Morgunblaðið - 26.05.1993, Page 44

Gæfan fylgi þér
í umferðinni
SlrivÁ^^AI MENNAR
MIÐVIKUDAGUR 26. MAÍ 1993
VERÐ í LAUSASÖLU 110 KR.
Fiskifræðingar kynna tiilögur um aflahámark í vikunni
Tillögnr um minnsta
þorskafla í hálfa öld
STEFNT er að því að kynna tillögur Hafrann-
sóknastofnunar um hæfilegan hámarksafla á
helztu nytjategundum okkar á næsta fiskveiði-
ári á morgun. Utlit með þorskveiðar hefur
líklega aldrei verið verra en nú og leggja fiski-
fræðingar því væntanlega til minni afla en
nokkru sinni eða að hámarki 175.000 tonn,
líklega minna. Það er að minnsta kosti 60.000
tonnum minna en þorskaflinn verður væntan-
'lega í ár. Verði farið að tillögum af því tagi,
þýðir það milljarða samdrátt í útflutningstekj-
um af þorskafurðum.
í tillögum stofnunarinnar fyrir yfirstandandi
fiskveiðiár kom fram að við takmörkun þorskafla
við 175.000 tonn næstu þrjú árin myndi hrygning-
arstofn stækka verulega. Stofnunin lagði til að á
núverandi fískveiðiári yrði leyft að veiða 190.000
tonn, enda svaraði það til 175.000 tonna á alman-
aksárinu. Nú stefnir í að aflinn á fískveiðiárinu
verði 45.000 tonn umfram tillögur. Samkvæmt
því hefur verið gengið töluvert á hrygningarstofn-
inn og eigi að byggja upp á ný, verður að fara
enn neðar með heildarafla en 175.000 tonn. Frá
árinu 1942 hefur þorskafli okkar aðeins þrisvar
orðið minni en 200.000 tonn, síðast árið 1951.
Grænlandsgöngur heyra sögunni til
Kristján Þórarinsson, stofnvistfræðingur hjá
LIU, telur að „hefðbundnar aðstæður“ fyrir
heppni Islendinga hvað varðar vöxt þorskstofns-
ins séu ekki fyrir hendi. Hann segir, að nú virð-
ist Grænlandsgöngur heyra sögunni til, þar sem
enginn þorskur sé nú við Grænland eftir því, sem
bezt sé vitað. Þá bendir hann á að nú vitum við
betur um stærð yngstu árganganna en áður og
því komi ekkert á óvart eins og áður í þeim efn-
um. Loks segir hann að oft hafí komið fram snögg
aukning á vaxtarhraða þorsksins, þegar loðnan
nær sér á strik eftir hrun, en því sé varla til að
dreifa núna, enda hafí vaxtarhraði þorsksins ekki
verið í neinni sérstakri lægð að undanfömu.
Samkvæmt niðurstöðu togararallsins og öðrum
rannsóknum er ljóst að þorskárgangar síðustu
ára em allir lélegir eða mjög lélegir.
Sjá nánar ( Ur verinu á bls. B1 og B2.
Stefnir í verkfall
hjá flugvirkjum
Raskar
ferðum
þúsunda
ÁRANGURSLAUS samninga-
fundur var haldinn í flugvirkja-
deilunni hjá ríkissáttasemjara
síðdegis í gærdag. Nýr fundur
var ekki boðaður í deilunni og
því allar líkur á að til boðaðs
verkfalls flugvirkja komi á
VV*ímmtudag, föstudag og laugar-
dag. Einar Sigurðsson blaða-
fulitrúi Flugleiða segir að verk-
fall muni raska ferðum þúsunda
manna og koma illa niður á
starfsemi félagsins. Friðrik
Sophusson fjármálaráðherra
segir að stjórnvöld treysti á að
samið verði i deilunni eða
ákvörðun um verkfall verði
breytt því enn sé tími til stefnu.
Morgunblaðið/Kristinn.
TÍMI reiðhjólakappanna er nú genginn í garð. Að mörgu þarf að hyggja í upphafí sumars hjá eigendum reið-
hjólanna. Það er eins gott að dekkjabúnaður þeirra sé í lagi eins og þessi kappi er að kanna vandlega á stéttinni
fyrir framan Melaskólann ,
Dundað við dekkið
Uppsagnir
Landsbankans
þeirrasem
sagt er upp
BANKAMENN telja uppsagn-
ir Landsbanka íslands á 76
starfsmönnum lögbrot. For-
maður starfsmannafélags
bankans segir, að af þeim sem
sagt verði upp sé þriðjungur
af landsbyggðinni og tveir
þriðju af höfuðborgarsvæð-
inu. Þá halli á hlut kvenna,
en rúm 84% þeirra, sem missa
atvinnuna, séu konur.
Helga Jónsdóttir, formaður
starfsmannafélagsins, segir að í
stað þess að ráða sumarfólk
hefði mátt reyna að semja frem-
ur við starfsmenn um aukið álag
og fresta uppsögnunum til
haustsins.
Samband íslenskra banka-
manna telur að uppsagnimar
séu ekki aðeins siðlaus aðgerð,
heldur einnig brot á kjarasamn-
ingi og ennfremur brot á lögum
um hópuppsagnir. Heimild til
verkfallsboðunar var samþykkt
á fundi bankamanna í gær og á
morgun verður væntanlega tekin
ákvörðun um hvort til verkfalls
kemur.
Neyðarúrræði
í fréttatilkynningu frá Lands-
bankanum kemur fram, að upp-
sagnimar hafí verið neyðarúr-
ræði. Unnið sé að lækkun kostn-
aðarliða, svo sem ferðakostnaðar
og risnu og mötuneytiskostnaðar.
Sjá bls. 22: „Bankamenn
mótmæla. . .“
Guðlaugur Þorvaldsson ríkissátta-
semjari segir að hann hafí á fundin-
um í gærdag lagt fram innanhússtil-
lögu þess efnis að flugvirkjar gengju
að samingum þeim sem ASI gerði
nýlega. Þessu var alfarið hafnað og
einnig hafnaði samninganefnd flug-
virkja því að leggja ASÍ-samkomu-
lagið fyrir félagsfund. „Eins og stað-
an er nú em allar líkur á að til verk-
falls komi,“ segir Guðlaugur.
Reynt að fljúga á fimmtudag
Einar Sigurðsson segir að reynt
verði að fljúga eins og kostur er á
fímmtudag en reikna megi með að
á föstudag og laugardag liggi flug
að mestu niðri. Hinsvegar séu í gangi
athuganir á því að nota leiguvélar
meðan á verkfallinu stendur en samt
.—■niegi gera ráð fyrir verulegri röskun
á flugi föstudag og laugardag.
„Þessi niðurstaða hjá ríkissátta-
semjara í gærdag voru okkur veru-
leg vonbrigði því við höfðum gert
okkur vonir um að flugvirkjar myndu
ganga inn í þessa kjarasamninga
sem gerðir voru nýlega,“ segir Ein-
ar. „Nú stefnir í verkfall og það mun
' raska ferðum þúsunda manna með
Flugleiðum."
Allmörg félög ASÍ sam-
þykkja kjarasamninga
Snót og Verkalýðsfélag Vestmannaeyja felldu samningana
NÝGERÐIR kjarasamningar voru samþykktir
þjá allmörgum félögum innan ASÍ í gær-
kvöldi. Samningarnir voru einnig samþykktir
í skriflegri atkvæðagreiðslu á félagsfundi
Dagsbrúnar. Á fimmta hundrað Dagsbrúnar-
verkamenn sótíu fundinn og varð niðurstaðan
sú að 288 sögðu já, 153 sögðu nei og 12 seðl-
ar voru auðir eða ógildir. Verkakvennafélagið
Snót og Verkalýðsfélagið í Vestmannaeyjum
felldu samningana í gærkvöldi.
Talsverð gagnrýni kom fram á kjarasamning-
ana í ræðum nokkurra fundarmanna á Dagsbrún-
arfundinum sem sögðu að ekki hefði verið samið
um neitt sem skipti máli. Lýstu þeir áhyggjum
sínum vegna atvinnuleysis og óvissu um hvort
nokkur trygging væri fyrir því að vextir lækk-
uðu. Guðmundur J. Guðmundsson, formaður
Dagsbrúnar, hvatti félagsmenn sína til að sam-
þykkja samninginn. Guðmundur sagði að það sem
hefði fyrst og fremst áunnist væri að samningarn-
ir yrðu endurskoðaðir í haust. Sagði hann að
opnunarákvæði samningsins væri fyrst og fremst
Dagsbrún að þakka.
Meðal þeirra félaga sem samþykkt hafa samn-
inginn má nefna Verslunarmannafélag Reykjavík-
ur, Verslunarmannafélag Hafnarfjarðar, Land-
samband vörubílstjóra, Félag málmiðnaðarmanna
á Akureyri, Verkalýðsfélag Borgamess, Verka-
kvennafélagið Framsókn, Verkalýðs og sjómanna-
félag Keflavíkur, Verkalýðsfélag Akraness,
Verkalýðs-og sjómannafélag Gerðahrepps og
Verslunarmannafélag Árnessýslu.
Tvö félög í Eyjum felldu
Verkakvennafélagið Snót og Verkalýðsfélag
Vestmannaeyja felldu samningana. Hjá Snót voru
22 á móti, 13 sögðu já og 4 skiiuðu auðu. Hjá
Verkalýðsfélaginu voru 10 á móti, 6 með og einn
skilaði auðu. Elsa Valgeirsdóttir formaður Snótar
segir að mikil óánægja hafí verið meðal félags-
manna með kjarasamningana og hafí einkum
verið gagnrýnt til hve langs tíma þeir ná og hve
ýmis ákvæði þeirra era óörugg. Hvað framhaldið
varðar segir Elsa að þær muni óska eftir viðræð-
um við viðsemjendur sína.