Morgunblaðið - 28.05.1993, Blaðsíða 23

MORGUNBLAÐIÐ FÖSTUDAGUR 28. MAÍ 1993
23
Glit hf. ákveður að hætta framleiðslu leirmuna í haust
Fj órtán starfsmönn-
um sagt upp störfum
STJÓRN Glits hf. hefur ákveðið
að hætta rekstri fyrirtækisins í
núverandi mynd á hausti kom-
anda. Þorsteinn Jóhánnsson fram-
kvæmdastjóri segir að fram-
leiðslu leirmuna verði hætt, en
kannað verði hvort grundvöllur
sé fyrir að lialda sérmerkingum
á postulini og gleri áfram. Fjórtán
starfsmönnum fyrirtækisins, þar
af 8 öryrkjum í fjórum stöðugild-
um, hefur verið sagt upp störfum,
en Þorsteinn segir að þeir gangi
fyrir með störf í breyttu fyrirtæk-
inu.
í fyrra náðust nauðasamningar
við lánardrottna Glits hf. í kjölfar
greiðslustöðvunar. Öryrkjabandalag
Islands lagði þá fram aukið hlutafé
í þeim tilgangi að skuldhreinsa fyrir-
tækið, en fyrra hlutafé var skrifað
niður um 95%. í frétt frá stjóm fyrir-
tækisins segir, að þrátt fyrir ýmsar
ráðstafanir til að bæta rekstur fyrir-
tækisins, hafi tap verið umtalsvert
á síðasta ári.
Hætt fyrir gjaldþrot
Þorsteinn Jóhannsson segir, að
uppistaðan í framleiðslu Glits hafi
verið leirvara, en einnig hafi fyrir-
tækið fengist við sérmerkingar á
postulíni, til dæmis fyrir hótel og
stærri fyrirtæki. „Það hefur verið
mikið tap á leirmunagerðinni og við
ákváðum að hætta henni alfarið
áður en fyrirtækið væri komið í þrot.
Við ætlum hins vegar að kanna hvort
ekki er grundvöllur til að halda
áfram að bjóða upp á sérmerkingarn-
ar. Þeir starfsmenn, sem missa vinn-
una nú í haust, ganga fyrir í störf
við sérmerkingar, en það er ljóst að
við getum ekki tryggt þeim öllum
atvinnu. Við ætlum að gera allt sem
við getum til að útvega þeim aðra
vinnu,“ sagði Þorsteinn Jóhannsson,
framkvæmdastjóri Glits hf.
Morgunblaðið/Sigurgeir Jónasson
Byggingarefni flutt í Bjarnarey
LUNDAKARLAR í Eyjum eru nú á kafi í vorverkunum og undirbúningur
lundavertíðar að hefjast. Bjarnareyingar standa í stórræðum þetta vorið því
þeir eru að byija á viðbyggingu við veiðikofa sinn. Miklir efnisflutningar
fylgja slíku og því brugðu þeir á það ráð að fá þyrlu Landhelgisgæslunnar til
að flytja byggingarefnið frá Heimaey út í Bjamarey. Grímur
Lagið eða stærðin á grillinu þínu hefur
engin úrslitááhrif fyrir árangurinn af
matreiðslu við glóð. En það skiptir öllu
rnáli að vera með rétta kjötið.
í'næstu verslun færðu nú lambakjöt á
afbragðstilboði, - tilbúið beint á grillið,
- með a.m.k. 15% grillafslætti.
Notaðu lambakjöt á grillið,
meyrt og gott - það er lagið.
Ferðafélag Islands
Arbók um
svæðið frá
Lómagnúpi
að Lónsheiði
ÁRBÓK Ferðafélags íslands fyrir
árið 1993 heitir Við rætur Vatna-
jökuls og er höfundur hennar
Hjörleifur Guttormsson líffræð-
ingur. Er þetta þriðja árbókin sem
Hjörleifur ritar um Austfirðinga-
fjórðung.
Árbækur Perðafélagsins hafa nú
komið út í 66 ár og er alhliða íslands-
lýsing með miklu náttúrufræðilegu
og sögulegu efni. Að þessu sinni er
sagt frá Austur-Skaftafelissýslu en
raunar hefst landslýsingin nokkru
vestan sýslumarka, eða við Lómagn-
úp og iýkur við Hvalnesskriður í
Lónssveit. Bókin hefst á yfirliti um
landslag og jarðsögu og því fylgir
síðan nokkur greinagerð um lofslag
og iífríki. í þriðja kafla bókar er
greint frá sérkennum mannlífs við
sunnanverðan Vatnajökul.
Landlýsingarkaflar bókarinnar
eru átta, hinn fyrsti um Núpstaðar-
skóga og Grænalón, annar um
Skeiðarársand, þriðji um Öræfi og
er helmingur hans' heigaður þjóð-
garðinum í Skaftafelli. Fjórði land-
lýsingarkaflinn er um Breiðamerk-
ursand, fimmti um Suðursveit, sjötti
um Mýrar, sjöundi um Nes og Höfn,
áttundi og síðasti kaflinn um Lón
og Lónsöræfi. Er þar m.a. vísað til
vegar um' slóðir sem nú eru varðað-
ar nýlegum gönguskálum. Þar eru
jafnframt skil við árbók Hjörleifs
Guttormssonar um Austfjarðafjöll.
Bókina prýða yfir 80 myndir og
hefur höfundur tekin meginhluta
þeirra. Guðmundur Ó. Ingvarsson
teiknar staðfræðilega uppdrætti og
skýringamyndir í bókina.
í bókinni er að vanda efni er lýtur
starfsemi Ferðafélags íslands. Ár-
bók 1993 og allar fyrri árbækur
fást á skrifstofu félagsins að Mörk-
inni 6 í Reykjavík. Árgjaldið er að
þessu sinni 3.100 kr. og fá félags-
menn fyrir það bókina, fréttabréf
og afslátt í ýmsar ferðir félagsins.
(Fréttatilkynning)
TZutasiCb
Heílsuvörur
nútímafólks
LAGIÐ
SKIPTIR EKKI
ÖLLU MÁLI