Morgunblaðið - 05.08.1989, Blaðsíða 18

18
MORGUNBLAÐIÐ LAUGARDAGUR 5. AGUST 1989
Bkðbmr
oskast
Símar 35408 og 83033
AUSTURBÆR
Kleifarvegur
MIÐBÆR
Lindargata 39—63 o.fl.
Upplýsingasímsvari 681511.
Lukkulínan: 99 1002.
FRÍDAGUR VERZLUNARMANNA
Vinnuralla daga frá
ntorgnifram á kvöld
Keflavík.
„Ég hef verið með eigin verslun í liðlega 3 ár og á þessum tíma hef
ég ekki látið það eftir mér að taka frí um verslunarmannahelgina,"
sagði Anna Þóra Pálsdóttir sem rekur verslunina Hornið við Hring-
braut 99, í Keflavík. Vinnudagur Önnu Þóru er oftast langur, lengri
en hjá flestum verslunareigendum þvi hún er að öllu jöfiiu við störf
frá morgni fram á kvöld jafnt um helgar sem virka daga og þegar
aðrir hafa lokað þá er opin búð hjá Önnu Þóru á Horninu.
Anna Þóra Pálsdóttir byggir
verslun sína á gömlum grunni,
því í húsnæðinu hefur verið starf-
rækt verslun um 30 ára skeið —
lengstum Sölvabúð. Þegar Anna tók
við versluninni hafði gengið á ýmsu
í rekstrinum og hafði þrívegis verið
skipt um nafn á búðinni frá því hún
hét Sölvabúð. Sá er rak verslunina
síðast hafði orðið gjaldþrota og
hafði húsnæðið staðið lokað í um
li ár þegar Anna tók við henni.
„Mig langaði til að vera sjálfstæð
og hætta að vinna hjá öðrum, það
var kveikjan að þessu ævintýri
mínu,“ sagði Anna sem er ættuð
frá Mýrum í Borgarfirði. Hún var
áður verslunarstjóri í 6 ár í verslun
Kaupfélags Suðurnesja við Faxa-
braut, en hjá Kaupfélaginu vann
hún í 8 ár. Anna sagði að hún hefði
komið fyrst til Keflavíkur árið 1959
á vertíð og vann þá um tíma hjá
Sölva í Sölvabúð. Anna sagði að
reksturinn hjá sér hefði gengið
ágætlega og veltan væri alltaf að
aukast.„En þetta kostar líka göysi-
lega mikla vinnu og ég hef orðið
að vinna frá morgni til kvölds og
einnig um helgar. í sumar hef ég
þó tekið mér frí annað veifið um
Morgunblaðið/Bjöm Blöndal
Anna Þóra Pálsdóttir verslunarmaður á Horninu í Keflavík.
helgar, því maður endist ekki í
mörg ár með slíkri vinnu.“
Anna sagði greinilegt að um
þessar mundir ættu margir í erfið-
leikum með að láta enda ná saman
hjá sér.„Fólk hefur minna á milli
handanna og það verslar inn á ann-
an hátt en áður og sparar við sig
ýmislegt sem það gat veitt sér áð-
ur. Þetta er aðallega síðari hluta
mánaðarins þegar launin hrökkva
ekki lengur til matarkaupanna. En
svo er líka ákveðinn hópur fólks sem
er með óþarfa barlóm þótt það geti
ekki veitt sér allt sem hugurinn
girnist," sagði Anna Þóra Páls-
dóttir sem ætlar ekki að taka sér
frí um þessa verslunarmannahelgi
frekar en fyrri daginn.
BB

SELFOSS:
„Fólk leitar minna til
höfuðborgarinnaru
Karl R. Guðmundsson hefur rekið
úra- og skartgripaverslun í 25 ár
Selfossi.
„Ég er mjög ánægður með að hafa þjónað bæjarbúum þennan tíma,“
segir Karl R. Guðmundsson úrsmiður sem rekið hefur úra- og skart-
gripaverslun í 25 ár við Austurveginn á Selfossi, hin síðari ár í fé-
lagi við Boga son sinn sem einnig er úrsmiður, A þessum árum
hefúr húsnæðið stækkað, úr 15 fermetrum í byrjun, í 150 fermetra.
Þessi ár hefur Karl alltaf haft á boðstólum úr, klukkur og skart-
gripi ásamt úrvali verðlaunagripa. Lipur viðgerða- og verslunar-
þjónusta er aðalsmerki þeirra feðga.
Mér finnst fólk fara minna til
Reykjavíkur eftir þeim vör-
um sem við erum með en það gerði
áður og það eru nokkur ár síðan
maður varð var við það,“ segir
Karl og kveðst auðvitað ánægður
með þá þróun. „Varðandi skartgri-
pina þá kaupir fólk dýrari hluti
núna en það gerði áður og Ieitar
ekki til höfuðborgarinnar eftir þeim.
Það er nú svo að skartgripirnir sem
við úrsmiðir erum með eru mjög
svipaðir en við erum hérna í versl-
uninni með heldur lægra verð og
fólk verður vart við það. Það vill
gera góð kaup og veltir þessu því
fyrir sér.
Annars er það eftirtektarvert að
það sem kannski mokselst í
Reykjavík tekur ekki við sér hérna
fyrir austan fyrr en eftir hálft til
eitt ár. Þetta á aðallega við um
nýtt tískuútlit á úrum.“
Karl segir handtrekktu úrin við
það að hverfa. Það séu kannski eldri
menn sem eigi slík úr sem þeir
halda uppá af einhveijum ástæðum.
Hann sagði einnig að menn litu
úrið núna öðrum augum en gert
var áður fyrr. Þá hefði þetta verið
gripur sem mikil eign var í og fólk
gætti vel að en með auknu fram-
boði af alls kyns úrum hefði þetta
breyst. Karl sagði að meira hefði
verið um það áður að menn úr sveit-
unum hefðu komið með úrið sitt í
viðgerð og þá hefði hann þekkt til
nánast á hveijum bæ í sveitunum.
Þessa sagðist hann sakna svolítið.
Annars sagði hann að mikil breyt-
ing hefði orðið á viðgerðum á úrum
síðan kvartsúrin komu til sögunnar.
Hins vegar sagði hann að það væri
oft heilmikill sprettur í áletrunum
á verðlaunagripi og peninga, en um
þann þátt sér Bogi.
„Maður hefur kynnst alveg
aragrúa af indælis fólki og mér
hefur fundist ágætt að starfa hérna.
Fólk er þægilegt og sýnir biðlund
ef eitthvað vantar og einhver bið
þarf að vera á því að úr rætist. Það
Morgunblaðið/Sigurður Jónsson
Ursmiðirnir Karl R. Guðmundsson og Bogi Karlsson framan við virðu-
legri hluta af klukkum sem í boði eru.
eru úr af ýmsu tagi sem við fáum
hér inn sem fólk hefur keypt í út-
löndum. Oftast borgar sig ekki að
gera við og þá lítur maður á hlutinn
og segir fólkinu hvað best er að
gera og fólk tekur þessu alltaf vel
og er þakklátt þegar maður segir
því til um þessa hluti.“
A fyrstu árum verslunar Karls
Guðmundssonar á Selfossi þegar
úrið var mikil eign í augum manna.
Bárust honum oft á tíðum vísur frá
eigendunum þegar þeir höfðu feng-
ið úrið aftur í sínar hendur. Ofan
í einni skúffunni í vinnuborði Karls
var miði frá 1968 með þakkarvísu
frá Bjarna Guðmundssyni í Hörgs-
holti:
Úrið datt ég segi satt
ég sakna þess á daginn.
Með viðgerð hratt mig gleður glatt
góði karlinn laginn.
- Sig. Jóns.
„ Upp í 30 tegundir
fiskrétta í borðinu“
Rætt við Njál í Línufiski, Freyjugötu 1
Neysla fisks virðist hafa aukist nokkuð að undanfórnu í landinu og
ein nýjasta verslunin í Reykjavík er einmitt fískbúð, Fiskbúðin Freyju-
götu 1, sem er rekin af Línufiski hf. „Við hjá Línufiski opnuðum 5.
júní fiskbúð sem við keyptum en hafði verið opnuð tveimur mánuðum
fyrr,“ sagði Njáll Torfason hjá Línufiski.
Við kaupum hráefnið af bátum,
vinnsluhúsum og mörkuðum,
leitum þangað sem gott hráefni er
að finna, því við viljum ekkert nema
það besta og það verður að segjast
eins og er að það er sjaldan hægt
að fá gott hráefni á mörkuðunum á
höfuðborgarsvæðinu. Við leggjum
hins vegar kapp á íjölbreytni auk
besta hráefnis og höfum verið með
allt upp í 30 tegundir í borðinu,
stundum sömu fisktegundina, en út-
fært á marga vegu. Við seljum til
dæmis hinum vinsælu stöðum, Hard
Rock og Bæjarins besti fiskur, hrá-
efni en vinsælast á þeim vettvangi
eru ýsa, steinbítur og lúða.
Jú, þetta vex jafnt og þétt. Við
erum með búðina opna frá 10-12.30
og frá kl.14-18.30 og auk fiskborðs-

Morgunblaðið/RAX
Kristín Arsælsdóttir og Njáll Torfason
ins höfum við mjólkurvörur og sitt-
hvað fleira í smávöru. Það er svolítið
skémmtilegt að margir ferðamenn
eiga leið hér um Skólavörðuholtið og
það er ósjaldan sem þeir líta inn og
spytja um íslenska hráefnið, heiti
íslensku fiskanna og spá í fiskborðið.
- á.j.