Morgunblaðið - 23.04.1991, Qupperneq 26
MÖRGUNBLAÐIÐ l'RIÐJUDAGUR 23. APRÍL 1991
^6
A L
N G
S K O S N
N G A R
25 nýir alþingismenn;
Fjórir af fimm
þingmönnum Vest-
urlands eru nýir
*
Atta nýir þingmenn fyrir Reykjavík
TUTTUGU og fimm menn sem ekki áttu sæti á þingi í lok síðasta
kjörtimabils náðu nú kosningu. Þrír þeirra hafa setið áður á þingi.
Meirihluti nýju þingmannanna eru sjálfstæðismenn, eða þrettán,
en hver hinna þingflokkanna er með þrjá nýja menn. Sex konur
eru á nýliðalistanum og nítján karlmenn. Mesta endurnýjunin
varð á Vesturlandi, þar sem fjórir af fimm þingmönnum kjördæmis-
ins eru nýir á þingi.
m
REYKJAVIK Fylgi stjórnmálaflokka
i Alþingiskosningum 1983, 1987 og 1991
'83 '87 '91 '83 '87 '91
V Abrir
Helmingur þeirra þingmanna
sem kosnir voru á þing fyrir Reykja-
víkurkjördæmi, níu af átján, voru
ekki þingmenn kjördæmisins á síð-
asta kjörtímabili. Átta hafa ekki
setið á þingi áður og sá áttundi,
Ingi Björn Albertsson, var þingmað-
ur Vesturlands. Nýir þingmenn
Reykjavíkur eru sjáfstæðismennirn-
ir Davíð Oddsson borgarstjóri,
Björn Bjamason aðstoðarritstjóri,
Lára Margrét Ragnarsdóttir hag-
fræðingur og Guðmundur Hall-
varðsson formaður Sjómannafélags
Reykjavíkur; Össur Skarphéðinsson
aðstoðarforstjóri Alþýðuflokki;
Finnur Ingólfsson viðskiptafræð-
ingur Framsóknarflokki og Ingi-
björg Sólrún Gísladóttir sagnfræð-
ingur/blaðakona og Kristín Ást-
geirsdóttir sagnfræðingur/kennslu-
kona frá Samtökum um kvenna-
lista.
Fimm af ellefu þingmönnum
Reykjaneskjördæmis sátu ekki á
þingi fyrir það kjördæmi á síðasta
kjörtímabili. Þar eru þrír nýir þing-
menn, allir kosnir af lista Sjálfstæð-
isflokksins, og fjórði nýi þingmaður
kjördæmisins er Ólafur Ragnar
Grímsson fjármálaráðherra sem
ekki náði kjöri í síðustu kosningum
en hefur áður verið þingmaður. Þá
var Jón Sigurðsson iðnaðarráðherra
kosinn á þing fyrir Reykjaneskjör-
dæmi en hann var þingmaður Reyk-
víkinga á síðasta kjörtímabili. Nýir
þingmenn í Reykjaneskjördæmi eru
Árni M. Mathiesen dýralæknir í
Hafnarfirði, Ámi Ragnar Árnason
deildarstjóri í Keflavík og Sigríður
Anna Þórðardóttir íslenskufræðing-
ur í Mosfellsbæ.
Mesta endurnýjunin er í þing-
mannahópi Vesturlands, fjórir af
fimm þingmönnum kjördæmisins
voru kosnir í fyrsta skipti á þing í
alþingiskosningunum um helgina.
Þeir. eru Ingibjörg Pálmadóttir
hjúkrunarfræðingur á Akranesi frá
Framsóknarflokki; Sturla Böðvars-
son bæjarstjóri í Stykishólmi og
Guðjón Guðmundsson skrifstofu-
stjóri á Akranesi frá Sjálfstæðis-
flokki og Jóhann Ársælsson skipa-
smiður á Akranesi frá Alþýðuband-
alagi.
Þrír nýir þingmenn fara á þing
fyrir Vestfirði. Það eru Einar Kr.
Guðfinsson útgerðarstjóri í Bolung-
arvík frá Sjálfstæðisflokki; Kristinn
H. Gunnarsson skrifstofumaður í
Bolungarvík frá Alþýðubandalagi
og Jóna Vaigerður Kristjánsdóttir
skrifstofumaður í Hnífsdal frá Sam-
tökum um kvennalista.
Vilhjálmur Egilsson hagfræðing-
ur í Reykjavík, annar maður á lista
Sjálfstæðisflokksins í Norðurlands-
kjördæmi vestra, er eini nýi þing-
maðurinn í því kjördæmi.
Á Norðurlandi eystra eru þrír
nýir þingmenn, Sigbjörn Gunnars-
son verslunarmaður á Akureyri frá
Alþýðuflokki; Jóhannes Geir Sig-
urgeirsson bóndi á Öngulsstöðum í
Eyjaijarðarsveit frá Framsóknar-
flokki og Tómas Ingi Olrich mennt-
askólakennari á Akureyri frá Sjálf-
stæðisflokki.
Gunnlaugur Stefánsson sóknar-
prestur í Heydölum í Breiðdal, efsti
maður á framboðslista Alþýðu-
flokksins er nýr þingmaður Austur-
landskjördæmis. Hann hefur áður
verið kjörinn þingmaður, þá í
Reykjaneskjördæmi.
Árni Johnsen blaðamaður, Vest-
mannaeyjum, þriðji maður á lista
Sjálfstæðisflokksins, er nú kosinn
á þing í Suðurlandskjördæmi en
hann var þingmaður kjördæmisins
kjörtímabilið á undan því sem nú
lauk.
LÁRA MARGRÉT
RAGNARSDÓTTIR:
Mikil vinna
framundan
„ÉG vona að Sjálfstæðlsflokkur-
inn geti myndað stjórn. Við erum
með það mörg og mikilvæg stefn-
umál, sem þarf að hrinda í fram-
tíð. Það er nauðsynlegt að við
fáum umboð til stjórnarmyndun-
ar,“ sagði Lára Margrét Ragn-
arsdóttir, nýr þingmaður Sjálf-
stæðisflokksins í Reykjavík.
„Það er blendin
tilfinning að vera
komin á þing.
Auðvitað er ákaf-
lega ánægjulegt
að finna stuðning
við að koma manni
á þing og fylgi við
skoðanir Sjálf-
stæðisflokksins
sjálfs. Það er mjög
gleðilegt hvað við fáum mikið fylgi
í Reykjavík. Hins vegar er mikil
vinna framundan. Það þarf að taka
á í mörgum málum og ég vona að
ég geti lagt mitt af mörkum, til
þess að árangur náist.“
Lára Margrét sagðist ánægð með
kosningaúrslitin. Hún hefði sjálf
ekki átt von á meira fylgi Sjálfstæð-
isflokksins á landsvísu en um 40%.
„Ég hef ekki trú á að vinstristjórn-
inni sé sætt áfram. Hún hefur að-
eins eins manns meirihiuta á þingi
og að minnsta kosti einn stjórnar-
þingmaður er í stjórnarandstöðu í
mörgum mikilvægum málurn,"
sagði Lára Margrét.
BJÖRN BJARNASON:
Stórsigur
sjálfstæðis-
manna í
Reykjavík
„ÉG fagna einstaklega glæsileg-
um sigri okkar sjálfstæðismanna
hér í Reykjavík, sem er söguleg-
ur,“ sagði Björn Bjarnason, þriðji
þingmaður Reykvíkinga. Sjálf-
stæðisflokkurinn fékk 46,3% at-
kvæða í Reykjavík.
„Það markmið
hefur náðst að
Sjálfstæðisflokk*
urinn endurheimti
sinn góða og
gamla styrk. Það
tókst að setja rík-
isstjórninni stólinn
fynf dyrnar með
því að við fengum
26 þingmenn
kjöma, og ég tel að hún eigi að
biðjast lausnar.
Væntingarnar beindust að því
fyrir kosningar að Sjálfstæðisflokk-
urinn næði 40% kjörfylgi á landinu
-öliu. Það- náðist-ekki--en- hins vegar-
náðum við því markmiði að fá nógu
marga þingmenn til þess að vinstri-
stjórnin verður að lúta í lægra haldi.
Til lengri tíma litið er þingmanna-
fjöldin mun mikilvægari töfratala
en prósentutalan sem slík.
Það vakti sérstaka athygli mína
hvað Steingrímur Hermannsson
tapaði miklu fylgi í Reykjaneskjör-
dæmi. Kosningabarátta framsókn-
armanna snerist að verulegu leyti
um persónu hans og einkayfirlýs-
ingar. Þessi lélega útkoma Stein-
gríms er áfall fyrir Framsókn-
arflokkinn allan. Það vekur líka
athygli að hinn höfuðtalsmaður
vinstristjórnar, Ólafur Ragnar
Grímsson, náði ekki að auka fylgi
Alþýðubandalagsins í eigin kjör-
dæmi. Hann er þannig dragbítur á
flokknum miðað við fylgisaukningu
hans annars staðar."
ÖSSUR
SKARPHÉÐINSSON:
Anægður
með útkomu
flokksins á
landsvísu
„ÉG er frekar ánægður með út-
komu Alþýðuflokksins á lands-
vísu. I fyrsta skipti eykst fylgi
flokksins þegar hann er að koma
úr ríkisstjórn," sagði Össur
Skarphéðinsson, sem skipaði
þriðja sæti Alþýðuflokksins I
Reykjavík og náði kjöri í jöfnun-
arþingsæti. „Ég tel athyglisvert
hve góða útkomu stjórnarflokk-
arnir fá og tel að með því séu
kjósendur að segja að þeim hugn-
ist vel árangur þessarar sljórnar
og vilji gjarnan fá meira af svip-
uðum ávöxtum í framtíðinni."
„Hér í Reykja-
vík átti Alþýðu-
flokkur undir högg
að sækja síðustu
vikur kosninga-
baráttunnar og ég
leyfi mér að telja
að það að ég náði
þrátt fyrir allt inn
eigi að einhverju
leyti rætur að
rekja til þess að ég hef verið tals-
maður sameiningar jafnaðar-
manna,“ sagði Össur Skarphéðins-
son.
„Það kemur á óvart hversu lítið
fylgi Sjálfstæðisflokksins er. For-
mannaskiptin voru meðai annars
réttlætt með því að það þyrfti sterk-
an leiðtoga til að halda utan um
það fylgi sem flokkurinn fékk í
skoðanakönnunum. Þetta þýðir að
mínum dómi að Sjálfstæðisflokkur-
inn og hin nýja forysta hans er lösk-
uð. Þá er merkilegt að ábyrgðarlaus
málatilbúnaður Steingi'íms Her-
mannssonar virðist hitta hann sjálf-
an fyrir. Hann er sá sem tapar
mestu í tröllaslagnum á Reykja-
nesi,“ sagði Össur Skarphéðinsson.
Össur sagði að staða Alþýðu-
flokksins -væri nú- mjög -sterk -með
tillkiti til stjórnarmyndunar.
„Flokkurinn hlýtur að setja fram
mótaðar kröfur til væntanlegra
stjórnaraðila. Það hefur komið fram
vilji í kosningunum til að núverandi
stjórnarsamstarfi verði haldið
áfram en jafnframt er líka ljóst að
það er talsverður þrýstingur á það
innan Alþýðuflokksins að íhuga
samstarf við Sjálfstæðisflokkinn.
Það er erfitt að segja hvemig fram-
vindan verður.“
FINNUR
INGÓLFSSON:
Framsókn
og Sjálf-
stæðisflokk-
urinn sóttu
einir á í
Reykjavík
FYRIR kosningarnar átti ég von
á að framsóknarflokkurinn
fengi almennt betri útkomu, og
einnig að Sjálfstæðisflokkur
væri með betri stöðu,“ sagði
Finnur Ingólfsson efsti inaður á
lista Framsóknarflokksinsí
Reykjavík, en hann var nú kjör-
inn til setu á alþingi í fyrsta
skipti.
„I Reykjavík
áttum við á bratt-
ann að sækja og
höfum átt nokk-
urn tíma í Ijósi
þeirra átaka sem
urðu vegna skoð-
anakönnunar hjá
okkur í haust og
því sem gerðist í
kjölfar hennar.
Þar að auki buð-
um við fram lista með ungu fólki
gegn listum skipuðum landsþekkt-
um og reyndum stjórnmálamönn-
um. Þrátt fyrir það er niðurstaðan
sú í Reykjavík að Framsókn-
arflokkurinn er ásamt Sjálfstæðis-
flokknum eini flokkurinn, sem eyk-
ur fylgi sitt frá síðustu kosningum.
Það erum við afskaplega ánægðir
með,“ sagði Finnur Ingólfsson.
GUÐMUNDUR
HALLVARÐSSON:
Sjávarút-
vegsmálin
mikið
verkefni
„ÞAD er alltaf viss spenna að
takast á við ný verkefni. Ég
vona að ég sé þess trausts verð-
ur, sem mér hefur verið sýnt,“
sagði Guðmundur Hallvarðsson,
formaður Sjómannafélags
Reykjavíkur, sem kjörinn var á
þing fyrir Sjálfstæðisflokkinn í
Reykjavík.
Guðmundur var
spurður hvort
hann ætti von á
að næsta þing
myndi taka mikil-
vægar ákvarðanir
varðandi kjara-
mál. „Það hefur
orðið lenzka hér
að Alþingi sé allt-
. af með finguma í
kjaramálunum, enda eru pólitík og
kjarabarátta náskyld. En ég vona
að viö sjálfstæðismenn berum
gæfu til að halda þannig um stjórn-
völinn að það komi ekki til þess
að þurfi að grípa til lagasetninga
- varðandi -frjálsan- samningsi!étt-.“
Sjö þingmenn féllu
Tveir ráðherrar misstu þingsæti
SJÖ þingmenn féllu út af þingi í kosningunum um helgina, þar
af tveir ráðherrar Borgaraflokksins. Enginn af þingmönnum
Sjálfstæðisflokks og Alþýðubandalags féllu en tveir þingmenn
Alþýðuflokks, tveir þingmenn Samtaka um kvennalista og einn
þingmaður Framsóknarflokksins.
í Reykjaneskjördæmi náði Jú-
líus Sólnes umhverfisráðherra
ekki kjöri en hann var efsti mað-
ur á Iista Fijálslyndra. Einnig
Óli Þ. Guðbjartsson dóms- og
kirkjumálaráðherra í Suður-
landskjördæmi. Jóhann Ein-
varðsson þingmaður Framsókn-
arflokks 'í Reykjaneskjördæmi
féll. Danfríður Skarphéðinsdóttir
þingmaður Samtaka um kvenna-
lista í Vesturlandskjördæmi náði
ekki kjöri og ekki heldur Málm-
fríður Sigurðardóttir þingmaður
Kvennalistans í Norðurlands-
kjördæmi eystra. Jón Sæmundur
Siguijónsson þingmaður Alþýðu-
flokksins í Norðurlandskjördæmi
vestra féll út af þingi. Einnig
Árni Gunnarsson sem verið hefur
þingmaður Alþýðuflokksins í
Norðurlandskjördæmi eystra en
bauð sig nú fram í efsta sæti
Alþýðuflokksins á Suðurlandi.
Alþýðuflokkurinn hafði reyndar
ekki þingmann á Suðurlandi á
síðasta kjörtímabili.
Sjálfstæðisflokkur, Fram-
sóknarflokkur og Alþýðubanda-
lag fengu þingmenn kjörna í öll-
um kjördæmum landsins. AI-
þýðuflokkur hefur ekki þing-
menn í Norðurlandskjördæmi
vestra og Suðurlandskjördæmi.
Samtök um kvennalista hafa
ekki þingmenn í fimm kjördæm-
um af átta, fengu kjörna þing-
menn í Reykjavík og á Reykja-
nesi og aðeins í einu landsbyggð-
arkjördæmi, Vestfjörðum þar
sem þær fengu flakkarasætið.