Morgunblaðið - 22.04.1993, Blaðsíða 51
M.ORGUN^LAÐIÐ; FIMMTUDAGUR ffg, APRÚ- 1998
11
Jóhanna Sigurðar-
dóttir — Minning
Fædd 2. febrúar 1903
Dáin 17. apríl 1993
Að morgni laugardagsins 17.
apríl lést Jóhanna Sigurðardóttir,
ömmusystir mín, á Dvalarheimilinu
Hlíð á Akureyri. Jóhanna var liðlega
níræð þegar hún lést og dvaldist
síðustu árin á Hlíð.
Jóhanna fæddist að Veturliða-
stöðum í Fnjóskadal og ólst þar
upp, yngst sex alsystkina. Foreldrar
Jóhönnu voru hjónin Sigurður Dav-
íðsson og Sigríður Sigurðardóttir.
Mikill aldursmunur var á þeim hjón-
um og varð Sigríður snemma ekkja
eða þegar Jóhanna var aðeins
tveggja ára. Sigríður hélt þó áfram
búskap ásamt börnum sínum nær
aldarfjórðungi eftir að hún hafði
misst mann sinn. Böm sín sem upp
komust sendi hún til mennta. Mar-
teinn, sem var elstur, fór í bænda-
skóla, Jónasína í húsmæðraskóla,
Veturliði lærði trésmíðar og Jó-
hanna fór í Héraðsskólann að Laug-
um í Reykjadal.
Sumarið 1929 fluttist fjölskyldan
til Akureyrar og þeir bræður
byggðu húsið í Oddeyrargötu 30
þar sem systkinin settust að ásamt
móður sinni. Jónasína sem var sú
eina sem hafði gifst var þá orðin
ekkja með ungan son. Jóhanna var
að vísu ekki í Oddeyrargötunni að
staðaldri fyrstu árin. Hún vann þá
á ýmsum stöðum utanbæjar og á
Akureyri og var einnig einn vetur
í vist í Reykjavík og lærði þar jafn-
framt húllsaum.
Eftir það rak Jóhanna sauma-
stofu á Akureyri í áratug og saum-
aði þar meðal annars sængurföt og
undirkjóla. Up'p úr stríðinu fór húll-
saumurinn úr tísku auk þess sem
erfitt reyndist að fá varahluti í
þýsku saumavélina sem notuð var
og varð Jóhanna því að hætta
rekstrinum. Hún fór þá að vinna á
saumastofu Gefjunar á Akureyri
og seinna við skógerð hjá Iðunni.
Þegar ég man fyrst eftir Jóhönnu
frænku vann hún á Iðunni fram að
hádegi og við ræstingar í gagn-
fræðaskólanum síðdegis. Hún hélt
þá heimili fyrir sig og Veturliða
bróður sinn í Oddeyrargötunni.
Marteinn var þá kvæntur og Jónas-
ína látin.
Ég var níu ára þegar ég fór að
dvelja reglulega nokkrar vikur á
hveiju vori í Oddeyrargötunni.
Fram að þeim tíma hafði fjölskylda
mín verið búsett erlendis og ég
hafði þá aðeins hitt Jóhönnu með
nokkurra ára millibili. Mér er þó
minnisstætt frá þeim árum þegar
hún dvaldi hjá okkur I Kaupmanna-
höfn og saumaði á mig ákaflega
fína kápu sem ég var mjög stolt
af, sérstaklega vegna þess að
frænka mín hafði saumað hana.
Þessi vor mín á Akureyri bund-
umst við Jóhanna frænka sterkum
böndum. Hún var ákaflega barnelsk
kona en ekki mjög mannblendin.
Það voru því fá börn sem fengu að
njóta barngæsku hennar eins og
ég fékk og reyndar pabbi minn líka
Ertklrvkkjur
Glæsileg kaffi-
hlaðboró Megir
salir og mjög
góð þjónusta.
Ipplýsingar
ísíma22322
FLUGLEIDIR
hAtel LOFTLEIBIR
þegar hann var ungur. Jóhanna
þreyttist aldrei á því að spila við
mig og segja mér sögur frá því hún
var að alast upp í Fnjóskadalnum,
sögur af pabba þegar hann var
strákur og sögur af systrunum sem
hún passaði í vistinni í Reykjavík.
Hún var mér nánast eins og amma
en Jónasína amma mín lést löngu
áður en ég fæddist.
Þegar Jóhanna sagði sögur úr
sveitinni kom það glöggt fram
hversu mikla ást hún hafði á dýrum
og þá sérstaklega köttum. Þessir
vinir hennar stóðu manni ljóslifandi
fyrir hugskotssjónum af frásögum
hennar. Það var enda svo að þótt
aldrei væri formlegur heimilisköttur
í Oddeyrargötunni voru alltaf við
og við kettir sem vöndu þangað
komur sínar um lengri eða skemmri
tíma og fengu viðurgjörning hjá
Jóhönnu. í stofunni hennar voru
útsaumaðir kettir, málaðir kettir og
kattarstyttur og enginn köttur,
hvorki lifandi né á mynd, var svo
ómerkilegur að ekki tæki því að
ávarpa hann með vinsemdarorðum.
Eitt sumar fóstraði Jóhanna
frænka heimilisköttinn okkar. Ég
kom með hann um vorið til hinnar
árlegu dvalar og skildi hann svo
eftir í góðu yfirlæti hjá Jóhönnu
meðan fjölskyldan var sumarlangt
í Kaupmannahöfn. Um haustið þeg-
ar kisu var vitjað var hún vel feit
og mjúk á feldinn eftir gott atlæti
Jóhönnu.
Hin síðari ár var alltaf hægt að
gleðja Jóhönnu með kattarmynd og
fyrir níræðisafmælið í febrúar leit-
uðum við feðginin í höfuðborginni
að spilum með kattarmyndum á
bakinu en fundum því miður ekki.
Eins og áður gat dvaldist Jó-
hanna síðustu níu árin á Dvalar-
heimilinu Hlíð, en þá var heilsu
hennar mjög farið að hraka. Á dval-
arheimilinu naut hún góðrar
umönnunar starfsfólks og einnig
naut hún þess að Einhildur Sveins-
dóttir mágkona hennar átti heima
í næsta nágrenni og kom oft til
hennar.
Ég kveð nú Jóhönnu frænku með
þökk fyrir þann félagsskap sem hún
veitti mér og einnig fýrir þá innsýn
sem sem hún gaf mér í líf og hugs-
unarhátt fólks á fyrstu áratugum
aldarinnar. Fundir okkar hin síðari
ár urðu færri en áður, þótt aldrei
liði sumar án þess að ég og fjöl-
skylda mín kæmi til Akureyrar og
heilsaði upp á Jóhönnu.
Steinunn Stefánsdóttir.
. ■
wsá
lllíl
.
jtóí T
OPIÐ HÚSI
Samband íslenzkra rafveitna er 50 ára á þessu ári. Af því
tilefni munu raforkufyrirtæki landsins hafa opið hús
laugardaginn 24. apríl eða síðar, á árinu. Fyrirtækin sýna
aðstöðuna og veita upplýsingar. Á nokkrum stöðum verða til
sýnis verkefni sem nemendur í nokkrum grunnskólum landsins
hafa unnið í tengslum við afmælisárið. Boðið verður
upp á veitingar og ýmislegt fleira.
Opið hús er hjá eftirfarandi raforkufyrirtækjum:
assal
j#
O
Opið hús rafveitna 24. apríl 1993
Andakílsárvirkjun kl. 13.00 til 18.00
Bæjarveitur Vestmannaeyja kl. 13.30 til 17.00
Skildingavegi 5
Hitaveita Suðurnesja kl. 13.30 til 17.00
Skrifstofan Brekkustíg 36, Narðvík
Orkuverið Svartsengi
Aðveitustöð og dælustöð að Fitium Njarðvík
Rafmagnsveita Reykjavikur kl. 11.00 til 17.00
Skipulagðar skoðanaferðir frá Suðurlandsbraut 34 í stjórnstöð
Landsvirkjunar og aðveitustöð Rafmagnsveitu Reykjavíkur
Rafveita Akraness kl. 13.30 til 17.00
Dalbraut 8
Rafveita Borgarness kl. 13.00 til 17.00
Borgarbraut 11-13
Rafveita Akureyrar kl. 13.30 til 17.00
Þórsstíg 4
Rafveita Hafnarfjarðar kl. 13.30 til 17.00
í aðalveitustöðinni að Öldugötu 39
Rafveita Sauðárkróks kl. 13.30 til 17.00
Rafveituverkstæði Borgarflöt 3
/ Selfossveitur b.s. kl. 13.30 til 17.00
/ Austurvegi 67
Rafmagnsveitur ríkisins kl. 13.30 til 17.00
hjá svæðisstjórum út um landið:
Stykkishólmur, svæðismiðstöð, Borgarnes, skrifstofa,
Ólafsvík, Rjúkandavirkjun, Búðardalur, skrifstofa.
Blönduós, svæðismiðstöð, Siglufjörður, skrifstofa,
Hvammstangi, skrifstofa, Laxárvatnsvirkjun,
Sauðárkrókur, skrifstofa, Gönguskarðsárvirkjun
Akureyri, svæðismiðstöð, Dalvík, skrifstofa, Garðsárvirkjun,
Kópasker, skrifstofa, Þórshöfn, rafstöð Raufarhöfn, rafstöð.
Egilsstaðir, svæðismiðstöð, Vopnafjörður, skrifstofa,
\\ Seyðisfjörður, skrifstofa, Norðfjöröur, skrifstofa,
\\ / Eskifjörður, skrifstofa,
Höfn, skrifstofa, Grímsárvirkjun, Lagarfossvirkjun
Hvolsvöllur, svæðismiðstöð, Selfoss, skrifstofa
Orkubú Vestfjarða
28. ágúst n.k.
nánar auglýst síðar
V