Morgunblaðið - 10.06.1993, Blaðsíða 38

38
MORGUNBLAÐIÐ FIMMTUDAGUR 10. JÚNÍ 1993
V
Ást er...
...tilfínning sem auðvelt er
að særa
TM Rea. U.S Pat Off.—all rlghts reserved
® 1993 Los Angeles Times Syndicate
Láttu ekki svona, Jónas. Það
hefur nú komið fyrir fleiri að
hafa verið 10 sentimetra frá
holu í höggi.
Það var þessi lengst til vinstri
með hattinn!
HÖGNI HKKKKVÍSI
BRÉF TIL BLAÐSINS
Kringlan 1 103 Reykjavík - Sími 691100 - Símbréf 691329
Fyrirspum til Stef-
áns Karissonar
í VETUR birtist í Morgunblaðinu
merkileg mynd sem fylgdi grein
Stefáns Karlssonar handrita-
fræðings og var skrifuð í tilefni
aldarafmælis Hafnarstúdenta. Þar
nafngreinir hann þá sem á
myndinni eru en erfitt er að átta
sig á hver er hvað af þeirri upp-
talningu. Nú langar mig að fara
þess á leit við hann að hann nefni
stúdentana aftur, en til glöggv-
unar fylgir önnur mynd með and-
litunum númeruðum.
Forvitnilegt væri að vita með
vissu hver er hvað og veit ég til
þess að fleiri hafa sýnt þessu
áhuga.
BALDUR INGÓLFSSON,
Fellsmúla 19, Reykjavík.
>
Ur eld-
inumí
öskuna
Frá Kjartani Guðjónssyni:
Furður íslands eru margvíslegar
og þar á meðal eru blaðadeilur. Þær
byija oftast með töluverðum gusti,
jafnvel báli. Fljótlega verður bálið
að glæðum og glæðumar að ösku.
Þá taka leiðindin við. Fyrr en varir
kemst umræðan á „þú sagðir — ég
sagði" stigið og,að lokum er eins og
það eitt skipti máli að eiga síðasta
orðið. Meðan þvermóðskan silast
áfram tína lesendur tölunni uns eng-
inn er eftir nema þreyttur prófarka-
lesari.
Ég sé ekki betur en að Björn Th.
Björnsson hafi skotist fram hjá glæð-
unum beint í öskuna. Ekki er ég
beint áfjáður í að gerast kolbítur í
öskustó og það við annan mann, þó
reyndar að það geti kostað mig síð-
asta orðið og Björn fagni sigri eftir
stríðsartikúlum íslenskum. Deilan
um dönsku listfræðingana gæti, ef
rétt væri á haldið, enst fram að
næstu friðun rjúpunnar. Ef ég ætti
að svara nú þyrfti ég að byija á
grein um Guðbrand í áfenginu og
Kjarval.
Vel að merkja skyldi nokkur hinna
yngri listfræðinga kannast við mann-
inn, eða er það ekki „í takt við tím-
ann“? Um tvíræðni Þorvaldar Skúla-
sonar get ég ekki skrifað. Hvað Bimi
fínnst um mínar myndir er lítilvægt
og ekki til að fjölyrða um frekar.
Björn á sér mikið og litskrúðugt stél
sem rís í tígulegum boga. Það var
ekki ætlan mín að reita af honum
allar fjaðrirnar, einungis þær neðstu,
myndlistarfjaðrimar.
Eftir stendur rithöfundurinn,
sagnfræðingurinn og það sem
kannske er mest um vert, forn sögu-
maður írskrar ættar. Og þar með
óska ég tveim þriðju hlutum Bjöms
Th. Bjömssonar guðs blessunar og
langra lífdaga.
KJARTAN GUÐJÓNSSON
Vallarbraut 23, Seltjarnarnesi
Víkverji skrifar
Svokallaðir fjölmiðlarýnar á Rás
2 hafa verið gagnrýndir, m.a.
í þessum dálki hér og það ekki að
ástæðulausu. En fleiri menn hafa
verið með tilburði til fjölmiðlarýni,
t.d. blaðamenn Dagblaðsins Vísis.
Þeir hafa skrifað til skiptis eindálk
í blað sitt um fjölmiðla. Svo virðist
sem þetta hafi fyrst og fremst átt
að vera umfjöllun um dagskrá út-
varps- og sjónvarpsstöðvanna og
gamalreyndir blaðamenn blaðsins
halda sig við það. En aðrir blaða-
menn hafa gerst stórtækari í um-
fjöllun sinni og hafa þá stundum
farið um víðan völl.
Einn slíkur blaðamaður var á
ferðinni í DV á mánudaginn og
heitir hann Kristján Ari Arason.
Pistill hans heitir Þjónustulund
Morgunblaðsins. Er þar að fínna
óvenju rætin skrif um blaðið. Blaða-
maðurinn segir m.a. að ekki þurfi
að leggja á sig mikinn lestur til að
sjá að Morgunblaðið hugsi ekki um
það eitt að þjóna lesendum sínum.
Itrekað komi í ljós að þjónustulund
blaðsins gagnvart Sjálfstæðis-
flokknum sé þeirri lund sterkari en
að þjóna kaupendum sem vilji
traustar fréttir. Nefnir blaðamaður-
inn dæmi, sem hann telur máli sínu
til sönnunar. Lokaorð Kristjáns Ara
Arasonar eru þessi: Er hægt að
treysta svona fjölmiðli? Mér er
spurn.
xxx
Svo skemmtilega vill ti| að fyrr-
nefndur Kristján Ari Arason
svarar þessari spurningu sjálfur
játandi í sama tölublaði DV. Stafir
hans standa nefnilega undir dálki
sem heitir „Stuttar fréttir", þar sem
eru birtar í stuttu máli fréttir úr
öðrum fjölmiðlum. Þennan dag eru
8 fréttir í dálkinum, allar teknar
úr Morgunblaðinu! Heimilda er þó
aðeins getið í þremur fréttanna.
Þetta minnir á flóna sem lifir á
hundinum — og hatar hann!
xxx
löggir hlustendur ljósvakamiðl-
vJT anna hafa tekið eftir því
hvernig sömu fréttirnar geta verið
„á ferðinni“ allan liðlangan daginn.
Fréttir úr morgunblöðunum eru
fyrst lesnar í morgunfréttunum,
síðan í hádeginu, I síðdegsfréttum
og loks í sjónvarpi um kvöldið. Vin-
ur Víkveija kallar þetta fyrirbrigði
leshringi!
Hannes Hlífar Stefánsson hefur
verið útnefndur stórmeistari
í skák og er það að sjálfsögðu mik-
ið fagnaðarefni. En þetta er aðeins
áfangi hjá Hannesi. Nú bíður hans
mikil vinna við að reyna að hækka
sig í stigum. Stórmeistarar eru
nefnilega orðnir svo margir í heim-
inum að erfitt er fyrir þá að kom-
ast á góð mót nema þeir hafi 2600
stig eða meira. Hannes er mikið
efni og ólatur við að tefla og því
mun hann eflaust vera fljótur að
hækka í stigum
xxx
Víkveiji brá sér á KR-völlinn á
sunnudaginn og sá þar mik-
inn markaleik í 1. deild. Hin nýja
stúka KR-inga er glæsilegt mann-
virki og á leiknum var stemmning
sem minnti á ósvikna stemmningu
knattspyrnuleikja eins og Víkveiji
hefur kynnst henni í útlöndum. Það
gengur brösulega hjá KR-ingum að
verða íslandsmeistarar í knatt-
spymu en þeir eru óumdeilanlega
Islandsmeistarar í rekstri knatt-
spyrnufélaga!