Morgunblaðið - 11.03.1990, Page 34
34n
MORGUNBLAЌ)
IÞROTTIR
SUNNUDAGUR 11. MARZ 1990
HANDKNATTLEIKUR / HEIMSMEISTARAKEPPNIN
„Erfidasta stund sem ég hef
upplHað sem íþróttamaður
U
sagði Alfreð Gíslason eftirtapið gegn Frökkum, og bætti við að sárt væri að skila ekki af sér A-sæti
„ÞAÐ ER sárt að geta ekki skil-
að af sér A-sæti. Nokkrir okkar
ætluðu að hætta eftir Ólympíu-
leikana, frestuðu því svo fram
yfir B-keppnina en héldu enn
áfram eftir hana vegna þess
hve þessi keppni var mikilvæg.
Markmiðið var að skila af sér
A-sæti, en það tókst ekki og
er mikið áfall fyrir okkur. Þetta
er erfiðasta stund sem ég hef
upplifað sem íþróttamaður,"
sagði Alfreð Gíslason við
Morgunblaðið eftir tapið gegn
Frökkum í gærmorgun.
Alfreð er einn þeirra sem víst
er að hættir að leika með
landsliðinu. „Ég kem til með að
sakna félagsskaparins. Þetta hefur
^^■■H verið frábær tími
Logi Bergmann sem hefur gefið mér
Eiösson mikið, það hefur
skrifar verið heiður að
keppa með þessum
strákum fyrir ísiand.“ En hvað var
að? „Eftir á að hyggja, þá kemur
það upp í hugann að búið er að
keyra á sama liðinu í mörg ár og
andstæðingarnir eru farnir að
þekkja liðið. Ég vil þó ekki kenna
Bogdan um þetta, hann hefur skilað
góðu starfi en þetta er 'bara eitt
af því sem gerist í íþróttum.“
„Mestu vonbrigðin á ferlinum“
„Þetta er mestu vonbrigðin á ferlin-
um. Það sem kom liðinu í koll var
að ná ekki að spila heilan leik af
yfirvegun. Þegar við gerum fyrstu
mistökin koma alltaf þrjú, fjögur
strax á eftir,“ sagði Kristján Ara-
son. „Enginn leikmaður liðsins hef-
ur náð öllum leikjunum góðum. Það
er kaldhæðni örlaganna að við töp-
uðum á reynslunni. Það er mikið
búið að tala um reynslumesta lands-
lið heims, en við gerum samt mis-
tök sem við eigum fyrir löngu að
vera búnir að læra að gera ekki.
Þessi árangur er langt frá því sem
við hefðum átt að geta náð — eðli-
legt hefði verið að ná fimm stigum
til viðbótar,“ sagði Kristján.
Vantaði kraft, segir Bogdan
„Þetta var lélegur leikur hjá okk-
ur, vörnin slök og lítil markvarsla
í fyrri hálfleik. Þá lentum við undir
og vorum einfaldlega ekki nógu
sterkir til að komast upp aftur. Inn
í þetta spilaði óheppni og við náðum
nánast aldrei frákasti eftir að mark-
verðir höfðu varið. Það vantaði ein-
hvern kraft, neista, sem hefði átt
að koma okkur yfir þetta,“ sagði
Bogdan Kowalczyk, landsliðsþjálf-
ari. Hann sagði eðlilegt að tapa
leik þegar svo mörg mistök eru
gerð, og raun bar vitni. „Heima
vinnum við vináttuleiki þrátt fyrir
að gera mistök, en menn gera sér
ef til vill ekki grein fyrir því að í
HM eru mistökin miklu dýrari —
leikir vinnast ekki þegar svona mis-
tök eru gerð. Það sem íslenska lið-
ið átti að gera var að spila rólega.
Menn taka hins vegar áhættu, ætla
að skora — ætla stundum meira en
þeir geta. Við hefðum átt að gera
eins og Frakkarnir, spila rólega og
bíða eftir færum.“ Hann sagði ís-
land eiga góða möguleika í B-
keppninni í Austurríki 1992. „Við
eigum unga stráka sem geta staðið
sig vel. Þeir fengu reynslu hér þó
þeir hafi ekki staðið sig eins vel og
ég bjóst við, frekar en aðrir leik-
menn.“
„Vantaði frekju og sigurvilja"
„Frakkarnir voru betri og
ákveðnari allan tímann. Okkurgekk
að vísu vel um tíma eftir að við
breyttum vörninni, en síðan hrundi
þetta aftur. Það vantaði frekju og
meiri sigurvilja í liðið,“ sagði Guð-
mundur Hrafnkelsson. Um keppn-
ina sagði markvörðurinn: „Liðið
náði sér hreinlega ekki á strik. Eft-
ir leikinn gegn Austur-Þjóðveijum
hélt ég að þetta væri að koma aft-
ur hjá okkur en Frakkarnir voru
bara betri í dag.“
„Vantaði neista“
„Það vantaði einhvern neista í
liðið. Vörnin var ekki nógu sterk,
menn voru ekki nógu ákveðnir í
boltann og nýttu ekki færin einn á
móti einum. Það var svekkjandi að
ná ekki boltanum í öll skiptin sem
Gummi varði — menn lögðu sig
ekki nógu mikið fram um að ná
boltanum. í lokin var fljótfærnin
allt of mikil og það gengur ekki í
svona leik,“ sagði Bjarki Sigurðs-
son.
Verðum að rífa okkur upp
„Vörnin var léleg, það vantaði
allan kraft í liðið. Frakkarnir voru
ákveðnari og það gekk allt upp hjá
þeim. í mótinu hefur allt brugðist
einhvern tíma, það er ekki hægt
að kenna neinu einu um. Menn
verða að sætta sig við þetta og
reyna að rífa sig upp aftur. Það er
engin ástæða til að gefast upp,“
sagði Héðinn Gilsson.
Leikurinn endurspeglaði gengi
íslands í keppninni
„Þessi leikur endurspeglaði gengi
íslands í keppninni. Ástæðuna fyrir
því að okkur gekk illa má rekja til
Ólympíuleikanna í Seoul 1988. Þá
ætluðu margir að hætta, en stutt
var í B-keppni. Eftir hana héldu
menn svo áfram til að klára þetta,
í stað þess að endurnýjun í landslið-
inu hefði orðið svolítið. örari og eðli-
legri. Það var kannski ekki tími til
að byggja upp nýtt lið, en þó var
svolítil áhætta að byggja á því
gamla. Leikmenn sem byggt hefur
verið á undanfarin ár voru margir
búnir að fá sig fullsadda af hand-
bolta,“ sagði landsliðsfyrirliðinn,
Þorgils Óttar Mathiesen.
Hann hélt áfram: „Undirbúning-
urinn fyrir þéssa keppni var ekki
nægur, deildin á íslandi er ekki það
sterk að við getum leyft okkur að
æfa svona lítið. Liðið kom ekki sam-
an fyrr en í byijun janúar og vant-
aði samæfingu. En þetta hefði get-
að tekist og við vorum ekki langt
frá því. Nú er kominn tími til að
byggja upp nýtt lið, það þarf að
byggja það vel upp, það þarf að
gera deildina erfiðari heima og láta
liðið æfa meira saman fyrir svona
mót. íslendingar eru áhugamenn
og þurfa því að æfa meira en hinir.“
ísland - Frakkland 23:29
íþróttahöllin í Prag, heimsmeistara-
keppnin í handknattleik - leikur um
9. sætið, laugardaginn 10. mars 1990.
Gangur leiksins: 0:1, 1:2, 2:3, 4:3,
6:6, 7:6, 7:8, 9:9, 9:13, 11:14, 11:15,
13:15, 13:16, 15:16, 16:17, 16:18,
17:18, 17:20, 19:20, 20:22, 20:27,
22:27, 22:29, 23:29.
ísland: Kristján Arason 7, Alfreð
Gíslason 5/4, Bjarki Sigurðsson 3, Jú-
líus Jónasson 3/1, Þorgils Óttar Mathi-
esen 2, Sigurður Gunnarsson 2, Héðinn
Gilsson 1, Guðmundur Guðmundsson,
Geir Sveinsson, Jakob Siguðrsson.
Varin skot: Guðmundur Hrafnkelsson
14/1, Einar Þorvarðarson 1.
Utan vallar: 8 mín.
Frakkland: Volle 8, Debureau 7,
Perreux 6, Portes 3, Mahe '2/1, Hager
1, Richardson 1, Stoecklin 1.
Varin skot: Medard: 14/1.
Utan vallar: 16 mín. t
Áhorfendur: 700.
Dómarar: Hofmann og Prause frá
Vestur-Þýskalandi.
u
„Hef enga skýringu
- segir Jón Hjaltalín Magnússon, formaður HSl
„ÉG hef enga skýringu á því
sem gerðist. Það hefur verið
mikið álag á liðinu undanfarin
ár, og það hefur oft staðið
sig vel, en það hefur ekki náð
neinum góðum leik hérna
nema gegn Austur-Þjóðverj-
um. Aðrir leikir hafa ekki ver-
ið sannfærandi," sagði Jón
HjaltalinMagnússon, form-
aður HSÍ, eftir tapið gegn
Frökkum.
Jón sagði að íslenska liðið hefði
ekki leikið illa að sínu mati, en
það franska mjög vel. „Það sýnir
að atvinnumennskan f Frakklandi
^■■■M er “ uppleið. Ég
Steinþór finn til með okkar
Guöbjartsson strákum, því að ég
skritar vejt að þeir geta
fráPrag betur. Liðið sýndi
fyrir keppnina að það var í mjög
góðu úthaldi og því var undirbún-
ingurinn ekki of stuttur.“
-Ertu sáttur við Bogdan og verð-
ur hann áfram?
„Við ákváðum eftir B-keppnina
í fyrra að ræða framhaldið eftir
þessa keppní og það munum við
gera. Við treystum þjálfaranum til
að velja liðið og stjórna því. Hann
hefur gert vel í því efni, en ég hef
séð hann starfa betur áður.“ (Þess
ber að geta að rætt var við Jón
áður en Bogdan lýsti því yfir að
hann myndi láta af störfum nú, og
greint er frá á bls. 2 í blaðinu í
dag. Ekki náðist í fomianninn eftir
yfirlýsingu Bogdans).
-Hættir Jón Hjaltalín sem for-
maður HSÍ í kjölfar úrslitanna?
„Ég átti mér þann draum að lið-
ið þyrfti ekki að fara í B-keppnina,
en hann rættist ekki. Ég er ekki
að gefast upp en það getur vel ver-
ið að ég eigi að hvíla mig. Ég er
samt ekki með neinar yfirlýsingar
þess efnis.“
Ólafur Jónsson, varafor-
maður HSÍ:
„Það er rosalega erfitt að henda
nákvæmlega reiður á hvað gerðist
og af hverju. Hins vegar verður að
passa sig á að ekki má leita orsak-
anna í afleiðingunum," sagði Ólafur
Jónsson.
Ólafur sagði að úrslitin í leiknum
og keppninni væru vissulega áfall,
en þetta væri ekki í fyrsta sinn, sem
þessi staða kæmi upp. „Við verður
að kryfja það sem hefur gerst. Við
erum ekki hættir að spila handbolta
og ég vona að það verði engin upp-
gjöf, þó illa hafi farið:“
-En hvað var að?
„Ég hefði viljað sjá vörnina spila
framar og sækja í Frakkana. En
það er spurning hvort þeir hafi
haft til þess kraft og það sé ástæð-
an fyrir því að þeir sóttu ekki.“
Morgunblaðið/Júlíus
Það var ekki létt yfir landsliðsmönnum er þeir gengu af leikvelli eftir leikinn
gegn Frökkum í Prag í gærmorgun.
Vonbrígði!
ISLENSKA landsliðið í hand-
knattleik hélt ekki haus íPrag
á laugardagsmorgun. Það
þoldi ekki spennuna, strákarnir
fóru á taugum eins og svo oft
áður hér í þessari keppni. Sex
marka tap, 29:23, gegn Frökk-
um er áfall - liðið verður ekkí
með á Ólympíuleikunum í
Barcelona 1992.
Strákarnir hafa oft leikið betur.
Varnarleikurinn var staður, De-
bureau og Volle fengu að athafna sig
að vild og skoruðu grimmt. Mar-
kvarslan var engin í
Steinþór fyrri hálfleik, en Guð-
Guðbjartsson mundur stóð sig vel
skrifar eftir hlé. Hann varði
frá Prag samt oft út á völlinn,
en þar voru samheijarnir sofandi,
Frakkarnir tóku öll fráköst og skor-
uðu jafnan í næstu tilraun.
Sóknarleikurinn var í lagi til að
byija með, en strákarnir áttu ekki
svar við grimmum varnarleik Frakka,
fóru á taugum við mótlætið og mis-
tökin voru allsráðandi. í stað þess
að fylgja góðum kafla í byijun seinni
hálfleiks eftir, endurtók sagan sig og
fallið var hátt.
íslenska liðið hefur oft leikið vel,
en ekki á þessari stundu og ekki í
þessari keppni, þegar á heildina er
litið. Tapið gegn Pólveijum sýndi að
andlega hliðin var ekki í Iagi og leik-
urinn og tapið gegn Frökkum undir-
strikar stöðu liðsins. Það er ekki betra
nú, en raun ber vitni.
Rúmenar urðu í þriðja sæti á HM,
sigruðu Júgóslava í gær 27:21, eftir
að hafa verið undir, 10:12 í leikhléi.
Tékkar tryggðu sér sjöunda sætið
með sigri á Austur-Þjóðveijum 17:16.
ÍSLAND-FRAKKLANC vv C\l l : 29
Nafn Skot Mörk Varin Yflr eða framh)á i atöng vld Útaf Knetti glataö Linusend. sem gefur mark Skot- nýting
Einar Þorvaröarson 1
Guðmundur Hrafnkelsson 14/1
Þorgils Óttar Mathiesen 3 2 r 3 67%
Jakob Sigurðsson 1 1 2
Guðmundur Guðmundsson 2 2
Geir Sveinsson 1 r
Sigurður Gunnarsson 5 2~ 1 1 4 40%
Alfreð Gíslason 6/4 5/4 T~j 2 83%
Júlíus Jónasson 5/2 3/1 2/1 ! n 2 60%
Hóðinn Gilsson 2 í~ r 1 50%
Kristján Arason TT 7~ 4 r 2 63%
Bjarki Sigurðsson 4 3 1 75%