Morgunblaðið - 27.07.1989, Blaðsíða 28

28
(
MORGUNBLAÐIÐ FIMMTUDAGUR 27. JÚLÍ 1989
AKUREYRI
Morgunblaðið/Rúnar Þór
í Blómahúsinu við Glerárgötu varð töluvert tjón, og unnu þau Steinþór Sigurðsson, Svanhildur Þóris-
dóttir og Albert Valdimarsson við að þrífa vatnið upp.
Rigningin í gærmorgun olli töluverðu tjóni;
Salerni eins og gosbrunnar
þegar heimaæðar stífluðust
GÍFURLEG úrkoma í gærmorg-
un varð til þess að víða stífluðust
heimaæðar í holræsakerfum á
Akureyri þannig að vatn og
drulla flæddi inn í kjallara íbúð-
arhúsa og olli nokkru tjóni. Ibúar
við Skarðshííð og Þverholt urðu
fyrir barðinu á rigningunni, og
í kjallara einbýlishúss við
Byggðaveg fór einnig allt á flot.
Þá varð Blómahúsið við Glerár-
götu fyrir umtalsverðu tjóni af
þessum sökum, en þar varð þrýst-
ingur svo mikill upp um hreinlæt-
istæki, að þau urðu nánast eins
og gosbrunnar.
„Salemið, handlaugin og niður-
fallið, allt breyttist þetta í gos-
bmnna hér í morgun, og síðan höf-
um við verið önnum kafin með aus-
ur og tuskur,“ sagði Steinþór Sig-
urðsson, eigandi Blómahússins við
Glerárgötu. Sagði hann að allnokk-
uð tjón hefði hlotist af þessu, jafn-
vel upp á nokkur hundruð þúsund-
ira, en öll blóm, sem staðið hefðu
á gólfi hefðu skemmst, svo og vör-
ur á lager.
„Það var ekki fært um búðina
nema á stígvélum, og ég geri ráð
fyrir að búðin verði ekki komin í
samt lag aftur fyrr en eftir einn
eða tvo daga,“ sagði Steinþór.
„Þetta var hræðilegt; ömurlegt
að horfa upp á þetta," sagði Gunn-
ur Gunnarsdóttir, Byggðavegi 154,
en í kjallara hússins þar fór allt á
flot.
„Yið vomm nýbúin að standsetja
baðið í kjallaranum þegar þetta
Svanhildur Þórisdóttir vindur
tuskuna á salerninu í Blómahús-
inu sem breyttist í gosbrunn.
dundi yfir, en vatnið og drullan
flæddi upp um allt, og við urðum
að rífa teppi af svefnherbergi í kjalf-
aranum,“ sagði Gunnur, og sagði
að það hefði alveg verið ótrúlegt
hvað þetta gerðist allt með skjótum
hætti. Þetta er í annað sinn sem
vatn hefur flætt inn í húsið, en fyr-
ir nokkmm ámm flæddi þar inn i
miklum leysingum, en þá bætti
bærinn við niðurföllum í götunni.
Sú bragarbót kom ekki að neinu
haldi nú, enda vandinn af öðm tagi.
Einna mest flæddi inn í kjallara-
íbúðir við Skarðshlíð 9 og 11, og í
aðra ibúð hafði einungis verið flutt
inn fyrir örfáum dögum.
„Frárennslið stíflaðist þannig að
það flæddi hér um stóran hluta
íbúðarinnar,“ sagði Garðar Jóhann-
esson, íbúi þar. „Við hjónin emm
nýbúin að kaupa þessa íbúð og
nýflutt inn. Okkur hafði aldrei ver-
ið sagt frá því að hingað hefði áður
flætt inn við svipaðar kringumstæð-
ur, og það var fyrst núna að mér
var sagt að slíkt hefði gerst í
tvígang," sagði Garðar.
Skuldinni skellt á bæinn.
Hilmar Gíslason, bæjarverkstjóri
hjá Akureyrarbæ, sagði að ástæðan
fyrir þessum flóðum inn í einstakar
íbúðir, væri sú að heimaæðar í hol-
ræsakerfi lægju of neðarlega, þann-
ig að þegar vatnsmagnið hækkaði
með svona skjótum hætti, þá leitaði
það auðvitað þangað sem það ætti
greiðastan aðgang.
„Það varð einfaldlega yfirfylling
í holræsakerfinu, því rigningin varð
svo mikil. Við hjá bænum komum
á alla þá staði þar sem vatn flæddi
inn, og reyndum að vera hjálplegir.
Þetta mál verður hins vegar ekki
úr sögunni í bráð, og skuldinni
eflaust skellt á bæinn, en það á
alveg eftir að skera úr um hverjum
ber að borga það tjón sem af þessu
hlýst," sagði Hilmar Gíslason.
FERDAFOLK ATHUGIÐ!
Gisting, matur, kaffi.
Tilgreina kemurað
leigja húsið út um
verslunarmanna-
helgina.
Nánari upptýsingar í
síma 96-61982.
Gistiheimilið,
Ytri-Vík, Árskógssandi.
Ísíandsmótid Hörpudeild - Akureyrarvöllur föstudag kl. 20
ÞOR - FYLKIR
Akureyringar, ferðamenn:
Komið og sjáið spennandi leik.
Meira rigndi í gær-
dag en allan mánuðinn
HELLIDEMBAN sem vart gat
farið fram hjá nokkrum Akur-
eyringi í gærmorgun mældist
meiri heldur en samanlögð úr-
koma í júlímánuði á Akureyri
fram fram að því.
Arni Magnússon, lögregluvarð-
stjóri, tjáði Morgunblaðinu, að úr-
koman í gær hefði mælst 16,2
millilítrar, en það sem af var mán-
uðinum hafði hún einungis mælst
14,3 millilítrar.
„Ég býst við að úrkoman í gær-
morgun sé með því almesta sem
rignt hefur hér á Akureyri á svona
stuttum tíma,“ sagði Árni, en hann
hefur ásamt starfsfélögum sínum á
Lögreglustöðinni, séð um mælingar
fyrir Veðurstofuna um árabil. „Auð-
vitað hefur oft rignt mun meira á
einum degi og ekki eru mörg ár
síðan ég mældi hátt í 40 millilítra
úrkomu. Það er hins vegar langt
síðan svona hellidemba hefur verið,
eins og var hér á milli níu og hálf
tíu í morgun,“ sagði hann að lokum.
Morgunblaðið/Rúnar Þór
Yfir fímmtíu gestir voru í móttöku Akureyrarbæjar í gær, þegar
tekið var á móti 25 manna hópi vestur-þýskra brunavarða og mökum
þeirra í Dynheimum.
Vestur-þýskir bruna-
verðir í heimsókn
ÞÝSKIR brunaverðir frá Schmitten voru staddir hér í gær ásamt
starfsbræðrum sínum frá Reykjavík, en hérlendis munu þeir dvelja
í tiu daga. Þeim var boðið til móttöku á vegum bæjarins í gær í
Dynheimum, en upphaflega stóð til að taka á móti þeim með góð-
gjörðum uppi í Lystigarði. Rigningin setti hins vegar strik í reikning-
inn, eins og víðar, og samkoman var færð undir þak.
Björn Gíslason, varaformaður
Brunavarðafélags Reykjavíkur, var
fyrir hópnum og í samtali við Morg-
unblaðið sagði hann að íslenskir
brunaverðir hefðu haldið uppi sam-
skiptum við brunaverði frá Schmitt-
en undafarin tólf ár, og hefðu skipst
á heimsóknum við þá. Fyrir utan
það að ræða um brunavarnir, sagði
hann samskiptin aðallega felast í
því að kynnast landi og þjóð hvers
annars, en hingað kom hópurinn
eftir ferðalag um Snæfellsnes, og
á heimleiðinni verður haldið suður
Kjöl.
Að lokum vildi hann koma á
framfæri kæru þakklæti til Akur-
eyrarbæjar fyrir móttökurnar.
Óttumst hótelrekstur
— segirÁsbjörn
Dagbjartsson,
íbúi við Heiðarlund
„SJÓNARMIÐ íbúa við Heiðar-
lund og í kring eru þau að þetta
svæði sé því sem næst orðið
fullbyggt og nokkuð þéttbyggt,
auk þess sem það liggur ekki
alveg Ijóst fyrir hvers konar
rekstur verður í nýbygging-
unni, sem fyrirhugað er að rísi
þama og óttumst við að þar
verði hótelrekstur," sagði As-
björn Dagbjartsson, íbúi við
Heiðarlund 1, í samtali við
Morgunblaðið, en eins og áður
hefur komið fram hafa íbúar í
nærliggjandi húsum haft
áhyggjur vegna fyrirhugaðra
framkvæmda á svæðinu.
Ásbjörn sagði að margir væru
tortryggnir í garð þeirrar tillögu-
teikningar, sem lögð hefði verið
fram af hálfu verktakans og benti
á, að á fundinum, sem haldinn var
um málið á mánudagskvöldið,
hefði tali um einhvers konar hótel-
rekstur aldrei verið mótmælt.
„Það kom meðal annars fram á
fundinum að þetta svæði hefði á
áðalskipulagi verið skilgreint sem
svæði með miðbæjarstarfsemi, það
var hins vegar ekki farið nánar út
í það, hvers konar starfsemi það
væri, og virðist mér hugtakið vera
mjög teygjanlegt. Þá er gert grein
fyrir töluverðri lofthæð í kjallara
og hafa sumir verið tortryggnir í
garð þess. Niðurstaðan er því sú
að fólk veit ekki almennileg á
hverju það á von, en gerir sér hins
vegar grein fyrir því að þarna yrði
mjög aukin umferð og aukið
ónæði. Hverfið er hins vegar mjög
friðsælt og þannig viljum við hafa
það áfram,“ sagði Ásbjörn.
Sálin í Sjallann
Hljómsveitin Sálin hans Jóns
míns heldur tónleika í Sjallanum
á Akureyri í kvöld og eru það
fyrstu tónleikar sveitarinnar norð-
an.
Hljómsveitin mun flytja nýtt og
gamalt frumsamið efni í bland við
eidri slagara frá gullaldarárum soul-
og rokktónlistar í Bandaríkjunum.
-Húsið verur opnað kl. 22.00.
(Frcttatilkynninff)