Morgunblaðið - 22.04.1993, Blaðsíða 31

MORGUNBLAÐIÐ FIMMTUDAGUR 22. APRÍL 1993
Starfslok Zetter-
bergs V olvo dýr
Árslaun P.G. Gyllenhammars eru 135 milljónir króna
Stokkhólmi. Frá Erik Lidén, fréttaritara Morgunblaðsins.
STJÓRN Volvo-fyrirtækisins gerði opinberar ýmsar upplýs-
ingar um launakjör æðstu manna fyrirtækisins á blaða-
mannafundi áður en aðalfundur fyrirtækisins hófst í gær.
Kom þar m.a. fram að Christer Zetterberg, fyrrum fram-
kvæmdastjóri hjá Volvo, fékk greiddar út 23 milljónir
sænskra króna við starfslok eða um 230 milljónir íslenskra
króna. Er þetta hæsta greiðsla vegna starfsloka í sögu
sænsks viðskiptalífs og samsvarar því að tekjur Zetter-
bergs hafi verið um 500 þúsund íslenskar krónur á dag,
þann tíma sem hann starfaði hjá Volvo.
P.G. Gyllenhammar, stjórnarfor-
maður Volvo, sagði að ákveðið hefði
verið að gera opinberar ýmsar upp-
lýsingar varðandi laun og hlunnindi
stjórnenda fyrirtækisins sem og
starfslokasamninga vegna „hinnar
almennu umræðu og ýkna í síðdegis-
blöðum". Hann sagði starfsloka-
samninga ekki snúast um „siðfræði“
heldur hvað tíðkaðist erlendis og hjá
samkeppnisaðilum. Hann viður-
kenndi þó að ef hann yrði að gera
samning af þessu tagi í dag yrði
niðurstaðan allt önnur. „Margir
samningar voru of háir og ég sé
eftir að hafa gert þá í dag. Ég verð
hins vegar að veija samninga sem
grundvölluðust á reglum, sem ég tók
sjálfur þátt í að setja,“ sagði Gyllen-
hammar.
Gott mánaðarkaup
Var upplýst að laun Gyllenhamm-
ars og greiðslur fyrir stjórnarsetu
nema 13,5 milljónum sænskra króna
á ári eða um 135 milljónum ís-
Framleiðslan
Per Gyllenhammer ségir að það
væri einfeldningslegt að biðja um
launalækkun sem forstjóri Volvo.
lenskra króna. Þar með eru einnig
taldar stjórnargreiðslur frá öðrum
fyrirtækjum en Volvo. Laun Gyllen-
hammars hjá Volvo nema um 10
milljónum sænskra króna. Sören
Gyll forstjóri fær 4,5 milljónir sæn-
skra króna á ári. Á blaðamannfund-
inum var Gyllenhammar spurður af
hverju enginn stæði upp honum til
varnar þegar hann lægi undir jafn
þungum ásökunum og raunin væri
í fjölmiðlum síðustu daga. Þá greip
Sören Gyll frammí og benti á að
aðalfundurinn væri ekki hafinn og
að þar mætti búast við öflugum
stuðningi við Gyllenhammar.
Hnýsni?
Stjórnarformaðurinn var spurður
hvers vegna hann gæti ekki sjálfur
greitt kostnað vegna heimiiis síns
og þjónustufólks. Fór það mjög í
taugarnar á honum að notað væri
orðið „þjónustufólk" og sagði að
þegar komið væri út í atriði á borð
við það hver borgaði manninum sem
sæi um að slá grasið hjá honum
væri verið hnýsast einum of mikið
um ráðningarkjör hans.
Gyllenhammar sagðist aðspurður
telja að laun hans væru há en ekki
of há. Þau væru við hæfi þegar tek-
ið væri mið af því starfí sem hann
hefði unnið í þágu fyrirtækisins.
Þegar gengið var á hann og spurt
hvort ekki væri við hæfi að þiggja
lægri laun vegna hins bága efna-
hagsástands sagðist hann vera
reiðubúinn að gera það ef slíkt yrði
viðtekin venja. „Ég ætla hins vegar
ekki sjálfur að fara fram á launa-
lækkun við stjórnina. Það væri frek-
ar einfeldningslegt," sagði Gyllen-
hammar.
t-----------------------------\
JSi
Hátíðarhöld vegna
sumardagsins fyrsta
í Kópavogi
Kl. 11.00 Skátamessa í Kópavogskirkju.
Kl. 13.30 Skrúðganga leggur af stað frá Hamraborg
að Digranesskóla.
Kl. 14.00 Formaður skólanefndar,
Bragi Michaelsson, setur hátíðina.
Skólahljómsveit Kópavogs leikur.
Leikhópurinn Loki frá Kópavogshæli
flytur leikverk við Ijóðið Burnirótin
eftir Pál J. Árdal.
Nemendur Dansskóla Sigurðar
Hákonarsonar sýna.
Leikfélag Kópavogs sýnir brot úr
barnaleikrirtinu Ottó nashyrningur
og kvartett félagsins syngur.
Karatedeild Breiðabliks sýnir.
Nemendur úr Tónlistarskóla Kópavogs
flytja Prelúdíu í F-dúr eftir J.J. Quantz.
Leikfélag Kópavogs sýnir annað atriði úr
barnaleikritinu Ottó nashyrningur
og kvartett félagsins syngur.
Nemendur úrfimleikafélginu Gerplu sýna.
Hlutavelta, andlitsmálning og sjoppa.
Skátafélagið Kópar verða með kaffisölu í
Félagsheimili Kópavogs kl. 14.30-16.30.
Gleðilegt sumar!
Lista- og menningarráð Kópavogs.
EB-ráðherrar
ræða hernaðar-
flihiliin í Bosníu
Sar^jevo, Belgrad, Strassborg. Reuter.
NIELS Helveg Petersen, utanríkisráðherra Danmerkur,
sagði í gær að utanríkisráðherrar Evrópubandalagsríkj-
anna myndu ræða hugsanlegar hernaðaraðgerðir gegn
Serbum er þeir hittast á fundi í Danmörku um helgina.
Hann sagði það þó skoðun Dana og fleiri Evrópuþjóða að
áður en hægt væri að grípa til hernaðaraðgerða yrði að
koma til ályktun frá öryggisráði SÞ, sem heimilaði slíkt.
Reuter.
Til Bandaríkjanna
SEAD Bekric, fjórtán ára mú-
slimi, sem særðist á báðum aug-
um í bardögunum um Srebrenica
kom í gær til Los Angeles í
Bandaríkjunum, en þar mun
hann gangast undir aðgerð.
Kanadískir friðargæsluliðar
héldu í gær áfram að afvopna sveit-
ir múslima í bænum Srebrenica í
austurhluta Bosníu. Virðist sem
margir hermenn hafi yfirgefíð bæ-
inn og haldið til fjalla með vopn
sín. Samkvæmt samkomulaginu
um vopnahlé, sem gert var við
sveitir Serba er sitja um bæinn,
átti söfnun vopnanna að vera iokið
um hádegisbilið í gær. Radovan
Karadzic, leiðtogi Bosníu-Serba,
gaf hins vegar vilyrði fyrir að frest-
urinn yrði lengdur.
Alain Juppé, utanríkisráðherra
Frakklands, sagði í gær að Frakkar
væru nú að kanna möguleikana á
að hefja sprengjuárásir gegn Serb-
um í Bosníu til að stöðva sókn
þeirra. Hann sagði hins vegar öll
vestræn ríki útiloka að landgöngu-
liðar myndu berjast gegn Serbum
þar sem með því „væri verið að
búa til nýtt Víetnam eða Afganist-
an“. Juppé sagði að sú hugmynd
að búa múslima í Bosníu vopnum
væri mjög varasöm lausn sem
myndi leiða til útbreiðslu átakanna.
Warren Christopher, utanríkisráð-
herra Bandaríkjanna, sagði í gær,
að margar þjóðir, sem í upphafi
hefðu verið því andsnúnar að vopna
múslima, væru nú að snúast á band
með Bandaríkjamönnum.
Starfsemi útibús íslandsbanka,
Laugavegi 31, flyst að
Suðurlandsbraut 30
Frá og meb föstudeginum 23. apríl flyst
öll starfsemi útibús íslandsbanka,
Laugavegi 31, ab Suburlandsbraut 30.
Þó umhverfib verbi nýtt þá verba sömu
kunnuglegu andlitin í afgreibslunni því
starfsfólkib flytur einnig.
í tilefni flutninganna verbur bobib upp
á kaffi og meblœti í útibúinu alla nœstu
viku.
Verib velkomin í útibú íslandsbanka ab
Suburlandsbraut.