Morgunblaðið - 04.03.1989, Qupperneq 3

MORGUNBLAÐIÐ LAUGARDÁGUR 4t MARK Ið8'9
A
Osk lífeyrissjóðanna um fimd með stjórnvöldum:
Engin tilslökun
af okkar hálfu
- segir framkvæmdastj óri SAL
HRAFN Magnússon, framkvæmdastjóri Sambands almennra lífeyris-
sjóða segir að ósk sjóðanna um fúnd með ríkisvaldinu um samskipt-
in við stjórnvöld feli ekki í sér neina tilslökun af þeirra hálfú. Af-
staðan gagnvart þeirri breytingu á lánskjaravísitölunni að launaví-
sitala vegi 1/3 í grunni hennar sé óbreytt. Sljórnvöld höfðu ekki í
gær svarað þessum tilmælum sjóðanna um fúnd.
Hrafn sagði að nauðsynlegt væri
að reyna til hins ítrasta að laga
samskiptin. Kaup lífeyrissjóðanna á
skuldabréfum í febrúar hefðu hrap-
að úr því að vera 489 milljónir í
janúar í það að vera 179 milljónir
í febrúar. Núgildandi samningur
var aðeins gerður til þriggja mán-
aða og rennur út í marslok. „Ef
ekki nást samningar um kaup
lífeyrissjóðanna á skuldabréfum
Byggingasjóðs, þá er húsnæðiskerf-
inu stefnt í mikla hættu. Þá fer
málið að varða miklu fleiri aðila en
bara ríkisvaldið og lífeyrissjóðina,
eins og til dæmis aðila vinnumark-
aðarins, sem áttu frumkvæðið að
þessu kerfi," sagði Hrafn.
Hann sagði sjóðina í engum
vandræðum með að ávaxta fé sitt
með öðrum hætti en skuldabréfa-
kaupum af Byggingasjóði. Þar
kæmu til greina bankabréf, sem
bæru um 10% vexti umfram verð-
bólgu. Eini gallinn væri að þau
væru til 5-6 ára, en sjóðimir vildi
gjaman kaupa bréf til lengri tíma.
Þá væri hægt að kaupa bréf sem
væru tryggð með veði í fasteign
fyrir allt að 50% af brunabótamati
og einnig væri hægt að ávaxta
þessa peninga á verðtryggðum
reikningum bankanna.
Ákveðinn hefvur verið fundur
forsvarsmanna aðildarsjóða SAL
um miðja næstu viku, þar sem þessi
mál og samskiptin við stjómvöld
verða til umræðu.
Morgunblaðið/Amór
Björgvin Magnússon heldur
á 40 kílóa golþorskinum.
Minni fiskurinn á myndinni
er 2-3 kiló. Eins og sést á
kösinni á innfelldu myndinni
berst nú mjög fallegur fisk-
ur á land á Suðurnesjum.
Myndin var tekin í móttö-
kunni í Fiskverkun Magnús-
ar Björgvinssonar.
Fjörutíu kílóa gol-
þorskur á handfæri
Garði.
Óvenju mikið af stórum og
fallegum þorski hefir veiðzt að
undanförau hjá Suðurnesjabát-
unum. Magnús Björgvinsson
hjá samnefndri fiskverkunar-
stöð taldi að meðalþorskurinn
væri þessa dagana í kring um
10 ldló.
Sl. fimmtudag kom svo fiskur
í hús hjá þeim félögum sem er í
frásögur færandi. Þessi golþorsk-
ur reyndist vigta 40 kíló, vera 145
sm. á lengd og hafði ummálið 105
sm. Það sem er kannski enn
merkilegra við þessa skepnu er
að það var trillukarl úr Keflavík,
Emil Þórðarson, sem dró fískinn
á handfæri. Trilla Emils heitir
Eyrarröst og mun vera um 4 tonn
þannig að trillan ber ekki marga
slíka að landi sama daginn.
Þess má loks geta að um 15
kíló af söluvöru fást út úr þessari
stóru skepnu eða í kring um 40%
Araór
3
Morgunblaðið/Ámi Sæberg
Lausnin ókomin enn
HÚN ÆTLAR að verða erfiðari höfúðlausnin þessum yfirgefiia
jeppa heldur en hin eina sanna Höfúðlausn varð Agli forðum
daga. Jeppinn sem hér gægist upp úr fönninni var skilinn eftir
um áramót vegna bilunar og eru ekki horfúr á að hann losni
fyrr en snjóa leysir í vor.
Það var á heimleið úr ferð
jeppamanna í Landmannalaugar
að jeppinn bilaði, brotnuðu drif
og fjaðrir, þar sem vegurinn fer
um gil við Frostastaðavatn. Tvær
ferðir voru famar á vel búnum
bílum næstu helgar á eftir til að
ná bílnum til byggða, en björgun-
arleiðangurinn varð í bæði skiptin
frá að hverfa vegna veðurs. Um
síðustu mánaðamót tókst Hjálpar-
sveit skáta í Reykjavík að komast
að jeppanum á snjóbíl og draga
hann á betri stað. Ekki var mögu-
legt að draga hann til byggða,
þar sem öll hjól hans voru stokk-
frosin eftir að hafa sokkið í krap
og frosið þar.
Þama stóð hann, þegar ljós-
myndari Morgunblaðsins var á
leið í Landmannalaugar fyrir
skömmu, eins og til að minna á
að veðurguðimir hafa í engu látið
af veldi sínu, þótt menn bjóði þeim
byrginn á vel búnum og öflugum
jeppum.
Félagsfundur Skýrslutæknifélags íslands um hugbúnað:
Afkoman í hættu vegna
ólöglegrar flölföldunar
ÓLÖGLEG íjölfóldun hugbúnað-
ar var umræðuefiiið á félags-
fúndi Skýrslutæknifélags íslands
sem haldinn var í Norræna hús-
inu á fímmtudag. Kom þar fram
að ólögleg fjölfoldun hugbúnað-
ar stefiiir í voða afkomu þeirra
sem vinna að þýðingu og aðlögun
hugbúnaðar. Fundarmenn töldu
þó að erfitt væri að koma í veg
fyrir þessa fjölföldun með lög-
regluaðgerðum eða lögsóknum.
Heppilegra væri að auka kynn-
ingu á því hvað mætti og hvað
mætti ekki í þessu sambandi og
vekja fólk þar með til umhugsun-
ar.
„Mín skoðun er sú að við náum
mestum árangri með því að kynna
almenningi og tölvunotendum þær
reglur sem eru í gildi,“ sagði Hall-
dór Kristjánsson, formaður
Skýrslutæknifélags íslands. „Ég
held að harðar aðgerðir skili ekki
miklum árangri. Betra er að leysa
málin í bróðerni og vinsemd." Hann
sagði ómögulegt að áætla hve háar
upphæðir væri um að ræða í þessu
máli. Einmenningstölvuforrit í
notkun í landinu væru líklega um
50.000-100.000 talsins og meðal-
verð forrits um 20.000 krónur.
Heildarverðmæti hugbúnaðar sem
væri í notkun gæti því verið á bilinu
1 -2 milljarðar króna og einhver
hlutur þeirrar tölu væri ekki ferig-
inn með réttum hætti.
Lúðvík Friðriksson, verkfræðing-
ur hjá Rafreikni hf., var einn frum-
mælenda á fundi Skýrslutæknifé-
lagsins. Hann sagði íslenska löggjöf
vera mjög fátæklega hvað varðaði
vernd gegn fjölföldun hugbúnaðar.
Skýrt væri tekið fram í höfundar-
réttarlögum að hugverk væru vern-
duð en löggjöfin miðaði fyrst og
fremst við prentað mál. Lagði hann
á það áherslu að Skýrslutæknifé-
lagið beindi kröftum sínum að því
að fá lögum um höfundarétt breytt
þannig að höfundar hugbúnaðar
fengju aukna vernd gagnvart ólög-
legri fjölföldun.
Fjölföldun hugbúnaðar væri mik-
ið vandamál og hætta orðin á því
að í framtíðinni myndi þetta hafa
áhrif á þýðingar og aðlögun hug-
búnaðar að íslenskum aðstæðum.
Allt benti til þess að einu aðilamir
sem myndu hafa hag af því að vinna
við að þýða erlendan hugbúnað
væm þau fyrirtæki sem seldu tölvur
og sjónarmiðið yrði fyrst og fremst
að gera tölvurnar auðseljanlegri.
Haukur Nikulásson, sölustjóri hjá
Microtölvunni, sagðist verða var við
ótal dæmi um hugbúnaðarþjófnað
í starfi sínu. Það væri útilokað, að
hans mati, að breyta hugsunar-
hætti fólks gagnvart forritaþjófnaði
og ættu því framleiðendur, í ljósi
reynslunnar, að taka aftur upp af-
ritavarnir. Þær væm þó engan veg-
inn gallalausar og hefðu í för með
sér óþægindi fyrir bæði seljendur
og kaupendur. Enginn önnur lausn
væri hins vegar í sjónmáli.
Hjörtur Hjartar, varaformaður
Skýrslutæknifélagsins, viðraði
einnig nokkrar hugmyndir um
hvernig koma mætti í veg fyrir
ólöglega fjölföldun. Nefndi hann
m.a. áskriftargjöld eða leigu á hug-
búnaði eða þá að þróa stöðugt nýj-
ar og endurbættar útgáfur forrita
sem gerðu eldri útgáfur úreltar.
Fjárhagsáætlun Garðabæjar samþykkt:
244 milljónum var-
ið til framkvæmda
Fjárhagsáætlun Garðabæjar fyrir árið 1989 var samþykkt á fiindi
bæjarstjórnar 17. febrúar sl. Sameiginlegar tekjur bæjarsjóðs eru
áætlaðar 462,5 m.kr. en aðaltekjustofii bæjarsjóðs eru útsvör sem
eru áætluð 326,8 m.kr. eða 70% af sameiginlegum tekjum.
Stærsti útgjaldaliðurinn er al-
mannatryggingar og félagsmál,
samtals 80,6 m.kr. eða 24,4% af
útgjöldum. Þetta er í fyrsta sinn
sem þessi liður er stærstur en á
undanförnum árum hefur mestu fé
verið varið til fræðslumála. Rekstr-
arafgangur nemur 133,3 m.kr. eða
28,8% af tekjum, en áætlað er að
veija 244 m.kr. til framkvæmda á
árinu 1989.
Umfangsmesta framkvæmd bæj-
arsjóðs á árinu er bygging íþrótta-
miðstöðvarinnar við Ásgarð, en
framkvæmdir við hana hófust 1988.
Á árinu 1989 er áætlað að veija
101,0 m.kr. til íþróttamiðstöðvar-
innar en áætlað er að heildarkostn-
aður mannvirkisins, þ.e. sundlaugar
og íþróttahúss, nemi um 260 m.kr.
Stefnt er að því að taka sundlaug-
ina í notkun í apríl og íþróttamið-
stöðina um mitt ár.
Önnur veigamesta framkvæmd
ársins er malbikun og nýbygging
gatna vegna fyrirhugaðrar úthlut-
unar lóða á árinu 1989. Á þessu
ári á að úthluta lóðum í Bæjargili
og iðnaðarlóðum í Moldarhrauni svo
og lóðum undir íbúðir og þjónustu-
starfsemi í miðbæ. Kostnaður
vegna gatnaframkvæmda er áætl-
aður um 80 m.kr.
Einnig er í fjárhagsáætlun fjár-
veiting til hönnunar- og byijunar-
framkvæmda við nýjan leikskóla,
sem fyrirhugað er að reisa á nýju
byggingarsvæði í Bæjargili og er
áformað að veija 10 m.kr. til þeirra
framkvæmda á þessu ári. Þá er 3
m.kr. fjárveiting til hönnunar á við-
byggingu og endurbótum á Flata-
skóla en stefnt er að því að hefla
þær framkvæmdir á árinu.