Morgunblaðið - 13.07.1988, Page 23

MORGUNBLAÐIÐ, MIÐVIKUDAGUR 13. JULI 1988
23
KASK flytur út heilan humar í neyt-
endapakkningum:
Höfum fengið ágæt-
is einkunn fyrir
humarinn okkar
- segir Ari Þorsteinsson, verkefnisstjóri
FRYSTIHÚS KASK á Höfn í
Hornafirði hefur nú tekið á móti
um 25 tonnum af heilum humri
til vinnslu og er megnið af því
farið utan. 10 tonn hafa farið til
Danmerkur og segir Ari Þor-
steinsson, verkefnisstjóri hjá
KASK, að Danir hafi gefið humr-
inum frá þeim ágætiseinkunn.
Frá Danmörku fer humarinn til
neytenda á Italíu, en að sögn
Ara, er okkur ekki leyfilegt að
flylja humarinn beint þangað.
Auk þessa selur KASK humarinn
beint til Frakklands og Sviss.
Afar slök vertíð virðist ætla að
koma í veg fyrir að náist að fram-
leiða heilan humar upp í gerða
samninga. Til þessa er aflinn
aðeins 40% af því, sem hann var
á sama tíma í fyrra.
„Við erum búnir að senda 10
tonn á Danmörku, 4 á Sviss og 5
tonn á Frakkland," sagði Ari Þor-
steinsson í samtali við Morgun-
blaðið. „Svar hefur borizt frá Dan-
mörku og humarinn líkar mjög vel
þar, fær hæstu einkunn, en við er-
um að framleiða í endanlegar neyt-
endapakkningar, eins kílóa öskjur.
Þegar verið er að vinna þetta fyrir
endanlegan neytenda, felst nokkur
listsköpun í vinnunni, því auk þess,
sem gæði verða að vera fullkomin,
er verið að egna fyrir augað. Við-
brögð frá öðrum löndum eru ekki
komin.
Frá Danmörku er humarinn
sendur áfram til Ítalíu, en við ís-
lendingar höfum ekki innflutnings-
leyfi þangað, þar sem þeir hafa
ekki viðurkennt frystihúsin okkar.
Einnig er spurning um einhver höft
af hálfu EB. Tilraunir til að fá þá
til að viðurkenna húsin hafa ekki
tekizt. Ekki alveg ljóst hvernig á
þessu stendur. Fyrir Frakkland og
Sviss erum við með okkar eigin
öskjur, en fyrir Danmörku framleið-
um við undir dönsku vörumerki
vegna áframhaldandi innflutnings
á Italíu.
í ríkissjónvarpinu fyrir nokkrum
vikum fengum við þær upplýsingar
frá Bretlandi, keppinautum okkar
um þennan markað, að ekkert þýddi
fyrir okkur að vera að baksa við
framleiðslu á heilum humri á sama
markað og þeir. Annað hefur kom-
ið í ljós, við höfum þegar sent inn
á þennan markað og fengið góðar
viðtökur. Mér fínnst þetta einkenni-
leg aðferð hjá íslenzka sjónvarpinu
við upplýsingaöflun. Það hefði mátt
tala við okkur líka, en svo var ekki
gert. Við vorum einfaldlega afskrif-
aðir af hálfu sjónvarpsins vegna
viðtals við keppinautana.
Nú erum við búnir að fá um 24
tonn af heilum humri af bátunum
og höfum verið að borga um 25 til
30% meira en halaverðið er hér á
Höfn, en það er nokkru hærra en
til dæmis í Vestmannaeyjum. Ver-
tíðin hefur verið með eindæmum
dræm. Aflinn nú er aðeins um 40%
af því sem kom á land á sama tíma
í fyrra. Mið okkar Hornfirðinga
hafa alveg brugizt svo sem Breiða-
merkurdýpið. Ur Hornaijarðardýpi
hefur ekki verið hægt að veiða í
þrjú ár. Engar eðlilegar skýringar
á þessu hafa fengizt, en þær vildum
við gjaman fá. Erum við búnir að
offveiða humarinn á þessum mið-
um, og ef svo er þurfum við að
skipuleggja framhaldið í samræmi
við það. Úppistaða aflans nú er úr
Meðallandsbugtinni. I þessum afla-
bresti er til nokkurra sárabóta verð-
mætaaukningin við þennan útflutn-
ing, þó hún bæti ekki allt. Stærsta
vandamálið er að afla hráefnisins,
fáum við nóg af humri gengur
dæmið upp. Við höfum náð full-
komnum tökum á vinnslunni og
erum í raun búnir að selja meira
en við getum skilað vegna þess að
Til þessa hefur aðeins hluti humarsins verið nýttur, það er að segja
halinn, en nú fer hann allur utan og eykur þar með afraksturinn
og bætir afkomu þeirra, sem veiðar og vinnslu stunda.
Ari Þorsteinsson, verkefnisstjóri hjá KASK, hampar nýju humarpakkningunni.
ekki var reiknað með jafnslakri
vertíð og raunin er. Það er því ekki
að kenna vandkvæðum við vinnslu,
getum við ekki staðið við umsamið
magn, heldur aflabresti. Við von-
umst eftir því að vertíðin verði
framlengd til að hægt verði að ná
sem mestum afla og minnka þung-
ann af áfallinu.
Við höfum verið að þreifa fyrir
okkur í þessu úndan farin tvö ár
og hefur markaðsstarfsemin að
hluta til verið unnin héðan frá Höfn.
Við fylgjum humrinum alveg eftir,
förum með honum út til að sann-
reyna viðtökur og hvort allt er ekki
í lagi. Við höfum sem sagt komizt
yfir alla þá örðugleika, sem voru
að hrella okkur í upphafí. Sérhæfð
tæki til framleiðslunnar hafa verið
keypt, en þau tryggja að við séum
með rétt hlutfall efnaupplausna við
vinnsluna. Við hana hafa starfað
12 til 15 manns og hún skiptir
umtalsverðu máli fyrir fyrirtækið,
en framleiðslunni stýrir Arni Sche-
ving,“ sagði Ari Þorsteinsson.
á úrvals myndbandaleigum
VIDEO