Morgunblaðið - 28.08.1992, Blaðsíða 10
10
MORGUNBLAÐIÐ FÖSTUÐAGUR 28. ÁGÚST 1992
í Listasafni Signrjóns
________Tónlist___________
Ragnar Björnsson
Rannveig Sif Sigurðardóttir segist
í efnisskrá stunda barokk-söng-
nám í Haag. Þetta orð barokk-
söngnám, heyri ég og sé í fyrsta
skipti nú. Mér er spurn! Er þetta
söngnám eitthvað annað en venju-
legt söngnám? Eru ekki sömu
aðferðir notaðar við námið og í
öðru söngnámi? Er tæknin önnur?
Margar fleiri spurningar skjóta
upp kollinum í huga manns. I
hljóðfæranámi kannast ég ekki
við að talað sé um barokk-píanón-
ám, rómantískt fiðlunám eða
píanó-, rókokkó-flautunám, síð-
rómantískt sellónám og svo frv.
Hljóðfæraleikarinn getur að aflo-
knu námi einbeitt sér að ákveð-
inni stíltegund tónlistar og þá eins
söngvarinn að ákveðinni radd-
gerð, eða jafnvel tímabili, þá t.d.
barokk-tímabilinu. En þá koma
upp nýjar spurningar. Er Rann-
veig þá óratórí-söngkona, sem jú
tilheyrir barokk-tímabilinu, eða á
röddin kannske best heima í
madrigal-söng, á ég þá við enska
madrigala-list 16. og 17. aldar og
söngstfl niðurlandaskólanna, svo
þeirra þýsku og jafnvel ítölsku frá
sama tíma? Rannveig byijaði tón-
leikana með þrem lögum eftir J.
Dowland, enskan höfund frá 16.
öld. Rannveig söng þessi lög við
lútuundirleik Stefans Klar, þýsks
lútuleikara. Þessar þrjár perlur
Dowlands hljómuðu fallega í með-
ferð Rannveigar og Stefans, jafn-
vægið gott og þarna var rödd
Rannveigar á heimaslóðum.
Rannveig hefur granna og ekki
hljómmikla rödd sem virðist ekki
hafa mikla möguleika á að
breikka eða vaxa að hljómmagni
að ráði, á stundum virðist radd-
beitingin dálítið stíf og hamin, fær
ekki að fljóta fijáls og eðlileg, og
þó eru ekki áberandi brot í söngl-
ínunni. Verkefnin eftir lútuundir-
leikinn voru öll með píanóleik
Hólmfríðar Sigurðardóttur, en
báðar eru þær, Rannveig og
Hólmfríður, fæddar á ísafirði.
Arían úr Magnificat Bach var á
mörkunum að hentaði rödd Rann-
veigar og píanóleikur Hólmfríðar
hefði þurft að vera nákvæmari
bæði í rytma og fraseringum.
Schubert- og Schumann-lög má
sjálfsagt syngja átaka- og ástríðu-
lítið, en það er tæplega hrífandi
til lengdar. Eins og gengur, sex
lög við ljóð Steins Steinars, eftir
Báru Grímsdóttur voru frumflutt
á tónleikunum. Þessi lög eru vel
skrifuð og sum sláandi falleg, eins
og t.d. Vögguvísan. Lögin voru
nokkuð vel flutt af þeim stöllum,
þó var flutningurinn of bundinn,
eins og hvorug þyrði að rífa sig
út úr viðjum vanans og mála lög-
in þeim litum sem Bára hefur
áreiðanlega ætlað þeim. (Dekla-
mera).
Svo á jörðu sem á himni
frumsýnd í Háskólabíói
Atriði úr kvikmyndinni Svo á jörðu sem á himni.
KVIKMYND Kristínar Jóhannes-
dóttur Svo á jörðu sem á himni
verður frumsýnd í Háskólabíói á
morgun, laugardag, klukkan 14.
Myndin fléttar saman sögu ungr-
ar stúlku og fjölskyldu hennar á
fjórða áratug aldarinnar og hlið-
stæðu hennar á 14. öld. Þá lagði
Straumfjarðar-Halla bölvun á
staðinn þar sem sagan gerist eft-
ir að hún missti syni sína og er-
lendan ástmann í hafið. Á þessum
sama stað strandaði franska vís-
indaskipið Pourquoi-pas? árið
1936. Sá atburður fléttast inn í
myndina og ástarsöguna frá
fjórtándu öld.
Svo á jörðu sem á himni var kvik-
mynduð víðs vegar um landið frá
júlí og fram í október í fyrra. Við
kvikmyndatökuna var notað segl-
skipið Kaskelot, en það hefur verið
notað í fleiri kvikmyndum, meðal
annars Onedin-skipafélaginu og í
nýrri mynd Ridley Scott um Kristó-
fer Kólumbus.
Ungu stúlkuna leikur Álfrún H.
Örnólfsdóttir. Auk hennar fara
margir reyndustu leikarar okkar
með hlutverk í myndinni. Meðal
þeirra eru Sigríður Hagalín, Helgi
Skúlason, Tinna Gunnlaugsdóttir,
Valdimar Öm Flygenring, Helga
Jónsdóttir, Guðrún S. Gísladóttir
og Ólafía Hrönn Jónsdóttir. Franski
leikarinn Pierre Vaneck fer með
hlutverk dr. Charcot.
Hilmar Örn Hilmarsson samdi
tónlistina í myndina, Snorri Þóris-
son stjómaði kvikmyndatöku, Guð-
rún S. Haraldsdóttir sá um leik-
mynd, Helga Stefánsdóttir um bún-
inga, Guðrún Þorvarðardóttir um
hárgreiðslu og förðun, Sigurður
Snæberg Jónsson um klippingu,
Kjartan Kjartansson annaðist hljóð,
framkvæmdastjóm sá Gunnlaugur
Jónasson um, Ánna G. Magnúsdótt-
ir var framleiðslustjóri og Sigurður
Pálsson framleiðandi.
Tíu-Tíu kvikmyndagerð hf. fram-
leiðir myndina. Norræni kvik-
mynda- og sjónvarpssjóðurinn, ís-
lenski kvikmyndasjóðurinn, kvik-
myndastofnanir Danmerkur, Sví-
þjóðar, Finnlands og Noregs, kvik-
myndasjóður Evrópuráðsins og
menningarmálaráðuneyti Frakk-
lands lögðu fram 90% af fram-
leiðslukostnaði myndarinnar sem
nam um 134 milljónum króna.