Morgunblaðið - 17.10.1989, Qupperneq 23
MORGUNBLAÐIÐ ÞRIÐJUDAGUR 17. OKTÓBER 1989
23
í Saftii Ásgríms Jónssonar við Bergstaðastræti heftir verið opnuð sýning á myndum Ásgríms frá Þing-
völlum.
Myndir frá Þingvöllum 1
Safhi Asgríms Jónssonar
í SAFNI Ásgríms Jónssonar við
Bergstaðastræti hefur verið opn-
uð sýning á myndum Ásgríms frá
Þingvöllum. Á sýningunni eru 25
verk, aðallega vatnslitamyndir,
en einnig nokkur olíumálverk.
Eru nær öll verkin úr Iistaverka-
gjöf Ásgríms, sem nú er samein-
uð Listasafhi Islands.
I frett frá Ásgrímssafni segir
m.a: „Ásgrímur fór snemma að
mála á Þingvöllum og er ásamt
Kjarval sá listamaður sem sterkast
hefur túlkað náttúru þess staðar. Á
sýningunni eru margar hinna stóru
vatnslitamynda sem Ásgrímur mál-
aði eftir 1940. Þar túlkar hann
áhrif birtunnar á land og vatn, eink-
um á haustin og vorin þegar litirnir
í náttúrunni. eru síbreytilegir. í
þessum vatnslitamyndum fer lista-
maðurinn á kostum í túlkun sinni,
enda náttúruinnlifun hans sterk og
tæknin einstök."
Sýningin á Þingvallamyndum
Asgríms stendur fram í febrúar á
næsta ári og er opin um helgar og
á þriðjudögúm og fimmtudögum frá
klukkan 13.30-16.
Laxveiðikvóti Færeyinga:
Fyrsta viðræðufundi um
hugsanleg kaup lokið
„VIÐ áttum góðan fund og Fær-
eyingarnir tóku mér vel,“ sagði
Orri Vigfússon formaður Laxár-
félagsins í samtali við Morgun-
blaðið, en hann er nýkominn
heim af fyrsta viðræðufundi um
hugsanlega samvinnu Islendinga
og Færeyinga um úthafsveiði-
kvóta þeirra sem haldinn var í
Þórshöfti.
Orri sat fundinn fyrir hönd
íslenskra hagsmunaaðila en fyrir
hönd Færeyinga voru þeir Manne
Næs formaður félagsins Laxaskip
í Færeyjum, Arne Paulsen^ fram-
kvæmdastjóri félagsins og Utgerð-
arfélags Færeyinga og Jóhannes
Dalsgarð útgerðarmaður.
Orri sagði að Færeyingarnir
hefðu útskýrt mikilvægi þessara
úthafsveiða fyrir hagsmuni Færey-
inga og efnahagslega þýðingu
þeirra fyrir þá. Fram kom að færri
skip sækja nú þessar veiðar og að
þau hafi aðeins veitt helming kvót-
ans á síðustu vertíð.
Hann sagðist hafa skýrt sjónar-
mið íslendinga á þessum fundi.
Hann sagði hagsmuni þeirra fyrst
og fremst tengda útiveru og sumar-
leyfum allra aldurshópa og að lax-
veiðar skipta miklu máli fyrir bænd-
ur landsins. Efnahagslegir hags-
munir Islendinga væru mun minni
en þó yrði að hafa hliðsjón af sífellt
aukinni hafbeitarstarfsemi, en í ár
slepptu íslenskar hafbeitarstöðvai’
um_ 5 milljónum gönguseiða.
Á fundinum lagði Orri fram bréf
þar sem farið er á leit við Færey-
inga að teknar verði upp formiegar
viðræður um kaup á laxveiðikvótum
þeirra. Undir þetta bréf rituðu allir
helstu hagsmunaaðilar hér-á landi,
þ.e.a.s. landssambönd stangveiðifé-
laga, veiðiréttareigenda, fiskeldis-
og hafbeitarstöðva, Laxárfélagið,
Stangveiðifélag Reykjavíkur- og
Stéttarsamband bænda.
Færeyingar kváðust mundu
leggja málið fyrir Landstjórnina og
einnig taka það upp í félagi sínu
Laxaskipi áður en hægt yrði að
svara efnislega málaleitan ísiend-
inga.
Ef af þessu verður munu hags-
munaaðilar á íslandi kaupa lax-
veiðikvótann, en einnig hefur verið
leitað eftir stuðningi hagsmunaað-
ila í Norður-Ameríku, Bretlandi,
Noregi og víðar.
Þórarinn Andrésson
kaupmaður látinn
ÞÓRARINN Andrésson kaup-
maður fést laugardaginn 14.
október sl, rétt tæpra 78 ára að
aldri.
Þórarinn fæddist í Reykjavík 15.
októfeer 1911. Foreldrar hans voru
Halldóra Þórarinsdóttir og Andrés
Andrésson klæðskerameistari, sem
rak Klæðaverslun Andrésar Andr-
éssonar að Laugavegi 3.
Þórarinn lék knattspyrnu með
Val sem ungur maður en hóf
snemma störf við fyrirtæki föður
síns og starfaði þar alla tíð. Hann
fór til Englands upp úr 1930 til að
kynna sér nýjungar í fatasaum og
setti upp hraðsaumaverkstæði sem
þá var nýlunda og varð fyrirtækið
hið stærsta í sinni grein hér á landi
fram yfir 1960. Þórarinn tók við
rekstri fyrirtækisins af föður sínum
og rak það síðast á Skólavörðustíg
22a.
Þórarinn var kvæntur Kristínu
Hinriksdóttur og áttu þau þrjú börn,
Jóhann Hinrik lögregluþjón, Andrés
Halldór verkfræðing og Halldóru
sem dó á unga aldri.
--------------------------------------7T
Alifuglasalan hætt starfsemi:
Samkeppni gæti leitt
til lækkunar á verði
„ÞAÐ er ljóst að einhver sam-
keppni verður í framtíðinni milli
framleiðenda á markaðnum, en
reynslan verður að skera úr um
það hvort verð á kjúklingum fer
lækkandi af þeim sökum,“ segir
Bjarni Ásgeir Jónsson, fyrrver-
andi stjórnarformaður Alifugla-
sölunnar sf., sem hætti starfsemi
um síðustu helgi.
Alifuglasalan sf. tók til starfa í
byijun mars síðastliðins, en yfirlýst-
ur tilgangur með stofnun fyrirtæk-
isins var að draga úr dreifingar-
kostnaði í kjúklingarækt. Aðild að
fyrirtækinu áttu Reykjagarður,
Móar, Fjöregg og Markaðskjúkling-
ur, sem samtals ráða yfir um 90%
af framleiðslukvóta í kjúklinga-
rækt. Að sögn Bjarna Ásgeirs Jóns-
sonar munu þessir aðilar framvegis
sjá um sölu á framleiðslu sinni hver
fyrir sig, á sama hátt og var áður
en Alifuglasalan sf. var stofnuð.
Þá var algengt að einstakir fram-
leiðendur veittu viðskiptavinum
sínum allt að 15% afslátt af sinni
vöru, en Alifuglasalan sf. veitti
engan afslátt umfram 5% stað-
greiðsluafslátt.
Löggjöfum
dauðaskil-
greiningu og
líffæraígræðslu
GUÐMUNDUR Bjarnason heil-
brigðis- og tryggingamálaráð-
herra hefúr skipað nefhd til að
gera tillögur um löggjöf uni skil-
greiningu dauða og brottnám
líffæra til ígræðslu í aðra.
Nefndina skipa: Ólafur Ólafsson,
landlæknir, Páll Ásmundsson, læknir,
Sigfinnur Þoiieifsson, prestur, Sig-
þrúður Ingimundardóttir, hjúkrunar-
fræðingur, Þórður Harðarson, læknir
og Páll Sigurðsson, ráðuneytisstjóri
í heilbrigðis- og tryggingamálaráðu-
neytinú og er hann formaður nefnd-
arinnar.
Ritari nefndarinnar er Dögg Páls-
dóttir, lögfræðingur.
Lögfræðibók eftir
Ármann Snævarr
Bókaútgáfa Orators liefur gef-
ið út Almenna lögfræði eftir Ár-
mann Snævarr. Almenn lögfræði
kemur nú út í fyrsta sinn í prent-
aðri útgáfu, en áður hafa verið
gefln út handrit ætluð til kennslu
við lagadeild Háskóla íslands.
Almenn lögfræði fjallar um
helstu grundvallaratriði lögfræði,
§.s. hlutverk laga og réttar, tengsl
ríkis og réttar,_réttarheimildir, lög-
skýringar ó.fl. I bókinni eru ítarleg-
ar skrár og dómreifanir.
Bókin er kennslurit við lagadeild
Háskóla íslands. Auk þess er hún
hentug sem handbók fyrir starfandi
lögfræðinga og áhugaverð fyrir al-
menning. Bókin er 651 blaðsíða í
vönduðu bandi.
Ármann Snævarr var um árabil
prófessor við lagadeild Háskóla ís-
lands og var síðar skipaður dómari
við Hæstarétt Islands. Ármann hef-
ur skrifað mörg rit á ýmsum sviðum
lögfræðinnar og staðið fyrir útgáfu
lagasafna og dómaskráa.
Ármann Snævarr varð sjötugur
18. september sl. og fer því vel á
að bókin komi út á þeim merku
tímamótum.
Viðskiptatækni
Markaðstækni
Fj ármálatækni
Sölutækni
Hringdu í síma 62 66 55 og fáðu sendan. bækling
V Viðskiptaskólinn
Borgartúni 24, sími 6 2 6 6 5 5
128 klst.
60 klst.
60 klst.
36 klst.
Ármann Snævarr höfiindur Al-
mennrar lögfræði sem Bókaút-
gáfa Orators hefur gefið út.
Bókaútgáfa Orators var stofnuð
árið 1987 og hefur áður gefið út
sögu Orators eftir Jóhannes Sig-
urðsson hdl., Samningarétt og
Kauparétt eftir dr. Pál Sigurðsson
og Verndun hafsins eftir dr. Gunn-
ar G. Schram.