Morgunblaðið - 13.07.1988, Side 21

MÖRGUNBLAÐIÐ, MlÐVÍÍfUDÁGÚR' ’l3. 'ÚSÍÍ''l988
0!
21
Um einkenni-
legar tilviljanir
eftir Þorgeir
Þorgeirsson
Laugardaginn 9. júlí birtir
Morgunblaðið grein eftir Jón Pét-
ursson formann Lögreglufélags
Reykjavíkur undir fyrirsögninni
Ekkert bendir til óeðlilegs
harðræðis. Ekki vil ég blanda
mér í það hvað Jóni eða öðrum
þykir eðlilegt í harðræðismálum.
Og vel kann það að geta nú orðið
frjórra viðfangsefni að lúskra á
blaðamönnunum skriflega en það
varð fyrir hálfum áratug að gera
það með handafli beint. Þó heyr-
ist mér fólk vera farið að kalla
þessi skrif lögreglumanna um eig-
ið ágæti nafni sem bendir til hins
gagnstæða. Þau eru semsé kölluð
axarskaftamálið og veldur þar
mestu að sumum þykir erfitt að
trúa því fyrirvaralaust að nærvera
lögreglunnar sé eintóm tilviljun
hvenær sem einhver meiðist.
Þannig fór mér lika.
En tilviljanir eru furðanlegar
því fyrnefndan laugardag fann ég
í dóti hjá mér gamla ljóðaþýðingu:
Miroslav Holub:
Þankabrot um bresti
Stöðugt er eitthvað að bresta því
alt brestur að lokum, eggið
brynjan, bókarkjölurinn.
Hryggsúla mannsins kynni að vera
undantekning frá þessu, samt
hafa álag, staður og stund sitt að segja.
Einsdæmin líka sjaldgæf.
Nánast útilokuð. Fyrst
álag, staður og stund eru hvarvetna
fyrir hendi.
Margt er líka borið í brestina. Enda varla til þess vitað
að nokkur vilji ganga brestóttur um,
jafnvel ekki umbrotamenn.
í bresti má klastra með lakki,
lóðbolta, sárabindi. Eins má tala þá í hel. Sem kunnugt er.
En lakkspengt egg er varla lengur neitt egg,
lóðuð brynja varla lengur nein brynja,
og hæll með sárabindi er Akkilesarhæll og
maður sem talaður er i hel verður ekki samur,
heldur Akkilesarhæll á öðrum.
Verst þó að hundruð lakkspengdra eggja
skuli í rauninni telja sig egg og hundruð
lóðaðra brynja í rauninni brynjur,
þúsundir brostinna manna telja sig eðalsteina.
Þá verður alt að einum samfeldum bresti.
Ekkert að gera í þvílíkum brestanna heimi
nema við hóum í lögreglustjórann: farið nú gætilega
niður þennan stiga,
þér eruð brestóttur, leyfi ég mér að segja.
Fjölyrðum ekki um það. Framhaldið brak og brestir.
Þetta ljóð tékkneska skáldsins
Miroslavs Holubs er ort fyrir ára-
tug og þýtt löngu áðuren Skafta-
mál voru á döfinni — svo ekki sé
nú talað um síðari tímabil. Það
er fjarskalega undarleg tilviljun
að viðfangsefni þess skuli einmitt
vera axarskaftamál.
Ef tilviljanir eru þá til?
Þessvegna langar mig að biðja
nú Morgunblaðið að birta ljóðið
svo allir geti séð hversu alveg
hreint gjörsamlega ótrúlegar til-
viljanimar geta verið.
í þeirri von að málstaður lög-
reglunnar verði mönnum því skilj-
anlegri sem trú þeirra á ótrúlegar
og furðanlegar tilviljanir vex.
Höfundur er rithöfundur og vill
láta þessgetið, að hann hefur
verið dæmdur fyrir meint skrif
um lögregluna héríReykjavík.
Morgunblaðið/Ólafur Bemódusson
Hluti hópsins sem tók þátt í hreinsunarherferð ungmennaféiagsins Fram upp við skíðaskála.
Tmdu ruslmilli Blönduóss og Skagastrandar
Skagaströnd
FORSETI íslands er væntanlegur
í heimsókn í Húnavatnssýslu í
sumar. Þá munu væntanlega allir
reyna að skarta sínu fegursta og
hafa allt hreint og fágað í kring-
um sig. Þess vegna meðal annars
stóð ungmennafélagið Fram á
Skagaströnd fyrir ruslatínslu
hinn 6. júlí síðastliðinn.
Sjálfboðaliðar úr Fram tíndu rusl
meðfram þjóðveginum milli Skaga-
strandar og Blönduóss. Milli 80 og
90 manns mætti í tínsluna, mest
böm og unglingar, en töluvert
mætti af fullorðnu fólki líka. Að
lokinni ruslatínslunni var slegið upp
grillveislu við Skíðaskálann þar sem
snæddar voru grillaðar pylsur og
Blanda drukkin með.
Voru þátttakendur í ruslatínsl-
unni hinir ánægðustu að verkalok-
um með vel heppnaða hreinsunar-
herferð og skemmtilega grillveislu.
- Ó.B.
Við kunnum fótum þínum forráð
- eða þannig ■ Allavega gerum við ráð fyrir að þú hafir
þá með, og höfum sæfabilið í samræmi við það.