Morgunblaðið - 15.12.1990, Qupperneq 80

80
MORGUNBLAÐIÐ LAUGARDAGUR 15. DESEMBER 1990
© 1990 Univefsal Press Syndicate
»Se ttu niSur c/eilu . berSu
■^ycttY) nafnifr h.ans?"
*
Ast er. ..
... aðnöldra ekki íhonum
um að hirða garðinn.
HÖGNI HREKKVlSI
„V/'RSTO NÚ AE> &RAGA ENN EIKihf FLÆlí-
IMSSICÖTTIMN HIMGAÞ.i? '•
> *
Stöndum með S AA í verki
Til Velvakanda.
Þúsundir íslendinga hafa notið
hjálpar SÁÁ og AA-samtakanna til
að komast úr klóm alkóhólismans.
Þúsundir íslendinga eiga eftir að
ganga sömu leið, sökkva sér ofan
í hýldýpi drykkjunnar og verða
bjargað af SÁÁ. Engu máli skiptir
hvað talað er um forvarnir og bind-
indi. Mannskepnan er svona.
Ákveðinn fjöldi mun eiga við áfeng-
isvandamál að striða.
Meðan aðrir tala_ um áfengis-
vandamálið gerir SÁÁ eitthvað í
málinu. Nú fara um 1.600 manns
í meðferð hjá SÁÁ á hveiju ári.
SÁÁ er eitt mesta þjóðþrifafyrir-
tæki íslendinga. Starfsemi samtak-
anna hefur gefið jrúsundum nýtt
líf. Nú stendur SÁA fyrir jólahapp-
drætti og búið er að senda miða inn
á hvert heimili í landinu. Ýmis önn-
ur happdrætti eru í gangi, þar sem
vaskir menn leita aðstoðar til að
kaupa tól og tæki til að geta sinnt
leitar- og björgunarstörfum. Til
þeirra er ieitað nokkrum sinnum á
ári. En til SÁÁ leita rúmlega 3.500
manns á ári eftir meðferð, eftirmeð-
ferð, göngudeildarþjónustu, fjöl-
skylduþjónustu og fynrtækjaráð-
gjöf. Björgunarstarf SÁÁ er ómet-
anlegt og það er skylda hvers ís-
lendings að taka þátt í því. Það
getum við gert með því að kaupa
happdrættismiða í jólahappdrætti
SAA.
Loftur Daníelsson
----------------
Gefum
ekki stríðs-
leikföng
Ommur og afar!
Nú fer undirbúningur jólahátíðar-
innar í hönd. Hjá mörgum okkar
er það þáttur í hátíðahöldunum að
gefa þeim sem okkur þykir vænt
um jólagjafir. Ofbeldi í heiminum
fer vaxandi. Við verðum þess líka
vör á íslandi. í sjónvarpi og í kvik-
myndum virðist ofbeidi vera sjálf-
sagt.
Ómmur og afar! Við getum vegið
á móti áhrifum ofbeldis með því
m.a. að kaupa. ekki leikföng, sem
gera ofbeldi að leik og skemmtun.
Veljum heldur leikföng sem horfa
til friðar og þroska.
Ömmur og afar! Tökum nú hönd-
um saman og sýnum í verki ábyrgð-
artilfinningu okkar og væntum-
þykju í garð barnabarnanna okkar.
Gefum þeim ekki stríðsleikföng í
jólagjöf.
Með jóla- og friðarkveðjum
Friðarömmur
Ferðamenn!
Vinsamlegast gangið vel um neyðarskýli Slysavarnafélagsins. Not-
ið ekki búnað þess nema þegar nauðsyn krefur. Öll óþörf dvöl í
skýlunum er óheimil.
Víkverji skrifar
Veðráttan er venjulega rysjótt á
þessum árstíma en undanfar-
ið hefúr veðurfar verið einstaklega
gott, þrátt fyrir einstaka smáhvelli.
Ur þessu má þó búast við því að
veturinn fari að láta að sér kveða
með frosti og snjó. Þá glaðnar yfir
skíðafólki. Um leið og fólk verður
háð veðri á einhvern hátt fer það
að fylgjast grannt með veðurspám
Veðurstofunnar. Gildir þá einu
hvort í hlut eiga skíðamenn, ferða-
langar, sjómenn eða bændur.
Allir sem hafa verið úti í frosti
vita að kuldastigið er mjög mismun-
andi eftir því hve vindstyrkur er
mikill. Því kröftugri blástur, þeim
mun kaldara. Þarna er um svokall-
aða vindkælingu að ræða og hafa
verið gefnar út töflur til að meta
kælinguna til ákveðins hitastigs
miðað við vindstyrk og er slík tafla
m.a. birt í Almanaki Háskólans. Til
dæmis jafngildir 10 stiga frost í 7
vindstigum 27 stiga frosti í logni.
Vindkælingin segir til um varmatap
líkamans miðað við að maður sé
alklæddur. Þarna er því um að
ræða ónákvæm vísindi, en Víkveiji
er þó þeirrar skoðunar að það yrði
vel þegin þjónusta og gagnleg ef
Veðurstofan birti á veðurkortum
sínum tölur um kælingu. Það yrði
trúlega til þess að menn yrðu sér
betur meðvitaðir um nauðsyn þess
að klæða sig vel. Utlendingar sem
hingað koma og dvelja hafa mjög
gjarnan orð á því að þeim finnist
Islendingar klæða sig illa og alls
ekki í samræmi við veður. Það
megi jafnvel þekkja úr útlendinga
á því, að þeir séu klæddir með til-
liti til veðurfars, séu t.d. í_ regn-
stökkum í rigningu, á meðan ísiend-
ingar í mesta lagi bretti upp jakka-
kragann. Sumir hafa leitt líkur að
því að ástæða algengra kvefpesta
sé einmitt hversu illa við klæðum
okkur.
xxx
Bóksalan er nú í algleymingi.
Víkveiji hefur litið inn í
nokkrar bókabúðir og sér ekki bet-
ur en að verð á flestum nýjum bók-
um sé mjög svipað og f fyrra þrátt
fyrir að íslenskar bækur séu nú í
fyrsta skipti undanþegnar virðis-
aukaskatti. Þetta virðist þó eitthvað
misjafnt eftir forlögum. Víkveiji
kannaði það lauslega í nokkrum
prentsmiðjum hvort framleiðslu-
kostnaður hefði hækkað mikið á
milli ára og var það talið af og frá.
Verð á prentverki væri svipað nú
og fyrir ári. Hver var tilgangur nið-
urfeliingar á virðisaukaskatti af ís-
lenskum bókum, fyrst kaupendur
þeirra njóta þess svo lítið í iækkuðu
verði?
xxx
Aeinni útvarpsstöðinni hefur að
undanförnu verið talað við
fólk sem lent hefur í klónum á fjár-
svikurum og jafnvel misst aleigu
sína. Fjöldinn allur af fólki hefur
gefið sig fram og sagt frá óförum
sínum. I mörgum tilvikum má sjálf-
sagt kenna um þekkingarleysi á
fjármálum, en f ótrúlega mörgum
tilfellum er hreinlega um það að
ræða að fólk sé svikið á skipulagð-
an hátt, falsaðar undirskriftir og
álíka glæpsamlegt athæfi. í fæstum
tilfellum virðist vera hægt að kalla
þá seku til ábyrgðar, sem sjálfir
lifa jafnvel í vellystingum. Ef lög
og dómstólar ná ekki til fjársvikar-
anna, má búast við því að einhveij-
ir aðrir telji sér skylt að beijast
gegn ósómanum og er þá hætt við
því að tilgangurinn helgi meðulin.
Alþingi og dómstólar þurfa að
bregðast við þessum vaxandi vanda
af snarræði ef ekki á illa að fara. L_