Morgunblaðið - 11.07.1989, Blaðsíða 51

konu sinni, Unni Magnúsdóttur, í
ágúst 1958 og áttu þau tvö böm sem
nú em uppkomin: Magnús, við-
skiptafræðing og endurskoðanda, og
Hólmfríði, flugfreyju.
Sá sem þessar línur skrifar kynnt-
ist Benedikt sumarið 1960 er ég var
að velta fyrir mér möguleika á námi
í arkitektúr. Benedikt var þá staddur
hérlendis í leyfi frá verkfræðinámi
í Finnlandi og sagði mér frá mjög
góðri arkitektadeild við Tæknihá-
skólann í Helsingfors.
Satt að segja hafði ekki hvarflað
að mér að hefja nám þar, þá fyrst
og fremst vegna tungumálsins. Fyr-
ir áeggjan Benedikts sótti ég um
skólavist í Helsingfors.
Haustið 1960 hóf ég nám í arki-
tektúr, en þessi vetur var síðasta
ár Benedikts í verkfræðinámi og
lauk hann prófi um vorið. Segja má
að veturinn 1960-1961 hafí ég
kynnst Benedikt fyrir alvöru og upp-
götvað hvílíkur mannkostamaður
hann var. Ávallt var hann reiðubúinn
að gefa mér góð ráð vegna námsins
eða annarra vandamála sem upp
komu. Um þessar mundir var t.a.m.
erfitt að fá vist á stúdentagarði en
þar var bæði hagstæðara og þægi-
legra að búa en leigja út í bæ. Bene-
dikt bókstaflega snéri öllu við í stúd-
entafélaginu til að koma mér á garð
og þá fann ég greinilega að Bene-
dikt átti vináttu fjölmargra Finna
sem greiddu götu mína fyrir tilstilli
hans.
Þau ár sem ég var við nám í Finn-
landi hitti ég hvað eftir annað fólk
sem hafði kynnst Benedikt og naut
ég svo sannarlega þess að hann
plægði vel akurinn fyrir íslenska
námsmenn sem á eftir komu.
Mér er kunnugt um að Benedikt
hélt alla tíð góðu sambandi við sína
gömlu félaga þar. Ýmsir þeirra komu
hingað auk þess sem Benedikt hitti
þá þegar hann var á ferð í Finnlandi.
Þegar ég snéri heim frá námi
1967 urðu tengsl okkar að nýju
nánari bæði vegna fjölskyldutengsla
og samstarfs á sviði byggingarmála.
Við Benedikt hönnuðum saman ýms-
ar byggingar þar sem hann sá um
verkfræðihliðina, auk þess sem hann
var t.d. aðstoðarmaður minn í sam-
keppni um miðbæ Kópavogs þar sem
við fengum 1. verðlaun.
Benedikt hafði þann sérstæða
hæfileika að laða að sér fólk hvert
sem hann fór enda var vinahópurinn
stór. Áhugamálin voru mörg auk
verkfræðinnar og spönnuðu nánast
allt milli veraldlegra og andlegra
mála. Hann hafði t.d. áhuga á tón-
list og mér er kunnugt um að hann
samdi lög í frístundum. Hin síðustu
ár held ég þó að þjóðmálin hafi átt
mestan hug hans, bæði efnahags-
málin og þá ekki síst ýmis félagsleg
vandamál.
Þrátt fyrir vangaveltur um
margvíslegan vanda þjóðarinnar, var
þó ávallt stutt í glensið og gamanið
hjá Benedikt.
Ég minnist ótal atvika þegar
Benedikt sagði mér ýmsar skemmti-
sögur um menn og málefni og þá
var oft hlegið dátt. Benedikt var
maður bjartsýninnar og fann ljósu
hliðarnar í lífinu og tilverunni, þegar
aðrir voru kannski ofurseldir svart-
sýninni. Þessari bjartsýni miðlaði
hann af miklu örlæti til vina, sem
nutu góðs af. Benedikt hafði nefni-
Iega þann fágæta hæfileika að koma
auga á ýmsa möguleika til að leysa
málin þegar flestir sáu enga.
Síðast þegar ég hitti Béfledikt var
hann á Landspítalanum. Eins og
endranær var hann léttur og kátur
og spjölluðum við um heima og
geima. Ég ræddi við hann um stutta
utanlandsferð sem ég átti fyrir hönd-
um. Ekki grunaði mig þá að þetta
yrði okkar síðasti fundur.
Það var því mikil harmafregn
þegar ég kom utanlands frá og
heyrði að Benedikt væri látinn.
Þó Benedikt sé horfinn frá okkur,
þá verður hann alla tíð ljóslifandi í
minningunni, en enginn má sköpum
renna.
Við hjónin vottum aðstandendum
hans okkar dýpstu hluttekningu.
Megi Drottinn vaka yfir honum,
hvar svo sem hann fer.
Sigurður Thoroddsen,
Sigrún Magnúsdóttir.
Fallinn er á besta aldri Benedikt
Bogason, félagi okkar í Borgara-
flokknum, eftir örskamma sjúkra-
MORGUNBLAÐIÐ ÞRIÐJUDAGUR 11. JULI 1989
legu. Með honum er horfinn einn
virkasti og jafnframt áhrifaríkasti
aðili úr okkar röðum.
Benedikt var einn helsti hug-
myndafræðingur þeirrar stefnu sem
Borgaraflokkurinn fylgir, sem kenn-
ir sig við mannúð, samhjálp og virð-
ingu fyrir einstaklingnum, skoðun-
um hans og athöfnum.
Benedikt fór af fullum krafti út
í flokksstarfið strax frá fyrsta degi
flokksins í mars 1987. Leiðsagnar
hans nutu margir þeirra frambjóð-
enda flokksins sem komust á þing.
Hann „barði þá til þingmanna" á
örfáum vikum og á því Benedikt
stóran þátt í velgengni flokksins á
alþingiskosningunum 1987.
Stefnumál í stjórnmálum voru
það, sem Benedikt hafði mestan
áhuga á. Hann lét til sín taka í
flokksstarfi þar sem þjóðskipulag og
lög almennt voru viðfangsefnið, en
skipti sér minna af hversdagslegum
umræðum og enn síður af frama-
poti. Hann hlakkaði mikið til að tak-
ast á við þingmennskuna, og fannst
að þar gæti hann notað vel sína
krafta. Hans varð hins vegar lítið
notið á Alþingi og er það sorglegt,
því hann átti svo margt ógert þar.
Benedikt hafði það að starfi, að
hafa áhyggjur af vandamálum ann-
arra. Hann vann hjá Byggðastofnun
við að ráðleggja éinstaklingum um
leiðir til hagsældar við fyrirtækja-
rekstur. Svo hart lagði hann að sér
í starfi að hann gleymdi sjálfum
sér. Ósérhlífnin varð honum að falli.
Hefði hann leitað lækninga fyrr,
hefði ef til vill verið hægt að sigrast
á meininu.
Við kveðjum þennan vin með
söknuði og þökk fyrir samveruna
sem varð allt of stutt.
Fjölskyldu Benedikts sendum við
okkar innilegustu samúðarkveðjur.
Félag Borgaraflokksins
í Reykjaneskjördæmi.
Þann 30. júní sl þegar sólin skein
og allt útlit var fyrir að framundan
væri fagur dagur, dró snögglega
ský fýrir sólu í hjörtum okkar.
Hann Benedikt Bogason ein aðal-
kjölfestan í starfinu og góður vinur
okkar allra var látinn í blóma lífsins
á besta aldri. Benedikt var mikils
metinn í okkar hópi og afar vin-
sæll. Drenglyndi hans, hnyttni og
hressileg framkoma hafði ævinlega
góð áhrif á okkur og hvatti okkur
til dáða. Hvenær sem óskað var
eftir liðsinni hans og ráðum brást
hann skjótt við og var ávallt tilbú-
inn til þess að vinna að framgangi
mála á skipulagðan, heiðarlegan og
málefnalegan hátt. Hann vakti að-
dáun okkar fyrir þann mikla kraft
sem í honum bjó og var óþijótandi
í því að vinna flokki okkar og stefnu
framgang. Benedikt lagði grundvöll
að mörgum helstu stefnumálum
okkar og framlag hans til stefnu-
mála Borgaraflokksins myndar
homstein utan um þá stefnu sem
við fyigjum. Það vaf honum hjart-
ans mál að Borgaraflokkurinn og
stefna hans næði að festa rótum
og erum við þess fullviss að vegna
hans framlags stefnum við í rétta
átt. Benedikt er sárt saknað og við
fráfall hans er höggvið stórt skarð
í okkar raðir, svo stórt að vandfyllt
verður. Benedikt gegndi fjölda trún-
aðarstarfa fyrir Borgaraflokkinn og
innan hans og hafði frá 1. apríl sl.
tekið fast sæti á alþingi.
Við erum þakklát fyrir þann tíma
sem við fengum notið krafta hans
og vináttu, þó að sá tími hefði
mátt vera miklu lengri, enda fannst
okkur hann eiga nóg eftir.
Við kveðjum í dag mikilsvirtan
félaga og umfram allt góðan vin
okkar allra. Megi minning hans lifa.
Við sendum Unni, Magnúsi,
Birgittu, Hólmfríði, Þorgils, fjöl-
skyldum þeirra og öðrum aðstand-
endum okkar innilegustu samúðar-
kveðjur.
F.h. Kjördæmisfélags Borg-
araflokksins í Reykjavík,
Anður Jacobsen.
Síst grunaði okkur við þinglausnir
í vor, að svo snögglega yrði skarð
höggvið í okkar hóp — sem varð við
hið sviplega fráfali Benedikts Boga-
sonar alþingismanns — þann 30.
júní sl. Sorgleg eru þau umskipti,
sem hér hafa orðið, en þó sárust
þeim er næst standa.
Benedikt Bogason tók sæti sem
aðalmaður á Alþingi með aprílbyijun
sl. en hafði áður setið á þingi sem
varaþingmaður Borgaraflokksins.
Þann skamma tíma sem hann sat á
þingi gekk hann strax til verka sem
alvanur væri enda bjó hann yfir
óvenjumikilli þekkingu á fjölmörgum
sviðum þjóðfélagsmála.
Benedikt var verkfræðingur að
mennt og vann sem slíkur fyrri hluta
starfsævinnar en hafði um árabil
starfað í þjónustu við atvinnulífið —
einkum á landsbyggðinni — með
störfum sínum í Framkvæmdastofn-
un og síðan Byggðastofnun.
Honum var félagsáhugi í blóð
borinn enda naut hann sín vel í
margs konar félagsstarfi frá ungum
aldri til lokadægurs. Þeir sem áttu
því láni að fagna að eiga með honum
samleið nutu gáfna hans og góð-
vilja, því að hann var óþreytandi í
því að miðla öðrum og aðstoða.
Þingflokkur Borgaraflokksins tók
strax upp þá starfsháttu, að vara-
þingmenn urðu vikulegir þátttak-
endur í fundum hans. Benedikt varð
frá fyrsta degi mótandi í okkar hópi
og sá, sem drýgstur var í jákvæðri
tillögugerð og málafylgju, enda hafði
hann til að bera ríka skipulagsgáfu
og einlægan áhuga. Fyrir það allt
þökkum við af alhug nú að leiðarlok-
um.
Við sendum ekkju hans — Unni
Magnúsdóttur og börnum þeirra og
fjölskyldum — sem og aðstandend-
um öllum — innilegar samúðarkveðj-
ur okkar.
Við biðjum minningu Benedikts
Bogasonar blessunar Guðs og þökk-
um það lífslán að hafa átt hann að
hollvini og samverkamanni.
Þingflokkur Borgaraflokksins
GLORIA D. KARPINSKI
HELDUR TVÖ NÁMSKEIÐ 10.-13. OG 24.-27. ÁGÚST
að Görðum, Staðarsveit á Snæfellsnesi.
Fyrra námskeiðið kallar hún „Renewal" og er ætlað konum. Síðara námskeið-
ið „Joyful Creator" er ætlað báðum kynjum.
Námskeiðið kostar kr. 25.000.- og fer fram á ensku. Innifalið er fullt fæði
og húsnæði.
Upplýsingar eru veittar í símum 31178 og 612282.
\feibatim
disklingar
Verbatim
hágæða TEFLON disklingar
★ 3,5“, 2S/2D og 2S/HD
★ 51/4“, 2S/2D og 2S/HD
★ TEFLON vörn gegn kaffi,
ryki og öðrum óhöppum
★ Forsniðnir
★ Hagkvæmustu kaupin
Verbatim, einu disklingarnir
með TEFLON vörn.
mmm ÞÓRf
SÍMI: 681500 - ÁRMÚLA 11
________________51
Verndaðu
sumarhúðina
Á þessum árstíma vonast allir
eftir að sumarið verði sólríkt.
Og ef okkur verður að ósk okkar
þurfum við einnig að hugsa
vel um húðina.
ACO hefurþað sem þú þarfnast.
ACO SOLLOTION
VERNDAR HÚÐINA
GEGN ÚTFJÓLUBLÁUM
GEISLUM
Varnarstuðull 7 þýðir að hægt
er að liggja 7 sinnum lengur
í sólbaði en venjulega án þess
að brenna. Ef þú færð snert
af sólarexemi er vörn gegn
útfjólubláum geislum mjög
mikilvæg. Án ilmefna.
Hrindir frá vatni.
200 ml
ACO FUKTLOTION
VIÐHELDUR
HÚÐINNI RAKRI
ACO Fuktlotion inniheldúr tvö
náttúruleg rakabindiefni
sem húðin þarfnast.
Hún er þægileg fyrir allan
líkamann og undan henni
hvorki klægjar né svíður.
Auk þess ilmar ACO Fuktlotion
þægilega.
200 ml
BJARGVÆTTUR í NEYÐ!
ACO Kylbalsam kælir og
verndar sólbrennda húð.
Hafðu ACO Kylbalsam alltaf
við hendina til öryggis!
125 ml
ACO
AUtaf gott
Aldrei dýrt
Aðeins í apótekinu
FYRIRTAK hf. si'mi 91-3207(1