Morgunblaðið - 20.03.1991, Síða 52

52
MORGUNBLAÐIÐ MIÐVIKUDAGUR 20. MARZ 1991
„Ég i/iL -eJcki tmgdasotL serg ernSgg
heimskur t/L aSgiféast dótturrrjinni.''
Ást er...
... að renna á lyktina.
TM Reg. U.S. Pat Off.—all rights rmerved
• 1990 Los Angetes Timee Syndicate
Þú veist hvað átt er við þegar Þarf byssuleyfi fyrir bauna-
talað er um beltisstað? byssu?
AHRIFAMIKIL SYNING
Við fórum þijár vinkonumar á
dögunum að sjá þessa nýju sýningu
í Þjóðleikhúsinu, Bréf frá Sylvíu.
Raunar þekkti enginn okkar neitt
til þessarar skáldkonu, en það kom
varla að sök. Því þetta er fyrst og
fremst áhrifamikil lýsing á sam-
bandi móður og dóttur.
Okkur fannst leikkonurnar tvær
standa sig hreint eins og hetjur við
flutninginn á þessu verki. Hún
Helga er nú alveg hreint einstök í
meðferð leiktexta og getur farið
þannig með einföldustu setningar
að það verður sannkölluð reynsla.
Og mikið vildum við líka fá meira
að sjá til svo fallegrar ungrar leik-
konu sem Guðbjargar Thoroddsen.
Þar er ekki rembingurinn og skæl-
urnar, heldur er leikið hreint og
satt og með hjartans rausn. Hafi
leikhúsið þökk fyrir eftirminnilegt
kvöld.
Okkur fannst sjálfsagt að vekja
athygli á þessari sýningu, því eins
og við stöllurnar ræddum með okk-
ur eftir á, þá er eins og gerist allt-
of sjaldan í leikhúsunum núorðið
að þar sé boðið upp á eitthvað satt
og mannbætandi. Því ef það er eitt-
hvað sem þörf er á á þessum tímum
niðurrifs og eyðileggingar, þá er
það list þar sem sjálf manneskjan
er dýrmæt og einstök.
Laufey
Er þetta rann-
sóknablaða-
mennska?
Til Velvakanda.
Rannsóknablaðamennska hefur
aukist mjög á síðastliðnum 15-20
árum og er það að mínu mati til hins
góða, sé vel að verki staðið. Aðalat-
riði slíkrar blaðamennsku hlýtur að
byggjast á því að almenningur fái
aðgang að staðareyndum í viðkom-
andi málum. Einkum eru það DV og
Pressan sem telja sig stunda slíka
blaðamennsku í dag. Svokölluð Ný-
aldarhreyfing hefur verið undir smá-
sjánni hjá þessum blöðum. Slík skrif
um Nýaldarhreyfinguna væru svo
sannarlega gagnleg ef vel væri til
þeirra vandað þ.e. að menn fjölluðu
um staðreyndir og skrifuðu málefna-
lega bæði um jakvæðar og neikvæð-
ar hliðar málanna.
En þessu er svolítið öðruvísi varið.
Menn sem ekki kynna sér nógu vel
efnið og eru á móti Nýaldarhreyfing-
unni, skrifa neikvætt um málið og
fara æði frjálslega með staðreyndir.
Þeir Páll Ásgeirsson hjá DV og
Sigurður Már Jónsson hjá Pressunni
hafa m.a. skrifað um starfsemi undir-
ritaðrar og gefa báðir rangar og
mjög villandi upplýsingar um starf-
semina. I skrifum um einkatíma og
námskeið hjá undirritaðri veiða kr.
0-1.500 að kr. 4.000, kr. 9.000 verða
að kr. 20.000 o.s.frv. Hvorugur hafði
leitað til undirritaðrar um upplýsing-
ar varðandi starfsemina.
Þessum aðilum vil ég benda á að
í slíkum skrifum er það siðferðileg
skylda þeirra að leita upplýsinga á
réttum stöðum sem hlýtur hveiju
sinni að vera sá aðili sem skrifað er
um svo og þeir sem til þekkja.
Með von um að betur verði gert
í framtíðinni.
Guðrún Olafsdóttir
reikimeistari.
Hjólreiðar eru skemmtilegar, en þær geta líka
verið hættulegar. Hjólreiðamenn verða að fylgja
öllum umferðarreglum, og sýna sérstaka gætni.
Þannig geta þeir komið í veg fyrir alvarleg slys.
HÖGNI HREKKVÍSI
„SVBFNLETYSI ?"
„SUMIR. TELJA KIMDUR."
Víkverji skrifar
Allt bendir til þess að hin eigin-
lega kosningabarátta verði
stutt. Eftir rúma viku eru páskar
og frá því að þeim lýkur eru aðeins
19 dagartil kjördags, laugardaginn
20. apríl. Hvenær hefst kosninga-
baráttan? hafa margir spurt undan-
farna daga. Hófst hún með lands-
fundi sjálfstæðismanna fyrir 10
dögum eða með eldhúsdagsumræð-
unum á Alþingi í síðustu viku? Eða
er hún kannski alls ekki hafin enn
þá?
Spurningar af þessu tagi hvetja
til vangaveltna um það, hvort nokk-
ur ástæða sé til langrar kosninga-
baráttu. Þær leiða hugann einnig
að því, hvaða baráttuaðferðum
verði helst beitt.
Víkveiji er þeirrar skoðunar, að
minni þörf sé fyrir langan formleg-
an aðdraganda að kosningunum en
áður. Miðlun upplýsinga um þróun
stjórnmála, stefnur og störf er allt
önnur og meiri en áður. í allan
vetur hafa flokkar og einstaklingar
verið að búa sig undir kosningarnar
pieð einum eða öðrum hætti. Innan
flokkanna hefur víða verið efnt til
prófkjara eða forvals og unnið hef-
ur verið að stefnumótun. Sjálfstæð-
ismenn létu sérstaklega að sér
kveða með landsfundi sínum, al-
þýðubandalagsmenn hafa tekið upp
nýtt flokksmerki og þannig mætti
áfram telja.
XXX
Kosningabaráttan fer einkum
fram í fjölmiðlum. Áhugi á
fundarhöldum er minnkandi og þar
með fækkar tækifærum kjósenda
til að komast í beina snertingu við
frambjóðendur, ef þannig mætti
orða það. Svo virðist sem vinnustað-
afundir mælist ekki vel fyrir. Mörg-
um finnst beinlínis óþægilegt, að
frambjóðendur séu að ryðjast inn í
matsali eða kaffistofur.
Áhrifamestu og gagnlegustu
fundirnir eru vafalaust þeir, þar
sem fámennur hópur fólks hefur
frumkvæði að því að kalla einhvern
frambjóðanda til sín í þvi skyni að
ræða við hann um eitthvert eitt
mál eða almennt um stjórnmálavið-
horfið. Ættu flokkarnir að bjóða
slíkt og auglýsa, hvert menn skuli
snúa sér til að ná sambandi við
frambjóðendur.
xxx
Um síðustu helgi voru þingkosn-
ingar í Finnlandi. Umræðum
ar fyrir þær snerust minna um
málefni en það hveijir ætluðu að
starfa saman að kosningum lokn-
um. Er ekki líklegt að hið sama
gerist hér á næstu dögum og vik-
um? Að athygli og umræður fari
að beinast að því, hvernig stjórn
verði mynduð eftir kosningar og
hveijir skipi hana?
Ef framvindan verður á þann veg
hvílir mestur þungi kosningabarátt-
unnar í raun á þeim, er sitja fyrir
flokkana í umræðuþættinum, sem
efnt er til í sjónvarpi kvöldið fyrir
kjördag.