Morgunblaðið - 14.12.1993, Síða 31

MORGUNBLAÐIÐ ÞRIÐJUDAGUR 14. DESEMBER 1993
31
Tekið á móti sóknarbörnum
BISKUP íslands, séra Ólafur Skúlason, og sóknarpresturinn, Vigfús
Þór Arnason, taka á móti sóknarbörnum í fyrstu altarisgöngunni.
Fyrsta skírnin
FYRSTA skirnin fór fram í Grafarvogskirlgu eftir vígsluna. Fyrstu
börnin voru skírð Jón Atli og Unnur.
Fyrstí áfangi Grafar-
vogskirkju vígður
FYRRI áfangi Grafarvogskirkju var vígður sl. sunnudag. Tekinn var
í notkun salur fyrir helgihald og kennslustofa fyrir fermingarbörn.
Vígslan var fjölsótt og sagði sóknarpresturinn, séra Vigfús Þór
Arnason, að um 600 manns hefðu sótt athöfnina.
Biskup íslands, séra Ólafur bjargar Helgadóttur. í fyrri áfanga
Skúlason, vígði fyrri áfanga kirkj- eru m.a. salur fyrir helgihald, fund-
unnar. Að því búnu var guðsþjón- arsalur og setustofa auk kennsluað-
usta. Kór Grafarvogskirkju söng stöðu fyrir fermingarbörnin í sókn-
ásamt barnakór undir stjóm Sigur- inni.
1.400 lítrar af bruggi fundust
í gróðurhúsum ofan við bæinn
Framleiðsla í tunnum
HLUTI framleiðslunnar var í þessum tunnum en alls voru 1.400
lítrar af gamra á staðnum. Talið er hins vegar að bruggararnir
hafi haft tök á að leggja í um 4.000 lítra í einu.
LÖGREGLAN í Reykjavík
lagði á laugardaginn hald á
1.400 lítra af gambra, 200 kg
af sykri, 1.050 tómar plast-
flöskur og 75 lítra af landa í
bruggverksmiðju í gróður-
húsahverfi við Lambhaga,
skammt ofan við borgina. Þetta
er ein stærsta brugggerð sem
lögregla hér á landi hefur lok-
að. I verksmiðjunni var hægt
að sjóða allt að fjögur þúsund
lítra af landa í einu. Talið er
að fjórir ungir menn hafi átt
verksmiðjuna og að þeir hafi
getað eimað og selt allt að 500
lítra af landa á viku, þannig
að allt að 425 lítrar af fram-
leiðslu síðustu viku hafi annað-
hvort komist á markaðinn áður
en framleiðslan var stöðvuð á
laugardaginn eða komist á
fyrsta stig dreifingar áður en
lögreglan skarst í leikinn.
Að sögn lögreglunnar var
landinn mjög lélegur að gæðum,
jafnvel svo að mönnum hefði
getað orðið meint af að drekka
framleiðsluna. Þrátt fyrir það
virtist tækjabúnaðurinn af full-
komnustu gerð.
Lögreglan telur að bruggur-
unum hafi gengið illa að halda
ákjósanlegu hitastigi í brugg-
gerðinni svo að geijun mjaðarins
hafi stöðvast um tíma en þegar
það gerist er hætta á að landinn-
spillist eða jafnvel eitrist, að sögn
rannsóknarlögreglumanna sem
Morgunblaðið ræddi við í gær.
Ómar Smári Ármannsson
sagði að lögreglan teldi hætt við
því að eitthvert magn af mjög
lélegri framleiðslu þessara
manna yrði boðið á markaði í
borginni fyrir næstu helgi en svo
virðist sem mikið af lélegum
landa hafi verið á markaði und-
anfarið og hafi það m.a. í komið
fram í miklum ölvunareinkennum
og ýmsum óþægindum neytend-
anna. „Það er aldrei að vita hvað
verið er að bjóða í þessum við-
skiptum. Það gæti alveg eins
verið tréspíritus, sem getur vald-
ið blindu eða jafnvel dauða,“
sagði Ómar Smári Ármannsson.
Hann sagði að ýmislegt benti til
þess að um þessar mundir væri
gífurlega mikið framboð af landa,
komnir væru fram fjölmargir
aðilar sem vildu græða skjótt á
bruggun og margir þeirra hefðu
litla eða enga þekkingu á fram-
leiðslunni en við bruggun mætti
lítið út af bera eins og ýmsar
nýjar og gamlar sorgarsögur
væru til marks um. Hann sagði
lögregluna hafa áhyggjur af
þessu og einnig því að áfengi sem
bærist inn í landið með erlendum
sjómönnum og selt sem vodka
væri í raun oftast landi eða þá
iðnaðarspíri sem eimaður er um
borð í skipunum og geti verið
stórhættulegur neytendum.
Útlit fyrir góða loðnuveiði
Um 20 skip komin á miðin
UTLIT er fyrir að loðnuveiði sé að hefjast á ný fyrir Norðurlandi
og eru um 20 skip komin á miðin um 40 mílur út af Raufarhöfn.
Væn köst fengust á þessu svæði um helgina en veður hamlaði veiði
i fyrrinótt og fram eftir degi. Um 4 þúsund tonn hafa borist á land
síðustu daga og bátar eru á leið til nokkurra hafna með loðnu. Alls
hafa um 440 þúsund tonn borist á land á vertíðinni en eftirstöðvar
loðnukvótans eru um 260 þúsund tonn.
Eldri kona
fyrir strætó
á Akureyri
ELDRI kona varð fyrir strætis-
vagni um hádegisbil í gærdag á
gatnamótum Hamarsstigs og
Þórunnarstrætis. Hún var flutt á
Fjórðungssjúkrahúsið á Akur-
eyri, en meiddist ekki mikið að
sögn varðsljóra lögreglunnar.
Úrillir
Miklar annir voru hjá lögreglu
um helgina. „Menn voru úrillir og
viðkvæmir og í stöðugum slagsmál-
um,“ sagði Matthías Einarsson,
varðstjóri lögreglunnar á Akureyri.
Á skömmum tíma aðfaranótt
sunnudagsins voru sjö menn fluttir
í fangageymslu lögreglunnar vegna
óláta. Þá gerðu tveir piltar sér að
leik að klífa upp í jólatréð á Ráðhús-
torgi, en voru stöðvaðir áður en
skemmdir hlutust af tiltækinu.
Að sögn Geirs Garðarssonar,
skipstjóra á Helgu II RE, virðist
töluvert af loðnu á miðunum og
bætist stöðugt við. Hann sagði að
veður hefði hamlað veiðum í fyrri-
nótt en útlit væri fyrir góða veiði
þarna með batnandi veðri. Geir
sagði að um 20 skip væru komin á
miðin og væru menn bjartsýnir á
góð aflabrögð.
Hrygningarloðna
Þórður Jónsson, rekstrarstjóri
hjá SR-mjöli á Siglufírði, sagði að
ef tíðin héldist góð gætu bátarnir
náð að rífa upp 30 til 40 þúsund
tonn fram að jólum. Hann sagði
að þarna væri hrygningarloðna á
ferðinni og væru hrogn farin að
sjást í henni. Um 4 þúsund tonn
af loðnu hafa borist á land síðustu
daga og bátar eru á leið með loðnu
til nokkurra hafna. Loðna barst til
Raufarhafnar í fyrradag en þar
hefur ekki verið landað loðnu í tvo
og hálfan mánuð.
Viltu breyta
um lífsstil á
nýju ári?
Við hjálpum þér að halda áramótaheitið!
Heilsu- og hvíldardardagar
á Hótel Örk milli jóla og nýárs.
Reykbindindisnámskeið fyrir þá sem ætla
að hætta um áramótin:
Leiðbeinandi: Ásgeir R. Helgason, sálfræðingur við
Karólinska sjúkrahúsið í Stokkhólmi, sem þróaði og stýrði
reykbindindisnámskeiðum Krabbameinsfélagsins um árabil.
Námskeið um breytt
matarræði og holla hreyfingu
Ingibjörg Björnsdóttir heldur fyrirlestur
og kynnir grundvallaratriði mataræðis
fyrir heilbrigði og vellíðan líkamans.
Sýnt verður fræðslumyndband með
Hallgrími Magnússyni lækni um ýmsar
hliðar heilbrigðis í nútíma þjóðfélagi.
Ingibjörg Hallgrímur
Gestír fá frían aðgang að upphitaðri útisundlaug með heitum pottum, gufubaði með ekta
jarðgufu og líkamsræktarsal. Á Hótel Örk er snyrti- og nuddstofa með Ijósabekkjum og
hárgreiðslustofa fyrir dömur og herra.
Hótel Ork býður fyrsta flokks aðbúnað og þægilegt umhverfi, þar sem þú getur hvílst vlð
bestu aðstæður, byggt upp þrek og þrótt og kynnst skemmtilegu fólki!
Verð kr. 3.725 fyrir manninn á nótt.
Innifalið: Gisting, morgunverður af hlaðborði og þríréttaður kvöldverður, dagskri
hótelsins s.s. morgunleikfimi, fræðsluerindi og reykbindindisnámskeið.
Píanóbar á kvöldin.
Ásgeir
Rannsóknarlögreglan á Akureyri
réðst til inngöngu í hús eitt í bæn-
um aðfaranótt mánudags en grunur
lék á að þaðan færi fram dreifíng
á fíkniefnum. Því var leitað eftir
heimild til að kanna málið nánar.
Fjórir menn voru handteknir en
þeir hafa verið látnir lausir. Óveru-
legt magn af hassi fannst í húsinu.
KRAFTVÉLAR
FUNAHÖFÐA 6-112 REYKJAVÍK - SÍMI (91) 634500 - FAX (91) 634501
TÆKI Á TRAUSTUM GRUNNS
Ekkert aukagjald fyrir eins manns herbergii
M HÓTEL ÖÍ2K
HVERAGERÐI S f M I 98-34700. FAX 98-34775
Paradís rétt handan við hœðina.