Morgunblaðið - 27.09.1990, Blaðsíða 34
34
MORGUNBLAÐIÐ FIMMTUDAGUR 27. SEPTEMBER 1990
Minning:
Alda I. Guðjónsdótt-
ir, Vestmannaeyjum
Fædd 13. janúar 1918
Dáin 19. september 1990
Frænka okkar Alda ísfold Guð-
jónsdóttir lést aðfaranótt 19. sept-
ember síðastliðinn eftir langa sjúk-
dómslegu.
Alda fæddist 13. janúar 1918
næstelst af ijórum dætrum hjón-
anna Sigurborgar Einarsdóttur og
Guðjóns Þorleifssonar sem bjuggu
af í Fagurhól í Vestmannaeyjum.
Elst af systrunum er Laufey, fædd
1914, ekkja Jóns Bjarnasonar, hún
býr í Borgarnesi. Þá Alda, síðan
móðir okkar Þorleif, fædd 1923,
gift Kjartani Gíslasyni, þau búa á
Selfossi, og yngst er Anna Sigur-
borg, fædd 1928, gift Pétri Péturs-
syni, þau búa í Reykjavík. Auk þess
áttu amma og afi hvort sinn soninn
fyrir hjónaband, sonur afa heitir
Anton Júlíus, fæddur 1907. Anton
Júlíus er _ tvíkvæntur, fyrri kona
hans var Ásta Stefánsdóttir en hún
býr á Stokkseyri, en seinni kona
Antons heitir Aðalheiður Bjarn-
freðsdóttir, hún býr í Reykjavík.
Sonur ömmu heitir Einar Vídalín
Einarsson og er líka fæddur 1907,
ekkjumaður Þóru Gísladóttur, hann
býr í Kópavogi.
Alda var í föðurhúsum og vann
í vist sem kallað var, þ.ev-vinnu-
konu- og barnapíustörf, þar til hún
giftist eíginmanni sínum Guðna
Einarssyni árið 1941, Guðni var frá
Ekru á Rangán/öllum, hann lést
1985. Var það Öldu mikill missir.
Alda átti þrjá syni er allir búa í
Vestmannaeyjum. Elstur er Sævar
ísfeld, fæddur 1936, en Alda átti
hann fyrir hjónaband, hann ólst upp
hjá^ömmu og afa í Fagurhól, Sævar
var giftur Ingu Guðmundsdóttur
og eiga þau þijú börn. Þau slitu
samvistir. Næstur er Einar fæddur
1942, giftur Unni Alexandersdótt-
ur, þau eiga tvo syni, en Unnur
átti tvö börn frá fyrra hjónabandi
sem Einar hefur gengið i föður
stað. Yngstur er Guðjón Borgar,
fæddur 1946, giftur Katrínu Yng-
varsdóttir, þau eiga þijú börn. Guð-
jón á einnig tvo syni.
Alda og Guðni bjuggu lengi á
efstu hæðinni að Lundi en þau
byggðu sér hús í Illugagötu 3 og
fluttu í það 1957. Bjuggu þau þar,
þar til í gosinu 1973.
Við minnumst þess að okkur
fannst ansi langt í heimsókn til
Öldu frænku niður á Lundi, en for-
eldrar okkar bjuggu þá á Brekastíg
37, en okkur fannst hún hreinlega
flytja út í sveit, svo langt fannst
okkur inná Illugagötu í þá daga.
Framan af árum vann Alda alltaf
úti með heimilisstörfunum, var hún
mest í Fiskiðjunni eins í saltfisk-
verkun hjá Ársæli Sveinssyni, o.fl.
aðilum, einS tók hún að sér að
merkja handklæði og sængurfatnað
fyrir fólk, var hún snillingur á
saumavélina og saumaði heilu
blóma- og ævintýramynstrin einnig
fullt nafn viðkomanda, allt á vélina,
sum mynstrin og stafina teiknaði
hún líka sjálf.
Eftir að amma og afi hættu bú-
skap í Fagurhól, vegna veikinda
ömmu, var amma hjá foreldrum
okkar áður en hún fór á sjúkrahús,
en afi bjó hjá Öldu og Guðna á 111-
ugagötunni til dauðadags 1964.
Eftir gosið í janúar 1973 fluttu
Alda og Guðni að Hellu í Rang. en
um haustið fékk Alda heilablóðfall
og lamaðist alveg öðru megin. Veik-
indin urðu frænku okkar mjög erfið
enda náði hún sér aldrei eftir þau,
þó gat hún staulast um hús, hún
fékk málið fljótlega. Eftir að hún
var búin að vera á Grensásdeildinni
í nokkra mánuði og fá þá bót sem
hún náði, fluttu þau Guðni á Sel-
foss og bjuggu þar, þar til þau
fluttu aftur til Eyja 1977. Var
Guðni alveg einstaklega duglegur
að hugsa um Öldu og taldi ekki
eftir sér að fara í sumarfrí upp á
land á hveiju sumri með Öldu þó
hún væri svona mikill sjúklingur
og hann ekki góður til heilsunnar,
enda versnaði henni til muna eftir
hið snögga fráfall hans, og er búin
að vera alveg rúmföst í nokkur ár,
því höldum við að Alda hafí verið
södd sinna daga og hafi verið sátt
við að kveðja en við geymum minn-
inguna um góða og hlýja frænku.
Ásta og Eygló
Alda ísfold Guðjónsdóttir móð-
ursystir okkar lést að kvöldi 19.
sept. sl. Andlát hennar kom okkur
ekki á óvart þar sem hún var búin
að vera að mestu rúmliggjandi sl.
ár. Stundum er dauðinn lausn og
trúlega hefur Alda verið tilbúin í
sína hinstu ferð.
Alda fæddist í Vestmannaeyjum
13. janúar 1918. Hún var önnur
dóttir hjónanna í Fagurhóli, þeirra
Sigurbjargar Einarsdóttur og
Guðjóns Þorleifssonar bátasmiðs.
Fyrir áttu þau dótturina Laufeyju
og sinn hvorn soninn áttu þau
einnig þá, Anton og Einar Vídalín,
en þeir bjuggu ekki hjá þeim. Síð-
ar bættust tvær dætur við, þær
Þórleif og Anna.
Uppvaxtarár Öldu í Vest-
mannaeyjum voru svipuð og hjá
öðrum stúlkum á þeim tíma, vinn-
an var í fyrirrúmi. Við þekktum
Öldu ekki sem unga stúlku en af
myndum af dæma hefur hún verið
fíngerð og falleg stúlka. Alda var
mjög handlagin og hafði mikla
ánægju af því að teikna, blýantur
og blað vora hennar uppáhalds-
leikföng sem barn. Ef hún hefði
verið ung stúlka í dag hefði hún
trúlega lagt fyrir sig teikningar í
einhverri mynd. En hún var barn
síns tíma og þá áttu listgreinar
ekki erindi við alþýðu manna.
Hæfileikarnir nýttust í nytsöm
störf s.s. að sauma. Seinna tók
hún að sér að merkja sængurföt,
handklæði o.þ.h. fyrir fólk _ og
þótti fara það vel úr hendi. Árið
1941 giftist Alda Guðna Einars-
syni frá Ekru í Rangárvallasýslu.
Eignuðust þau tvo syni, þá Einar
og Guðjón Borgar. Fyrir átti Alda
soninn Sævar Isfeld. Þeir eru allir
búsettir í Vestmannaeyjum.
Alda og Guðni byggðu sér hús
við Illugagötu 9 í Vestmannaeyj-
um. í æsku okkar systranna
bjuggu þau þar og var oft farið í
heimsókn til Öldu frænku þótt hún
byggi „vestast í vesturbænum" en
við í austurbænum. Stundum varð
heimsóknin lengri en til stóð,
varði jafnvel í nokkra daga.
Alda var mikill kattarvinur og
voru oftast einn eða fleiri kettir á
heimili hennar. Ekki þótti litlum
stelpum það verra að fá að gefa
þeim að borða og drekka.
Alda og Guðni höfðu yndi af
því að ferðast og fóru mörg sumur
„upp á land“ með bíl og tjald.
Fyrir kom að lítil frænka fékk að
fljóta með. Þetta voru ævintýra-
ferðir sem seint gleymast. Guðni
var fróður um landið og kunni
margar þjóðsögur, Alda naut þess
að vera útí náttúrunni og smitaði
frá sér ánægjunni sem hún hafði
af þessu náttúrulífi. Það að vaða
í læk með Öldu frænku voru un-
aðsstundir sem líða seint úr minni
enda Vestmannaeyjastelpur alls
óvanar ám og lækjum.
Þegar gaus í Eyjum 1973 fluttu
Alda og Guðni á Hellu í Rangár-
vallasýslu. Um haustið 1973 þegar
Alda var rúmlega 55 ára fékk hún
heilablóðfall og lamaðist. Hún náði
sér aldrei til fulls. Þau fluttu til
Eyja, seldu húsið við Illugagötuna
og keyptu íbúð við Hásteinsveginn
sem .hentaði betur, en Guðni að-
stoðaði Öldu eftir bestu getu í
veikindum hennar. Við Hásteins-
veginn bjuggu þau til 1985 er
Guðni lést skyndilega. Alda flutti
á elli- og dvalarheimilið Hraunbúð-
ir í Eyjum og dvaldi þar til hausts-
ins 1989 er hún veiktist alvarlega
og var flutt á sjúkrahúsið í Eyjum.
Þaðan átti hún ekki afturkvæmt.
Sonum, systkinum og öðrum
aðstandendum sendum við samúð-
arkveðjur.
„Far þú í friði,
friður guðs þig blessi,
hafðu þökk fyrir allt og allt.“
(V. Briem)
Erla og Sigurborg.
TILBOÐSDAGAR
TIL MÁNAÐAMÓTA
POTTAPLONTUR
Blómstrandi ERIKA (Stofulyng) í leirpotti.
Verð aðeins
Blómstrandi BEGÓNÍA, aðeins
HAUSILÁUKAi
50 TÚLÍPANAR, aðeins 699.
KERAMIK
20-50% afsláttur af keramikpottum í
tilefni tilboðsdaga.
Úrvals, steinlausar APPELSÍNUR.
Verð pr. kg. aðeins 11 9.-
KIWI, mjög gott frá Nýja Sjálandi, 5 stk. í poka.
Verð aðeins 109.-
ykimowil
Opið alla daga frá kl. 9-21. Sími 689070.