Morgunblaðið - 05.04.1991, Blaðsíða 22

1961 JÍH4A .8 flUDAQUTSÖ'I QIQAJSVIUOHOM
MORGUNBLAÐIÐ FOSTUDAGUR 5. APRIL 1991
fcS
“22
Rektorskjör við Háskóla
Islands fer fram í dag
REKTORSKJÖR við Háskóla
íslands fer fram í dag. Hljóti
enginn tilskilinn meirihluta
greiddra atkvæða verður kosið
að nýju eftir viku. Kjörgengir
eru allir skipaðir prófessorar í
starfi, en í prófkjöri sem fram
fór fyrir rúmum mánuði fengu
flest atkvæði þeir Þórólfur Þór-
lindsson, prófessor við félagsvís-
indadeild, sem hlaut 37,3% at-
kvæða, og Sveinbjörn Björns-
son, prófessor við raunvísinda-
deild, sem hlaut 28,5% atkvæða.
Stúdentaráð hélt opna fundi
með þeim i gær og fyrradag.
Hér á síðunni segja Þórólfur og
Sveinbjörn frá helstu baráttu-
málum sínum.
Rektor er kjörinn til þriggja ára
í senn, og tekur nýkjörinn rektor
við störfum með byrjun næsta
háskólaárs.
Atkvæðisrétt i rektorskjöri eiga
prófessorar, dósentar og lektorar
og allir þeir sem fastráðnir eru eða
settir til fulls starfs við Háskólann
og stofnanir hans og hafa háskóla-
próf. Einnig eiga allir stúdentar
sem skrásettir voru í Háskóla ís-
lands 5. febrúar síðastliðinn at-
kvæðisrétt, og gilda greidd at-
kvæði þeirra sem einn þriðji hluti
greiddra atkvæða alls. A kjörskrá
eru 497 kennarar og aðrii starfs-
menn og 5.013 stúdentar.
Kosið verður frá kl. 9-18 í hát-
Sveinbjörn Bjömsson:
Háskólinn þarf að koma þekk-
ingu sinni betur á framfæri
SVEINBJÖRN Björnsson nefndi fyrst að bæta þurfi launakjör
starfsmanna Háskólans þegar hann var spurður um helstu stefnu-
málin. „Menn óttast að ef launakjör verða miklu lengur eins og
þau eru hjá kennurum og öðrum starfsmönnum við Háskólann
verði erfitt að fá hæfa starfsmenn. Örðugt getur reynst að fá
ungt fólk sem lýkur námi erlendis heim vegna þess að því býðst
betra úti. Sama á við um fólk í þeim greinum sem veita aðgang
að störfum í atvinnulífinu. Við óttumst að Háskólinn geti ekki
keppt um starfsfólk við atvinnulífið,“ sagði Sveinbjörn,
„Innan Háskólans sjálfs gerist
það að menn fara að drýgja laun
sín með yfirkennsiu eða aukastörf-
um. Það gengur helst út á þann
tíma sem þeir ættu að hafa til
rannsókna, rannsóknimar em aft-
ur nauðsynlegar til að þeir geti
haldið sér við í starfi. Menn lenda
því í vítahring.
Það ijölgar mikið í Háskólanum
og umsvif í rannsóknum aukast
þannig að húsnæðisþörf hans er
sívaxandi, auk þess sem Háskólinn
er ennþá dreifður, jafnvel um bæ-
inn. Happdrættisféð dugar engan
veginn til að byggja það húsnæði
sem þarf fyrir þessi vaxandi um-
svif og nemendafjölda og íjölgunar
kennara samfara því.
Miklu máli skiptir að Háskólinn
haldi umráðum yfir happdrættis-
fénu og þarf að halda áfram að
leita ailra leiða til að efla það. Það
hefur líka komið inn fjármagn til
framkvæmda frá öðmm aðilum.
Tæknigarður er dæmi um það.
Sjálfsagt er að nýta allar hug-
myndir í þeim efnum. En ekkert
af þessu dugir. Eina úrræðið sem
þá blasir við er að það verður að
gerast hér líkt og með öllum öðmm
þjóðum að ríkið leggi Háskólanum
til fé til bygginga.
Ég hef lagt mikla áherslu á að
Þjóðarbókhlöðu verði lokið. Há-
skólinn stendur ekki undir nafni á
meðan hann hefur ekki viðunandi
háskólabókasafn og það verður
ekki fyrr en með Þjóðarbókhlöð-
unni. Þegar hún kemst í gagnið
fá nemendur fyrst þá lesaðstöðu
og aðstöðu til sjálfsnáms sem
menn horfa löngunaraugum til.
Háskólinn hefur ekki rekið mikið
á eftir byggingu Þjóðarbókhlöð-
unnar vegna þess að hann hefur
verið hræddur við að allt hans
byggingafé yrði tekið til að ljúka
henni. Eftir að eignarskattsaukinn
var lagður á til að fjármagna bygg-
ingu bókhlöðunnar hefur Háskó-
lanum vaxið kjarkur til að segja
að nú væri þjóðin búin að greiða
bygginguna með þeim skatti sem
hefur verið notaður í annað.
Bygging Þjóðarbókhlöðunnar er
mjög mikilvæg fyrir skólann, sér-
staklega miðlun skólans til al-
mennings á afrakstri þeirrar þekk-
ingar sem hér er. Hún er ekki ein-
ungis mikilvæg fyrir stúdenta
íðasal í aðalbyggingu Háskólans
og í kennslustofu á 3. hæð í Læk-
nagarði. Kennarar og aðrir starfs-
menn ásamt stúdentum, öðrum en
stúdentum í læknadeild og tann-
læknadeild, kjósa í hátíðasal, en
stúdentar í tannlæknadeild og
læknadeild, þar með taldar náms-
brautir í hjúkrunarfræði og sjúkra-
þjálfun svo og lyfjafræði lyfsala,
kjósa í Læknagarði.
Háskólaráð hefur skipað kjör-
stjórn til að annast undirbúning
og framkvæmd rektorskjörs og
eiga sæti í henni: Jón Ragnar Stef-
ánsson, dósent (formaður), Davíð
Þór Björgvinsson, dósent, Jón Frið-
jónsson, dósent, Stefán B. Sigurðs-
son, dósent, Pétur Már Ólafsson,
stúdent, og Siguijón Þ. Árnason,
stúdent.
Morgunblaðið/Sverrir
Sveinbjörn Björnsson prófessor
á fundi með stúdentum vegna
rektorskjörsins.
heldur einnig allan almenning sem
fær þama aðgang að góðu bóka-
safni. Háskólinn þarf að halda
áfram því góða starfi sem hefur
verið unnið á vegum núverandi
rektors við að koma þekkingu há-
skólamanna meira á framfæri við
almenning, sagði Sveinbjöm
Bjömsson.
Þórólfur Þórlindsson:
Brýnt að styrkja stöðu Há-
skólans í íslensku þjóðfélagi
ÞÓRÓLFUR Þórlindsson nefndi fyrst launamál háskólakennara
þegar hann var spurður um hvaða mál hann legði mesta áherslu
á. „Mjög brýnt er að taka á þeim málum. Ég mun beita mér fyrir
því að Háskólaráð setji launamál kennara á dagskrá og að það
verði skoðað hér mjög nákvæmlega hvernig hagræða megi kennslu
innan skólans á þann hátt að það geti komið kennurum tii góða 1
bættum kjörum,“ sagði Þórólfur.
„Ég vil efla verkefnabundnar
fjárveitingar til rannsókna, fyrst
og fremst með því að efla Rann-
sóknasjóð Háskólans. Einnig þarf
að skapa meiri festu í rannsókna-
málum skólans með því að veita
umtalsverðu fé beint til deilda og
stofnana. Fastar fjárveitingar
skapa stöðugleika í rannsóknum
og auka möguleikana á því að ráða
vel hæfa rannsóknamenn til langs
tíma. Með því að veita fé beint til
deilda og stofnana tryggjum við
kennurum ákveðna lágmarksað-
stöðu til að stunda rannsóknir.
Við búum við mikinn húsnæðis-
vanda í Háskólanum og stendur
það öllu starfi hans fyrir þrifum.
Þó að mikið hafi verið byggt þá
hefur skólinn vaxið ennþá hraðar.
Það er nauðsynlegt nú að útvega
meira fé til bygginga. Jafnframt
því vil ég endurskoða byggingaá-
ætlun Háskólans. Ég vil látaganga
í það af fullum krafti að Ijúka
þeim verkefnum sem byijað er á.
Það er lítil ráðdeildarsemi í því að
láta byggingar standa árum saman
ófullgerðar, eins og gerst hefur
hjá okkur, til dæmis húsnæði
lækna- og tannlæknadeildar. Við
endurskoðun byggingaáætlunar-
innar vil ég láta taka meira tillit
til stærðar deilda en gert hefur
verið, til dæmis fjölda nemenda.
Brýnt er að líta raunsætt á bol-
magn Happdrættis Háskólans til
að ráðast í stórframkvæmdir á
borð við þær sem fyrirhugaðar eru
núna. Við þurfum að endurmeta
það hvað við getum staðið undir
að byggja fyrir happdrættisféð.
Ég legg áherslu á að Þjóðarbók-
hlöðunni verði lokið en við það
myndi aðstaða kennara og nem-
enda til að sinna starfí sínu batna
verulega. Þá vil ég efla námsráð-
gjöf og færa hana út í deildir.
Ég tel að það sé mjög brýnt að
styrkja stöðu Háskólans í íslensku
þjóðfélagi. Eitt meginhlutverk
rektors verður að stuðla að því.
Við verðum að vera óhræddir við
að veita nýjum alþjóðlegum
straumum vísinda og fræða inn í
landið. Á gama tíma verðum við
að gæta þess vel að standa vörð
um meginstoðir íslenskrar menn-
Morgunblaðið/Sverrir
Þórólfur Þórlindsson prófessor
ávarpar stúdenta á framboðs-
fundi vegna rektorskjörs.
ingar. Það gerum við meðal ann-
ars með því að taka meiri þátt í
þjóðmálaumræðunni og öllum
þáttum íslensks þjóðlífs. Háskóla-
kennarar hafa verið að koma meira
inn í umræðuna og sú þróun þarf
að halda áfram,“ sagði Þórólfur
Þórlindsson.
Samband íslenskra sveitarfélaga:
Fjallað um atvinnu-
lífíð og skógræktina
SAMBAND íslenskra sveitarfélaga heldur árlegan fulltrúaráðsfund
sinn að þessu sinni í Hafnarborg, Hafnarfirði,' í dag, föstudaginn
5. apríl.
í fulltrúaráði sambandsins eiga
sætf 45’fúirtruáf iSFoIIurh landshlut-’
um. Auk þeirra sækja fundinn for-
ýsfúméh'n’ ’ 'láhdshrutásám’taka’hháf
sveitarfélaga, fulltrúar þingflokk-
anna o.fl. gestir.
Formaður sambandsins, Vil-
hjálmur Þ. Vilhjálmsson, borgar-
fulltrúi, setur fundinn kl. 9 og að
því loknu mun félagsmálaráðherra,
frú Jóhanna Sigurðardóttir, sem
jafnframt er ráðherra sveitarstjórn-
armála, flytja ávarp.
Að þessu sinni verður auk venju-
legra fundarstarfa fjallað um sveit-
arfélögin og atvinnulífíð og munu
þeir Asmundur Stefánsson, forseti
ASÍ, Einar Oddur Kristjánsson,
íofmáðúr* VSf óg ’Gfslf 'Gfslásón,
bæjarstjóri á Akranesi, hafa fram-
sögu um það efni. Einnig mun Þórð-
ur Skúlason, framkvæmdastjóri
sambandsins, hafa framsögu um
tekjustofna sveitarfélaga, reynsl-
una af nýjum lögum og ný viðhorf
í þeim efnum.
Frú Hulda Valtýsdóttir, formað-
ur Skógræktarfélags íslands, flytur
hádegisverðarerindi um sveitarfé-
lögin og skógræktina og Páll Guð-
jónsson, bæjarstjóri í Mosfellsbæ,
hefur framsögu um útgáfu-, kynn-
ingar- og fræðslumál sambandsins.
(Fréttatilkynning)
Gunnar Jónas
Gunnar og
Jónas hjá
Tónlistar-
félaginu
GUNNAR Guðbjörnsson tenór-
söngvari og Jónas Ingimundar-
son píanóleikari halda tónleika í
Islensku óperunni á vegum Tón-
listarfélagsins laugardaginn 6.
apríl kl. 14.30.
Gunnar stundaði söngnám hjá
Sigurði Demetz Franzsyni í Nýja
tónlistarskólanum í Reykjavík og
framhaldsnám í Berlín hjá próf.
Hanne-Lore Kuhse og í London hjá
Paul Wynne Griffiths. Einnig hefur
hann sótt tíma hjá Nicolai Gedda.
Undanfarin ár hefur Gunnar verið
á námssamningi hjá National Opera
Studio í London og verður fastráð-
inn í ágúst nk. við óperuna í Wies-
baden og þar með samstarfsmaður
Kristins Sigmundssonar og Viðars
Gunnarssonar.
Samstarf Gunnars og Jónasar
Ingimundarsonar • hefur staðið um
nokkurra ára skeið og hljóðritun
þeirra á Die schöne Mllerin eftir
Schubert kom út á síðasta ári.
Á efnisskránni á laugardag mun
Gunnar syngja Dictherliebe eftir
Schumann og lög eftir Bizet, Goun-
od, Fauré, Hahn og Sibelius.
Miðasala er í íslensku óperunni.
Morgunblaðið/Róbert Schmidt
Alls söfnuðust tæplega 90 þúsund
krónur á kökuuppboðinu og
verður ágóðanum varið til leik-
tækjakaupa í leikskólann.
Bíldudalur:
Kökuupp-
boð og mál-
verkasýning
Á skirdag var haldið kökuupp-
boð og málverkasýning í húsa-
kynnum Fiskvinnslunnar á Bíldu-
dal. Sýnd voru málverk leik-
skólabarna á aldrinum 2-5 ára.
Á kökuuppboðinu seldust alls 35
kökur fyrir tæplega 90 þúsund
krónur og verður ágóðanum varið
til leiktækjakaupa í leikskólann.
Þetta er í annað sinn sem slík fjár-
öflunarleið er framkvæmd, en fóstr-
umar sáu um uppboðshald og for-
eldrar bökuðu kökurnar.
Flestar kökurnar voru slegnar á
2-3 þúsund krónur en dýrasta
kakan fór á 5.000 krónur. Málverk-
in verða til sýnis í nokkra daga fram
yfir páska.
R. Schmidt