Morgunblaðið - 30.03.1988, Blaðsíða 49

MORGUNBLAÐIÐ, MIÐVIKUDAGUR 30. MARZ 1988
49
Ásgeir Ó. Matthías-
son - Kveðjuorð
Fæddur 9. febrúar 1904
Dáinn 17. mars 1988
Mánudaginn 28. mars fór fram
útför Asgeirs Oskars Matthíassonar
frá Dómkirkjunni í Reykjavík.
Ekki skal hér rakinn æviferill
Ásgeirs heldur skrifuð örfá þakk-
lætisorð til látins vinar.
Sem ungur maður var ég svo
lánsamur að kynnast Ásgeir en það
var þegar ég hóf nám í Nýju blikk-
smiðjunni. Þar starfaði Ásgeir og
seinna sem verkstjóri hjá því fyrir-
tæki.
Það var eitthvað í fari þessa ró-
lynda og hógværa manns, sem heill-
aði mig strax við fyrstu kynni og
varð okkur fljótt vel til vina.
Hann var lítið gefinn fyrir mas
og því síður þras og ekki var hann
allra eins og stundum er sagt, en
næðu menn einu sinni vinskap hans
var hann svo sannarlega vinur vina
sinna.
Á þessum árum fór lítið fyrir
verklegri kennslu í fyrirtækjum fyr-
ir nemendur og var það oft komið
undir velvild sveina, hvort eitthvað
lærðist eða ekki. Það var því ekki
amalegt að eiga slíkan að sem Ás-
geir, en hann var sérlega hagur og
mikill völundarsmiður og var oft
hrein unun að sjá hann vinna, allt
virtist svo auðvelt í höndum hans.
Það er óhætt að segja, að Ásgeir
hafi verið minn lærifaðir á þessum
árum svo og síðar.
Um tíma skildust leiðir okkar,
þegar ég fór til náms erlendis.
Skömmu eftir heimkomu mína, var
Blikksmiðjan Glófaxi stofnsett. Ég
gleymi seint þeim degi, er Ásgeir
birtist í dyrum fyrirtækis okkar og
spurði hvort við hefðum nokkur not
fyrir starfskrafta sína, sem væru
nú skertir um tíma vegna van-
heilsu. En hann hafði hætt fyrra
starfi vegna þessa. Það var mikið
lán fyrir fyrirtæki okkar að fá slíkan
sem Ásgeir til starfa. Ekki leið lang-
ur tími uns hann náði fullri starfs-
orku á ný.
Fyrir örfáum árum hætti Ásgeir
störfuni hjá Glófaxa og var mikil
eftirsjá að honum. Hann kom þó
oft í heimsókn og var þá stundum
að lagfæra eitthvað fyrir fjölskyldu
sína og vini.
Ásgeir var kvæntur Þorgerði
Magnúsdóttur, góðri konu og mik-
illi húsmóður og eignuðust þau fjór-
ar dætur. Þorgerður lést fyrir þrem-
ur arum.
Við hjónin vottum dætrum hans
og fjölskyldum þeirra okkar innileg-
ustu samúð og megi minning um
góðan mann lifa.
Benedikt Olafsson

DRI KKIST KAI.'I
ÚÍÖHÓLINNfHALO 22b' Rli'M"!
í dag miðvikudag
verða verslanir
HAGKAUPS
í Kringlunni, Skeifunni,
á AkureyTÍ og í Njarðvík
opnar
til kl. 22.
Á Skírdag og
Föstudaginn langa
verða allar verslanir
HAGKAUPS
lokaðar
Á laugardaginn
verða allar verslanir
opnar frá
kl. 10 —16.
9-Cittumst
í fiátíðarskapi í
HAGKAUP
RITVÉLAR
REIKNIVÉLAR
PRENTARAR
TÖLVUHÚSGÖGN