Morgunblaðið - 05.07.1987, Blaðsíða 9
MORGUNBLAÐIÐ, SUNNUDAGUR 5. JÚLÍ 1987
9
HUGVEKJA
Verðmæti manns
eftir sr. JÓN RAGNARSSON
Hvers virði er maður, þegar
allt kemur til alls? Hver er þess
umkominn að meta gildi einstakl-
ingsins? Við hvað ætti svo sem
að miða í slíku mati?
Það vantar ekki að menn hafi
tekið sér vald til slíkra matsgerða
á öllum öldum — og gera það
enn. Hæfileikar og þjálfun okkar
eru metin til fjár og launum og
kjörum deilt með tilliti til fram-
boðs og eftirspurnar. Þarfir
þjóðfélagsins eru einn mæli-
kvarði, eða þá þarfir fyrirtækja
og annarra kaupenda vinnuafls.
Hagnýtt gildi okkar er kannski
mest áberandi í þeim Ijölbreyttu
matsgerðum, sem við verðum að
sæta í félagi mannanna.
En felst verðmæti manns í því
einu, sem hann hefur til að selja
samfélaginu og engu öðru?
Stundum virðist það vera eini
mælikvarðinn — og hefur verið
viðurkenndur af og til í ýmsum
löndum — það þekkist jafnvel
enn, að fólk sé nánast meðhöndlað
semm úr sér gengin tæki, þegar
starfsþrek bilar, eða það fer að
kosta samfélag sitt umtalsverða
fjármuni í „viðhalds“- og sjúkra-
kostnað. Hættir m.ö.o. að borga
sig.
Jafnvel þó maður sé ekki met-
inn til fjár, þá hættir mannleguu
félagi til að hækka gildi þeirra,
sem hafa eitthvað fram að færa.
Geta gefið af sjálfum sér og verið
á einhvern hátt veitandi í sam-
skiptum við annað fólk.
Manngjöld voru algeng í við-
skiptum fornaldarþjóðfélagsins.
Menn voru í misjöfnum metum
eftir stöðu sinni og afli ættarinn-
ar. Fijáls maður, þó lítilla manna
væri, var talsvert dýrari en mans-
fólk, sem þrátt fýrir allt var
vinnukraftur og efnahagsleg und-
irstaða hvers heimilis.
Menn gátu á þessum tíma fyrir-
gert þegnrétti sínum og unnið sér
til slíkrar óhelgi, að þá mátti ekki
bæta fé eða fyrirgreiðslu.
Mannlegt mat er háð stund og
stað. Dyntótt og brigðult, eins og
eðli okkar sjálfra.
Þess vegna dregur Kristur upp
mynd af manngildismati, semm
er sjálfu sér samkvæmt. Gildis-
mati Guðs.
Guð skapar manninn í sinni
mynd og ábyrgist hann í lífi og
dauða. Hann lítur ekki á fram-
leiðni einstaklingsins, eða aðra
hagræna þætti. Hann horfir ekki
I
Þess vegna hœttir hann öllu til aÖ einn
megi bjargast.
Lúk. 15:1.-10.
á framlag manns til samfélagsins
og uppbyggingar þess. Fyrir hon-
um er aðeins til maður. Oflekkað-
ur, samt einstakur í augum Guðs
og verðugur allrar ástar hans og
athygli.
Maðurinn getur sagt sig úr lög-
um við Guð. Ranglað út í auðnir
og vegleysur tilverunnar. Hafnað
fylgd Drottins og þess samfélags,
sem lýtur vilja hans og býr við
umhyggju hans.
Maðurinn getur látið sér á sama
standa um Guð. En það er ekki
gagnkvæmt.
Við eigum upphaf okkar í skap-
andi kærleika Guðs og hann hefur
ekki hafnað okkur. Hann er stöð-
ugt að leita okkur uppi í ógöngum
okkar og hann tekur mikla áhættu
í þeim efnum. Hann veit hvað
hann hefur í öllum trúuðum og
réttlátum mönnum og hann lætur
sér annt um hópinn sinn og sér
vel um hann. Samt er hann tilbú-
inn að skilja okkur öll eftir til að
leita uppi undanvillinga — Guð
getur ekki hugsað sér að nokkur
maður verði úti í lifinu.
Hvert og eitt erum við einstök
og ómetannleg í augum hans.
Óbætanleg.
Gengi: 3. júlí 1987: Kjarabréf 2,153 - Tekjubréf 1,168 - Markbréf 1,068 - Fjölþjóðabréf 1,030
Hjá Fjárfestingarfélaginu færðu þinn eigin
ráðgjafa til aðstoðar í fjármálum þínum
Heir, sem stofna fjármálareikning hjá Fjárfestingar-
félaginu, fá sinn einkaráðgjafa sér til aðstoðar í fjármál-
um, auk þess sem þeir fá fullan aðgang að allri þjónustu
verðbréfamarkaðs Fjárfestingarfélagsins.
Fjármálareikningurinn hentar sérstaklega vel fyrir
þá, sem vilja fjárfesta í hlutabréfum og verðbréfum, svo
og þeim sem eru að minnka við sig húsnæði og vilja fjár-
festa mismuninn í verðbréfum.
Peir sem stofna fjármálareikning hjá okkur njóta
þjónustu varðandi kaup, sölu og umsýslu hvers konar
verðbréfa, umsjón með innheimtu og greiðslum,
t.d. af skuldabréfum og kaupsamningum,
tekjur af verðbréfaeign sinni, - og síðast en ekki síst
aðstoð við reglulegan sparnað.
Njóttu ráðlegginga ráðgjafa Fjárfestingarfélagsins,
hafðu samband við skrifstofu okkar og fáðu upplýsingar
um nýja fjármálareikninginn.
FJÁRFESTINGARFÉIAGIÐ
Hafnarstræti 7 101 Revkiavík ö (91) 28566