Morgunblaðið - 25.11.1993, Blaðsíða 18
18
MORGUNBLAÐIÐ FIMMTUDAGUR 25. NÓVEMBER 1993
Lögmaður dæmdur í 18 mánaða fangelsi
Dró sér rúmlega
12 milljónir króna
frá skj ólstæðingnm
GIJÐNÝ Höskuldsdóttir, 40 ára fyrrverandi hæstaréttarlögmaður,
var í gær dæmd í 18 mánaða fangelsi í Héraðsdómi Reykjavíkur
fyrir að hafa, frá febrúar 1990 og fram í september 1991 er bú
hennar var tekið til gjaldþrotaskipta, dregið sér rúmlega 12,5
milljónir króna af fjármunum fimm skjólstæðinga sinna og fyrir
að hafa ekki haldið lögskylt bókhald. Hún játaði brot sín fyrir dómi.
Lögmaðurinn dró sér slysabætur
sem hún hafði tekið að sér að inn-
heimta fyrir fjóra skjólstæðinga,
aliar bætur tveggja en hluta af
bótum tveggja. Fjárhæðir í hverju
tilviki voru frá 1,5-3 milljónum
króna. Einnig dró hún sér 3,2 millj-
ónir af andvirði húsbréfa sem hún
seldi í umboði tveggja umbjóðenda
sinna. Flest brotin voru framin sum-
arið 1991.
Þá viðurkenndi lögmaðurinn að
hafa látið hjá líða að halda bókhald
og semja ársreikninga fyrir starf-
semi sína.
Asjöttaþús-
und hefur séð
Hin helgu vé
Á SJÖTTA þúsund manns hefur
nú séð kvikmynd Hrafns Gunn-
Iaugssonar, Hin helgu vé, sem
frumsýnd var í Regnboganum
29. október síðastliðinn.
Að sögn Ragnars Halldórssonar,
starfsmanns framleiðenda mynd-
arinnar, hefur aðsókn að henni
verið stöðug og jöfn upp á síðkast-
ið, þrátt fyrir að aðsókn að kvik-
myndahús'um væri almennt í
dræmara lagi á þessum árstíma.
Sagði hann að sýningum myndar-
innar yrði haldið áfram í Regnbog-
anum, en engin ákvörðun hefði
verið tekin um hve lengi.
Ábyrgðasjóður Lögmannafélags
íslands hefur bætt skjólstæðingum
lögmannsins um 7,4 milljónir króna
af því tjóni sem þeir hafa orðið fyr-
ir en að öðru leyti hefur tjón þeirra
ekki fengist bætt.
Við ákvörðun refsingar leit
Hjörtur 0. Aðalsteinsson héraðs-
dómari til þess mikla fjárhagstjórn
sem lögmaðurinn hafi valdið með
athæfi sínu í starfí lögmanns og
opinbers sýslunarmanns sem skjól-
stæðingar hennar hafi mátt ætlað
hagsmunum sínum borgið hjá.
Einnig var litið til skýlausra játn-
inga hennar og þess að meðferð
málsins hafí dregist. Auk 18 mán-
aða fangelsis var hún svipt lög-
mannsréttindum fyrir Hæstarétti
og héraðsdómi í 4 ár.
♦ ♦ ♦----
Tómatar og
gúrkur hækka
VERÐ á tómötum og gúrkum hef-
ur verið að hækka aftur undan-
farna daga eftir að það lækkaði
mikið í upphafi mánaðarins þegar
opnað var fyrir innflutning og
tollar felldir niður.
í byijun mánaðarins voru fluttar
inn ódýrar gúrkur og tómatar frá
Hollandi. Uppskeran þar hefur nú
minnkað og er nú aðallega verið að
flytja inn vörur frá Spáni. Kílóið af
gúrkum var í gær selt á 299 kr. í
Hagkaupi í Kringlunni og tómatamir
voru á 199 krónur.
Morgunblaðið/Sverrir
Ritsljórn Tímans
STARFSFÓLK Tímans vinnur við blaðið á nýjum skrifstofum þess við Hverfisgötu í gær.
*
Akveðið að halda út-
gáfu Tímans áfram
STJÓRN Mótvægis hf., útgáfufélags Tímans, kom saman í gær. Að
sögn stjórnarformanns, Bjarna Þórs Óskarssonar, var stjórnarmönn-
um gerð grein fyrir stöðu fyrirtækisins á grundvelli þeirra upplýs-
inga sem liggja fyrir en engar ákvarðanir voru teknar. Bjarni Þór
segir að útgáfa blaðsins stöðvist ekki, hlutafjársöfnun haldi áfram
og að hluthafar reyni að tryggja hagsmuni sína. Fólk hélt áfram
að segja upp blaðinu í gær vegna leiðaraskrifa í fyrradag um Stein-
grím Hermannsson en ekki fékkst uppgefið hve margir þeir voru.
„Fundurinn í dag var enginn af-
greiðslufundur heldur var þar verið
að kynna fyrir stjóminni þau fátæk-
legu gögn sem við erum búnir að
safna saman um stöðuna. Utkoma
blaðsins er áframhaldandi og það
er bara beðið eftir fyllri upplýsing-
um. Þar er um að ræða greiðslu-
áætlun, rekstraráætlun og árs-
hlutauppgjör miðað við 31. október.
Mitt starf felst raunverulega í að
halda í horfínu, láta blaðið koma
út og ná fram þeim upplýsingum
sem eru nauðsynlegar til að menn
geti tekið skynsamlega afstöðu til
þess hvað á að gera og hvað þarf
til þess að tryggja áframhaldandi
rekstur," sagði Bjami Þór.
Viljayfirlýsing framsóknar
Framsóknarflokkurinn gaf út
viljayfirlýsingu fyrir helgi um að
flokkurinn myndi aðstoða við að
koma út blaðinu ef á þyrfti að halda.
Að sögn Bjarna hefur ekki verið
gripið til þess ennþá. Þór Jónsson,
ritstjóri Tímans, segir að sú viljayf-
irlýsing hafi engin áhrif á ritstjórn-
arstefnu blaðsins. „Eg vona að stór-
ir hluthafar, eigendur þessa blaðs,
treysti rekstrargrundvöll blaðsins
svoleiðis að það geti haldið áfram
að koma út,“ sagði Þór.
„Verið er að reyna að leita eftir
nýju hlutafé inn í þetta. Menn fóru
af stað og ætluðu að fá inn 25
milljónir í hlutafé og juku það síðan
í 30 milljónir á hluthafafundi 18.
ágúst. Af því eru ekki komnar inn
nema 20 milljónir þannig að miðað
við það sem menn ætluðu sér þá
vantar 10 milljónir í hlutafé. Menn
eru að reyna að ná því eins og
kostur er. Hluthafar og eigendur
vinna að því að reyna að tryggja
sína hagsmuni," sagði Bjarni Þór
Óskarsson.
AF INNLENDUM
VETTVANGI
ÓMAR FRIÐRIKSSON
Landsfundur Alþýðubandalagsins hefst í Reykjavík í dag
Útflutningsleiðin átakamál
DRÖG þau að tillögugerð Alþýðubandalagsins, Útflutningsleiðin
svokallaða, sem formaður, varaformaður og formaður þing-
flokks kynntu á fréttamannafundi fyrir skömmu, mælist mjög
misjafnlega fyrir innan flokksins. Er búist við miklum og snörp-
um umræðum um skýrsluna og gagnrýni á einstakar tillögur á
landsfundi flokksins sem hefst á Hótel Sögu í dag. Samkvæmt
heimildum mínum hefur þingflokkurinn þegar gert umtalsverð-
ar breytingar á einstökum köflum skýrslunnar, sem er mikil
að vöxtum eða um 120 blaðsíður og viðmælendur úr hópi þing-
manna og annarra landsfundarfulltrúa, sem talist hafa til and-
stæðinga formanns í innanflokksátökum síðustu ára, lýsa sumir
ritinu sem „meingölluðu vinnuplaggi, sem enginn muni fást til
að skrifa upp á sem stefnu flokksins."
Skoðanakannanir upp á síð-
kastið sýna að staða Alþýðu-
bandalagsins er veik. Þegar 300
flokksmenn koma til landsfundar
í dag liggur fyrir að flokkurinn
hefur nú minna fylgi en hann fékk
í seinustu alþingiskosningum eða
13,6% samanborið við 14,4% í
kosningunum, skv. seinustu könn-
un Félagsvísindastofnunar. Ólaf-
ur Ragnar Grímsson formaður
Alþýðubandalagsins hefur brugð-
ist við á undanförnum mánuðum
með því að útfæra viðamikla til-
lögugerð í efnahags- og atvinnu-
málum og enda þótt tillögurnar
hafí verið ræddar á fundum í
flokkstofnunum fer ekki leynt að
skýrslan er fyrst og síðast ritsmíð
Ólafs Ragnars. Er henni ætlað
að vera í senn undirstaða kosn-
ingastefnu og pólitísk verkefna-
skrá flokksins næst þegar alþýðu-
bandalagsmenn halda til við-
ræðna um myndun ríkisstjórnar.
Öðrum þræði er Ólafur augljós-
lega að keyra flokkinn nær miðj-
unni í pólitíska litrófínu. Fer held-
ur ekki leynt að formaður og
fylgismenn hans ætla ritinu að í
raun að verða stefna flokksins í
framtíðinni en í inngangsorðum
segir orðrétt: „Alþýðubandalagið
er hér ekki aðeins að móta stefnu
flokksins heldur jafnframt að
skapa grundvöll að víðtækri sam-
stöðu íslensku þjóðarinnar um
endurreisn efnahagslífsins..."
Stefna eða uppkast?
Hörð gagnrýni hefur komið
fram á skýrsluna við umfjöllun í
flokksfélögum að undanförnu sem
m.a. hefur beinst að því að í henni
sé of mikið samsafn mótsagna-
kenndra hugmynda, sem ekki
gangi upp við nánari skoðun,
umfjöllun um landbúnað og iðnað
sé rýr, tillögur til að örva útflutn-
ing krefjist aukinna útgjalda og
leiði þ.a.l. til þenslu og standist
með engu móti aðild Islands að
Evrópsku efnahagssvæði. Þá þótti
ýmsum það fljótræði að ritið
skyldi kynnt í fjölmiðlum áður en
það væri útfært nánar.
Svavar Gestsson alþingismaður
segist í samtali við Morgunblaðið
gera margar athugasemdir við
skýrsluna þótt ágæt samstaða sé
um að hún geti orðið góður grund-
völlur að umræðu innan flokksins.
Segir hann að fjölmargar athuga-
semdir hafi komið fram á fundum
landsfundarfulltrúa Alþýðu-
bandalagsfélagsins í Reykjavík á
seinustu dögum og skýrslan eigi
eftir að taka miklum stakkaskipt-
um á næstu vikum og mánuðum,
ekki síst fyrir tilverknað lands-
fundarins.
„Framsetningin er gagnrýnd
talsvert og uppsetningin. Þetta
er ekki fullmótuð stefna, heldur
uppkast," segir Svavar. „Þarna
er gert ráð fyrir verulegri sam-
þættingu allra þátta efnahagslífs-
ins, verulegri áherslu á útflutning
og þar af leiðandi minni innflutn-
ing. Því segja sumir menn að
þarna sé á ferðinni tilraun til
miðstýringar í hagkerfmu en aðr-
ir halda algerlega hinu gagnstæða
fram ,“ segir Svavar.
Titringur vegna tillögu um
lagabreytingu
Þrír landsfundarfulltrúar af
Reykjanesi leggja fram tillögu á
landsfundi um að gerð verði sú
breyting á lögum flokksins að
formenn og gjaldkerar aðildarfé-
laga flokksins verði ekki háðir
endurnýjunarreglu flokkslag-
anna. Fyrsti flutningsmaður er
Eyjólfur Eysteinsson úr Keflavík.
Þessi tillaga snertir einn við-
kvæmasta þátt flokksskipulagsins
og hefur þegar valdið miklum titr-
ingi innan flokksins og er búist
við heitum umræðum um hana á
landsfundinum. Líta sumir svo á
að hér séu stuðningsmenn Ólafs
Ragnars að opna möguleika á að
afnema endumýjunarregluna í
heild sinni fyrir formanninn. Við
kjör í allar trúnaðarstöður innan
flokksins gildir sú regla, að enginn
er kjörgengur lengur en þijú kjör-
tímabil í röð en formann og vara-
formann má þó kjósa á fjórum
landsfundum í röð. Ólafur á því
aðeins tvö ár eftir í flokksfor-
mennsku að óbreyttu.
„Þetta er ekkert annað en til-
raun til valdaráns í stíl Bórisar
Jeltsíns," sagði einn viðmælandi
minn um tillögu Reyknesinganna
en stuðningsmenn formanns
hafna því að tilgangurinn sé sá
að afnema endurnýjunarreglu
flokksins og benda á að í mörgum
flokksfélögum hafi endurnýjun-
arreglunni ekki verið fylgt í raun
á undanförnum árum og því sé
eðlilegt að opna lögin á landsfund-
inum.