Morgunblaðið - 20.10.1992, Blaðsíða 34

34
MORGUNBLAÐIÐ ÞRIÐJUDAGUR 20. OKTÓBER 1992
Læknafélag Akureyrar, kvenfélagskonur og Iðja:
Niðurskurði fjárveit-
inga til Kristnes-
spítala mótmælt
Á MÁLÞINGI um endurhæfingu sem Læknafélag Akureyrar hélt á
laugardag var samþykkt ályktun þar sem mótmælt er fyrirhuguðum
•niðurskurði fjárveitinga til Kristnesspítala og er þess krafist að stað-
ið verði við fyrri áætlanir um uppbyggingu endurhæfingar þar.
Morgunblaðinu hefur einnig borist mótmæli frá kvenfélögum í Eyja-
fjarðarsveit og Iðju.
Málþing Læknafélags Akur-
eyrar sóttu yfír 50 manns, lækn-
ar, sjúkraþjálfarar, iðjuþjálfar og
hjúkrunarfræðingar, en fiallað var
um endurhæfingu á málþinginu.
í ályktun fundarins kemur fram
að Læknafélag Akureyrar hafi að
undanförnu beitt sér fyrir endur-
hæfíngarmálum í umdæminu,
meðal annars með úttekt á þörf
yfír endurhæfingarstofnun.
„Það hefur verið óviðúnandi
fyrir Norðlendinga að þurfa að
sækja slíka endurhæfíngu á höfuð-
borgarsvæðið, fjarri heimili og
nánustu ættingjum, 'oft um lengri
tíma. Löng bið er eftir slíkri þjón-
ustu og margir fara á mis við
nauðsynlega endurhæfíngu. Þetta
hefur leitt af sér aukið álag á
bráðadeildir, heilsugæslu, sjúkl-
inga og aðstandendur þeirra.
Á síðustu misserum hefur farið
fram vaxandi endurhæfíngarstarf-
semi á Kristnesspítala og hefur
starfsemin hlotið stuðning allra
fagaðila. Er þar komið til móts
við mjög brýna þörf. Þó er ljóst
að starfseminni er enn mjög
þröngur stakkur skorinn," segir í
ályktun frá Læknafélagi Akur-
eyrar.
Fundurinn mótmælti harðlega
fyrirhuguðum niðurskurði fjárveit-
inga til Kristnesspítala og krafðist
hann þess að heilbrigðisyfirvöld
standi við fyrri áætlanir og sam-
þykktir um uppbyggingu endur-
hæfingar þar.
Konur í kvenfélaginu Aldan-
Voröld í Eyjaíjarðarsveit hafa sent
frá sér mótmæli vegna ummæla
heilbrigðisráðherra um að loka
Kristnesspítala.
„Þessi spítali hefur í gegn um
tíðina veitt sjúkum og þjáðum
góða ummönnun. Við vonum svo
sannarlega að svo verði einnig í
framtíðinni. Á Kristnesspítala
vinnur margt fólk sem er búsett
í Eyjafjarðarsveit, hvar myndi
þetta fólk fá vinnu ef Kristnesspít-
ali yrði lagður niður? Sýnið vilja í
verki, látið ekki allar ríkisstofnan.-
ir enda á stór-Reykjavíkursvæð-
inu. Með von um að uppbyggingu
endurhæfingarstöðvarinnar í
Kristnesi verði haldið áfram af
krafti og þar rísi öflug endurhæf-
ingarmiðstöð," segir í tilkynningu
frá_ kvenfélagskonum.
Á almennum félagsfundi í Iðju,
félagi verksmiðjufólks á Akureyri,
sem haldinn var á sunnudag var
í ályktun mótmælt öllum hug-
myndum um lokun eða samdrátt
á Kristnesspítala í Eyjafírði.
Jafnframt átaldi fundurinn
harðlega allar hugmyndir um
áframhaldandi eða aukinn niður-
skurð í heilbrigðiskerfinu sem og
um aukin þjónustugjöld.
Morgunblaðið/Rúnar Þór
Kominn snjór
„Við rennum okkur oftast allan daginn, eða þangað til við förum í skólann,“ sögðu þessir krakkar sem
höfðu tekið fram snjóþotur og skíði og voru að renna sér í brekku við Keilusíðu á Akureyri í gærmorgun.
Frá vinstri á myndinni eru Sævar, Atli, Dúi, Viktor, Harpa Þórey og Díana. Dúi og Viktor höfðu tekið
fram skíðin sín, en hinir krakkamir létu snjóþotumar nægja í bili og ætluðu að geyma skíðin í geymsl-
unni aðeins lengur.
Bæjarráð bætir við framlög vegna átaks gegn atvinnuleysi
Ekkí hefur tekist að
fá fólk í öll störf
Morgunblaðið/Rúnar Þór
Skiptyfirá vetrardekk
Bifreiðaeigendur norðan heiða eru í óða önn að taka sumardekkin
undan bílum sínum og skipta yfír á hjólbarða er betur henta vetrin-
um. Það hefur verið mikil ös á hjólbarðaverkstæðum á Akureyri eftir
að snjó festi um helgina og sagði Gunnar Kristdórsson eigandi Dekkja-
hallarinnar að mikil örtröð hefði verið alla helgina, en opið var bæði
laugardag og sunnudag. „Við vomm búnir með sumar gerðir dekkja
og sendum bíl suður eftir meiri birgðum aðfaranótt sunnudags. Það
hefur verið alveg bijálað að gera síðan snjórinn kom,“ sagði Gunnar.
„ÁTAKIÐ hefur gengið mjög vel og ég held að það séu allir mjög
ángæðir með þetta,“ sagði Ami Steinar Jóhannsson, umhverfis-
stjóri á Akureyri, sem hefur umsjón með átaki gegn atvinnuleysi
sem staðið hefur yfír í bænum í tæpa tvo mánuði. Nú vinna á
bilinu 90 og 100 manns við ýmis störf á vegum átaksins, en ekki
hefur tekist að fylla í öll þau störf sem bærinn telur sig geta boðið
í þessu skyni. Bæjarráð hefur samþykkt breytingar á fjárhagsáætl-
un þessa árs til til að útvega fé vegna átaksins.
Bæjarstjóm samþykkti að veija
allt að 8 milljónum króna til verk-
efnisins og hefur nú verið sam-
þykkt í bæjarráði að lækka út-
gjöld vegna kjarasamninga og
starfsmats um hálfa milljón króna,
útgjöld vegna viðhalds grunnskóla
lækkar um eina milljón og eins
lækka tölvu- og hugbúnaðarkaup
um eina milljón vegna átaksins.
Þá lækka útgjöld vegna unglinga-
vinnu um hálfa milljón og liðurinn
verðlagsbreytingar á fjárhagsá-
ætluna lækkar um fimm milljónir
króna.
Nú starfa tæplega 100 manns
við ýmis störf á vegum Akureyrar-
bæjar vegna þessa verkefnis og
sagði Ámi Steinar að fyrirkomu-
lagið væri þannig að fólki á at-
vinnuleysisská væri boðin vinna
og sæi Vinnumiðlunarskrifstofan
Innritun á heimspekí-
námskeiö að ljúka
SÍÐASTI innrit-
unardagur á
heimspekinám-
skeið sem haldið
verður á vegum
Félags áhuga-
manna um heim-
speki og endur-
menntunardeild-
ar Háskólans á
Akureyri er í dag, þriðjudaginn
20. október, en skráning á nám-
skeiðið er á skrifstofu Háskólans
á Akureyri.
Námskeiðið stendur í 6 vikur og
nefnist „Ritskýring í heimspeki“,
en fjallað verður um tvö höfuðrit
siðfræðinnar að fomu og nýju;
Framspeki siðlegrar breytni eftir
Immanuel Kant og Frelsið eftir
John Stuart MiII. Kennt verður
einu sinni í viku, á þriðjudögum
frá kl. 17.30 til 19.00.
Kennarar á námskeiðinu verða
dr. Guðmundur Heiðar Frímanns-
son og dr. Kristján Kristjánsson.
í frétt af námskeiðinu í síðustu
viku birtist mynd af nafna dr.
Kristjáns og er beðist velvirðingar
á myndabrenglinu.
um að bjóða fólki störfin. Árni
Steinar sagði að unnt væri að
bjóða nokkra fleiri störf en hægt
væri að fá fólk í, enda væri það
ævinlega svo að eitthvað af fólki
á atvinnuleysisskrá gæti ekki sinnt
þeim störfum sem í boði væru.
Sagði Ámi Steinar að nú væri
hægt að veita um 110 manns at-
vinnu á vegum átaksins.
Stór hluti fólksins starfar við
ýmiss konar útivinnu, bæði á úti-
vistarsvæðum bæjarins og eins á
vegum garðyrkjudeildar. Árni
Steinar sagði að veðráttan gæti
því sett strik í reikninginn, ef ekki
þiðnaði væri ekki hægt að inna
þessi störf af hendi. „Það er hægt
að skapa mörg og ódýr störf við
gróðursetningu og fleira, en ef
ekki verður breyting á veðri gætu
þessi störf dottið út,“ sagði Árni
Steinar.
Lést eftir
bílslys
KONAN sem slasaðist er tveir
bílar rákust saman í hálku á
Ólafsfjarðarvegi við Baldurs-
heim í Arnarneshreppi í síð-
ustu viku lést af völdum áverka
á Fjórðungssjúkrahúsinu á
Akureyri.
Hún hét Jolanta Holeksa og
var til heimilis á Sunnubraut 13
á Dalvík. Hún var rúmlega þrítug
og lætur eftir sig eiginmann og
dóttur. Útför hennar var gerð frá
Dalvíkurkirkju í gær.