Morgunblaðið - 15.01.1989, Blaðsíða 6

6 FRÉTTIR/INNLEIUT
MORGUNBLAÐIÐ SUNNUDAGUR 15. JANÚAR 1989
RAUÐHÆRÐIRIS-
INN SLÆR í GEGN
Foreldrar: Gils
Stefánsson og Rósa
Héðinsdóttir.
HÉÐINN Gilsson vakti mikla
athygli á Eyrarsundsmótinu í
handknattleik sem fram fór í
Danmörku og Svíþjóð í vik-
unni. Hann hafði ekki leikið
mikið með landsliðinu en í þess-
um leikjum fór hann á kostum;
átti stærstan þátt í sigrinum á
Dönum og virðist ætla að festa
sig í sessi í landsliðinu. Reyndar
voru Danir ekkijafn hrifiiir af
honum og við íslendingar, því
dönsku blöðin sögðu hann
mesta rudda sem komið hefði
til Danmerkur!
Héðinn er aðeins tvítugur að
aldri og er þegar kominn í
hóp bestu handknattleiksmanna
landsins. Hann er mjög skotfastur
og hávaxinn og getur stokkið yfir
hæstu vamarmúra. Margir spá
því að hann eigi eftir að ná langt
á heimsmælikvarða, en bæta því
jafnan við að hann þurfi að sýna
þolinmæði.
Héðinn á ekki langt að sækja
handknattleiksáhugann því faðir
hans, Gils Stefánsson, lék með
FH á „gullaldarárum“ liðsins.
Héðinn segir sjálfur að faðir sinn
hafi átt stærstan þátt í því að
hann tók handboltann fram yfír
aðrar íþróttagreinar.
„Héðinn er vaxandi leikmaður.
Hann æfir geysilega vel og gæti
komist í fremstu röð. En hann
verður að gefa sér tíma til að
þroskast og vaxa,“ sagði Viggó
Sigurðsson, þjálfari FH. „Ég er
mjög ánægður með Héðin. Hann
hefur viljann og keppnisskapið og
alla burði til að ná langt,“ sagði
Viggó.
Annar þjálfari sem hefur fylgst
vel með Héðni er Geir Hallsteins-
son. Hann þjálfaði Héðin í ungl-
ingalandsliðum og segist strax
hafa séð að þar var efnilegur leik-
maður á ferðinni: „Ég tók eftir
honum þegar
hann var í skóla
og, líkt og með
Þorgils Óttar og
Kristján Arason,
sá ég strax að
hann ætti eftir
að ná langt. Hann ætlaði að vísu
í körfubolta en ég reyndi að troða
honum í handboltann," sagði Geir.
„Hann er stór og sterkur, en samt
snöggur og það hefur mikið að
segja. Vissulega þarf hann að laga
ýmislegt. Hann á það til að nöldra
fullmikið og mætti hafa betri yfír-
sýn en ég tel það aðeins tíma-
spursmál hvenær hann kemst á
toppinn.“
Það er ávallt mikið að gerast
í kringum Héðin í leikjum. Stund-
um fer hann 4-5 sinnum í gólfið
eftir óblíðar móttökur andstæð-
inganna. Sumir hafa kallað þetta
leikaraskap en aðrir segja að
Héðinn fái alltaf sérstaka með-
ferð.
Víkingurinn Árni Friðleifsson
er jafnaldri Héðins og hefur leikið
með honum í unglingalandsliðum:
„Það er mjög
gott að hafa
Héðin við hliðina
á sér. Hann spil-
ar vel og veit
hvað hann er að
gera. Það má
segja að hann sé á annarri hæð
en aðrir leikmenn. Hann á það til
að vera svolítið bráður og vill
stundum gera hlutina sjálfur. Ut-
an vallar er hann góður félagi,
hress og skemmtilegur," sagði
Ámi.
Þorgils Óttar Mathiesen, fyrir-
liði landsliðsins og FH, segir að
Héðinn hafi allt til þess að bera
til að komast í fremstu röð: „Hann
hefur mikið skap sem hann beitir
á réttan hátt og hefur leikið mjög
Hæð: 2,01 m.
Þyngd: 94 kg.
Atvinna: Nemi í
húsasmíði.
Félag: Hefur ávallt
leikið með FH og er
nú á 5. keppnistíma-
bili með meistara-
flokki.
Landsleikir: 33
landsleikir með A-
landsliðinu, 98
mörk. Um 40 lands-
leikir með unglinga-
landsliðum.
vel. Hann er þó ungur og má alls
ekki ofmetnast. Hann verður að
taka þessu skynsamlega og það
hefur hann gert hingað til,“ sagði
Þorgils. „Hann hefur æft með
landsliðinu og þessi ferð sýnir að
hann er að komast í hópinn. Hann
á þó margt ólært og má alls ekki
slaka á og halda að hlutimir komi
af sjálfum sér.“
Svipmynd
eftirLoga Bergmann Eidsson
Vaxandi skiln-
ingur hjá EB
- segir Magnús Gunnarsson framkvæmdastj óri SIF
„Þ AÐ HEFUR komið fram í öllum greinargerðum Evrópubandalags-
ins að það vilji fa veiðiheimildir við ísland en ég held að það sé vax-
andi skilningur hjá bandalaginu að það sé erfitt í fi-amkvæmd fyrir
okkur. Fiskurinn á miðum okkar er ekki til skiptanna," segir Magnús
Gunnarsson framkvæmdastjóri Sölusambands íslenskra fiskframleið-
enda. Magnús sat fundi Jóns Baldvins Hannibalssonar, utanríkisráð-
herra, með utanríkisráðherrum Spánar, Portúgals og Frakklands í
París á mánudaginn.
essir fundir voru haldnir til að
kynna sérstöðu íslendinga og
þeir voru mjög vinsamlegir," sagði
Magnús. „Sérstaða okkar felst í því
hversu mikið við flytjum út af sjávar-
afurðum og það er mjög nauðsynlegt
að kynna embættismönnum og
pólitískum forystumönnum Evrópu-
bandalagsins stöðu okkar. Þeir gera
sér ef til vill ekki grein fyrir því
hversu fiskafurðir eru stór hluti af
útflutningi íslendinga, eða 75 til
80%,“ sagði Magnús.
Hækkun bmdiskyldu
banka er hugsanleg
TIL greina kemur að hækka bindiskyldu bankastofnana hjá Seðla-
banka, í kjölfar þess að ekki hefiir náðst samkomulag um að bankar,
sparisjóðir og verðbréfafyrirtæki tryggi sölu á spariskírteinum ríkis-
sjóðs á þessu ári. Bindiskyldan var lækkuð á siðasta ári, í tengslum
við samkomulag innlánsstofiiana og ríkissjóðs um sölu spariskírteina
fyrir 3 miHjarða á því ári.
Eiríkur Guðnason aðstoðarseðla-
bankastjóri sagði ekki ákveðið
hvort bindiskyldan yrði hækkuð.
Hins vegar skipti sala spariskírteina
auðvitað máli við innlenda lánsfiár-
öflun ríkissjóðs, og þegar salan
gengi illa, og ríkissjóður þyrfti í bili
á meira fé að halda frá Seðlabankan-
um, þá væri hækkun bindiskyldu
eitt atriðið sem hafa yrði inni í mynd-
inni, þegar Seðlabankinn réði fram
úr jjví vandamáli.
I kjölfar nýrra laga um Seðla-
bankann var bindiskylda banka og
innlánsstofnana við Seðlabankann
lækkuð úr 18% í 13% í ársbyrjun
1987. Við það batnaði lausafjárstaða
bankastofnana verulega en jafn-
framt var þeim gert skylt að hafa
7% ráðstöfunarfjár handbært í laus-
um eignum, til að tryggja að bætt
lausafjárstaða kæmi ekki fram í
auknum útlánum. Lausafjárhlutfall-
ið var hækkað í 8% síðar á árinu
1987 til að stemma enn frekar stigu
við útlánum.
Ríkisstjórnin heimilaði Seðlabank-
anum á síðasta ári að hækka bindi-
skylduna um 2% í þeim tilgangi að
draga úr útlánagetu bankastofnana
og að auka fjármagn í Seðlabanka
til að vega upp á móti því, að bank-
ar og sparisjóðir höfðu ekki keypt
spariskírteini eins og lánsfiáráætlun
gerði ráð fyrir.
Þessi heimild var ekki notuð, þar
sem samkomulag náðist milli rikis-
sjóðs og innlánsstofnana um kaup á
ríkisskuldabréfum. Þáttur í því sam-
komulagi var að bindiskyldan var
lækkuð í 12% en lausaflárhlutfallið
hækkað í 9%. Lausafjárhlutfallið var
enn hækkað um áramótin, í 10%.
í FRÍKIRKJUNNI í Hafnarfirði
er bamasamkoma í dag, sunnudag
kl. 11 og guðsþjónusta er kl. 14.
Kristján Bjömsson guðfræðingur
prédikar. Að messu lokinni verður
kaffi fram borið í safnaðarheimil-
inu. Bíblíulestur verður í kirkjunni
nk. miðvikudagskvöld kl. 20.
ILAUGARNESKIRKJU verður
nk. fimmtudag kyrrðarstund, sem
hefst með orgelleik kl. 12 en síðan
verður altarisganga og fyrirbænir
en hádegisverður borinn fram í
safnaðarheimilinu kl. 12.30. Þessi
hádegisverðartími misritaðist í
blaðinu í gær.
í allri auðmýkt
SAMKVÆMT áreiðanlegum heimildum Morgunblaðsins þetta. . .
Samkvæmt áreiðanlegum heimildum Morgunblaðsins hitt. . . Hver
kannast ekki við þetta orðalag úr fréttafiutningi Morgunblaðsins í
gegnum tíðina? Einkum þeim firéttaflutningi sem byggir á upplýsing-
um frá heimildarmönnum, sem af einhverjum ástæðum vilja ekki
láta nafiis síns getið, en blaðið treystir. Gæfa okkar fréttamannanna
á Morgunblaðinu er meðal annars sú, að í langflestum tilvikum eru
heimildir okkar svo áreiðanlegar að þetta orðalag rís undir nafiii.
Heimild höfundar þessa pistils
að frétt á þessum vettvangi
sl. sunnudag, ásamt tilvísunarfrétt
á baksíðu blaðsins, þar sem fullyrt
var að Óli Þ. Guðbjartsson, þing-
maður Borgaraflokksins, myndi
ganga til liðs við Alþýðuflokkinn
og verða í 1. sæti krata á Suður-
landi við næstu alþingiskosningar
var samkvæmt reynslu minni svo
óskeikul, áreiðanleg og örugg, að
ég bar ekki einu sinni við að nota
þetta dæmigerða orðalag: „Sam-
kvæmt áreiðanlegum heimildum
Morgunblaðsins." Þetta mat mitt á
heimildarmanni var jafnframt mat
ritstjóra blaðsins.
Eftir að Óli Þ. bar frétt þessa til
baka höfum við á
ritstjóm Morgun-
blaðsins kannað
nánar hvað hafi
farið úrskeiðis.
Niðurstaðan er
þessi: Mér urðu á
mistök og ég bið lesendur Morgun-
blaðsins afsökunar á þeim. Fyrst
og síðast bið ég þó að sjálfsögðu
Óla Þ. Guðbjartsson afsökunar á
því að hafa innlimað hann í Al-
þýðuflokkinn, að honum forspurð-
um, en verð þó um leið að vísa því
á bug, sem haldið hefur verið fram,
að annarlegar hvatir hafi ráðið ferð-
inni í skrifum mínum.
Við könnun okkar á heimildum
mmm DAGBÓK
stiórnmAl
eftir Agnesi Bragadóttur
kom eftirfarandi á daginn í vik-
unni: Höfuðheimildin í þessu tilviki
byggði frásögn sína á upplýsingum,
sem taldar voru áreiðanlegar en
vom það ekki. Ég taldi að ömgg
vitneskja væri til staðar og byggði
frásögn mína á því.
Þessi uppákoma hefur í allríkum
mæli bundið huga minn við vanda
okkar fréttamanna, sem svo iðulega
þurfum að byggja
fréttaöflun og
fréttaskrif á heim-
ildarmönnum, sem
vegna eðlis ákveð-
inna frétta, starfs
síns eða annarra
þátta, sjá sér ekki fært að koma
fram undir nafni og feðra þannig
fréttina, eða á ég kannski einnig
að segja mæðra, til þess að styggja
nú enga?
Með reynslu, samvinnu, ræktun
sambanda og enn meiri reynslu ná
vonandi flestir fréttamenn, í öllu
falli þeir sem líta á fréttamennsku
sem fag og ævistarf, þeim þroska
og þeirri innsýn í starfið, að þeir
sjálfir verða manna hæfastir og
dómbærastir á hvað er áreiðanleg
heimild og hvað ekki.
Til þess að samstarf fréttamanna
og heimildarmanna úti í þjóðfélag-
inu sé heilsteypt, sannfærandi og
skili sér í því sem er jú markmið
okkar allra, sönnum og sanngjöm-
um fréttaflutningi, verður að vera
um gagnkvæman trúnað og traust
að ræða þama á milli. Verði frétta-
maður vís að því að rangfæra, mis-
nota heimild eða færa úr samhengi
þær upplýsingar sem hann hefur
aflað sér, eða verði heimildarmaður
uppvís að því að misnota samstarf
sitt við fréttamanninn, með því t.d.
að mata hann á röngum upplýsing-
um eða afvegaleiða,'hefur orðið
trúnaðarbrestur, sem ekki verður
bættur, að minnsta kosti ekki um
langa hríð.