Morgunblaðið - 14.02.1992, Blaðsíða 36

Morgunblaðið - 14.02.1992, Blaðsíða 36
36 =W MORGUNBLAÐIÐ FOSTUDAGUR 14. FEBRUAR 1992 nmmiw ,?fann. hlýturoÁ ha.hx murwÁ eHAt- batv^uxkökjuruni. t>)n.r%c ¦" m ^>j Ást er... 4-18 ... að trúaþvíað draumurínn rætist. TM Reg. U-S Pal Otl—all rlghla reaerved e 1992 Los Angeles Times Syndicate Ég leyf ði honum að ákveða hvað nota mætti. Hann kom með stórusystur sína ... Ábyrgðin á gleraugunum var bundin við einn mánuð. Það stendur hér neðanundir á smáaletrinu, sem þú hefðir getað lesið þá... HÖGNI HKEKKVISI „ f>Á JPAÐ, LITLA KRÚTT MA FA RJÓ/W\ÍS. " BREF TIL BLAÐSINS Aðalstrætí 6 101 Reykjavík - Sími 691100-Símbréf 691222 Lágkúruleg blaðamennska frá Ólafi H. Jónssyni: HIN íslenska friðelskandi þjóð. Við ením svo lánsöm að hafa eng- an her. Við erum á móti stríði. Við erum á móti vopnum. Eini munurinn á íslensku þjóðinni og öðrum þjóðum sem búast vopnum í formi vélknúinna stríðstóla er að íslenska þjóðin notar önnur vopn. Hún notar pennann og tunguna. Þessi orð komu mér í hug þegar ég sá forsíðu Pressunnar þann 6. febrúar sl. um mig sem engan veginn var á rökum reist. í Press- unni var því haldið fram að ég og félagar mínir hefðum gert aldraða konu gjaldþrota vegna viðskipta. Eins og væntanlega mun koma í Pressunni í yfiríýsingu af hálfu konunnar er hér ekki farið með rétt mál. Aldrei var haft samband við undirritaðan. Þótt ýmislegt megi segja um fréttaflutning íslenskra fjölmiðla sker vikublaðið Pressan sig algjör- lega úr og mætti halda að mottó þess blaðs væri: „Komum högg- stað á náungann". Allra best þyk- ir ef aðeins er skrifað um eina hlið málsins. Það er toppurinn. Hvernig það er gert skiptir engu máli. Og forsíðan verður að vera nógu æsandi og lágkúruleg, það selur. Eigendur Pressunnar eiga að æviráða slíka blaðamenn (það var gert í Sovét), þeir eru gulls ígildi; þeir selja blaðið og skilja blóðidrifna slóð eftir sig. Hvílík hugsjón hjá íslenskum fjölmiðli. Blaðamenn Pressunnar hafa skýlt sér á bak við eitt orð sem er „rann- sóknarblaðamennska". Og er þetta orð notað sem hækja til að reyna að réttlæta afbrigðilegar hvatir þeirra. Um hitt vopnið sem ég minntist fyrr á, tunguna, er óþarfi að segja mikið. Allir kannast við kjafta- gang um náungann, afbrýðisemi og öfundsýki, slíkt mun þrífast áfram því miður. Það hefur veirð árátta hjá mörgu fólki sem ekki rekur einkafyrirtæki á íslandi að eina skýringin á „velgengni" ann- arra hljóti að vera prettir og svik. Pressunni finnst það gott mál ef slíkir „menn" eru teknir fyrir og rakkaðir niður í svaðið, til þess eru öll meðul notuð. Blaðið verður að seljast þó að það kosti ef til vill mannorð viðkomandi og ómælt tjón fyrir fjölskyldu, vini og ættingja. Við sem lendum í klóm „rann- sóknarblaðamanna" Pressunnar erum reynslunni ríkari. Þá kemur og berlega í ljós hverjir eru sannir vinir og hverjir ekki. En þetta er oft dýru verði keypt. Þessum blaðamönnum á ekki að líðast það að eyðileggja mannorð manna, fjölskyldu þeirra og vina. Hvenær hefur Pressan leiðrétt forsíðufrétt á næstu forsíðu blaðsins? Aldrei. Áfram svífur um þjóðfélagið þessi lágkúra og viðkomandi kemur litl- um vömum við nema að leita rétt- ar síns til æðstu dómstóla lands- ins. Slíkir blaðamenn eru æða- hnútar þjóðfélagsins og slíkir hnútar þykja ekki til prýði eða æskilegir og yfirleitt vilja menn vera lausir við þá. Er ekki eitthvað til sem heitir siðanefnd Blaðamannafélags ís- Iands? Eða erum við of djúpt sokk- in í afbrýðisemi, öfund og hroka að slík blaðamennska verður látin viðgangast og enginn segir neitt því annars á hann á hættu að verða ofsóttur líkt og gerðist með andófsmenn í Sovétríkjunum. Guð hjálpi þeim sem hafa slíka stefnu að leiðarljósi. ÓLAFUR H. JÓNSSON Birklblíð 36, Reykjavík Gildir aðeins um Bandaríkjamenn frá Stefáni Erni Hjaltatín: NOKKURS misskilnings gætir um ferðafrelsi eða svokallaða „lausagöngu" Varnarliðsmanna sem hefur verið í umræðunni að undanförnu. Það eru aðeins bandarískir Varnariiðsmenn sem mega koma og fara að vild en í herstöðinni á Miðnesheiði eru menn af mörgum þjóðern- um: Hollendingar, Þjóðverjar, Bretar, Norðmenn, Danir o. fl. Breytingin á reglugerðinni nær aðeins til bandarískra hermanna þarna en um hina gilda sömu reglur og áður. Þess vegna er ekki rétt að tala um „lausa- göngu" Varnarliðsmanna. STEFÁN ÖRN HJALTALÍN Skólastíg 13, Stykkishólmi. Víkverji skrifar Sighvatur Björgvinsson heil- brigðisráðherra hefur gagn- rýnt fjölmiðla fyrir einhliða frétta- flutning af niðurskurðaraðgerðum stjórnvalda, þar sem sjónarmið andstæðinga aðgerða þessara séu allsráðandi og staðreyndir málsins komist hreinlega ekki að. Gagn- rýni þessi er áreiðanlega réttmæt í mörgum tilfellum. Fréttamenn sumra fjölmiðlanna hafa í þeirri viðleitni sinni að stunda gagnrýna fréttamennsku alltof oft fallið í þá gryfju að taka gagnrýnislaust upp túlkun andstæðinganna á áhrifum aðgerðanna, sem reynist svo ekki standast nánari skoðun. Þótt Sighvatur hafí nú byrjað hraustlega gagnsókn, getur hann þó ekki horft fram hjá þeirri stað- reynd að veruleg brotalöm var í byrjun á allri kynningu og upplýs- ingastarfi varðandi niðurskurða- raðgerðirnar í heilbrigðisþjón- ustunni. Raunar má segja það í heild um núverandi ríkisstjórn, sem ráðist hefur í einhvern róttæk- asta niðurskurð ríkisútgjalda í stjórnmálasögu síðari tíma, að henni hafa verið mislagðar hendur í þessu efni. Engu er líkara en hún hafi gleymt að taka með í reikninginn að markvisst kynning- arstarf verður að vera hluti af aðgerðum sem þessum. Þess vegna mætir hún nú meiri mótbyr en þurft hefði, ef málin hefðu ver- ið undirbúin af kostgæfni. Sig- hvatur Björgvinsson verður því að einhverju leyti, eins og fleiri ráð- herrar sem ekki eiga sjö dagana sæla um þessar mundir, að líta í eigin barni og strengja þess heit að sinna heimávinnunni betur næst. Og þótt fjölmiðlarnir eígi áreiðanlega sinn hlut í framvindu mála, má einnig minna á fleyg orð Enochs Powells, eins litskrúðug- asta stjórnmálamanns Breta, um að það sé álíka tilgangslaust fyrir stjórnmálamenn að skammast út í fjölmiðla og fyrir sjómanninn að formæla hafinu. Davíð Sch. Thorsteinsson var hjá morgunhönum Rásar 2 sl. þriðjudag að tala um vatnsút- flutning sem oftar. Á útleiðinni skaut hann því að þeim rásar- mönnum að honum hefði þótt und- aríegt orðalagið í Morgunblaðinu þann dag, þar sem stóð að Bill Clinton, ríkisstjóri í Arkansas, hefði lengi þótt líklegastur til að sigra í forvalsslag demókrata „en staðhæfingar um ótrúskap hans í hjónabandi og um að hann hefði komið sér undan herþjónustu hafa nú augljósléga sett strik í reikninginn". Mörgum Morgun- blaðsmanninum þótti þetta orða- lag einnig æði undarlegt, en af rælni var flett upp í orðabók Menningarsjóðs. Þar má finna orð- ið trúskapur yfir það að vera trúr, svo að ótrúskapur táknar þí ótryggð. Að vísu er lítill kross fyr- ir framan trúskap í orðabókinni sem táknar að þetta þykir fornt eða úrelt mál. Þessi vísbending var þó nægileg til að slegið var á þráð- inn til Jóns Aðalsteins Jónssonar, fyrrum orðabókarritstjóra, og leit- að nánari skýringa. Hann gat greint frá því að ótrúskapur fynd- ist á tveimur seðlum hjá Orðabók háskólans. Annað dæmið er að fmna í 13. bindi Alþingisbóka á bls. 575 frá 1746. Þar stendur þessi hnitmiðaða setning: „For- sómi nokkur erfiði síns húsbónda þá straffast hann þar fyrir, svo sem fyrir ótrúskap." Hitt dæmið er ekki úr ómerkara verki en þjóð- sögum Jóns Árnasonar én þar stendur á einum stað í seinna bindi: „... skuli mann ekki oftar gabba þá með slíkum ótrúskap." Fullyíst er talið að fleiri dæmi megi finna í rituðu máli en hitt fer ekkert á milli mála að ótrú- skapur er danskt tökuorð, þótt gamalt sé í málinu. Verður þannig ekki beinlínis mælt með notkun þess í stað ótryggðar en engu að síður er ástæðulaust að-játa á sig skömmina úr því að vísa má til fordæma úr gömlum bókum.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.