Morgunblaðið - 20.07.1988, Blaðsíða 19

MORGUNBLAÐIÐ, MIÐVIKUDAGUR 20. JÚLÍ 1988
19

Það er því ljóst að þau margvís-
legu og oft á tíðum háþróuðu tæki
sem nú þegar eru í notkun í íslensk-
um smiðjum, hafa m.a. orðið til
þess að víðtækt endurmenntunar-
starf er að hefjast í greininni.
Útflutningur og
samkeppnisstaða
Eins og áður er getið hefur orðið
mikil aukning á útflutningi tækja
og búnaðar fyrir sjávarútveg og
fiskvinnslu síðustu ár. Stór hluti
þessarar framleiðslu kemur frá
málmiðnaðarfyrirtækjum og stefnir
í hundruð milljóna króna útflutning
frá þeim á þessu ári.
Hér er um að ræða margvíslega
framleiðslu, sem á það þó sameigin-
legt að mæta miklum kröfum um
gæði og endingu. Sé það ekki gert
eru viðskiptavinimir fljótir að leita
á önnur mið og eftir sitja fram-
leiðslufyrirtækin með sárt ennið.
Það er til marks um að íslenskar
smiðjur hafa staðist miklar kröfur
að þessi útflutningur eykst jafnt
og þétt og horfa margir vonaraug-
um á þá möguleika, sem þama em
að skapast.
Síbyljan um að málmiðnaðurinn
fylgi ekki hinni almennu tækniþró-
un kemur illa saman við þessar
staðreyndir. Það ætti öllum að vera
ljóst að grein sem eykur útflutning
sinn stórkostlega með ári hverju
og treystir hlutdeild framleiðslu
sinnar hvað varðar verð og gæði á
innanlandsmarkaðnum hlýtur
a.m.k. að því leyti að fylgjast vel
með tækniþróuninni og vera sam-
keppnisfær. Allt tal um fallandi
starfsgrein er því eins og hver önn-
ur öfugmæli, sem ekki fá staðist.
Unga fólkið og
málmiðnaðurinn
Eitt af því sem samtök málmiðn-
aðarins munu leggja meiri áherslu
á á næstu árum er að kynna fyrir
ungu fólki þau margvíslegu og
áhugaverðu störf sem bjóðast í
greininni. Með þeirri tæknivæðingu
sem eykst með hveiju ári og þeim
miklu kröfum, sem gerðar verða
um færni starfsmanna í verktækni-
legum efnum, verður þróunin
eflaust sú hér á landi, eins og ann-
ars staðar, að hugur unga fólksins
beinist í auknum mæli að málmiðn-
aðinum.
Að hinu leytinu þarf þó að gera
það sama og nágrannaþjóðimar
hafa gert, en það er að kynna grein-
ina markvisst fyrir ungu og hæfi-
leikaríku fólki, sem er að leita átta
um framtíðarstörf. Reynsla þessara
þjóða sýnir ótvírætt, að jákvæð
kynning í efri bekkjum grunnskóla
og ennfremur í framhaldsskólum á
málmiðnaðarstörfum, hefur leitt til
mikils áhuga og aukningar á aðsókn
í greinina. Þar hefur að sjálfsögðu
verið lögð áhersla á að kynna það
sem tengist framþróun og tækni
enda verða kröfurnar á þeim sviðum
í framtíðinni.
í þessu sambandi er gaman að
geta þess að einn iðnskólanna hér
á landi efndi í vor til sérstaks átaks
til þess að kynna iðngreinar og
iðnnám meðal 8. og 9. bekkinga í
sínu byggðarlagi. Þar var m.a.
kynnt rækilega nám í málmiðnaðar-
greinunum og hvað skólinn hefði
upp á að bjóða í þeim efnum. Arang-
urinn var sá að fjölgun í málmiðnað-
ardeild skólans verður sýnilega á
annað hundrað prósent næsta haust
og nemar í málmiðnum þá á þriðja
tug.
Af þessu sést að ef menn ,kynna
málmiðnaðargreinarnar rétt og
vekja athygli á því sem höfðar til
ungs og hæfileikaríks fólks þá er
hægt að fá það til að taka þátt í
að nýta þá miklu möguleika sem
tæknivæddur málmiðnaður á
tvímælalaust hér á landi. Auðvitað
mun þetta unga fólk gera kröfur
um góða afkomu og góð vinnuskil-
yrði. Þess vegna leggja framsæknin
málmiðnaðarfyrirtæki meiri áherslu
á að koma til móts við slíkar óskir
og styrkja um leið stöðu sína í at-
vinnulífinu.
Framtíðin björt ef rétt er
haldið á spilunum
Nú finnst eflaust einhveijum sem
les þessar línur, að hin daglega
. iiii lnr i
barátta í jámsmiðjum þessa lands
eigi lítið skylt við hugleiðingar af
þessu tagi. Vandamálin sem við er
að glíma snúist um hversdagslegri
hluti, miði meira að því að halda
rekstrinum gangandi frá degi til
dags. Þetta má vissulega að nokkru
leyti til sanns vegar færa; fram til
þessa er eins og flest hafi lagst á
þá sveif að hindra eðlilega fram-
þróun í greininni. Ekki verða þau
leiðindi tíunduð hér, en bent á að
innan við tvö ár eru síðan leyfð var
fijáls verðmyndun í íslenskum
málmiðnaði. Atvinnugrein sem býr
ekki við eðlilegar aðstæður í þeim
efnum er og verður alltaf ofurseld
baslinu sem síðan leiðir til þess að
hún lætur undan síga í samkeppn-
inni um verkefni og vinnuafl.
Hin síðustu ár hefur hins vegar
tekist að létta af málmiðnaðinum
ýmsum álögum og er flest af því
afrakstur áralangrar baráttu hags-
munasamtaka greinarinnar. Enda
þótt ótal margt þurfi enn að lag-
færa í aðstöðumálefnum málmiðn-
aðarins, eru ýmis teikn á lofti sem
benda til þess að þeir miklu mögu-
leikar sem greinin býr yfir verði
nýttir í stórauknum mæli og allt
þjóðarbúið njóti ávaxtanna.
Til þess að það takist er nauðsyn-
legt að hafa að leiðarljósi þann
ágæta árangur sem mörg fyrirtæki
í greininni hafa náð undanfarið en
gleyma sér ekki einlægt við þá hluti
sem miður fara. Framfarirnar eiga
sér upptök í vissunni um að geta
gert betur og sú vissa sækir sér
fyrirmyndir í það sem vel er gert.
Höfundur er framkvæmdastjóri
hjá Félagi málmiðnaðarfyrir-
tækja.
Þessar dömur héldu fyrir nokkru hlutaveltu til ágóða fyrir Rauða
Kross Islands. Þær heita Hrafnhildur Hrafnsdóttir, Jóhanna Ágústs-
dóttir og Guðrún Theodóra Hrafnsdóttir. Það komu inn á hluta-
veltunni 920 kr.
/" í
\\ja kotasælan
kætír bragðlaukana
enda krydduð með lauk
Sæluunnendur fá nú enn nýjan valkost; það er komin ný tegund af
kotasælu, með rauðlauk og púrru.
Indæl og bragðmikil viðbót við
kotasælufjölskylduna - hæfir
vel á brauð, sem meðlæti,
í salöt eða beint úr dósinni!
Og fyrir þá sem vilja passa
upp á línurnar er nýja kota-
sælan auðvilað laukrétt val.
t i irjiuí IL' i
C 11 3M
inijci' i*i»iv 16

AUK/SlA k9d1-351