Morgunblaðið - 17.09.1992, Blaðsíða 7

MORGUNBLAÐIÐ FIMMTUDAGUR 17. SEPTEMBER 1992
7
Deilur um kirkjubyggingu á Víghól
Málið verður leyst með
nýrri lóð á öðrum stað
- segir settur bæjarstjóri
Þorbjörg Daníelsdóttir, formaður sóknarnefndar Digranessafnaðar,
segir að úrslit kosninga vegna kirkjubyggingar við Víghó! séu mikil
vonbrigði. Hún segir sorglegt að öfgahópur innan safnaðarins skuli
hafa náð að koma í veg fyrir að hann eignaðist kirkju, a.m.k. um ófyr-
irséðan tíma. Hún segir að sóknarnefndin muni taka hlutunum rólega
á næstunni og ráðfæra sig við dómprófast og biskup. Gylfi Sveinsson,
sóknarbarn í Digranessöfniiði og fulltrúi í Víghólasamtökunum, segir
að góð fundarsókn beri vott um vilja fólks til að taka afstöðu í mál-
inu. Hann segist ekki hafa neinar áhyggjur af því að ekki finnist lóð
undir kirkju annars staðar í sókninni en við Víghól. Ólafur Briem,
bæjarritari og settur bæjarsljóri, segir að fundin verði lausn á vandan-
um með því að úthluta annarri lóð.
„Ástarbréfið" svokallaða setn boðið verður upp í Osló en boðin
eiga að hefjast á 3 milljónum króna.
Stórt uppboð á íslenskum frímerkjum í Ósló
„Ástarbréfið“ falt
á 3 milljónir króna
Talið að íslensk frímerki seljist fyrir 10 millj.
STÓRT uppboð á íslenskum frímerkjum verður haldið á Grand
Hotel í Ósló þann 26. september n.k. Það er hið þekkta uppboðs-
fyrirtæki Postiljonen AB sem stendur að uppboðinu en alls er
búist við að íslensku frímerkin á því fari á um 10 milljónir
króna. Þekktasta frímerkið sem boðið verður upp er skildings-
merki á hinu svokallaða „Ástarbréfi" en samkvæmt uppboðs-
gögnum er þetta merki falt á um 3 milljónir króna.
Þorbjörg sagði að úrslit kosning-
anna í fyrrakvöld væru mikil von-
brigði.
Niðurstaðan mikil vonbrigði
„Það er sorglegt að öfgahópur
Morgnnverður
förufálkans
Ólafsvík^
FÖRUFÁLKI, sem er nokkru
stærri en smyrill, sást slá nið-
ur ritu sér til morgunverðar.
Sýndi hann mikið harðfylgi til
þess að láta ekki forvitna
menn ræna sig fengnum.
9
Þrátt fyrir lítinn stærðarmun
tók hann rituna í klærnar og hóf
sig á loft með hana klemmda
upp að bringunni. Auðveldast
fiug var út yfir sjóinn. Það hent-
aði auðvitað ekki. Flaug fálkinn
því meðfram veginum sem liggur
meðfram sjónum. Lenti hann
eftir um 200 metra flug. Stóð.
hann þar gapandi af mæði yfir
ritunni órifinni og neyddist til
þess að yfírgefa hana þar. Ekki
var nokkurt lífsmark með ritunni
og var hún því látin liggja.
Stundarkomi síðar var fálkinn
kominn aftur og byijaður áð rífa.
Nú var honum horfin mæðin.
Beið hann því ekki boðanna en
hóf sig á loft með leifarnar af
veiðinni, sem hann vissulega
átti, og reyndi að njóta í „sveita
síns andlitis" Helgi.
innan safnaðarins skuli hafa náð því
fram að koma í veg fyrir að söfnuður-
inn eignaðist kirkju, a.m.k. um ófyr-
irséðan tíma. Það liggur nefnilega
fyrir hjá bæjarstjórn að aðrar lóðir
standa ekki til boða. Þeir hafa sagt
að ef þessi lóð verði ekki nýtt þá sé
ekkert annað í boði sem þýðir að
einhver ótiltekin ár líða þangað til
að söfnuðurinn eignast kirkju ef það
gerist nokkurn tíma,“ sagði Þor-
björg.
Hún sagði að óskyld viðhorf hefðu
blandast deilunni og ýtt frá því mikil-
vægasta, þ.e. því hvort fólk vildi
starfsaðstöðu fyrir söfnuðinn. „Vill
fólk gera eitthvað í því að koma upp
safnaðarstarfi eins og verið er að
gera hérna allt í kringum okkur með
margbrotnu lifandi starfi, sem þjóð-
félaginu veitir sannarlega ekki af,“
sagði Þorbjörg í því sambandi.
„Það er verið að kvarta undan því
að ekki fáist fé í barnaheimili, aldrei
er nógu mikið gert fyrir gamla fólk-
ið, fólk er í reiðileysi á allan möguleg-
an hátt og það eru svona störf sem
söfnuðirnir eru í vaxandi mæli að
taka að sér, aðhlynning ýmiss kon-
ar. Til þess þarf hins vegar að vera
aðstaða og starfsfólk. Og ef starf-
semi af þessu tagi er á vegum safn-
aðanna er það léttir á hveiju bæjarfé-
lagi fyrir sig vegna þess að það eru
söfnuðirnir sem standa straum af
þeim kostnaði sem þessu fylgir,“
sagði Þorbjörg.
1.200-1.300 sóttu fundinn
Gylfi Sveinsson sagði að góð fund-
arsókn í fyrrakvöld hefði ekki komið
á óvart. „Fólkið vildi fá að taka þátt
í þessu þegar það loksins sá að það
gat gert það og lýðræðið er óskap-
lega dýru verði keypt. Þetta er ekki
eins og auðlind sem endurnýjar sig
sjálf. Það verður að hafa mikið fyrir
því að viðhalda lýðræði því annars
er það frá manni tekið. Um það sner-
ist allt þetta mál,“ sagði hann og
minnti á að eitthvað af fulltrúum á
fundinum hafi horfið af honum áður
en kom til atkvæðagreiðslu. Um
1.100 tóku þátt í atkvæðagreiðslunni
en Gylfi telur að 1.200-1.300 hafí
verið í íþróttahúsinu þegar flest hafí
verið.
Hann sagði eðiilegt að sóknar-
nefnd sæti áfram þrátt fyrir niður-
stöðu fundarins og kvaðst ekki ótt-
ast að skortur yrði á lóðum fyrir
kirkju annars staðar. „Ein kirkja er
ekkert vandamál fyrir okkur. Við
eigum nóg af lóðum hérna. Eina
vandamálið, sem er í raun ekkert
vandamál, er að kalla fóikið saman
og segja, við höfum þessar lóðir, vilj-
ið þið einhveija af þeim og hveija
viljið þið þá helst?“
Gylfi kvað ekki ástæðu til að ótt-
ast að framkvæmdum yrði ekki hætt.
„Lögbannsúrskurðurinn kvað á um
að aðalsafnaðarfundur ætti að
ákveða hvort hér yrði haldið áfram
eða ekki. Það er búið að kveða upp
úrskurð um að ekki eigi að halda
áfram og þess vegna þurfum við
ekki að hafa neinar áhyggjur af því
að það muni verða haldið áfram."
Gylfi sagði að eina ástæðan fyrir
því að íbúar svæðisins vildu breyta
sóknarmörkunum væri sú að þau
fylgdu ekki skólamörkum.
Deilumál sóknarinnar
„Kirkjubyggingin er deilumál inn-
an sóknarinnar og snertir okkur ekki
að öðru leyti en því að við úthlutuð-
um lóðinni. Svo náttúrlega, ef það
verður niðurstaðan eins og virðist
stefna í, að henni verið skilað þá
verður reynt að fínna aðra lóð handa
þessari starfsemi," sagði Ólafur Bri-
em. „Það er önnur lóð til og jafnvel
fleiri en ein. Það verður fundin lausn
á þessum vanda með því að úthluta
annarri lóð.“
íslensku frímerkin eru aðeins
hluti af þeim frímerkjum sem
boðin verða upp en flest íslensku
merkin koma úr hinu fræga
Crafoord-safni. Það var sænski
auðkýfingurinn Holger Crafoord
sem átti þetta safn sem talið var
eitt hið besta í heiminum. Við lát
hans seídu erfingjar Crafoord
safnið til Postiljonen AB sem
síðan hefur verið að selja muni
úr því.
„Ástarbréfið“ er umslag með
16 skd. frímerki sem sent var
frá Djúpavogi til Kaupmanna-
hafnar fyrir 118 árum. Innihald
þess fylgir með en það er bréf
þar sem stendur skrifað: „Bréf
það sem fylgir hér með er mjög
mikilvægt og ég bið yður vinsam-
legast að senda það áfram eins
fljótt og auðið er. Ég vænti henn-
ar með vissu með gufuskipinu.
Svo fljótt sem auðið er. Yðar
einlægur" ...(undirskriftin er
ólæsileg)
í bæklingnum um uppboð
þetta er sérstaklega fjallað um
umslag þetta þar sem fram kem-
ur að það var aðeins umbúðir
um annað bréf sem viðtakandi
átti að koma áfram til heimilis-
fangs í Kaupamannahöfn. í
bæklingnum segir að þetta bréf
sé meðal verðmætustu gripa í
safni Crafoord og vel þekkt al-
þjóðlega meðal frímerkjasafn-
ara.
Meðal annarra verðmætra ís-
lenskra frímerkja sem boðin
verða upp í Ósló má nefna par
af 4 skd. frímerkjum, hið eina
sinnar tegundar sem þekkt er, í
mjög góðu ásigkomulagi. Lág-
marksverð á þessu pari er
500.000 krónur.
Einstök 16 daga skemmtiferð til Orlando og St. Petersburg Beach. Gist á Sheraton Piaza
og Alden íbúðarhótelinu vinsæla. Skemmtilegar skoðunarferðir m.a. í UNIVERSAL kvik-
myndaverið. Stórgóð tækifæri til hagstæðra innkaupa!
FLUGLEIDIR.
Verð frá 94.525 kr. á mann m.v. tvo í íbúð,
án flugvallarskatts og forfallagjalds.
Innifalið flug, gisting, akstur og
fararstjórn Atla Steinarssonar.
si'sa5i«
Sami/innulerúir-Laiiilsyn
Reykjavík: Austurstræti 12 • S. 91 - 691010 • Innanlandsferðir S. 91 - 6910 70 • Símbréf 91 - 2 77 96 / 6910 95 • Telex 2241
Hótel Sögu við Hagatorg • S. 91 - 62 22 77 • Símbréf 91 - 62 24 60 Keflavík: Hafnargötu 35 • S. 92 -13 400 • Símbréf 92 -1 34 90 Akureyri: Skipagötu 14 • S. 96 - 27 200 • Símbréf 96 - 2 40 87