Morgunblaðið - 22.08.1987, Síða 14

14
MORGUNBLAÐIÐ, LAUGARDAGUR 22. ÁGÚST 1987
Hafa gæðamálin
gleymst hjá Neyt-
endasamtökunum?
eftirReyni
Kristinsson
Neytendasamtökin hafa haldið
uppi harðri atlögu að verðlagsmál-
um ýmissa landbúnaðarafurða, nú
síðast grænmetis, en áður meðai
annars gegn eggjaframleiðendum.
Lofsvert er að einhveijir reyni að
halda útgjöldum vegna matvæla-
kaupa í skefjum til að vega upp
stefnu núverandi ríkisstjórnar í
þeim efnum. Einn hlutur virðist
þó alveg hafa gleymst í þessari
umræðu en það eru gæðamál þess-
arar framleiðslu. Einn mikilvæg-
asti þátturinn fyrir neytendur eru
gæði keyptra vara, það er að ekki
þurfi að henda 10-20% af vörunni
vegna lélegra gæða. Ef hægt á
að vera að halda uppi stöðugum
gæðakröfum og lágu verði verða
framleiðendur að standa saman
um þróun framleiðslunnar og leita
leiða til að bæta framleiðsluna og
gera hana hagkvæmari.
Einnig er eðlilegast að framleið-
endur standi saman að dreifingu
Reynir Kristinsson
„Menn verða að gera
sér ljóst að samstarf
framleiðenda í land-
búnaði er nauðsynlegt
og andstætt hagsmun-
um neytenda að koma
í veg fyrir slíkt.“
framleiðslu sinnar og láti fagfólki
eftir að annast hana. Framleiðend-
ur eiga hinsvegar að veija tíma
sínum til að sinna framleiðslunni
og leita leiða til að bæta hana og
gera arðsamari þannig að þeir
þoli lægra verð en áður, með því
eykst neyslan og framleiðendur
og nejrtendur hagnast.
Menn verða að gera sér ljóst
að samstarf framleiðenda í land-
búnaði er nauðsynlegt og andstætt
hagsmunum neytenda að koma í
veg fyrir slíkt.
Þær athuganir sem gerðar hafa
verið á viðhorfum almennings til
íslenskrar framleiðslu sýna að
íslensk framleiðsla er mun eftir-
sóttari en erlenda framleiðslan og
nú á tímum mengunarhættu má
reikna með að íslenska framleiðsl-
an verði enn eftirsóttari. Ef
Neytendasamtökin ætla að gæta
hagsmuna neytenda verða þau að
breyta baráttuaðferðum sínum og
ganga í lið með íslenskum fram-
leiðendum í því að leita leiða til
að gera framleiðsluna hagkvæm-
ari í stað þess að vera með sífelldar
árásir í fjölmiðlum og byggja á
þann hátt upp efasemdir í garð
íslenskrar framleiðslu. Þetta er
ekki réttlætanlegt gagnvart þeim
aðilum sem barist hafa fyrir notk-
un íslenskrar framleiðslu m.a.
undir kjörorðinu veljum íslenskt.
Höfundur er rekstrarráðgjafi.
■- ' m -„x — lv aa ía -ýsk m. asasa esœm tsspst m ea m
UPPTILAGNA
Það má með sanni segja að
Tomma Tíðindi hafi hitt beint
í mark. Þau eru gjörsamlega
ófáanleg hjá útgefanda þótt
þau hefðu komið út í meira en
50 þúsundum eintaka. „Þau
hafa bókstaflega verið étin
upp til agna,“ sagði fram-
kvæmdastjóri blaðsins á
blaðamannafundi í gær. Það
uppátæki að hafa Moggann
utan um Tomma tiðindi hefur
vakið mikla athygli og heyrst
hefur að nokkur dagblaðanna
séu að íhuga að fara eins að.
TVEIR
SÓTTU
Nýlega var auglýst ritstjóra-
staða hjá Tomma tíðindum.
Tveir hafa þegar sótt um stöð-
una og óska báðir nafnleynd-
ar. Rannsóknarblaðamaður
TT hefur hins vegar komist að
því að þeir séu báðir starfandi
ritstjórar á sama blaðinu. Um-
sóknarfrestur hefur verið
framlengdur um óákveðinn
tíma.
RISAGLASIÐ ALVEG
SVAKALEGA STÓRT!
GETRAUNIN ER
EKKERT MÁL...
Þetta sagði lítil hnáta sem var
að borða hamborgara með
mömmu sinni á cinum Tomma
staðanna þegar blm. TT bar
að garði. Þær mæðgur höfðu
að sjálfsögðu fengið sér risa-
glas af Pepsí með. Sú litla
sagði að getraunin væri ekkert
erfið: „Ég vissi alveg að Jón
Baldvin er sterkasti maður
allra tíma. Ég vinn sko örugg-
lega Sólarlandaferð og ég ætla
að bjóða mömmu og pabba
með og kannski Palla bróður
ef hann hættir að stríða mér.“
m BS
dt

ms a
ambor
Nærri 40 þúsund manns hafa heimsótt Tomma staði
síðan 8. ágúst.
Enn hægt aö fá Tomma borgara á 87 krónur.
Salan á Tomma hamborgur-
um hefur þre- eða fjórfaldast Hólmaseli 4, Laugavegi 26,
síðan verðið var lækkað niður Lækjartorgi og Reykjavíkur-
í 87 krónur 8. ágúst sl. eftir því vegi 68 í Hafnarfirði. Ef öllum
sem Gissur í Tomma ham- þeim Tomma hamborgurum
borgurum segir. Á þessum sem seldir hafa verið á þessu
tíma munu nærri 40 þúsund tímabili yrði raðað í einfalda
manns hafa komið á Tomma röð yrði röðin u.þ.b. 8 kíló-
staðina á Grensásvegi 7, metra löng eða sem svarar
vegalengdinni milli Reykjavík-
ur og Hafnarfjarðar! Spurn-
ingin er bara: Verður ham-
borgarakeðjan komin alla leið
til Keflavíkur 5. september
þegar hætt verður að selja
Tomma hamborgara á 87
krónur? Það yrði algert met!
Blómkálstíð
Heimilishorn
Bergljót Ingólfsdóttir
Þá er komið að árlegum veislu-
höldum neytenda, grænmetisunn-
enda, garðyrkjubændur hafa rétt
í þessu auglýst blómkál á lækkuðu
verði. Það er því um að gera að
rjúka upp til handa og fóta og
ná sér í birgðir af blómkáli, þ.e.
þeir sem sjóða niður, búa til pik-
les eða frysta til síðari nota.
En blómkál er svo ljúffengt
grænmeti að sjálfsagt er að nota
tækifærið og hafa það í salöt,
með mat eða í sjálfstæða rétti,
meðan það er á hagstæðara verði.
Blómkál inniheldur C-vítamín,
meira en fæst úr nýjum kartöfl-
um, í 100 g eru aðeins 25 hitaein-
ingar. Það þolir nokkurra daga
geymslu í plasti í kæliskáp.
Það er gott að láta blómkál
liggja í saltvatni um stund, fyrir
suðu, og umfram allt að sjóða það
ekki of mikið. Ef blómkálið er
sett í kalt vatn í potti er best að
taka það af um leið og suðan
kemur upp og láta það síðan
standa í ca. 5—10 mínútur eða
þar til það er hæfilega hart undir
tönn. Ef sett er mjólkurlögg (1
dl mjólk í 1 1 vatns) heldur kálið
sínum hvíta lit.
Með fylgja svo nokkrar upp-
skriftir með blómkál í aðalhlut-
verki.
Blómkálssalat
1 blómkálshöfuð,
blaðsalat,
dálítið kínakál,
V2 agúrka,
4 tómatar.
Stilkurinn er fjarlægður og
kálið tekið í sundur í greinar.
Salatblöðin skorin í strimla, ag-
úrkan í sneiðar og tómatarnir í
báta. Allt sett í skál.
Salatsósa
3 matsk. olía,
1 matsk. edik,
V2 tsk. salt,
örlítill pipar,
2 tsk. esdragon.
Allt hrist eða hrært saman og
hellt yfir salatið.
Blómkálssúpa.
Blómkálsbuff
1 stórt eða tvö lítil blómkálshöfuð,
1 stór laukur,
1 egg og 1 eggjarauða,
2 matsk. hveiti,
salt.
Blómkálið soðið í léttsöltu vatni
og kælt að suðu lokinni. Kálið
tekið sundur í greinar og laukur-
inn skorinn í litla bita, en síðan
er þetta sett í gegnum hakkavél
eða í blandara, eggjarauðum,
hveiti og kryddi hrært saman við
eftir smekk. Úr farsinu eru gerðar
kökur (eins og buffstykki) sem
síðan er velt upp úr eggjahvítunni
og 2 matsk. hveiti. Brúnað á
pönnu við meðalhita og borið fram
með soðnum kartöflum.
Blómkálssúpa
1 meðalstórt blómkálshöfuð,
3 matsk. smjör,
2 laukar í sneiðum,
1 tsk. grænmetiskraftur,
2'/2 dl heit mjólk,
1 dl heitt vatn,
1 tsk. salt,
1 eggjarauða,
2 matsk. rifinn ostur.
Blómkálshöfuðið tekið sundur
í greinar og helst gufusoðið, síðan
pressað í gegnum sigti eða sett í
blandara. Smjörið sett í pott, lauk-
sneiðarnar settar út í og látið
krauma um stund en grænmetis-
duftinu svo stráð yfir. Mjólk og
vatn hrært saman við blómkáls-
þykknið, salti stráð yfir og síðan
hellt yfir laukinn í pottinum. Lát-
ið sjóða u.þ.b. 5 mínútur og síðan
hellt í gegnum sigti. Eggjarauðan
þeytt, dálítið af súpunni hrært
saman við en þvi svo hellt út í
súpuna, ostinum bætt í og súpan
er tilbúin.
Blómkálsbuff.