Morgunblaðið - 18.10.1991, Blaðsíða 13

MORGUNBLAÐIÐ PÖSTUDAGUR 18: OKTÓBER 1991
13
Hver fer á Keilisnes?
eftir Friðrik
Steingrímsson
Af sjálfmenntuðum
sérfræðingum
Margt hefur verið rætt, ritað og
rifist um áhrif kísilgúrnáms á lífríki
Mývatns og Laxár. Sjálfmenntaðir
og sjálfskipaðir vísindamenn úr röð-
um mývetnskra kísilandstæðinga
hafa stungið spýtum í jörðina, dreg-
ið þær aftur upp og bent sigrihrós-
andi á það hversu fáar mýlirfur
tolla á henni. Það sé ótvírætt merki
um að mýstofninn sé á barmi út-
rýmingar og það sé af völdum Kísil-
iðjunnar. Þeir segja frá því í fjölm-
iðlum að þeir muni aldrei eftir öðr-
um eins niðursveiflum á stofnum
fiska, fugla og flugu á ævi sinni
(sumir komnir yfir sjötugt), en þeir
passa sig á að fara aldrei lengra
aftur en til ársins 1970. Þeir hafa
sennilega bara það sem kallað er
skammtímaminni, að minnast kosti
þegar það hentar. Og allt er þetta
Kísiliðjunni að kenna.
„Svarta skýrslan”
I mörg ár hefur verið unnið að
rannsóknum á lífríki Mývatns og
Laxár og rúsínan í pylsuendanum
er skýrsla sem kom út seinnipartinn
í sumar. Kísilandstæðingar töldu
sig hafa upplýsingar úr þessari
skýrslu strax í fyrravetur og væru
þar upplýsingar svo neikvæðar fyr-
ir Kísiliðjuna að rekstur hennar
yrði stöðvaður hið snarasta. Og
þeir kölluðu hana „svörtu skýrsl-
una” þangað til að hún kom út. í
skýrslunni þeirri arna kom nefni-
lega skýrt fram að ekki væri hægt
að rekja sveiflurnar í lífríkinu til
starfsemi Kísiliðjunnar.
Kveðja frá Ástralíu
Gísli Már Gíslason líffræðingur,
sem staddur er í Ástralíu, skrifaði
Arnþóri Garðarssyni bréf þar sem
hann leggur til að starfsemi Kísiliðj-
unnar verði stöðvuð hið fyrsta og
bendir jafnframt á að starfsmenn
hennar (sem misstu þar lífsviður-
væri sitt og yrðu að hrökklast frá
verðföllnum eignum) þyrftu að fara
að huga að annarri vinnu, til dæm-
is á Keilisnesi. Svo bað hann fyrir
bestu kveðju til félaga sinna í Nátt-
úruvemdarráði.
Hjálp að vestan
Kísilandstæðingar drógu nýverið
hingað upp á klakann amerískan
grínpísmann, sem sagði í sjónvarps-
NYRNKU-N
ÞJðmiLISTI.
Æwm m
ím
ilringáu og 2
aent eiutaR
ISOLUDEILD S. 683366
Höfðar til
.fólks í öllum
starfsgreinum!
„Það á að leggja niður
allan grasbítabúskap
og hætta að bera tilbú-
inn áburð á túnin, og
þar með köfnunarefnis-
austri í vatnið. Þeir sem
misstu við það lífsviður-
væri sitt og yrðu að
yfirgefa verðfallnar
eignir þyrftu náttúr-
lega að leita sér að
vinnu annars staðar, til
dæmis á Keilisnesi.”
viðtali að lífríkinu stafaði svo mikil
hætta af auknu köfnunarefni í vatn-
inu að leggja yrði Kísiliðjuna niður
sem fyrst. Nú er það svo að bænd-
urnir hér við vatnið og ána bera
mikinn tilbúinn áburð á tún sín. I
þessum áburði er köfnunarefni, sem
rennur með einum eða öðmm hætti
í vatnið.
Getgátur og staðreyndir
Kísilandstæðingar hafa lítið talað
um ofbeit, landeyðingu og sandburð
Krákár, sem rennur í Laxá, eða
áburðaraustur (köfnunarefni) í
Krákárbotnum. Kannski stríðir það
gegn hagsmunum þeirra? Skaðleg
áhrif kísilgúrvinnslu á lífríki Mý-
vatns er ekki staðreynd, heldur
getgátur eða óskhyggja sjálfmennt-
aðra sérfræðinga. Hins vegar er
landeyðing og uppblástur af völdum
ofbeitar staðreynd og köfnunarefni
í tilbúnum áburði er staðreynd. í
ljósi þeirra staðreynda liggur beint
við hvernig vernda beri náttúru og
lífríki Mývatns. Það á að leggja
niður allan grasbítabúskap og
hætta að bera tilbúinn áburð á tún-
in, og þar með köfnunarefnisaustri
í vatnið. Þeir sem misstu við það
lífsviðurværi sitt og yrðu að yfir-
gefa verðfallnar eignir þyrftu nátt-
úrlega að leita sér að vinnu annars
staðar, til dæmis á Keilisnesi.
Höfundur er starfsmaður
Kísiliðjunnar.
GORE-TEX
| SUPERPROOF

gönguskór r. áL. .
Vatnsheldír Léttir Þægilegir x r ' ■ rv
5 únur, ± X Glæsibæ, sími 812922

^
v.Vifcj#'
NOTAÐU GRÆNMETI
SEM HÆFIR TILEFNINU
Við hjá KJ vitum að sama grænmetistegundin hæfir ekki öllum mat.
Þess vegna hafa matreiðslumeistarar okkar
lagað grænmetisblöndur sem henta mismunandi réttum:
Þú átt valið.
Niðursoðið grænmeti er hollt og ljúffengt meðlæti.

,1
AMERISK GRÆNMETISBLANDA
...með salatinu og svínakjötinu
FRONSK GRÆNMETISBLANDA
......með nautasteikinni
am
ITOLSK GRÆNMETISBLANDA
....með pastaréttunum
GULRÆTUR OG GRÆNAR BAUNIR
..........með lambakjötinu
auk þess bjóðum við að sjálfsögðu upp á
Grænar baunir, maískorn, rauðkál og rauðrófur
©
K.JONSSON&CO.
Sími: 96-21466 Akureyri