Morgunblaðið - 28.08.1992, Blaðsíða 11

-MORGUNB'LAÐIÖ KÖSTUÐAOtJR! iSK AGÚgTflÖÓ2
Jón Baldvinsson
Jón Baldvinsson við verk sitt, Kona með andlit.
Myndlist
Eiríkur Þorláksson
Listagyðjan togar í fólk á mis-
jöfnum aldri, eins og mörg dæmi
sanna. Þó er líklegt að leið Jóns
Baldvinssonar í myndlistinni sé
með þeim óvenjulegri; hann fór
fyrst í listnám á fertugsaidri,
þegar hann hélt til Danmerkur.
Eftir að hafa stundað listina um
árabil tók hann sig upp að nýju
og hélt til framhaldsnáms í San
Fransisco, þar sem hann útskrif-
aðist rúmlega sextugur að aldri.
Jón hefur sýnt nokkuð reglulega
gegnum árin, og nú stendur yfir
sýning hans í Perlunni á Öskju-
hlíð, þar sem listamaðurinn sýnir
um þijátíu málverk á jarðhæð
og í kjallara.
Yfirskrift sýningarinnar er
Meðan ungur ég er, og með henni
má segja að listamaðurinn sé að
gefa aldrinum langt nef; það er
andinn sem skiptir öllu, og verk-
in sýna, að dirfskan og krafturinn
situr í fyrirrúmi í óvenjulegum
myndheimi listamannsins.
Jón Baldvinsson hefur skapað
sér nokkra sérstöðu í málverkinu
vegna viðfangsefna sinna og lita-
notkunar. Sá fígúratívi heimur
sem birtist í verkum listamanns-
ins er veröld óra og ímyndunar,
þar sem mannverurnar eru ekki
venjulegt fólk, heldur leikendur
á sviði þess furðuheims, sem það
hrærist í; margfaldar grímur,
einkennilegar samþættingar,
skærir litir og ýkt form í teikn-
ingunni þjóna öll þeim tilgangi
að gera þennan myndheim sann-
færandi. Og það er hann, því
margir munu eflaust hitta þarna
fyrir eigin ímyndanir.
Á stórri sýningu Jóns á Kjarv-
alsstöðum fyrir nokkrum árum
var gríman áberandi þáttur í
persónugerðinni, og vísaði til
hversu margþætt manneskjan
getur verið. Þetta viðfangsefni
er enn á ferðinni hér, t.d. í mynd-
unum Gamlir hattar (nr. 10) og
Hver er ekki trúður (nr. 15), en
nú gegnir liturinn einnig stærra
hlutverki en áður; skærir litir (t.d.
gulir, fjólubláir, grænir, rauðir)
færa myndflötinn á annað til-
verustig, þar sem lífverur af því
tagi sem myndirnar sýna, eiga
vissulega heima.
Tilvísun til hinna ólíku heima
má finna í myndum eins og
Myndbreyting (nr. 4), þar sem
spegillinn veitir aðgang inn í hið
ókunna og furðulega; hinar aust-
rænu tilvísanir nokkurra verk-
anna sýna inn í eina veröldina
enn.
Listamaðurinn tengir þessa
myndheima við íslenska mynd-
hefð í nokkrum landslagsmál-
verkum, og kemur Þegar ungur
ég var (nr. 20) einkar vel út,
með hinn unga mann liggjandi í
hefðbundnu, kjarvölsku lands-
lagi; minningin um listhefðina er
hér í heiðri höfð.
í kjallara sýnir listamaðurinn
nokkur nýjustu verk sín, og má
hér marka nokkra breytingu frá
því sem hann hefur áður verið
að vinna að. Litirnir eru orðnir
enn heitari, en um leið hefur
teikningin orðið lausari en áður;
hér liggja svört módel í móki,
umlukt funa litanna við draum-
kenndar aðstæður. Enn er ekki
hægt að segja til um hvert þess-
ar þreifingar eiga eftir að bera
listamanninn, en þetta eru
vandasöm viðfangefni, þar sem
stutt er yfir í sykurhjúpaða klisju-
gerð.
í heild er hér á ferðinni kröft-
ug sýning á óvenjulegri listsýn,
sem listamanninum hefur tekist
að móta á áhugaverðan hátt; er
vonandi að hann geti enn um
sinn haldið áfram að koma fram
með þá framandi heima, sem
myndlist hans býður áhorfendum
upp á.
Sýning Jóns Baldvinssonar í
Perlunni á Öskjuhlíð stendur til
miðvikudagsins 2. september.
............. m.
Spjöll unn-
in í Víði-
staðaskóla
BROTIST var inn í Víðistaða-
skóla í Hafnarfirði aðfararnótt
þriðjudags og mikil spjöll unnin
þar innanhúss á þremur
kennslustofum og gangi.
Þeir ókunnu menn sem þarna
voru að verki brutu rúðu yfír dyr-
um við skólann og klifu þar inn í
tveggja metra hæð. Við inn-
gönguna skáru einhveijir þeirra
sig á glerbrotum. Þegar inn var
komið var sprautað yfir veggi skól-
ans úr límbrúsum og litabrúsum,
auk þess sem þijár rúður voru
brotnar og hurðir teknar af hjör-
um.
Atburðurinn átti sér stað að
talið er eftir klukkan 22 á þriðju-
dagskvöld en innbrotið uppgötvað-
ist í morguninn eftir. Lögreglan í
Hafnarfirði óskar eftir því að þeir
sem geta gefíð upplýsingar um
málið hafi við sig samband. Lög-
reglumaður sagðist telja líklegt
miðað við atganginn að þeir sem
þarna voru að verki hafi borið eiri-
hver merki innbrotsins á líkama
sínum eða fatnaði.
Gódan daginn!
.fyrir neytendur