Morgunblaðið - 14.02.1988, Blaðsíða 25
MORGUNBLAÐIÐ, SUNNUDAGUR 14. FEBRÚAR 1988
25
Ljósi varpað á höfundar-
rétt myndlistarmanna
Myndlistarþingi 1988 lauk á
föstudaginn . Þingið bar að þessu
sinni yfirskriftina „Höfundar-
réttur í myndlist." Að sögn
Guðnýjar Magnúsdóttur, form-
anns Sambands íslenskra mynd-
listarmanna, hefur það oft vafist
fyrir myndlistarmönnum hver sé
réttur þeirra og er þvi þing sem
þetta mjög nauðsynlegt til að
varpa þar skýrara Ijósi á.
„A þinginu var flallað um ýmis
mál, en þar bar hæst umræður um
starfslaunasjóð, listskreytingasjóð
og leigugjöld fyrir sýningu mynd-
listarverka," sagði Guðný. „Starfs-
launasjóðurinn, sem sett vortHög
um síðastliðið vor, var skref í rétta
átt, en myndlistarmenn telja að
framlag til sjóðsins sé heldur rýrt
og þurfi að fá fé annars staðar frá
en með gjaldi, sem tekið er við
endursölu verka. Þingið lagði fram
nokkrar tillögur um eflingu sjóðs-
ins, til dæmis að hugsanlegir tekju-
stofnar gætu verið greiðslur vegna
þóknunar til SÍM sem yrðu af þátt-
töku í Fjölís og þóknun af inn-
heimtu á greiðslum vegna mynd-
birtinga listaverka."
Guðný sagði að það væri brýnt
að fá leigugjald fyrir sýnd myndlist-
arverk, í eigu myndlistarmanna eða
höfundarrétthafa. „Slíkt fyrirkomu-
lag er á öðrum Norðurlöndum og
má líkja þessu við STEF. Við mun-
um beita okkur fyrir að svo verði
hér og þá mun SÍM taka við þessum
greiðslum og sjá um að koma þeim
til listamannanna eða höfundarrétt-
hafanna," sagði Guðný. „Þá álykt-
aði þingið að stefna bæri að því að
SÍM komi sér upp gjaldskrá vegna
myndskreytinga í bækur, tímarit
og til annarrar fjölföldunar. Við
álítum réttlætismál að greitt verði
Atviraiuleysi
með minnsta
móti í janúar
Atvinnuleysisdagar í janúar-
mánuði voru skráðir 24.000.
Þetta jafngildir þvi að rösklega
eitt þúsund manns haf i að meðal-
tali verið á atvinnuleysisskrá í
mánuðinum, en það svarar til
0,9% af áætluðum mannafla sam-
kvæmt spá Þjóðhagsstofnunar.
Samkvæmt þessu hefur skráðum
atvinnuleysisdögum fjölgað um
rösklega átta þúsund frá því í des-
ember 1987 eða um 60%, en þá er
þess að gæta að atvinnuleysisdagar
voru óvenjufáir í desember og hafa
ekki skráðst færri í þeim mánuði á
jrfirstandandi áratug. Miðað við jan-
úarmánuð í fyrra er hins vegar um
meira en helmings fækkun að ræða,
en þá skráðust 51 þúsund atvinnu-
leysisdagar. Hafa ber í huga að
fyrri hluta janúarmánaðar 1987
stóð yfir verkfall fiskimanna, sem
að sjálfsögðu olli vinnslustöðvun hjá
fiskvinnslunni.
AS-TENGI
Allar gerðir.
Tengið aldrei stál í stál.
Slteartffiiuigwr .Jl&iniæfflsxn) &
VESTURGÖTU 16 - SIMAR 14680 - 21480.
Morgunblaðið/Júlíus
Forsvarsmenn Myndlistarþings 1988. Sitjandi eru þau Guðrún Gunnarsdóttir, blaðafulltrúi, Guðný Magn-
úsdóttir, formaður SÍM, og Knútur Bruun, ráðgefandi lögfræðingur SÍM. Standandi frá vinstri eru
umræðustjórarnir Edda Óskarsdóttir, Jónína Guðnadóttir, Rúri, Þorgeir Ólafsson, blaðafulltrúi og
Valgerður Bergsdóttir.
fyrir hvers konar fjölföldun mynd-
listarverka, svo sem gerð skyggna,
videomynda og korta og að greiðsl-
ur komi til myndlistarmanna fyrir
birtingu listaverka í fjölmiðlum."
Þingið samdi sérstaka ályktun
um Listskréytingasjóð ríkisins.
Sjóði þessum var komið á fót árið
1982 og þá ákveðið að 1% af bygg-
ingarkostnaði bygginga á vegum
ríkisins rynni til sjóðsins. „Þessi
sjóður hefur verið mikil lyftistöng
fyrir myndlistarmenn," sagði
Guðný. „Sjóðurinn hefur án efa
blásið lífí í menningarlíf okkar og
ég get nefnt sem dæmi að efnt
hefur verið til samkeppna gegnum
sjóðinn um skreytingar á opinberum
stöðum, en slíkt þekktist vart áður.
Lögbundið framlag til sjóðsins hef-
ur ævinlega verið skert, en aldrei
sem nú, því fjárveitingarvaldið
leggur aðeins til 5 milljónir á þessu
ári, en í raun hefði sjóðurinn átt
að fá 19 milljónir. Þetta er hneisa
og við höfum mótmælt þessu harð-
lega. Eftir því sem fjármálaráð-
herra segir okkur getum við ekki
átt von á leiðréttingu á þessu ári,
en við munum beita okkur fyrir því
að slíkur niðurskurður verði ekki
endurtekinn. Nú er unnið að endur-
skoðun laganna um sjóðinn og við
viljum gjarnan að sama gildi um
sveitarfélög og ríki, það er að þau
leggi fram 1% af kostnaði við bygg-
ingar á þeirra vegurn," sagði Guðný
Magnúsdóttir, formaður Sambands
íslenskra myndlistarmanna.
DAIHATSU CHARADE
VERÐ FRÁ
SCR> 396.900.-
FLESTAR GERÐIRTIL AFGREIÐSLU STRAX
—
. '■ .■'■■■"' ■ ;
DAIHA TSUUMBOÐIÐ,
Ármúla 23, simar 685870 - 681733.