Morgunblaðið - 05.09.1993, Blaðsíða 14
14 B
MORGUNBLAÐIÐ MENNIIMGARSTRAUMAR SUNNUDAGUR 5. SEPTEMBER 1993
Íbíó
Það er alltaf gaman
að fá myndir Wo-
ody Allens { bíóin því
hann stendur sér á parti
sem kvikmyndagerðar-
maður en honum bregst
bogalistin í Skuggum og
þoku, mynd sem hann
gerði á undan Eigin-
mönnum og eiginkonum
en er ekki sýnd fyrr en
nú._
í myndinni sækir
hann stílinn jafnt í þýsku
expressjónistana, þar
sem skuggar og þoka
móta útlitið, og Kafka í
sögu af litla manninum
(Woody heitir Kleinman
í myndinni) sem er part-
ur af einhverri mikilli
Áætlun og lendir uppá
kant við dularfulla hópa
er leita morðingja.
Hvorki stíllinn né sag-
an höfða sterkt til manns
og skopið er í lágmarki.
Og þrátt fyrir að leikara-
listinn sé efnilegur eru
spumingamar um guð
og dauðann og ástina
orðnar klisjukenndar.
Myndir Allens eru alltaf
á einhvem hátt
sjálfsævisögulegar en
hér leikur Mia Farrow
eiginkonu listamanns
(John Malkovich sem
trúður og ígildi Allens)
og rífast þau um mörg
atriði hjónalífsins ' og
þætti ekki merkilegt
nema í ljósi skilnaðarins
mikla.
Tveir vestrar
og alveg eins?
Kvikmyndun er hafin á
tveimur vestrum í
Hollywood sem báðir fjalla
um sömu persónurnar, þ.e.
löggæslumanninn Wyatt
Earp, bræður hans tvo
og Doc Holliday.
Önnur myndin er gerð
á vegum Warner Bros.
og heitir einfaldlega
„Wyatt Earp“ og fer
Tvistar víða;
Kevin Costner.
Kevin Costner með titilhlut-
verkið þar en handritshöf-
undur og leikstjóri er Lawr-
ence Kasdan.
Með önnur
hlutverk
fara Mich-
ael Mads-
en, Denn-
is Quaid,
Jeff Fa-
hey, Mare
Winning-
ham og Jo-
Beth Will-
iams. Hin
myndin er gerð á vegum
Hollywood Pictures og heitir
„Tombstone" og fer Kurt
Russell með hlutverk Earps
í henni og leikstjóri er George
Pan Cosmatos. Með önnur
hlutverk fara Val Kilmer,
Sam Elliott, Bill Paxton og
Dana Delany.
Costner hefur áður verið í
svipaðri stöðu þegar hann lék
Hróa Hött á meðan Patrick
Bergin var í sama hlutverki
í annarri Hróamynd. Er ekki
nóg með að endurgerðir og
framhaldsmyndir ríði húsum
í Hollywood, þar sem oft er
kvartað undan hugmynda-
leysi, heldur eru tvær myndir
um sama hlutinn að verða
algengt fyrirbrigði (tvær Kól-
umbusarmyndir, tvær myndir
um Pancho Villa eru í undir-
búningi).
Talað er um að Costner-
myndin verði í lengra lagi
eins og algengt er orðið með
stórmyndir en þær fréttir
berast. af hinni að sá sem átt
hafi að leikstýra henni, Kevin
Jarre, hafí verið rekinn þegar
ijórar vikur voru liðnar af
tökutímanum og Cosmatos
ráðinn í staðinn. Er sagt að
framleiðandanum Andy
Vanja (Rambó) hafi ekki litist
á útlit myndarinnar og viljað
„glæsilegri, samtímalegri
mynd“. Jarre, sem skrifaði
handritið að „Glory“, gerði
einnig handritið að vestran-
um og heldur Cosmatos sig
við það.
“KVIKMYNDIR™
Rís sólin í vestri?
• •
Onnur
sjónarmið
ÞAÐ KOMU upp nokkur vandamál við kvikmyndun
metsölubókar Michaels Crichtons, „Rising Sun“ (Sól-
ris), svo ekki sé meira sagt. Leikstjórinn Philip Kauf-
man vildi ekki leggja eins mikla áherslu á gagnrýni á
Japana og Crichton svo höfundurinn hætti vinnu við
myndina. Kaufman vildi líka að önnur aðalpersónan
yrði leikin af svertingja og hann gerði breytingar á
sögunni eins og þá að láta eina lykilpersónuna ekki
vera japanskan kaupsýslumann heldur eitthvað sem
ekki gat orðið pólitískt eldfimt.
En þrátt fyrir breytingar
Kaufmans á hinní um-
deildu sögu, sem Joe Roth,
fyrrum forstjóri 20th Century
Fox, keypti fyrir milljón doll-
ara, var
myndinni
harðlega
mótmælt af
japönskum
Bandaríkja-
mönnum
sem fannst
hún gefa
neikvæða
mynd af Japönum. Sagan
segir frá lögreglumönnum í
Los Angeles sem rannsaka
morð í japönsku stórfyrirtæki
og þeir fá að finna fyrir ótrú-
legu valdi Japananna í
Bandaríkjunum. Crichton
hugsar söguna sem harða
gagnrýni á starfsháttu Jap-
ana vestra. Ekki Kaufman.
Hann hefur unun af aust-
rænni menningu, skrifaði
lokaritgerð við háskólann í
Chicago um fangelsun japan-
skra Bandaríkjamanna í
seinni heimsstyrjöldinni og
hefur kynnt sér náið aust-
ræna lífsspeki.
Svo það hlaut að koma tii
átaka. Sean Connery og
Wesley Snipes fara með hlut-
verk lögreglumannanna en
Connery, vinur Crichtons, er
einn af framleiðendum mynd-
arinnar og samþykkti valið á
Kaufman sem leikstjóra.
„Mér fannst það áhugaverð
hugmynd að fá Phil í málið,“
er haft eftir (golflleikaranum
knáa, „því þetta er afar sölu-
leg mynd en hann hefur verið
meira í tengslum við Milan
Kundera [Óbærilegur léttleiki
tilverunnarj og Tom Wolfe
sem gerði „The Right Stuff“.
Það var stór plús, hugsaði ég
með mér.“
Kaufman hafði greinilega
önnur sjónarmið en Crichton.
„Ég hafði áhuga á öllum
spumingunum sem Crichton
velti fyrir sér,“ er haft eftir
honum, „en ég vildi ekki gera
eftir Arnald
Indriðason
bíómynd sem fengi fólk upp
á móti hvert öðru vegna inni-
haldsins. Ég hafði meiri
áhuga á persónunum og um-
hverfinu." Og hann heldur
áfram: „Myndin er miklu
meira um skilning þar sem
persóna Connerys opnar okk-
ur sýn á hvar streituþættimir
í samskiptum Japana og
Bandaríkjamanna liggja í
raun og hvemig við munum
verða að haga okkur í fram-
tíðinni."
Þessar hugmyndir vom
handritshöfundunum Cricht-
on og Michael Backes alveg
nýjar þegar kom að kvik-
mynduninni og fljótlega slitn-
aði uppúr samstarfinu. Þeir
fengu að vita að það var
Kaufman sem stjómaði ferð-
inni. Hann gerði iíka aðra
aðalpersónuna að svertingja
án þess þeir gætu rönd við
reist og bar því við að það
skapaði meiri spennu í annars
eintóna samband lögreglu-
mannanna. Kaufman fékk
leikritaskáldið David Mamet
til að fínpússa handritið á sín-
um tíma og skilaði því inn
Úr hvítum í svartan; Wes-
ley Snipes gegnir lög-
reglustörfum í mynd
Kaufmans.
undir sínu nafni eingöngu.
Félag handritshöfunda tók á
málinu og Kaufman, Crichton
og Backes eru allir skrifaðir
fyrir því, Kaufman fremstur.
„Ég held að Crichton hafí
reynt að komast inní heim
sem er afar mikilvægt fyrir
okkur að skilja," segir Kauf-
man. „Ég reyndi að stíga inní
þann heim í gegnum bók
Crichtons en ég veit að ég
hef farið nokkuð aðra leið inn
en hann.“ Hvernig heldur
hann að höfundinum muni
finnast myndin? „Hún gæti
komið honum á óvart.“
10.000 hafa séð
Þríhyminginn
Alls höfðu um 10.000
manns séð Þríhyrning-
inn um síðustu helgi í Regn-
boganum að sögn Ingvars
Þórðarssonar rekstrarstjóra
bíósins.
Þá höfðu um 20.000 manns
séð gamanmyndina Tvo ýkta
í Reykjavík og úti á landi, um
6.000 höfðu séð „Super Mario
Bros.“, 3.500 norsku mynd-
ina Loftskeytamanninn, sem
nú hefur verið sýnd í fimm
mánuði og Ingvar sagði „Red
Rock West“ hafa byijað rnjög
vel um síðustu helgi.
Næsta mynd Regnbogans
er „The Crush“, sem hlotið
hefur íslenska heitið Áreitni,
og verður hún frumsýnd sam-
tímis í Regnboganum og
Borgarbíói á Akureyri 9. sept-
Annar flótti; McQueen og
MacGraw í „The Getaway".
Flóttinn
endur-
tekinn
Ein af eftirminnilegustu
myndum gamla Tóna-
bíós var „The Getaway" eða
Flóttinn með Steve McQueen
og Ali MacGraw undir leik-
stjóm Sam Peckinpah. Hún
var gerð árið 1972 og var
A1 heitinn Lettieri, sá sem
átti eftir að leika Tyrkjann í
Guðföðumum, stórkostlegur
sem samviskulaus krimmi í
myndinni.
Nú hefur verið ráðist í end-
urgerð myndarinnar undir
leikstjóm Rogers Donaldsons
(„No Way Out“) og fara Alec
Baldwin og Kim Basinger
með aðalhlutverkin en með
önnur hlutverk fara James
Woods, Jennifer Tilly og
Michael Madsen, sem að lík-
indum er í Lettieri-rullunni.
Madsen var mesti ódámurinn
í hinni ofbeldisfullu mynd
„Reservoir Dogs“ en líkir því
hlutverki við Mjallhvíti sam-
anborið við það sem hann
hefur í „The Getaway".
Walter Hill skrifar handrit-
ið uppúr sögu glæpasagna-
höfundarins Jims Thompsons
en hann gerði einnig handrit-
ið að frummyndinni sem naut
mikilla vinsælda hér heima.
Voru þá McQueen og
MacGraw fremstu stjörnur
draumaborgarinnar en hann
átti ekki mörg ár eftir ólifuð
og hún er nú fallin í gleymsk-
unnar dá.
ember. Leikstjóri og handrits-
höfundur er Álan Shapiro en
Cary Elwes fer með aðalhlut-
verkið. Á eftir henni kemur
nýsjálenska verðlaunamyndin
Píanóið, síðan ítalska myndin
„La corsa dell’innocente" eftir
Carlo Carli og loks „Arizona
Dream" með Fay Dunaway
og Johnny Deep.
WkNýjasta mynd Martin
Scorsese verður frum-
sýnd í Bandaríkjunum í
þessum mánuði en hún
heitir „Age of Innoc-
ence“ og er með Daniel
Day-Lewis, Michelle
Pfeiffer og Winona
Ryder í aðalhlutverkum.
Með henni víkur Scor-
sese talsvert langt frá
öngstrætum nútímans
því myndin er byggð á
sögu Edith Whartons
og gerist í New York á
Viktoríutímanum. í
myndinni kvænist Day-
Lewis Ryder þótt hann
sé yfir sig ástfanginn af
Pfeiffer en hún er frá-
skilin og lifir alit að því
hneykslanlegu lífi. Síð-
asta freisting Daníels.
MLeikritið fræga „M.
Butterfly” hefur nú ver-
ið kvikmyndað og verður
myndin bráðlega frum-
sýnd vestra. Með aðal-
hlutverkin í henni fara
Jeremy Irons og John
Lone en leikstjóri er
David Cronenberg sem
síðast gerði „Naked
Lunch“. David gerir
handritið ásamt Henry
Hwang, höfundi leik-
ritsins. Það segir frá
frönskum diplómat sem
ástfanginn verður af
söngkonu og kemst að
því að leyndarmálið í
„The Crying Game“
hefur spurst út.
MNýjasta mynd breska
leikstjórans Tony
Scotts („Top Gun“)
heitir „True Romance“
og skartar ófáum þekkt-
um nöfnum úr leikara-
stéttinni: Christian
Slater, Patricia Arqu-
ette, Gary Oldman,
Dennis Hopper, Brad
Pitt, Chris Penn, Chri-
stopher Walken. Hand-
ritið gerir Quentin Tar-
antino („Reservoir
Dogs“) en myndin segir
frá nýgiftu pari sem fer
með dópsendingu til Los
Angeles með mafíuna á
hælum sér.