984 og höfðu þá verið seld-
ar 1.831 flugvél. Vantar þvf lítið
á að 737-þotan slái það met og
verður þess skammt að bíða.
Segja má að Boeing 737-400
sé fjórða kynslóð sömu flugvélar-
innar. Ákvörðun um smíði Boeing
737 var tekin 19. febrúar 1965
og flaug 737-100 fyrsta sinni 9.
apríl 1967, eða fyrir 20 árum.
Flugvélin hefur frá upphafi verið
ætluð til notkunar á styttri flug-
leiðum. Hún hefur verið í stanz-
lausri þróun og tekið stakkaskipt-
um. Flugfélög hafa um sjö
afbrigði af 737-þotunni að velja
því framleidd eru þijú afbrigði af
737-200, tvö af 300-gerðinni, auk
400-gerðarinnar. Þá var ákveðið
um miéjan maí að bjóða upp á
737-500 til notkunar á lengri leið-
um. Þessi gerð er sömu stærðar
og 200-gerðin en með sömu
hreyfla og 737-300 og -400. Mið-
að við aflmestu hreyfla getur hún
flutt 108 farþega 2.950 sjómílna
vegalengd.
Boeing-737 var hönnuð út frá
727-tegundinni, vinsælustu flug-
vél Boeing-verksmiðjanna. Miðað
var við að hægt yrði að nota sem
bezt þá þekkingu og tækni, sem
brúkuð var við smíði 727-véIar-
innar. í seinni tíð hafa Boeing-
verksmiðjumar síðan tileinkað sér
ýmislegt úr smíði og þróun 757-
og 767-tegundanna við þróun
737-tegundarinnar, einkum við
smíði 300-tegundarinnar, og síðar
við smíði Boeing 737-400.
Áberandi munur er á útliti ein-
stakra Boeing 737-gerða. Til
dæmis breyttist útlit hreyflanna
mjög með 300-gerðinni. Sú flug-
vél er hönnuð og þróuð upp úr
200-gerðinni og mun búkur
þeirra, stél og vængir vera nær
80% eins, samkvæmt upplýsing-
um Boeing. Er 300-gerðin tæpum
þremur metrum lengri en 200-
gerðin og ber því fleiri farþega
og meiri vörur.
Reyndar má segja að Boeing-
737 hafi tekið stakkaskiptum með
300-gerðinni því hún var búin
nýrri kynslóð sparneytinna
hreyfla, sem franska mótorverk-
smiðjan SNECMA og General
Electric þróuðu og smíðuðu í sam-
einingu. Notar 300-gerðin um
20% minna eldsneyti á sætismflu
en 200-gerðin. Auk þess eru nýju
hreyflamir mun hljóðlátari og
verða íbúar í grennd flugvalla
fyrir mun minna ónæði en af eldri
gerðum 737.
-ágás.
FLUGFÉLAG AUSTURLANDS:
Starfsemin mikilvægt
öryggisatriði
fyrir fjórðunginn
Egfílsstöðum.
FLUGFELAG Austurlands á Eg-
ilsstöðum er ekki stórt í sniðum
en gegnir engu að síður mikil-
vægu hlutverki í öryggis- og
samgöngumálum Austfirðinga.
Fréttaritari Morgunblaðsins leit-
aði frétta hjá Rúnari Pálssyni,
stjórnarmanni í félaginu, um
stofnun þess og rekstur. Flugfé-
lag Austurlands er stofnað 24.
maí 1972 og er því 15 ára um
jþessar mundir. Tilgangurinn
með stofnun þess var að tryggja
öruggar og greiðar samgöngur
á Austurlandi og við Austfirði
sem fælust í leigu-, sjúkra- og
áætlunarflugi.
Einn helsti hvatamaður að stofn-
un þessa félags var Guðmundur
Sigurðsson, þáverandi héraðslæknir
á Egilsstöðum, en vegna starfa
sinna skildi hann manna best nauð-
syn þess að hafa flugvél staðsetta
á Egilsstöðum ef bráða sjúkdóma
eða slys bæri að höndum. Flugfélag
Austurlands hefur líka alla tíð lagt
mikla rækt við þennan þátt starf-
seminnar og hefur flugmann til
taks allan sólarhringinn og hefur
það oft skipt sköpum fyrir sjúklinga
hve fljótt hefur verið hægt að
bregðast við þegar mikið hefur ver-
ið \ húfi.
Á síðasta ári fór Flugfélag Aust-
urlands 150 sjúkraflug og er með
flestar flugstundir í sjúkraflugi hér
á landi. Sérstakur þáttur í starfsemi
félagsins hefur frá stofnun þess
verið svokallað læknaflug til Borg-
arfjarðar eystri. Þá er flogið með
lækni frá Heilsugæslustöðinni á
Egilsstöðum til Borgarfjarðar að
Vél Flugfélags Austurlands á Egilsstöðum.
Morgunblaðið/Bjöm Sveinsson
morgni og hann sóttur aftur síðdeg-
is eftir að hafa farið í sína vikulegu
sjúkravitjun á staðinn, en læknar
frá Egilsstöðum þjóna Borgfirðing-
um og hafa gert um allmörg ár.
Rúnar Pálsson segir að á ýmsu
hafi gengið í rekstri þessa félags í
gegnum árin og oft verið á brattann
að sækja, en ávallt fundist útgöngu-
leið og megi m.a. þakka það
hluthöfunum sem ávallt hafi staðið
vörð um hagsmuni þess. Stofnendur
félagsins fyrir 15 árum voru um
hundrað talsins, einstaklingar, fyr-
irtæki og sveitarfélög en eru nú um
170 og sýnir þetta best hvem hug
Austfirðingar bera til þessa félags
og hve brýnt þeir telja að starfsemi
þess nái að blómgast.
Afkoma félagsins og staða telst
nú viðunandi. Félagið rekur tvær
flugvélar 8 og 10 sæta af gerðunum
Piper Navajo og Piper Chieftain.
Fastir starfsmenn eru 4, flugvirki
og þrír flugmenn. Félagið heldur
uppi föstum áætlunum til 7 staða
á Áusturlandi auk Reykjavíkur, og
eru áætlanir þess stílaðar inn á
áætlanir Flugleiða og Flugfélags
Norðurlands. Á síðasta ári flutti
Flugfélag Austurlands 4.500 far-
þega, þar af 3.000 í áætlunarflugi,
og 130 tonn af vörum og pósti og
fjölgaði farþegum um 20% frá árinu
áður. Leiguflug er vaxandi þáttur
í starfsemi Flugfélags Austurlands,
bæði útsýnisflug með ferðamenn
inn yfir hálendið og leiguflug til
annarra landa eftir áríðandi vara-
hlutum og með farþega.
— Björn