Morgunblaðið - 30.11.1989, Blaðsíða 21

21
MORGUNBLAÐIÐ FIMMTUDAGUR 30. NÓVEMBER 1989
Bæjarráð vill dag1-
lega gæslu á Bolafjalli
Bolungarvík.
I KJOLFARIÐ á olíuleka þelm sem varð frá ratsjárstöðinni á BolaQalli
í síðustu viku var unnið að því um síðustu helgi að hreinsa olíumengað-
an snjó af svæði sem er í um 10 metra radíus út frá affallsröri því
sem olían lak út um. 12-1500 rúmmetrum af olíumenguðum snjó var
ekið niður af fjallinu og hefúr um 75% af því magni verið koinið fyrir
í safiiþró á svæði olíufélagsins Skeijungs þar sem tryggt er að olía í
þessum snjó komist ekki í jarðveg.
Afgangnum, sem er mun meira
mengaður olíu, verður eytt með þar
til gerðum búnaði.
Að sögn Valdimars L. Gíslasonar
formanns heilbrigðisnefndar hafa
menn nú gert sér nokkuð góða grein
fyrir því sem þarna gerðist í raun-
inni. Bæjarráð Bolungarvíkur fer til
Reykjavíkur í næstu viku og mun
þar ræða við fulltrúa varnarmála-
deildar. Meðal annars verður farið
fram á að komið verði á daglegri
gæslu við ratsjárstöðina og bætt
verði úr upplýsingarstreymi milli
staðaryfirvalda og umsjónaraðila
stöðvarinnar.
Valdimar sagði að menn sæju nú
að alvarlegast í þessu öllu væri að
olían hefði verið flutt upp á þessu
íjallið á þessum árstíma og óþarfa
áhætta verið tekin með því. Því hafi
ekki verið tekið í mál, sem fulltrúar
í bæjarstjórn lögðu til, að taka aftur
áhættu og það enn meiri með því
að standa í olíuflutningum niður af
fjallinu eftir ísuðum veginum. Valdi-
mar sagðist vilja koma því á fram-
færi að eftir að menn gerðu sér grein
fyrir hvað hefði gerst þarna hafi
verið gengið ötullega í þetta mál af
öllum aðilum, þar með talið varnar-
máladeild og væri til dæmis þessi
umtalaða hreinsun á olíume'nguðum
snjó af ijallinu unnin í samvinnu
varnarmáladeildar og heimamanna.
-Gunnar
Sovétmenn kaupa lit-
ið af kanadískri síld
SOVÉTMENN hafa keypt mjög lítið af saltsíld frá Kanada í ár en í
fyrra keyptu þeir þaðan 100 þúsund tunnur af heilsaltaðri síld, að
sögn Jóns Friðþjófssonar í Halifax í Kanada. Jón sagði í samtali við
Morgunblaðið að Sovétmenn hefðu greitt 68-70 kanadiska dali (3.660-
3.770 krónur) fyrir tunnuna af heilsaltaðri kanadískri síld í haust.
Sovétmenn kaupa 150 þúsund tunnur af hausskorinni og slógdreginni
saltsíld héðan á þessari vertíð fyrir um 16,1 milljón Bandaríkjadala,
eða um 107,33 dali tunnuna (6.760 krónur). Sovétmenn kaupa því
kanadíska saltsíld fyrir 54-56% af
Sovétmenn hafa sagt í samninga-
viðræðum um saltsíldarkaup héðan
að Islendingar vilji fá of hátt verð
fyrir síldina og þeir geti fengið mun
ódýrari saltsíld frá Kanada. Jón Frið-
þjófsson sagði að stór síldarsöltunar-
stöð í Kanada hefði orðið gjaldþrota
vegna þess að Sovétmenn hefðu
ekki viljað kaupa síld af henni í
haust. Hann sagði að tvö stór sovésk
verksmiðjuskip væru við austur-
strönd Kanada og keyptu þar síld
af kanadískum sjómönnum.
Jón sagði að gæði kanadísku
saltsíldarinnar væru mun minni en
þeirrar íslensku. „1 Kanada var eng-
inn tilbúinn að fjárfesta í hausskurð-
ar- og slógdráttarvélum og hér er
lítil þekking á síldarverkun. Síldinni
er skóflað í tunnurnar með pækli
og salti og Sovétmenn vilja frekar
íslensku síldina en þykjast ekki hafa
efni á að gre’iða það verð, sem íslend-
ingar þurfa að fá.“
Sovétmenn kröfðust í vaxandi
mæli að binda kaup sín við heilsalt-
aða síld frá íslandi fram til ársins
1988 en þá keyptu þeir eingöngu
hausskorna og slógdregna saltsíld
verði þeirrar íslensku.
héðan og segjast vilja kaupa síldina
þannig í framtíðinni. Margar söltun-
arstöðvanna ákváðu því að kaupa
hausskurðar- og slógdráttaivélar og
hafa keypt að minnsta kosti 31 slíka
vél í ár fyrir um 40 milljónir króna.
Pólarsíld á Fáskrúðsfirði keypti vélar
fyrir 5-6 milljónir króna í haust og
fyrirtækið hefði orðið gjaldþrota ef
Sovétmenn hefðu ekki keypt saltsíld
héðan á þessari vertíð, að sögn Bergs
Hallgrímssonar framkvæmdastjóra.
Baader-þjónustan hefur selt
síldarsöltunarstöðvum 11 haus-
skurðar- og slógdráttarvélar í ár en
hver vél kostar 1,6 milljönir króna
á núvirði, að sögn Karls Ágústsson-
ar framkvæmdastjóra. Karl sagði
að stöðvarnar hefðu keypt 1-2 vélar
hver.
Neptúnus hf. hefur selt 12 haus-
skurðar- og slógdráttarvélar í ár.
Þar af keyptu tvær stöðvar fjórar
vélar hvor en hver vél kostar 1,4
milljónir króna, að sögn Björns Hall-
dórssonar. Björn sagði að einnig
hefðu verið fluttar inn að minnsta
kosti 8 notaðar vélar, sem væru
helmingi ódýrari en nýjar.
Barnabók eftir
*
Olaf M. Jóhannesson
Út er komin hjá Iðunni barna-
bókin Bjössi englabarn seni
Ólafúr M. Jóhannesson skrifaði
og myndskreytti.
„í fyrra kom út bók eftir mig
hjá Æskunni sem hét Óvænt ævin-
týri með safni af barnasögum.
Þessi bók gekk alveg prýðilega og
kveikti nýjan neista svo nú er
Bjössi englabarn orðinn að veru-
leika,“ sagði Ólafur í samtali við
Morgunblaðið. Um söguhetjuna
sagði Ólafur: „Hann er fimm ára
strákurinn og ansi frekur til fæð-
unnar. En foreldrarnir keppast við
að hrúga í hann sælgæti og reynd-
ar fær hann nánast allt sem hægt
er að kaupa fyrir peninga nema
kannski það sem ekki er hægt að
kaupa út í stórmarkaði. Það fæst
nefnilega ekki allt í þessum mörk-
uðum þótt góðir séu. En svo lend-
ir hann í óvenjulegu ævintýri sem
breytir lífi hans gersamlega og
reyndar allrar fjölskyldunnar.
Annars er þetta nú bara lítið ævin-
Ólafur M. Jóhannesson.
týri með svolítið óvæntum endi
sem ég vona að gleðji börnin.“
Aðstandendur bókarinnar Fimmtíu flogin ár. Frá vinstri eru Leifur Magnússon, Steinar J. Lúðvíks-
son, Sveinn Sæmundsson og Kristinn Olsen.
Islensk atvinnuflugsaga færð í letur:
Einn merkasti þáttur
íslenskrar atvinnusögu
- segir Steinat1 J. Lúðvíksson rithöfundur og annar höfiindur bókarinnar
FIMMTÍU flogin ár, nefiiist fyrra bindi íslenskrar atvinnuflugsögu
sem Frjálst franitak gefur út í samvinnu við Flugleiðir. Er í bók-
inni rakin saga flugsins frá 1919 til 1973 þegar Flugfélag íslands
og Loftleiðir sameinuðust. Höfúndar bókarinnar eru Steinar J.
Lúðvíksson og Sveinn Sæmundsson.
Arið 1987 var hálf öld liðin frá
því að samfellt atvinnuflug hófst
á íslandi og af því tilefni ákvað
stjórn Flugleiða að láta skrá sögu
atvinnuflugsins. Var skipuð rit-
nefnd til að hafa.umsjón með verk-
inu og sitja í henni Leifur Magnús-
son framkvæmdastjóri sem er for-
maður nefnarinnar, Sigurður
Helgason stjórnarformaður Flug-
leiða, Sveinn Sæmundsson sem
lengi var blaðafulltrúi Flugfélags
íslands og síðar Flugleiða, Jóhann-
es R. Snorrason og E. Kristinn
Olsen sem eru í hópi reyndustu
flugstjóra. Ritnefndin réði Steinar
J. Lúðvíksson rithöfund til að
kemja ritverkið.
Á fréttamannafundi, þar sem
bókin var kynnt, sagði Steinar J.
Lúðvíksson, að saga atvinnuflugs-
ins væri einn af þýðingarmestu
þáttum í atvinnusögu þjóðarinnar.
Þar hefði verið unnið merkilegt
brautryðjendastarf af ýmsum full-
hugum, sem hefðu, sem betur fór,
ekki alltaf reiknað dæmin til enda.
Steinar nefndi sérstaklega Agnar
Kofoed-Hansen, Alexander Jó-
hannesson, Orn Johnson og stofn-
endur Loftleiða.
Fyrra bindi ritverksins Fimmtíú
flogin ár, er 270 blaðsíður að stærð
í stóru broti. 305 ljósmyndir eru í
bókinni og var ákveðið að skipta
verkinu í tvö bindi til að gefa ljós-
myndunum meira rými. Margar
myndanna hafa ekki birst áður á
prenti.
Ráðgert er að seinna bindið
komi út/að ári, og verður þar rak-
in saga sameiningar Loftleiða og
Flugfélagsins, sagt frá starfsemi
Flugleiða til 1987, íjallað um önn-
ur flugfélög sem fengið hafa leyfi
til áætlunarflugs auk þess sem
skrá verður yfir flugvélar Flugfé-
lags íslands, Loftleiða og Flugleiða
og myndir af þeim öllum.
Fimmtíu flogin ár er prentunn-
inn í Odda en bókarkápu hannaði
Auglýsingadeild Frjáls framtaks
hf.
eitiö til okkar:
SMITH &NORLAND
NÓATÚNI 4 • SÍMI 28300