Morgunblaðið - 04.05.1993, Side 12

12
MORGUNBLAÐIÐ ÞRIÐJUDAGUR 4. MAÍ 1993
Morgunblaðið/Sveinn Guðmundsson
Tónleikar
SAMKÓR Reykhólahrepps á tónleikum í Reykhólakirkju.
Vortónleikar Sam-
kórs Reykhólahrepps
Miðhúsum.
VORTÓNLEIKAR Samkórs
Reykhólahrepps var á sumar-
daginn fyrsta í Reykhólakirkju
og voru 14 lög á söngskránni.
Söngstjóri og undirleikari var
Ragnar Jónsson, skólastjóri
Tónlistarskóla Reykhólahrepps.
Reykhólakirkja var þétt setin
en hún tekur rúmlega 100 í sæti
og var kómum afar vel tekið og
varð hann að syngja þrjú aukalög.
Kórinn hyggst fara norður í
land í söngferð og styrkir Reyk-
hólahreppur og Kaupfélag Króks-
fjarðar kórfélaga. Kórinn syngur
að Breiðumýri og að Skjólbrekku
í þessari ferð.
Kórinn hefur gefið út snældu
til styrktar starfsemi sinni. Þegar
æfingar eru munu þeir sem lengst
eiga að fara þurfa að aka um 120
km fram og til baka og er það
ekki neinn skemmtiakstur að fara
yfir háls í myrkri og jafnvel hríð.
Einn kórfélaginn, Jóhannes Geir
Gíslason, kemur á báti frá Skáleyj-
um upp að Stað á Reykjanesi og
fer þaðan með bíl að Reykhólum.
- Sveinn.
Fjölmennt kirkju-
kóramót í Miðfirði
Hvammstanga.
SÖNGMÓT kirkjukóra úr Húnavatnsprófastsdæmi var haldið dag-
ana 16. til 18. apríl sl. í Laugarbakkaskóla í Miðfirði. Mætt var
söngfólk úr tíu kórum, um 120 manns. Sérstakur gestur söngmóts-
ins var Haukur Guðlaugsson, söngmálastjóri. Sömu helgi var hald-
inn aðalfundur Kirkjukórasambands Húnavatnsprófastsdæmis og
var sambandinu gefin skammstöfunin Kóshún.
Söngfólk kom af svæðinu frá
Hólmavík að Vatnsskarði, en pró-
fastsdæmið nær yfir Strandasýslu
og Húnavatnssýslur báðar. Hluti
söngfólks gisti í Laugarbakka-
skóla. Á laugardagskvöld var hald-
in kvöldvaka í Félagsheimilinu
Ásbyrgi. Var þar flutt blandað
efni, að mestu af söngfólki kór-
anna. Sönghópurinn Sólarmegin
frá Akranesi söng nokkur lög við
góðar undirtektir, en hann var
gestur kvöldsins.
Á sunnudagsmorgun var sam-
verustund í Hvammstangakirkju.
Þar léku á orgel Helgi S. Ólafs-
son, Elinborg Sigurgeirsdóttir,
Krisztina Szklenár og Haukur
Guðlaugsson og Hjálmar Sigur-
björnsson lék á trompett. Sr. Krist-
ján Björnsson kynnti dagskrána,
sr. Guðni Þór Ólafsson flutti hug-
leiðingu og sr. Sigríður Ólafsdóttir
annaðist bænastund. Kórfélagar
sungu við þessa samverustund.
Síðdegis á sunnudag lauk kóra-
mótinu síðan með samsöng sem
opinn var almenningi. Sungið var
í hinu nýja íþróttahúsi Laugar-
bakkaskóla og var það í fyrsta
sinn, sem tónlistarflutningur fer
þar fram. Reyndist hljómburður
vera þar allgóður. Fram komu
Kirkjukór Hólmavíkur, Kirkjukór-
ar Prestbakka og Staðarkirkju,
Kirkjukór Vatnsness og Vestur-
hópskirkna, Kirkjukór Víðidalst-
ungu, Kirkjukórar Undirfells- og
Þingeyrarkirkna og sameinaður
kirkjukór Holtastaða- Bólstaðar-
og Bergsstaðakirkna. í síðari hluta
dagskrár söng síðan kór allra þátt-
takenda Þýska messu, í átta þátt-
um, eftir Frans Schubert í ís-
lenskri þýðingu Sverris Pálssonar.
Leikið var undir bæði á pípuorgel
sem sóknarnefnd Staðarkirkju
hafði lánað til mótsins og einnig
var leikið á píanó Tónlistarskól-
ans. Skiptu stjórnendur kóranna á
Austurland
Hátíðahöldin „Hér fyrir
austan“ í undirbúningi
f.nit-Kroni;
Morgunblaðið/Rafn Hafnfjörð
Hópur úr dansfélaginu Fiðrildunum á Héraði.
I UNDIRBUNINGI eru mikil há-
tíðahöld eða útileikhús, sem
fengið hefur heitið „Hér fyrir
austan" og verður flutt öll mið-
vikudagskvöld frá 30. júní til 18.
ágúst á UIA-svæðinu á Eiðum.
Frumkvöðull og umsjónarmaður
hátíðahaldanna er áhugamaður um
íslenska þjóðhætti Philip Vogler
menntaskólakennari á Egilsstöðum.
Leikþættir þessa árs eru nú í undir-
búningi og vel á veg komnir. Nefna
má þátt, sem sýnir eldri og yngri
kynslóð bændastéttarinnar nú til
dags og breytingar, sem stéttin
hefur orðið að glíma við, t.d. við
að prófa sig áfram í refarækt, fisk-
eldi og tijáplöntun. Þá eru nokkur
samofin atriði úr þjóðsögum frá
ýmsum stöðum á Austurlandi.
Svo er þáttur, sem færir róman-
tík síldarævintýrisins eftir miðbik
aldarinnar aftur á svið, þannig að
áhorfendur fái að upplifa fjörið á
síldarplaninu. Allir leiknir þættir
verða undir stjórn Magnúsar Stef-
ánssonar kennara á Fáskrúðsfirði.
Pör úr dansfélaginu Fiðrildunum
sýna þjóðdansa og koma e.t.v. niður
af sviðinu til að kenna gestunum
að dansa sjálfir eitthvað af dönsun-
um. Að sjálfsögðu verða veitingar
á svæðinu. Þjóðlegur varningur af
ýmsu tagi verður til sölu sem nokk-
urs konar minjagripir og ættu fram-
leiðendur að gefa sig fram við Philip
Vogler vilji þeir koma vöru sinni á
framfæri á sýningarkvöldum. Vitað
er að nokkrar konur eru þegar farn-
ar að framleiða íslenska skó og
íleppa og sérhannaðar skotthúfur
fyrir útileikhúsið. Hugsunin bak við
húfurnar og skóna er að það skapi
gestinum nokkra grímutilfinningu
við að þjálfa þjóðdansana og láta
hann líkjast að einhveiju leyti bæði
forfeðrum og fiðrildum. Menningar-
samtök Héraðsbúa hafa hjálpað
mikið til við þetta framtak þ.e. með
150.000 kr. styrk. Einnig hefur
ÚÍA sýnt mikla velvild og ætlar að
leyfa eða framkvæma sjálf nokkrar
lagfæringar til að gera svæðið
meira aðlaðandi. Stórar málaðar
myndir af fjallahringnum með
helstu örnefnum eru í undirbúningi
hjá nemendum í grunnskólanum á
Eiðum og munu þær prýða turnana
sitt hvoru megin við sviðið. Sam-
keppni um merki fyrir hátíðina hef-
ur verið auglýst og eru góð verð-
laun í boði. Um það gefur Philip
Vogler allar upplýsingar.
- G.V.Þ.
Morgunblaöið/Karl Sigurgeirsson
Frá söngmótinu í Miðfirði.
Jk- ■
: a
milli sín stjórnun og undirleik og
einnig lék Haukur Guðlaugsson
undir í einstökum þáttum mess-
unnar. Stjórnendur kóranna eru
Ólafía Jónsdóttir, Hólmavík, Guð-
rún Kristjánsdóttir, Reykjaskóla,
Ólöf Pálsdóttir, Bessastöðum,
Helgi S. Ólafsson, Hvammstanga,
Guðmundur St. Sigurðsson,
Hvammstanga og Sigrún Gríms-
dóttir, Saurbæ. Raddþjálfun ann-
aðist Krisztina Szklenár á Hólma-
vík með mikilli prýði.
Um 150 áheyrendur komu til
að hlýða á sönginn og fögnuðu
þeir tónlistarfólkinu vel. Að lokn-
um tónleikum hafði kvenfélagið
Iðja í Miðfirði hátíðarkaffi í As-
byrgi fyrir söngfólk og gesti. Þá
var aðbúnaður í Laugarbakka-
skóla góður og annaðist starfsfólk
skólans matseld og aðra fyrir-
greiðslu með prýði.
Undirbúningsnefnd naut fjár-
stuðnings frá Héraðssjóði Húna-
vatnsprófastsdæmis, Kirkjukóra-
sambandi íslands og Menningar-
sjóði Félagsheimila.
Á aðalfundi Kóshún voru sam-
þykkt endurskoðuð lög félagsins
og kosin ný stjórn. Hana skipa:
Karl Sigurgeirsson, Hvamms-
tanga, Vilhjálmur Pálmason,
Blönduósi, og Birna Richardsdótt-
ir, Hólmavík. í varastjórn eru:
Anna Siguijónsdóttir, Smáragili,
Ástráður Erlendsson, Hvammi, og
Guðný Þorsteinsdóttir, Borðeyri.
- Karl.
BESTU KAUPIN í LAMBAKJÖTI
20 manna veisla í
einum poka af
lambakjöti á aðeins
169 kr. fyiir manninn