Morgunblaðið - 09.11.1990, Blaðsíða 23

MORGUNBLAÐIÐ FÖSTUDAGUR 9. NÓVEMBER 1990
23
Nemendur í Selásskóla í hjólreiðarferð um Elliðaárdal:
„Við erum búin að læra að
henda ekki rusli á víðavangi“
Ellefu ára nemendur í Selás-
skóla fóru í hjólreiðaferð um
Elliðaárdal í gær. Ferðin var
skipulögð með skoðun á mann-
gerðu umhverfi að markmiði
og var hluti af stærra verkefni
sem myndmenntakennari skól-
ans ásamt umsjónarkennurum
tveggja bekkjardeilda og full-
trúum frá Arkitektafélagi Is-
lands eru að vinna í samráði
við sjö og ellefu ára nemendur
í skólanum.
Áður en lagt var af stað í ferð-
ina ræddi Guðmundur Þorsteins-
son, námstjóri hjá menntamála-
ráðuneytinu, við börnin um að
hjólreiðamenn væru „ökumenn"
með réttindi og skyldur og brýndi
fyrir þeim nauðsyn þess að nota
hjálma á hjólunum.
Farið var frá skólanum á reið-
hjólum og hjólað niður Elliðaárd-
alinn. Á leiðinni var stoppað á sjö
stöðum þar sem börnin voru frædd
um mannvirkin og sögu hvers
staðar.
Að sögn Önnu N. Möller, um-
sjónarkennara eilefu ára barn-
anna, miðar verkefnið að því að
vekja börnin til umhugsunar um
umhverfi sitt, þannig að þau átti
sig á þeim áhrifum sem þau geta
haft á mótun þess, með því m.a.
að ganga vel um.
Krakkarnir voru sammála um
að þessi þáttur skólastarfsins
væri einn sá besti og sögðu, í
samtali við Morgunblaðið, að þeg-
ar hefðu verið unnin tvö skemmti-
leg og lærdómsrík verkefni. í því
fyrra var skoðaður gróður og jurt-
um safnað í léreftspoka, sem
Morgunblaðið/Árni Sæberg
Margir nutu aðstoðar vina við að festa hjálmana áður en lagt var
af stað í ferðina.
Hjólað yfir EUiðaárbrú.
Fjölmennur hópur leggur af
stað til að fræðast um Elliða-
árdalinn.
saumaður var í þeim tilgangi að
vekja krakkana til umhugsunar
um nauðsyn notkunar einnota
umbúða. í síðara verkefninu voru
unnar vatnslitamyndir og leir-
myndir út frá teikningum sem
krakkarnir höfðu gert af landslagi
í nágrenni skólans.
„Við erum búin að læra mjög
margt, helst þó að henda ekki
rusli á víðavangi," sagði Tryggvi
Þorgeirsson, ellefu ára hjólreiða-
kappi, í samtali við Morgunblaðið.
Stóragerðismálið:
Guðmundur sagðist
hafa banað manninum
- segir sambýliskona Snorra Snorrasonar
SAMBÝLISKONUR ákærðu í Stóragerðismálinu komu fyrir sakadóm
sem vitni í gær. Sambýliskona Snorra Snorrasonar sagði að Guð-
mundur Helgi Svavarsson hefði sagt að hann hefði banað Þorsteini
Guðnasyni. Sambýliskona Guðmundar Helga, sem hafði borið við
ýfirheyrslur hjá Rannsóknarlögreglu ríkisins að hann hefði sagst
hafa ráðist á manninn, bar í gær við minnisleysi. Hún játaði að-
spurð að minni hennar væri mjög skert vegna langvarandi óreglu.
Gunnlaugur Geirsson, prófessor,
kom fyrstur fyrir réttinn í gær-
morgun. Hann sagði að áverkar á
höfði og á brjósti Þorsteins væru
eftir sljótt áhald, eins og melspíru.
Áverkar á baki væru hins vegar
tæplega eftir slíkt áhald, heldur
grennra áhald, til dæmis skrúfjárn.
Sambýliskona Guðmundar Helga
kvaðst ekki muna til þess að hafa
heyrt ákærðu ráðgera ránsferð á
bensínstöðina við Stóragerði. Fram-
burður hennar einkenndist af því
að hún taldi sig ekki geta fullyrt
neitt, þar sem mjög væri farið að
fyrnast yfir atburðina í apríl í huga
sér. Hún tók fram, að þegar þetta
var hefði hún verið búin að vera
mjög óreglusöm í 6 mánuði sam-
fleytt. Hana minnti að jakki Guð-
mundar hefði verið blóðugur, þegar
hann kom heim, en mundi ekki til
þess að buxur hans hefðu verið
blóðugar. Aðspurð af hveiju hún
hefði hent buxunum líka, fyrst þær
voru ekki blóðugar, sagðist hún
ekki vita það, en Guðmundur hefði
beðið sig um það. Hún las yfir
skýrsluna, sem tekin var af henni
hjá RLR og kvaðst ekki efast um
að rétt væri eftir sér haft þar.
Sambýliskona Snorra Snorrason-
ar kvaðst ekki hafa heyrt þá tala
um fyrirætlanir sínar áður en þeir
fóru í ránsförina. Hún hefði verið
sofandi þegar þeir fóru og vaknað
við að Guðmundur var kominn
heim. Hún heyrði hann kasta upp
og fara i bað. Þegar hún sá hann
virtist hann mjög óttasleginn og
skjálfhentur. Snorri kom 15-20
mínútum síðar heim og virtist einn-
ig mjög hræddur. Hún kvaðst hafa
spurt hann hvað hefði komið fyrir.
Hann hefði þá sagt að þeir hefðu
ætlað að rota Þorstein á bensínstöð-
inni, en óvart orðið honum að bana.
Hún sagði að Guðmundur hefði
komið til þeirra í sömu andrá og
sagt: „Það var ég sem drap hann.“
Sambýliskona Snorra kvaðst
hafa spurt hann hvernig þeir hefðu
getað gert þetta, þar sem þau hefðu
þekkt Þorstein. Snorri hefði sagt
að hann vissi það ekki, en þeir hefðu
ekki ætlað að verða honum að bana.
Hún staðfesti að Guðmundur hefði
sagst hafa verið mjög blóðugur.
Hún hefði ekki séð föt hans, því
sambýliskona hans hefði þá verið
farin með þau út, en föt Snorra
hefðu ekki verið blóðug. Sjálf
kvaðst hún hafa aðstoðað Snorra
við að losna við fötin, en Snorri
hefði gefið þá skýringu að einhver
gæti hafa séð til þeirra og því vildi
hann henda fötunum;
Tveir kunningjar Snorra og Guð-
mundar Helga báru að þeir hefðu
heyrt þá tala um rán á bensínstöð
sólarhringnum fyrir atburðinn.
Annar þeirra sagði Guðmund hafa
sagt, að Snorri hefði unnið á staðn-
um og þekkti manninn, sem þar
yrði. Hann færi á undan, en Guð-
mundur kæmi á eftir og rotaði
manninn. Kunninginn kvaðst ekki
hafa tekið mark á þessu, fyrr en
hann frétti af morðinu, en þá hefði
hann haft samband við lögreglu.
Leiðrétting
í FRÉTT Morgunblaðsins síðastlið-
inn þriðjudag um húsbréfalán til
byggingaraðila vegna nýbygginga
var sagt að lánin geti numið allt
að 95% af verði fokheldrar íbúðar.
Þetta er ekki rétt, þau geta numið
90% af verði fokheldrar íbúðar eða
lægra hlutfalli. Þetta leiðréttist hér
með um leið og beðist er velvirðing-
ar á þessum mistökum.
PRÓFKJÖR SJÁLFSTÆÐISMAFVNA
í REYKJAINESKJÖRDÆMI
VERÐLEIKAR
María E. Ingvadóttir á erindi á Alþingi íslendinga.
Það sýna og sanna hennar eigin verðleikar.
Hún hefur vakið athygli fyrir málefnafylgni og þekkingu á ýmsum
sviðum - fyrir dugnað og víðtæka reynslu í mikilvægum
málaflokkum, þar má nefna atvinnumál, húsnæðismál og neytendamál.
SjálfstæðismennáReykjanesi, stöndum saman.
Við kjósum eftir verðleikum!
Kjósum Maiíu E. Ingvadótlur í 2.-4. sæti á lista
dokksins í koinandi prófkjöri.
STlÐMMiSMIW
kosninnukrilslolu: Xuslurslröml 6, siinurlil 23 20og(il 23 21.
Opiö virku daga kl. 10-21, uni helgar kl. 14-18.