Morgunblaðið - 27.09.1990, Blaðsíða 37

MORGUNBLAÐIÐ FIMMTUDAGUR 27. SEPTEMBER 1990
37
Guðrún L. Þorkels-
dóttir — Minning
Fædd 26. júlí 1914
Dáin 16. september 1990
Þann 16. september sl. lést
Guðrún Lilja Þorkelsdóttir, hjúkr-
unarfræðingur, eftir löng og
ströng veikindi. Hún var jarðsett
mánudaginn 24. sept. sl.
Nær hálf öld er liðin síðan ég
kynntist Guðrúnu Lilju fyrst. Hún
var þá ungur hjúkrunarfræðingur
og starfaði á röntgendeild Lands-
pítalans. Hún tók á leigu herbergi
hjá foreldrum sínum á bernsku-
heimili mínu. Þá áttu ungar, ein-
hleypar konur yfirleitt ekki annars
úrkosta en leiguherbergi byggju
þær ekki í foreldrahúsum.
Guðrún var mjög glæsileg kona,
með kastaníubrúnt hár, klædd sér-
stæðum tískufatnaði, sem var
hannaður samkvæmt línum
stærstu tískuhúsa heims, hattar,
kápur og kjólar. Réð þarna sér-
stæður smekkur, hugmyndaflug
og hagsýni, því að ekki hafa efnin
verið mikil. Hún setti svip á bæ-
inn, sem var býsna grámóskulegur
á þessum-árum.
Guðrún hafði mikil áhrif á okk-
ur Álfheiði systur mína. Ekkert
fannst okkur skemmtilegra en að
vera samvistum við hana. Hún var
barngóð með afbrigðum og eyddi
gjarnan frítíma sínum í að spjalla
við okkur um lífið og tilveruna og
hafði ákveðnar skoðanir og oft
sérstæðar. Leyfði hún okkur oft
og tíðum að máta fötin sín og
prófa ilmvötnin sín. Það þótti
mörgum stelpukrakkanum
skemmtilegt, sem þá ólst upp í
fábreytni þessara ára en jafnframt
í draumaheimi og gerviveröld
Hollywood-kvikmyndanna.
Hámarkið var þó þegar Guðrún
sá til þess að við systurnar fengum
að fara í sveit til systur hennar,
Þórdísar, og manns hennar, Krist-
jáns Fjeldsted, að Feijukoti í Borg-
arfirði. Þetta var ómetanlegur
skóli fyrir okkur borgarbörnin að
kynnast sveitabúskap á óvenju
glæsilegu, menningarlegu og nút-
ímalegu sveitaheimili, og þar sem
ekki var aðeins búskapur heldur
einnig umsvifamikil laxveiði, og
húsmóðirin glæsileg eins og systir-
in þótt ekki væru þær beinlínis
líkar. Naut ég þessarar vináttu
mörgum árum síðar er sonur minn
fékk einnig að dvelja á þessu góða
heimili.
Guðrún Lilja var vel menntuð
kona ekki síst á þeirra tíma mæli-
kvai'ða. Hún lauk námi við
Kvennaskólann í Reykjavík, Hjúk-
ranarskóla íslands og síðar fram-
haldsnámi í geðhjúkrun í Dan-
mörku. Hún starfaði um tíma í
Danmörku en síðan á Landspíta-
lanum, lengst af á röntgendeild.
Guðrún Lilja giftist frænda
sínum, Gunnari Sigurðssyni, kaup-
manni, og eignuðust þau einn son,
Gunnar, sálfræðing. Þau hjón voru
miklir listunnendur og málverka-
safnarar og er mér tjáð að þau
hafi átt eitt mesta einkamálvei'ka-
safn á íslandi. Þar kynntist ég
fyrst „abstrakt“-list, þótti hún
furðuleg og lærði ekki að meta
fyrr en löngu seinna.
Eftir að Guðrún Lilja giftist
flutti hún og leiðir skildu. Tengsl
rofnuðu að nokkru en þó aldrei
alveg. Árið 1971 hóf hún störf við
sömu stofnun og ég, Heilsuvernd-
arstöð Reykjavíkur, húð- og kyn-
sjúkdómadeild. Þá voru vináttu-
böndin treyst að nýju. Þar starfaði
hún svo lengi sem aldur leyfði.
Guðrún Lilja var góður starfs-
maður, nákvæm, samviskusöm og
fáguð í framkomu, hlý og skiln-
ingsrík gagnvart skjólstæðingum
sínum. Henni var ekki gert að
krefjast mikils fyrir sjálfa sig,
heldur fyrst og fremst að þjóna
öðrum.
Síðustu æviárin dvaldist Guðrún
Lijla á heimilinu í Hátúni 10.
Einlægar samúðarkveðjur flyt
ég einkasyninum Gunnari, Þórdísi
systur hennar og Kristjáni mági,
að ógleymdri móður hennar, Guð-
rúnu Bergþórsdóttur, sem nú
dvelst á Dvalarheimili aldraðra í
Borgarnesi. Sú heiðurskona náði
þeim áfanga sl. vor að fagna 100
ára afmæli, ótrúlega ern.
Að leiðarlokum þakka ég Guð-
rúnu Lilju samfylgdina, tryggð og
vináttu og ekki síst þann þátt sem
hún átti í uppeldi okkar systra,
og svo síðast ánægjulegt samstarf.
Bergljót Líndal
Bókhalds-
í haust og vetur mun Tölvuskóli Reylqavíkur
bjóða áfram upp á bókhaldsnám fyrir fólk sem
vill ná tökum á bókhaldi fyrirtækja.___________
Markmið námsins er að þátttakendur verði
fullfærir um að starfa sjál&tætt við bókhaldið
og annast það alit árið.
Deim <sem ekki hafe kynnst bókhaídi gefet
kostur á ðérstöku grunnnámskeiði.
Á námskeiðinu verður eftirfarandi kennt:
* ítarleg bókhaldsverkefni
* Launabókhald
* Virðisaukaskattur
* Víxlar og skuldabréf
* Bókhaldslög og reglugerðir
* ASstemmingar
* RaunhæS verkeSni
* Tölvubókhald
Námskeiðið er 72 klsi
Tölvuskóli ReykJavíkur
Borgartúni 28. S:687590
BUGS BUNNY ER FIMMTUGUR...
og hefur elst ótrúlega vel
Af þessu tilefni höfum við hjá Steinum hf. ákveðið að gefa honum og vinum
hans alíslensk nöfn og kenna þeim að tala hnökralausa íslensku.
Við auglýsum hér með eftir hæfileikaríkri persónu,
sem getur tekið að sér að Ijá þessum fríða hópi raddir.
Viðkomandi þarf að hafa gott vald á íslensku,
ríka tilfinningu fyrir mæltu máli og hæfileika til að syngja.
Allir sem telja sig vera ofangreindum kostum búnir
geta tekið þátt með því að lesa eftirfarandi texta
inn á snældu og senda okkur fyrir 10. október merkt:
/ STEIIMARhf., RÖDDTILSÖLU
/ Nýbýlavegi 4, 200 Kópavogi
\ BUGS BUNNY: „Gulrótarkaka! Uppáhaldið mitt, hvernig vissirðu...?"
J DAFFY DUCK: „Bara tilviljun, bara tilviljun. “
f ELMERFUD: (smámæltur) „Hættiðiþessuþvaðri. Fáiðykkursætiog étum kökuna."
í -