Morgunblaðið - 21.07.1988, Blaðsíða 59

MORGUNBLAÐIÐ IÞROTTIR FIMMTUDAGUR 21. JÚLÍ 1988
59
■
KNATTSPYRNA / MJÓLKURBIKARKEPPNIN
Valur-Fram
3 : 1
1:1 — eftir venjulegan leiktíma.
Mjólkurbikarkeppnin í knattspymu. Valsvöllur,
miðvikudagur 20. júlí.
Mörk Vals: Tryggvi Gunnarsson (4. mín.), Atli
Eðvaldsson, vítaspyrna (101. mín.), Jón Grétar
Jónsson (117. mín.).
Mark Fram: Ómar Torfason (21. mín.).
EINHVER strangasti víta-
spyrnudómur, sem hefur sést
á kappleik hér á landi, sást á
Valsvellinum að Hlíðarenda í
gærkvöldi. Það var ekki nóg að
vítaspyrnudómur Friðgeirs
Hallgrímssonar væri strangur,
heldur var hann einnig
afdrifaríkur fyrir Fram. Atli
Eðvaldsson kom Valsmönnum
yfir, 2:1, íframlengingu leiks-
ins, úr vítaspyrnunni og síðan
létu Valsmenn hné fylgja kviði
og Jón Grétar Jónsson gull-
tryggði sigur þeirra, 3:1, sem
var sanngjarn eftir gangi leiks-
ins.
Þetta var grátlegur dómur og
ósanngjarn, því að ég kom
aldrei við knöttinn með hendinni.
Knötturinn skall á lærunum innan-
verðum," sagði Þor-
steinn Þorsteinsson,
en dómari leiksins
dæmdi vítaspyrnuna
á Þorstein.
mjög óhress með
SigmundurÓ.
Steinarsson
skrifar
Þorsteinn var
Jón Grétar Jónsson, innsiglaði sigur Valsmanna, 3:1, yfir Fram, að Hlíðarenda í gærkvöldi.
ferð með knöttinn.
Morgunblaðið/Júlíus
Hér sést hann á fullri
Geysilega strangur
vrtaspymudómur var
afdrifaríkur fyrir Fram
Valsmenn fögnuðu sigri, 3:1, íframlengdum leikað Hlíðarenda
dóminn og eflaust hefur hann og
félagar hans í Fram, verið enn
ósattari þegar þeir sáu myndir frá
leiknum, sem sýndur var beint á
Stöð 2. Þar sást að Þorsteinn sagði
rétt frá - knötturinn kom aldrei
nálægt höndum hans.
Sigurjón Kristjánsson, leikmaður
Vals, átti skotið sem hafnaði á
Þorsteini. „Ég get ekki sagt ákveð-
ið um, hvort að þama hafi verið
um vítaspymu að ræða. Mér sýnd-
ist knötturinn hafna í lærinu og
hönd Þorsteins," sagði Sigurjón.
„Við erum komnir á ferðina"
Atli Eðvaldsson lék stórt hlutverk
hjá Val. Hann skoraði úr vítaspym-
unni af öryggi og lagði upp hin tvö
mörk Valsmanna. „Eg er ánægður.
Við emm komnir á fefðina og það
stöðvar okkur ekkert úr þessu,".
sagði Atli.
Tryggvi Gunnarsson skoraði fyrsta
mark Valsmanna, 1:0, á fjórðu mín.
Valsmenn bmnuðu þá fram eftir
að Pétur Ormlsev hafði bmgðist
bogalistin fyrir framan mark Vals.
Guðmundur Baldursson sendi
knöttinn til Atia, sem renndi honum
inn fýrir vörn Fram. Ómar Torfason
sofnaði á verðinum og Tryggvi
Gunnarsson komst á auðan sjó -
náði að sæta lagi og sendi knöttinn
skemmtilega yfír Birki Kristinsson,
markvörð Fram.
Ómar Torfason jafnaði, 1:1, á 21.
mín., þegar hann skallaði knöttinn
yfir Guðmund Baldursson, mark-
vörð Vals, eftir aukaspymu Péturs
Ormslev. Valsmenn vom nær búnir
að skora sitt annað mark rétt fyrir
leikshlé. Atli tók þá knöttinn
skemmtilega niður með brjóstinu
og skaut að marki. Birkir náði að
slá knöttinn, sem hafnaði á þver-
slánni.
Barátta um miðjuna
Mikil barátta var um miðjuna í
seinni hálfleiknum og vom Vals-
menn oftast grimmari og þeir vom
nær því að skora. Birkir varði vel
skot frá Magna Blöndal Péturssyni
og síðan bjargaði Ómar Torfason
skoti frá Jóni Grétari Jónssyni, á
marklínu. Ekki tókst leikmönnum
liðanna að bæta við mörkum og
varð því að framlengja leikinn.
Leikmenn liðanna þreifuðu fyrir sér
í byijun framlengingar, en síðan
varð þáttaskil á 101 mín., þegar
vítaspyrnan var dæmd á Fram.
Framarar þoldu ekki mótlætið, en
Valsmenn vöknuðu til lífsins og
urðu sterkari. Þeir náðu að láta hné
fylgja kviði og Jón Grétar Jónsson,
sem kom inn á sem varamaður,
skoraði sigurmarkið á 117. mín.,
eftir að Atli hafði skallað knöttinn
til hans.
Leikurinn var mikill baráttuleikur,
en ekki eins harður og gulu spjöld
dómarans Friðgeirs Hallgrímsson-
ar, sýndu. Hann sýndi fimm leik-
mönnum gula spjaldið. Atla Eð-
valdssyni, Þorgrími Þráinssyni og
Magna Blöndal Péturssyni, Val og
Guðmundi Steinssyni og Viðari
Þorkelssyni, Fram.
GOLF / LANDSMOT
Fjölmennasta landsmótið
LANDSMÓTIÐ í golfi hefst á
mánudaginn. Keppni stendur
yfir í sex daga og reiknað er
með að rúmlega þrjú hundruð
kylfingar slái hvíta boltann
fram og aftur um Grafarholts-
völlinn. Þetta er fjölmennasta
landsmót sem farið hefur fram,
enda mikil gróska í golfinu und-
anfarin ár.
Ifyrra var landsmótið haldið á
Jaðarsvelli á Akureyri. Þá mættu
254 kylfingar til leiks, en í gær
höfðu um 300 kylfingar skráð sig
og búist við að fleiri bættust í hóp-
inn. Aukningin er gífurleg og for-
ráðamenn golfklúbbanna hafa
áhyggjur af því hve lengi verði
hægt að láta alla floka keppa í einu.
Keppni hefst kl. 8 á mánudaginn,
en þá byija 2. flokkur kvenna og
karla og 3. flokkur karla. Meistara-
og 1. flokkur byija svo á miðviku-
daginn og leika fram á laugardag
en þá lýkur mótinu.
Miklar framkvæmdir hafa staðið
yfir á Grafarholtsvellinum og hann
því í vel stakk búinn til að taka við
öllum þessum fjölda kylfinga. Það
verður þó ekki auðvelt að koma
þeim öllum fyrir og því stendur
keppni yfir frá morgni til kvölds.
Þess má geta að þeir atvinnukylf-
ingar sem dvelja á íslandi munu
keppa í svokölluðum sýningar-
flokki. Það eru sex golfkennarar
og án efa fróðlegt að fylgjast með
þeim.
Núverandi íslandsmeistarar eru
Úlfar Jónsson og Þórdís Geirsdóttir
og þau munu að sjálfsögðu gera
sitt besta til að veija titilinn, en
búast má við harðri keppni á þessu
fjölmennasta landsmóti golfmanna
frá upphafi.
Úlfar Jónsson íslandsmeistari
Hvað
sögðu þeir
- Hörður Helgason
„Þetta var bikarleikur eins og
bikarleikir eiga að spilast. Það
var spenna frá fyrstu míútu til
hinnar síðustu og þannig eiga
þessir leikir að vera,“ sagði
Hörður Hilmarsson, þjálfari
Vals.
„Sigur okkar í leiknum var sann-
gjarn að mínum dómi. Við vor-
um betri aðilinn lengst af og
fengum fleiri marktækifæri.
Markið sem við fengum á okkur
var mikið heppnismark, og það
hefði verið grátlegt að tapa á
slíku marki."
Um vítadóminn umdeilda sagði
Hörður að hann þefði ekki séð
það atvik til að geta dæmt um
það. „Það réði heldur ekki úrslit-
um í leiknum, því það vorum
við sem fengum færin á meðan
þeir ströggluðu úti á velli,“ sagði
Hörður að lokum.
Ásgeir Elíasson
„Við nýttum ekki færin og nýtt-
um heldur ekki tækifærin til að
skapa þau. Þá var meira um
mistök hjá okkur en oftast áð-
ur; sendingarnar rötuðu ekki
alltaf rétta leið. Leikurinn var
samt að mínum dómi mjög jafn
og það var því hai t að þurfa að
tapa þessum leik á ströngum
vítaspyrnudómi, sem líklega átti
ekki rétt á sér. Við verðum hins
vegar að taka þessu karlmann-
lega og snúa okkur ótrauðir að
deildarslagnum,“ sagði Ásgeir
Elíasson, þjálfari Fram.
Atli Eðvaldsson
„Við ætluðum okkur sigur í
leiknum, og það tókst, og held
að hann hafi verið mjög sann-
gjarn,“ sagði Atli eftir leikinn.
„I síðasta leik gegn Fram vorum
við óheppnir að láta hirða öll
stigin af okkur, en hér í kvöld
vorum við sá aðilinn sem átti
marktækifærin. Framarar áttu
að vísu færi í upphafí leiksins
en síðan ekki söguna meir. Bi-
karleikir taka 120 mínútur og
það þýðir ekkert að ætla sér að
sigra á fyrstu 10 mínútunum
og halda þá að leikurinn sé bú-
inn. Við unnum hins vegar jafht
og þétt allan tíman að því að
sigra og tókst það sem við æt-
luðum okkur,“ sagði Atli.
PéturOrmsiev
Pétur Ormslev fyrirliði Fram var
heldur órhress með úrslitin en
sagði samt að þetta hefði verið
dæmigerður bikarleikur og ör-
ugglega skemmtilegur á horfa
fyrir áhorfendur.
„Það er hins vegar leiðinlegt
þegar dómarinn eyðileggur fyrir
með vafasömum ' vítaspymu-
dómi. Ég stóð svo að segja við
hliðina á dómaranum þegar
hann dæmdi vítið, og ég var
ekki í neinni aðstöðu til að sjá
hvað var á seyði þama. Félagar
mínir hérna segja hins vegar að
hann hafi stoppað í klofinu á
Þorsteini, og þessi ákvörðun
dómarans var því til þess að
drepaokkur niður," sagði Pétur.
4.DEILD
Bolungarvík
burstaði
Höfrung
Bolvíkingar burstuðu Höfmng
frá Þingeyri, 4:0, í C-riðli 4.
deildar í Bolungarvík í gærkvöldi.
Jóhann Ævarsson skoraði tvö og
þeir Ólafur Guðmundsson og Run-
ólfur Pétursson eitt mark hvor.
Staðan i hálfleik var 3:0.