Morgunblaðið - 14.02.1992, Blaðsíða 15

Morgunblaðið - 14.02.1992, Blaðsíða 15
MORGUNBLAÐIÐ FOSTUDAGUR 14. FEBRÚAR 1992 15 tengdi þær gjarnar við útihátíð safnaðarins. Þar var boðið upp á fjölbreytta dagskrá, leikarar fluttu leikþætti sem sóknarpresturinn hafði sjálfur samið, ljóð voru flutt og síðan var dansað fram á bjarta sumarnótt. Það þótti tíðindum sæta, en séra Árelíus leit sérstökum aug- um á dansinn. Benti á, að hann hefði fyrr á öldum verið einn þáttur í guðsdýrkuninni. Með það í huga leiddi hann fjölda ungmenna, félaga úr æskulýðsfélaginu sem stofnað hafði verið við kirkjuna, niður í Gúttó eins og það var nefnt. Það var hús Góðtemplarahreyfingarinn- ar á íslandi. Þar var tekið eftir því að presturinn væri hinn mesti sam- kvæmis- og gleðimaður. Hann vildi með gleði leiða unga fókið inn á vettvang bindindissemi og heil- brigðs æskulýsstarfs. Ofarlega í huga hans í öllu starfi var sú skoð- un, að ekkert væri mikilvægara en útrýma bölvaldi áfengis og eitur- lyfja. Síðar átti hann eftir að stuðla að því að AA-samtökin fengju inni í safnaðarheimili Langholtssóknar. Ekki voru allir á einu máli um slíka ráðstöfun. Þetta var áður en skiln- ingur fólks vaknaði fyrir því að áfengissýkin væri sjúkdómur. í dag eiga margar AA-deildir vígi sín og „varnarþing" í kirkjum þessa lands. Ekki er hægt að ljúka þessum fátæklegu orðum um mikilhæfan mann og sálusorgara án þess að lýsa skoðun hans á hinum minnsta bróður, á þeim sem minna mega sín í þjóðfélaginu. Hann áleit að megin verkefni kirkjunnar á öllum tímum væri hin minnsti bróðir. í þeim efnum var hann ekki aðeins maður orðsins heldur einnig verks- ins ... Þar breytti hann svo sannar- lega að boði meistara síns er benti á „að það sem við gjörum einum af hinum minnstu bræðrum, það gjörum vér Honum". Kirkjunni á ekkert mannlegt að vera óviðkom- andi, og eftir þeirri skoðun og kenn- ingu sem sjálfurLúter bóðaði svo sterkt lifði séra Árelíus. Nú þegar séra Árelíus er kvaddur hinstu kveðju af fjölskyldu sinni og þeim sem hann tengdist á lífsins braut ber að þakka allt hans göfuga starf fyrir kirkju og þjóð. Hann hefur markað spor sem ekki munu hverfa á braut þótt ár og dagur líði. Við biðjum góðan Guð að blessa og styrkja fjölskyldu hans á kveðju- stundu. Þau eiga vel við á kveðju- stund orð Éinars Benediktssonar, en um það ljóð sagði séra Árelíus: „Mér þótti sem englaraddir syngju í sál mér inn." „Er nokkur æon aðall hér á jörð en eiga sjón út yfir hringinn J)röngva og vekja, knýja hópsins veiku hjörð til hærra lífs, - til ódauðlegra sðngva." Guð blessi minninguna fógru um séra Arelíus Níelsson. Vigfús Þór Arnason formaður Prestafélags íslands. Þakklátum huga minnist Lang- holtssöfnuður í Reykjavík síns fyrsta sóknarprests, séra Árelíusar Níelssonar. Hann kom til starfa, þar sem aðeins stóð holtið bert, og réðst með öðrum frumherjum safnaðarins í að breyta draumnum um musteri í dagsmynd. Þessi ganga hófst 1952. Hún var oft erfið, það_ var þungt fyrir fæti, en spor séra Árel- íusar Níelssonar eru skýr. Söfnuðurinn drúpir höfði í þökk og virðingu og minnist prests síns sem lifandi ljóss, er ávallt bar birtu í hugi og hjörtu sóknarbarna sinna. Börnum og ástvinum sendum við samúðarkveðjur. ^ Guð blessi okkur öllum minningu séra Árelíusar Níelssonar. Sigríður Jóhannsdóttir, formaður sóknarnefndar Langholtssafnaðar. Fyrir hálfri öld mættumst við fyrst við komu mína til Stykkis- hólms. Hann var þar kennari og vakti fljótt athygli mína, fyrir sér- staka samviskusemi, einstaka góð- vild og umhyggju fyrir þeim sem minna máttu sín í þjóðfélaginu. Það var stutt í skilning okkar hver á óðrum sem svo leiddi til óbilandi vináttu alla tíð síðan og nú í janúar sl. er við hittumst við kirkju og réttum hvor öðrum hönd, var ylur- inn sá sami. Seinustu orðin sem hann sagði til mín: Þakka þér pistl- ana þína, þeir eru svo uppörvandi og mér jafnt messugjörð. Eg þrýsti hönd hans enn og við kvöddumst. Þetta handtak er mér svo mikils virði og væri betur að sú vinátta sem það treysti væri meðal sem flestra landsmanna, þá væri sviðið öðruvísi. Við vorum sammála um það að brigðmælgi, svik og ósann- indi væru það mein þjóðfélagsins sem verst færi með andlegt hugar- far manna, sem eitraði svo út frá sér að af skapaðist böl. Að geta ekki treyst fólkinu, hvað þá þeim sem hefðu trúnað manns bæði á sviði fjármála og drengskaps, væri qft sárara en tárum tæki. Þótt séra Árelíus færi til annars staðar og þjónustu, var vinátta jafnan traust með okkur og oft fengum við tæki- færi til að efla hana. Mætast, ræða saman, rifja upp. Það voru sólskins- stundir. Hann taldi það æðstu skyldu hvers manns í þjónustu Drottins að fara sjálfur eftir því sem hann prédikaði og það tókst honum vel að mínu viti. Var alltaf viðbúinn að ræða við þann sem bágt átti, leysa mál hans og beina rétta braut. Ég man hann í Hólminum hvað hann lagði sig allan við að fræða börnin, hjálpa þeim sem áttu erfitt í námi og koma þeim til andlegs þroska. Það var líka oft margt af börnum í heimsókn hjá honum. Við störfuðum saman í barnastúkunni og öðrum góðum félagsskap. Hann prédikaði stundum við húsfylli í litlu kirkjunni okkar og varð áheyrend- um minnisstæður. Viðkvæmni hans var mikil og hann vildi öllum hjálpa og oft sat sú þjónusta fyrir hans eigin. Það væri gaman að geta meira, sagði hann stundum. Og auðvitað var það að hann myndi ef fjárráð hefðu verið meiri látið þá fara til hjálpar öðrum. Árelíus var aldrei óumdeildur maður.Það kaus hann heldur ekki. Hann vildi vera í storminum, berjast fyrir guð og góðan málstað og það tókst honum merkilega vel. Og það veit enginn hversu miklu hann kom til leiðar, enda ekki borið á torg. Uppvaxtarár sín hefir hann skráð á bókfell og þess vísa ég til. Þau höfðu mikil áhrif og hvernig hann braust til mennta er mikil saga. Því þarf ég engu við að bæta, en aðeins minrii þökk og þökk fyrir það að hafa mætt Árelíusi og eignast hans vináttu. Það var dýrmætt. Guð blessi hann og minningu hans og ennþá. Kæra þökk góði vinur. Árni Helgason. Látinn er Árelíus Níelsson. Með honum er horfinn af sjónarsviðinu minnisstæður mannkostamaður, sem vann alla tíð í þágu hinna já- kvæðu lífsviðhorfa. Oft ofbauð hon- um skilningsleysi og deyfð manna fyrir velferð samborgaranna. Hann beitti sér ætíð að því að auka skiln- ing og áhuga'fólks, ekki síst unga ^fólksins, fyrir heilbrigðu lífi í starfi bg leik. Árelíus var þannig eldheitur hug- sjónamaður um bindindismál og í baráttunni gegn áfengisbölinu og niðurrifsöflum í þjóðfélaginu. Hann barðist af fórnfýsi og ósérhlífni að betra þjóðfélagi og gegn því lága í þjóðfélaginu, er braut niður ein- staklinga, heimili og þjóðfélagið sjálft á margvíslegan hátt. Það er ónæðissamt að vera í fylkingar- brjósti fyrir málefnum, sem oft njóta ekki skilnings hjá fólki. Og stundum andar köldu til slíkra manna. Þeir sem láta að sér kveða verða umdeildir, eins og það er kallað. Þetta er eðlilegt, eins og allt er í pottinn búið. En sííkir menn láta ekki deigan síga; líta á þetta sem hagl á kyrrum vetrardegi. Árelíus gerði sér glögga grein fyrir því, hvað bindindisstarfsemi gegndi mikilvægu menningarhlut- verki, og var því síhvetjandi til þess að aukin yrði fjölbreytni starfsins og bindindishreyfingin léti gott af sérjeiða eftir ýmsum leiðum. Á sínum tíma skipaði Árelíus sér í sveit ungra bindindismanna og var leiðtogi ungmennastarfs innan vé- banda „Hálogalands" í kirkjusókn sinni. Hann var einn af forvígis- mönnum að stofnun íslenskra ung- templara 1958 og var kjörinn for- maður þeirra og gegndi því starfi í 8 ár. Það var mikið happ fyrir ÍUT að jafn hæfur maður og Árelíus skyldi leggja fram sína góðu krafta til forustu og er óhætt að fullyrða . að samtökunum hefði ekki vegnað jafn vel og raun bar vitni, ef hans hefði ekki notið við. Þáttur hans í uppbyggingu og starfsemi ÍUT var því ómetanlegur. Fyrir þetta ber að þakka og allt það sem hann gerði fyrir unga fólkið, bæði fyrr og síðar. Hann sýndi m.a. skemmt- anahaldi ungs fólks skilning og» áhuga og hvatti til heilbrigðs skemmtanahalds og var ætíð mjög áhugasamur um að koma slíku í framkvæmd með unga fólkinu. Á þessum upphafsárum íslenskra ungtemplara var margvísleg starf- semi, eins og árlegt velsótt Jaðars- mót og mjög góð samskipti við norræna ungtemplara. Það leiddi til þess að ÍUT, undir forystu Árelí- usar, var falið að undirbúa og ann- ast 50 ára afmælismót norrænna ungtemplara hér á landi árið 1966. Þótti þetta mót takast mjög vel með góðri þátttöku frá hinum Norð- urlöndunum. Þá átti ÍUT aðild að stofnun Æskulýðssambands ís- lands og var Árelíus forseti stofn- þingsins og átti sæti í fyrstu stjórn ÆSÍ. Hann var einnig um árabil formaður Bandalags æskulýðsfé- laga í Reykjavík og þá var reynt að fara ýmsar leiðir til að gera sam- tökin að sameiginlegum lifandi þætti í æskulýðsstarfsemi borgar- innar. Það eru því vissulega margar góðar minningar sem koma upp í hugann þegar Árelíus er kvaddur hinstu kveðju. Ég sem þessar línur rita, átti því láni að fagna að fá að kynnast honum í samstarfi að bindindis- og æskulýðsmálum á sín- um tíma. Mér fannst alltaf sem hann væri skrefi á undan okkur hinum hvað snerti hugmyndaauðgi og ötulleik í starfinu. Hann var okkur hinum yngri góð fyrirmynd um trúmennsku, dugnað og fórn- fýsi í þessu starfi. Þrátt fyrir það að hann gegndi annasömu prests- starfi í fjölmennri kirkjusókn gaf hann sér tíma til að sinna öðrum góðum málum, þegar maður skyldi ætla að hvíldin væri yel þegin. En þannig maður var Árelíus. Fyrir þetta og öll störfin í þágu ÍUT og IOGT viljum við félagar hans í röð- um góðtemplara þakka á_ kveðju- stund. Blessuð sé minning Árelíusar Níelssonar. Einar Hannesson. Fleirí greinar unt Sr. Árelíus Níelsson bíða birtingar og munu birtast næstu daga. Margnota bleiur Umhverfisvænar, mjúkor, hlýjar, leka- vörn. Margar tegundir. Einnig bleiu- buxur með frönskum rennilós. Best fyrir barnið. Best fyrir móður jörð. Weleda barna- snyrtivörumar Olíur, krem og sópur úr völdum jurtum og eðalolíum. Engin aukoefni. ÞUMALÍNA lf§ Leifsgötu 32. Opiðkl. 11-18 alla virka dago og sunnudaga kl. 14-16. Póstsendum. Sími 12136, fax 626536. SflBBt UTSALA ¦ ALLT AÐ % AFSLATTUR Dœmi: Töskur60% Leikfimifatnaður 50% Skíðavara 30% Boltar 20-30% íþróttaskór 20-40% Göngu- og viðleguútbúnaður 20% Sundfatnaður 30% Æfingagallar 30%-50% O.fl. o.fl. Komið og gerið góð kaup á okkar frábœru útsölu. Sportv *W W Kringlunni

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.