Morgunblaðið - 01.09.1992, Blaðsíða 47

MORGUNBLAÐIÐ ÞRIÐJUDAGUR 1. SEPTEMBER 1992
47
Minning
*
Olafur Markússon
Nítjánda ágúst sl. lést í Reykja-
vík Ólafur Markússon, tæplega 79
ára.
Ólafur fæddist á ísafirði, 5. októ-
I ber 1913, sonur Markúsar Bjarna-
sonar skipstjóra og Ingibjargar Ól-
afsdóttur konu hans. í föðurætt var
I Ólafur frá Ármúla við ísafjarðar-
djúp. Systur átti hann tvær, Guð-
rúnu sem lést í fyrra, og Elísabetu.
Ólafur var tvíkvæntur. Fyrri kona
hans var Elísabet Thorarensen, og
eignuðust þau soninn Bjarna, en
skildu ung. Nokkrum árum síðar
kvæntist Ólafur Hólmfríði Jónas-
dóttur frá Silalæk í Aðaldal, hún
lifir mann sinn. Þau áttu dæturnar
Ingibjörgu og Sigríði, síðar átti
Ólafur soninn Harald. Bamabörn
og barnabarnabörn átti Ólafur fleiri
en hér verða talin, fríðleiks- og
myndarfólk.
Ólafur lagði gjörva hönd á margt.
Hann lærði fyrst fiðluleik, og var
lengi fiðluleikari í Sinfóníuhljóm-
sveit íslands. Síðan lagði hann
nokkur ár stund á barnakennslu,
en sneri loks enn einu sinni við blað-
inu á fullorðinsárum, dreif sig í
Iðnskólann, lauk múraraprófi, og
| starfaði æ síðan sem múrari.
1 Mér er enn skýrt í minni þegar
ég sá Ólaf fyrst, þótt það væri ekki
nema rétt í svip, fyrir íjórum ára-
tugum. Ég var þá barn í Melaskól-
anum, þar sem Ólafur kenndi. Og
í einum söngtíma kom hann til
starfsbróður síns Stefáns og lék
aðeins fyrir okkur á fiðlu. Ég bar
ekkert skynbragð á það, en maður-
inn stendur mér alla tíð síðan ljóslif-
andi fyrir hugskotssjónum, hlæj-
andi og hálffeiminn. Það iiðu þó
mörg ár þangað til ég sá hann aft-
ur, en það var þegar við Ingibjörg
dóttir hans tókum saman. Hann var
tengdafaðir minn í næstum tvo ára-
. tugi, og það voru góð kynni. Ég
i held að hann hljóti að hafa verið
góður barnakennari. Það álit byggi
. ég þó eingöngu á eigin reynslu af
i því, að hann hófst nú handa við að
kenna mér að tefla. Og þolinmæði
hans og kurteisi var ótrúlega mikil
I gagnvart nemanda sem skildi ekki
einföldustu frumatriði. Ég gat ekki
heldur fylgt honum eftir í tónlist-
inni að ráði, þótt ærinn hefði ég
áhugann, enda var hann sérmennt-
aður á því sviði. Ég kynntist honum
líka lítillega í múrarahlutverkinu,
því maðurinn var ákaflega hjálp-
samur við stóran ættingjahóp, enda
óspart á honum kvabbað, bæði af
mér og öðrum. Hann var bæði at-
hugull og vandvirkur í því starfi sem
öðru.
Ólafur var mjög fjölhæfur mað-
ur, gáfaður, og það sem einu sinni
var kallað mikill áhugamaður. Hann
var ævinlega með einhver merkileg
viðfangsefni í gangi, að lesa sér til
í stjörnufræði eða mannkynssögu,
i'ifja upp stærðfræði eða latínu, eða
læra ítölsku. Fiðluleiknum hélt
hann alltaf við, og var vel lesinn í
bókmenntum, einkum leikritum eft-
( ir Shakespeare, Strindberg, O’Neill
og fleiri þess háttar. Það var hress-
andi að umgangast slíkan eldhuga,
enda fór það með, að hann var íhug-
ull og gagnrýninn í þessari ástund-
un allri, auk þess gamansamur og
sagði vel frá. Hins vegar var hann
alveg frábitin illu umtali um fólk,
leiddi það hjá sér ef heyrði, en vildi
alls ekki hlusta á slíkt.
Nú kynni einhverjum að þykja
mannsmyndin verða heldur óljós,
ef allt er málað í björtum litum.
En auðvitað hafði Ólafur sína bresti
eins og við hin. Það heyrði ég helst
að honum fundið, að hann væri
stundum of ölkær. En það var
i greinilega orðum aukið, því maður-
* 'nn var umfram allt skyldurækinn,
meira að segja óhóflega, fannst
j mér. Ekki nóg með að hann stund-
i aði vinnu sína óaðfinnanlega hvern
dag, þá áratugi sem ég þekkti hann,
Mheldur var hann kvöld og helgar
að múra og lagfæra kauplaust fyrir
vini og vandamenn. Mætti einhvern
brest á honum finna, þá var það
að það vantaði í hann stærilætið.
Því fannst mér hann bera óþarflega
mikla virðingu fyrir sér minni
mönnum, þá virðingu átti hann
sjálfur betur skilið. Mér fannst það
merkilegt með mann sem fylgdist
svo vel með nýjustu uppgötvunum
í stjörnufræði og ámóta vísindum,
að í stjórnmálum hafði hann við-
horf Sturlungaaldar, að fýlgja sín-
um manni, hvað sem tautaði og
raulaði.
Við ævilok hlýtur að vakna sú
spurning hversu vel lífinu var lifað,
hvað varð manninum úr sínum
miklu hæfileikum. Ég er ekki í vafa
um að Ólafur hefði getað orðið
áhrifameiri maður og frægari, ef
hann hefði verið meiri einstefnu-
maður. En í staðinn fyrir að halda
einu striki dreifði hann sér út og
suður. Fyrir bragðið kynntist hann
þá fleiru en margir aðrir, og fleiri
höfðu gott af honum að segja. Ég
treysti mér ekki til að dæma um
hvort það var vel eða illa farið, það
verður hver að lifa sínu lífi eftir
eigin mati. Ólafur var að vissu leyti
eins og Álfur frá Vindhæli í „Hel“
eftir Sigurð Nordal, hann dreifði
sér. Kannski var það þess vegna
sem hann var alla tíð ungur í anda,
opinn fyrir hugmyndum og skiln-
ingsþyrstur, þegar miklu yngra fólk
var löngu staðnað. Ólafur verður
öllum ógleymanlegur sem eitthvað
kynntust honum.
Örn Ólafsson, Árnasafni
Kaupmannahöfn.

Opið alla daga frá kl. 9 -22.
BLÓM
SEGJA ALLT
Mikið úrval
blómaskreytinga
fyrir öll tækifæri.
blóíficíud
Opið alla daga frá kl. 9-22.
Sími 689070.
SUZUKI SWIR
á sérstöku tilboösverbi
Vegna hagstæbra innkaupa bjóðum við nú fáeina Suzuki Swift á verði frá kr.
695.000,-
stgr. á götuna.
Bílamir eru búnir aflmikilli 58 hö. vél meb beinni
innspýtingu, framdrifi og 5 gíra gírkassa.
Svo er eyðslan alveg í sérflokki,
frá aðeins 4.01 á hundraöið.
$ SUZUKI
1 I «H.. INMI ... II. IIII.JI
SUZUKI BÍLAR HF
SKEIFUNNI 17 SlMI 68 51 00
- Swift - sparneytinn bíll á vœgu veröi -
Weetab/x
HJARTANS
TREFJARIKT
ORKURÍKT
FITUSNAUTT
HOLLT...
og gott með
mjólk, súrmjól
AB mjólk
og jógúrt.
Einnig með sykri,
sultu og hunangi,
eða blandað
ferskum
og þurrkuðum
ávöxtum.
MAL
Weetabix