Morgunblaðið - 27.09.1990, Blaðsíða 42
42
MORGUNBLAÐIÐ FIMMTUDAGUR 27. SEPTEMBER 1990
fclk í
fréttum
SKEMMTANIR
Afmælisveisia
Mikil barnahátið var á Ljós-
myndastofu Sigriðar Bac-
hmann sunnudaginn 23. septem-
ber, en þá var liðið ár frá því að
stofan tók til starfa. Sigríður bauð
þá öllum þeim börnum sem hún
hefur ljósmyndað á árinu til af-
mælisveislu og var þar margt um
manninn og mikið um dýrðir eins
og myndin ber með sér.
Börnin eru máluð í tilefni dagsins.
Morgunblaðið/Þorkell
Frá Frægmóti TR um helgina. Fremstir á myndinni eru Eggert Þorleifsson og Ragnar Halldórsson
sem tefldu fyrir sveitir leikara og forstjóra.
SKAK
Alþingismenn öruggir sigurvegarar
Sveit alþingismanna vann yfirburðasigur á svo-
nefndu Frægmóti Taflfélags Reykjavíkur um
helgina. Þeir Geir Haarde, Guðmundur Ágústsson,
Guðmundur G. Þórarinsson og Hreggviður Jónsson
fengu 29 'U vinning af 36 mögulegum, en tíu sveitir
tefldu á mótinu og var umhugsunartíminn 7 mínút-
ur á skák. Þijár sveitir urðu næstar og jafnar með
20 vinninga, en sveit borgarstjómar var dæmt ann-
að sætið á stigum. í henni tefldu Haraldur Blöndal,
Hrafn Jökulsson, Sveinn Andri Sveinsson og Vil-
hjálmur Þ. Vilhjálmsson. í þriðja sæti varð sveit
Ríkisútvarpsins .
KNATTSPYRNA
Snæfell
atti kappi
viðKR
Ungmennafélagið
Snæfell fékk meist-
araflokk KR í knattspyrnu
í heimsókn fyrir skömmu,
en KR-ingar sóttu Stykk-
ishólm heim fyrir áeggjan
Hótels Stykkishólms og
Knattspymuráðs Snæ-
fells. Veður var heldur
leiðinlegt, stormur og
kaldi, en leikurinn var
fjörugur. KR-ingar sigr-
uðu, skoruðu níu mörk á
móti einu marki heima-
manna. Á myndinni eru
liðin saman komin eftir
leikinn.
FALKAORÐAN
Heiðraður fyrir framlag
til íslenskra fræða
Vigdís Finnbogadóttir forseti
Islands sæmdi sænska doktor-
inn Gad Rausing nýlega fálkaorð-
unni. í tilefni af því hélt forseti
orðuþeganum jafnframt veislu.
Heiðurinn fær dr. Rausing fyrir
ómetanlegt framlag hans til að efla
kennslu í íslenskum fræðum við
háskólann í Oxford.
Dr. Gad Rausing er fornleifa-
fræðingur og einn aðaleigandi fyrir-
tækisins Tetrapak sem hefur lengi
haft mikil viðskipti við Island. Á
síðasta ári beitti hann sér fyrir því
að fynrtækið lagði fram 400.000
sterlirigspund, eða rúmlega 40 millj-
ónir íslenskar krónur til að tryggja
framtíð kennarastóls í íslensku við
Oxford-háskóla sem kenndur er við
Guðbrand Vigfússon.
Dr.Rausing var hér á ferð í
síðustu viku og auk þess sem honum
var haldið fyrrgreint samsæti heim-
sótti hann Árnastofnun, listasöfn
og Háskóla íslands.
Morgunblaðið/Einar Falur
Vigdís sæmir dr. Rausing fálkaorðunni.
SuKRASAGA
Vel heppnuð auka-
aðgerð á handleggs-
broti Karls Bretaprins
Karl Bretaprins hefur nýverið
gengist undir aðra aðgerð
vegna hins slæma handleggsbrots
sem hann hlaut er hann steyptist
af hestbaki í miðjum pólóleik í sum-
ar. Var hann á skurðarborðinu í
um þijár klukkustundir á meðan
færustu læknar reyndu að púsla
saman erfiðu brotinu. Að aðgerð
lokinni voru læknar bjartsýnir og
töldu að með tíma og æfingum
gæti prinsinn orðið að mestu al-
heill á ný, en það gæti tekið marga
mánuði. Aftur á móti væri vísast
að handleggurinn hefði orðið ónýtur
ef brotið hefði ekki verið tekið upp
á ný.
Basil Helal, fréttafulltrúi Queens
Medical Center í Nottingham, þar
sem aðgerðin var gerð, sagði að
Karl yrði líklega all marga mánuði
að endurhæfa handlegginn að því
marki að hann gæti talist fullgóð-
ur. Bót í máli væri þó að nú væru
horfur góðar, en fyrir aðgerðina
hefðu þær verið næsta vonlitlar þar
sem brotið hefði gróið bæði illa og
skakkt.
Karl var brattur er hann vaknaði
af svæfingunni, en við rúmstokkinn
sátu Díana prinsessa og prinsarnir
litlu, synir þeirra. Hann kveinkaði
sér þó töluvert er hann hreyfði
handlegginn í fyrstu skiptin, enda
hafði hann ekki getað gert það í
níu vikur. Læknar hafa tjáð honum
að endurhæfingin fyrstu vikurnar
verði sársaukafull, en Karl segist
engu kvíða.
Karl yfirgefur sjúkrahúsið i Nottingham en við hlið hans gengur
David Moss framkvæmdastjóri sjúkrahússins.