Morgunblaðið - 05.04.1991, Blaðsíða 39

MORGUNBLAÐIÐ FÖSTUDAGUR 5. APRÍL 1991
39
störf, lengst af hjá undirrituðum
við margs konar garðyrkju- og
verktakastörf. Þá þegar kom fram
hve sýnt honum var um að skipu-
leggja verk og laða fram árangur,
bæði hjá sjálfum sér og öðrum.
Hann var nákvæmur, velvirkur og
traustur. Ætíð var hægt að reiða
sig á hann, bæði í orði og verki.
Hann var því vinsæll stjórnandi
enda lipur í lund og ákveðinn. Fyr-
ir stuttu kom hann til mín þar sem
ég lá á spítala til að kanna hvort
hann gæti ekki veitt mér aðstoð.
Þannig var Hörður, vinur vina
sinna, ætíð reiðubúinn að rétta
hjálparhönd. Ég minnist samstarfs
okkar og vináttu með þakklæti og
sakna sárt míns góða vinar.
Skömmu eftir háskólapróf hóf
Hörður störf hjá Orkustofnun og
þar var starfsvettvangur hans æ
síðan. Hann hafði brennandi áhuga
á störfum þeirrar stofnunar og
framtíðarhlutverki hennar í orkubú-
skap þjóðarinnar.
Hörður var gæfumaður í einka-
lífi. Ung gengu þau í hjónaband
hann og Ellen Ingibjörg Árnadóttir.
Foreldrar hennar eru Helga Henr-
ýsdóttir Hálfdánarsonar og fyrri
maður hennar Árni Hinriksson, for-
stjóri Laugarásbíós, sem lézt árið
1975, langt um aldur fram. Ellen
og Herði varð þriggja barna auðið.
Þau eru Hinrik Þór, 17 ára, nemi
við Verslunarskóla íslands, Árni
Már, 12 ára, og Gerður Björk, 9 ára.
Ellen og Hörður hófu búskap í
Bröttugötu 5 í Kópavogi í húsi for-
eldra hennar. Árið 1978 fluttu þau
í eigin íbúð í Engihjalla 9. Arið
1985 flytja þau síðan í eigið einbýl-
ishús í Bæjartúni 5. Það hús reis
svo að segja í höndum Harðar. Þar
er handbragð hans á hveijum hlut.
Það leiðir af líkum að jafn starf-
samur maður og Hörður var átti
ekki margar frístundir. Þau hjón
horfðu nú loks, eftir mörg annasöm
ár, fram á „sólarferð“, tengda fer-
tugsafmæli beggja. Sú ferð verður
ekki farin. Hörður var kallaður til
annarrar ferðar. Það er trú okkar
að sú ferð liggi þangað sem sól lífs-
ins rís að baki dauðans.
Það er stundum sagt að þegar
jarðlíf endar eigi maðurinn ekkert
- nema það sem hann hefur gefið.
Hörður Svavarsson gaf mikið um
sína daga. Hann gaf sig allan í
umhyggju fyrir fjölskyldu sinni. Og
hann gaf sig allan í verk sín, að
hvetju sem hann gekk. Ef menn
uppskera eins og þeir hafa til sáð
á landi lifenda verður uppskera
hans ríkuleg.
Blessuð veri minning Harðar
Svavarssonar.
Ástvinum hans öllum eru sendar
innilegar samúðarkveðjur.
Þór Snorrason
Hörður Svavarsson, jarðfræðing-
ur, deildarstjóri á Orkustofnun lést
26. mars sl. Hann hefði orðið fer-
tugur í maí, og ekki annað vitað
en að hann væri heilsuhraustur. Því
meira áfall er lát hans okkur vinnu-
félögum hans.
Hörður hóf störf á Orkustofnun
1977, fyrst á efnafræðistofu. Þetta
var á þeim tíma sem tölvuskráning
og vinnsla var að ryðja sér til rúms,
og kunnáttumenn á því sviði ekki
hirtir upp af götunni. Hörður tók
þátt í brautryðjendastarfí við gerð
forrits til úrvinnslu efnagreininga á
jarðhitavatni og gufu og er það enn
notað víða um heim. Hann var
meðhöfundur að tímamótagreinum
um efnafræði jarðhitavatns, og
einnig kom hann á laggirnar skrán-
ingarkerfi fyrir efnagreiningar og
er enn byggt á þeim grunni. Með
þessu verkefni var starfssvið Harð-
ar ráðið, og hefur hann síðan starf-
að mest að verkefnum þar sem
góðrar kunnáttu í forritun er þörf,
lengst af við áætlanir um vatnsafls-
virkjanir. Þótt Hörður hafi ekki
haft sérstaka menntun í svonefnd-
um tölvunarfræðum, veittist honum
auðvelt að tileinka sér þekkingu á
þessu sviði, og þróaði hann og end-
urbætti virkjunarlíkan Orkustofn-
unar í takt við þróun búnaðar stofn-
unarinnar. Hörður hefur staðið að
flestum forathugunum á virkjunar-
möguleikum síðan 1981.
Hin síðari ár vann Hörður einn
við þessa líkanreikninga, og enn-
fremur við að koma á fót gagna-
safni yfir virkjunarhugmyndir og
áætlanir. Þó að starf Harðar hafi á
margan hátt verið skapandi, er allt-
af erfitt að vinna meira eða minna
einn. Við fundum það að Hörður
hafði þörf fyrir að ræða margt varð-
andi störf sín. í upphafi ársins var
ákveðið að efla þessa starfsemi og
átti Hörður að fá samstarfsmann
um mitt ár, en það hefði breytt
mjög starfsskilyrðum hans. En
margt fer öðruvísi en ætlað er. í
stað þess að efla hið mikla verk-
efni, sem Hörður hefur unnið að,
þarf nú að fylla í það stóra skarð,
sem hann lætur eftir sig.
Hörður tranaði sér ekki fram, en
skoraðist þó ekki undan trúnaðar-
störfum fyrir samstarfsfólk sitt.
Hann sat tvö ár í framkvæmdaráði
Orkustofnunar, og tók virkan þátt
í kjarabaráttu náttúrufræðinga,
seinustu fjögur árin sem trúnaðar-
maður FÍN á Orkustofnun. Hörður
var fremur hlédrægur í margmenni
og hafði sig lítt í frammi á fundum,
en átti það til að koma með stuttar
hnitmiðaðar athugasemdir. Hann
var einkar þægilegur í umgengni
og smellin innskot hans í samræð-
um yfir morgunkaffinu eru minnis-
stæð. Eins og títt er um þá sem
eru skýrir í hugsun og yfirvegaðir,
vildi Hörður hafa reglu á hlutunum,
og að gerðir fylgdu orðum. Yrði
misbrestur.á þessu átti hann það
til að segja mönnum til syndanna
og var þar ekki farið í manngrein-
arálit, en hánn var ekki að hrópa
athugasemdir sínar á torgum til að
uppheija sjálfan sig.
Starfsmenn á Orkustofnun sjá á
bak góðum félaga. Eiginkonu hans,
Ellen, börnum þeirra og öðrum
vandamönnum vottum við hina
dýpstu samúð.
Starfsmannafélag Orku-
stofnunar
Helgi Guðlaugsson
sjómaður - Minning
Helgi Guðlaugsson fyrrum sjó-
maður frá Hafnarfirði verður jarðs-
unginn frá Hafnarfjarðarkirkju í
dag. Hann lést á Hrafnistu í Hafn-
arfirði 26. maí sl. Helgi var á áttug-
asta og þriðja aldursári.
Helgi Guðlaugsson var fæddur
8. ágúst 1908 í Reykjavík. Foreldr-
ar hans voru Guðlaugur Hinriksson
og Guðrún Þórðardóttir. Móðir hans
Guðrún lést frá sex börnum þeirra
hjóna þegar Helgi var á tíunda ald-
ursári. Þá um sumarið kom faðir
Helga honum til sumardvalar að
Móakoti á Vatnsleysuströnd til
hjónanna Kristínar Jónsdóttur og
Bjarna Sigurðssonar sem þar
bjuggu. Dvölin hjá ijölskyldunni í
Móakoti varð lengri en áformað var
í upphafi en við lok sumardvalarinn-
ar var ákveðið að þau hjón tækju
Helga í fóstur og fylgdi hann fjöl-
skyldu þeirra þar til hann stofnaði
sitt eigið heimili. Þar mun ekki síst
hafa ráðið ákvörðun húsmóðurinnar
en einkar kært var á milli þeirra
Helga og Kristínar alla tíð meðan
hún lifði. Börn þeirra hjóna í Móa-
koti voru dóttirin Margrét og syn-
irnir Jón, Þórður og Sigurður sem
öll eru látin.
Starfsvettvangur Helga Guð-
laugssonar var sjómennska. Rúm-
lega tvítugur hóf hann sjómanns-
feril sinn en lengst af starfaði hann
á togurum Útgerðarfélags Einars
Þorgilssonar hf. í Hafnarfirði sem
háseti og kyndari. Síðustu starfsár-
in vann hann við strandsiglingar
hjá Skipaútgerð ríkisins og að lok-
um á rannsóknarskipum Hafrann-
sóknastofnunar. Helgi Guðlaugsson
var heiðraður árið 1975 af samtök-
um sjómanna fyrir löng og giftu-
samleg starfsár á íslenskum fiski-
skipum.
Starfstækifæri þeirra sem fædd-
ust um og eftir síðustu aldamót þar
sem lífsbaráttan var fyrst og fremst
fólgin í því að tryggja sér og sínu
fólki fæði og húsnæði voru ekki
mörg. Hins vegar ólst þetta fólk
upp við það, að gera kröfur til sjálfs
sín og standa á eigin fótum þegar
á móti blés. Fólk sem kunni að njóta
og nýta, það sem erfiði dagsins gaf.
Helgi Guðlaugsson ólst upp við
þessi lífsviðhorf, enda byijaði hann
ungur að vinna og segja má að allt
hans lífshlaup hafi gengið út á þrot-
lausa vinnu og að skapa sínu fólki
möguleika til að nýta þau tækifæri
sem umhverfið á hveijum tíma bauð
Birting afmælis-
og minningargreina
Morgunblaðið tekur afmælis- og minningargreinar til birting-
ar endurgjaldslaust. Tekið er við greinum á ritstjórn blaðsins á
2. hæð í Aðalstræti 6, Reykjavík og á skrifstofu blaðsins í Hafn-
arstræti 85, Akureyri.
Athygli skal á því vakin, að greinar verða að berast með góðum
fyrirvara. Þannig verður grein, sem birtast á í miðvikudagsblaði að
berast síðdegis á mánudegi og hliðstætt er með greinar aðra daga.
og það sóttist eftir.
Helgi Guðlaugsson giftist Ingi-
gerði Eyjólfsdóttur frá Hafnarfirði
árið 1935. Fljótlega eftir að þau
giftust réðst Helgi í að stækka hús
tengdaforeldra sinna á Jófríðar-
staðavegi 7 hér í bæ en þar bjuggu
þau alla sína búskapartíð, þangað
til að þau fluttu að Hrafnistu í
Ilafnarfirði fyrir 5 árum. Þeim lijón-
um varð 10 barna auðið. Þau eru
Guðrún alþingismaður, Ingólfur
arkitekt, háskólakennari í Edin-
borg; Jóhanna kaupkona, Gísli
bankastarfsmaður, Únnur skrif-
stofumaður, Arnar húsasmiður,
Bjarni verslunarmaður, Viðar fiski-
fræðingur, starfar nú í Namibíu,
Leifur íþróttakennari og Gerður
læknaritari.
Árið 1980 verða þáttaskil í lífi
Helga Guðlaugssonar þegar hann
kenndi sér þess sjúkdóms sem kom
honum til að hætta sjómennsku, en
þá varð hann að taka pokann sinn
og fara í land. Eflaust hafa þessi
umskipti verið honum erfið en líf-
sviðhorfið og uppeldið sem hafði
kennt honum að njóta þess sem í
hendi var kom einkar vel í ljós þá
því nú var unnið hörðum höndum
við að bæta eiginkonunni upp allar
ijarverurnar að heiman.
Helgi Guðlaugsson var skemmti-
legur maður og fjörmikill. Ég held
að seint gleymist þessi sérkennilegi
glampi sem brá fyrir í augum hans
þegar hann gerði að gamni sínu.
Svipmót hans bar einkenni þeirrar
‘kynslóðar sem fæddist við bág kjör
en barðist áfram af þrautseigju þar
til hún skilaði af sér þeim arfi sem
við njótum í dag. Það sem öðru
fremur einkenndi þó Helga Guð-
laugsson var jákvæð afstaða hans
og góðvild til manna og málefna.
Minningin um Helga Guðlaugs-
son í huga okkar barna Þórðar
Bjarnasonar, uppeldisbróður hans,
tengjast fyrst og fremst glaðværð,
frábærri frásagnargáfu og ekki síst
vináttu þeirra hjóna við foreldra
okkar. Þó svo að ekki vagri dvalið
lengi í landi milli sjóferða var oft
litið við, sagðar sögur og síðan horf-
ið á braut, en eftir var setið og
hent gaman að. Þá er minnast sam-
verustunda á sjónum þar sem Helga
var falið að hafa auga með drengn-
um, sem nú er þakkað fyrir.
Fjölskylda Þórðar Bjarnasonar
kveður Helga Guðlaugsson og
þökkuð er samfylgdin. Frú Ingi-
gerði, börnum og fjölskyldum þeirra
er vottuð samúð.
Kallið er komið,
komin er nú stundin,
vinaskilnaðar viðkvæm stund.
Vinirnir kveðja
vininn sinn látna,
er sefur hér hinn síðsta blund.
(V. Briem)
Blessuð sé minning hans.
Sigurður Þórðarson
KYNNING A JARNIDNAÐARVELUM
Dagana 5.-12. aprílsýnum við nýjar járnsmíðavélar
Fjöfklippur frá Kingsland
Járnsög fyrir ryðfrítt og venjulegt stál frá Bianco
Prófílsög frá Eisele
Rennibekkur 1270 mm milli odda
I/erð frá kr. 460.000,-
fímMWMJLMM
& WÆME
I & T hf., Smiðshöfða 6,112 Reykjavík, s. 674800.
Flolclcur meb nýjar
hugmyndir
ALÞÝÐUBANDALAGIÐ
Flokkur sem getur - fólk sem þorir!