Morgunblaðið - 11.05.1994, Page 8

8 MIÐVIKUDAGUR 11. MAÍ 1994
MORGUNBLAÐIÐ
FRÉTTIR
Nýjung- hjá íþrótta- og tómstundaráði Reykjavíkur
Sumarleikhús fyrir
atvinnulaus ungmenni
Sumarleikhús
SIGURÐUR Guðmundsson og Gottskálk Dagur Sigurðarson,
framkvæmdastjórar Sumarleikhúss fyrir ungt fólk sem starf-
rækt verður í sumar á vegum íþrótta- og tómstundaráðs.
Útgáfa Þjóðviljans átti
425 þús. upp í skuldir
SKIPTAMEÐFERÐ Útgáfufé-
lagsins Bjarka, síðasta útgefanda
Þjóðviljans, er lokið. Samþykktar
voru kröfur að upphæð 20,6 millj-
ónir króna en eignir búsins dugðu
til að greiða 425 þúsund krónur,
eða 4,61%, upp í forgangskröfur
sem alls námu 9,2 milljónum
króna. Engar eignir fundust því
í þrotabúinu til að greiða upp í
almennar kröfur sem voru sam-
þykktar 11,4 milljónir króna.
Að sögn Elvars Amar Unn-
steinssonar skiptastjóra þrotabús-
ins var stærstur hluti forgang-
skrafnanna vegna launatengdra
gjalda, þ.e. lífeyrisgreiðslna og
oriofs.
Eignir 1,8 milljónir
Eignir útgáfufélagsins Bjarka
sem voru tæki og skrifstofubúnað-
ur, bíll, bankainnstæða og úti-
standandi kröfur reyndust alls 1,8
milljóna króna virði og að kostn-
aði við frágang á rekstrinum og
skiptum þrotabúsins frádregnum
voru eftir 425 þúsund krónur til
að greiða eigendum forgang-
skrafnanna.
Hluti borgarverk-
efnis til að fjölga
sumarstörfum
skólafólks
ÍÞRÓTTA- og tómstundaráð
starfrækir í sumar Sumarleikhús
ungs fólks fyrir ungmenni á aldr-
inum 16 til 25 ára, sem hafa
ekki fengið vinnu í sumar og er
starfið í leikhúsinu launað. Um-
sjónarmenn eru Gottskálk Dagur
Sigurðarson og Sigurður Guð-
mundsson, en ráðinn verður leik-
stjóri til að stýra leikhópnum.
Hugmyndin er runnin undan riij-
um umsjónarmanna, og var sam-
þykkt í borgarráði í seinustu viku
sem hluti af 25 milljóna króna
aukaíjárveitingu til að fjölga
sumarstörfum skólafólks. 30
starfsmenn verða í leikhúsinu.
Leit stendur yfir að húsnæði
fyrir starfsemi leikhússins, en það
hefur skrifstofuaðstöðu í Hinu-
húsinu. Starfsemi hefst formlega
24. maí, þegar búið verður að ráða
ungmenni til starfa en Ráðningar-
skrifstofa skólafólks í Engjateigi
sér um að skrá umsækjendur.
Jafnframt verður rætt við um-
sækjendur og starfið kynnt í Hinu
húsinu 16. maí klukkan 20. „Skil-
yrði fyrir starfsmenn Sumarleik-
hússins eru að þeir hafi stundað
skólagöngu í vetur, og ekki fengið
vinnu í sumar, en ekki sakar að
hafa reynslu í að smíða leikmynd-
ir, mála leiktjöld, leika eða stýra
ljósum,“ segir Gottskálk Dagur.
Að sögn hans verður starfið tví-
þætt í sumar, annars vegar mun
leikhópurinn verða kjaminn í götu-
leikhúsi, sem jafnframt verður
opið öllum þeim sem vilja, og mun
spóka sig um götur borgarinnar á
17. júní, en einnig verður sett upp
leiksýning seinni hluta surriars.; i'
Maríanna Csillag hjúkrunarfræðingur
Býst við meiri
neyð en ég hef
séð hingað til
Islenskur hjúkrunar-
fræðingur, Mar-
íanna Csillag, er far-
in til Tansaníu þar sem
kvartmilljón flóttamanna
frá átakasvæðunum í
Rúanda hafa streymt
yfir landamærin. Neyð-
arástand ríkir og víga-
ferlin í Rúanda eru með
þvílíkum eindæmum að
þrautreynt hjálparfólk
hefur vart litið annan
eins hrylling. Flestir eða
allir flóttamennirnir eru
allslausir og búa við öm-
urlegar aðstæður. Hætta
er talin yfirvofandi að
farsóttir á borð við kól-
eru breiðist út. Landa-
mærunum hefur nú verið
lokað og margt flótta-
manna bíður þess eins
að glufur opnist yfir til
Tansaníu. Maríanna hef-
ur áður starfað á vegum
íslandsdeildar Rauða krossins á
átakasvæði. Hún var árin 1991
og 1992 sendifulltrúi Rauða
kross íslands í Afganistan þar
sem skæruliðafylkingar börðust
gegn stjórnarher Afganistans
með liðsinni sovéskra hersveita.
Hún hefur því reynslu.
- Kemur reynslan frá því í
Afganistan að notum nú?
„Já, vissulega gerir hún það,
en það verður þó að taka það
fram, að aðstæðurnar sem ég
kem til með að vinna við núna
eru í stórum atriðum aðrar. Þeg-
ar ég var í Afganistan kom ég
til dæmis í fullmótaðar flótta-
mannabúðir þar sem starfið var
í fullum gangi. Það sem við mér
mun blasa að þessu sinni er
uppbyggingarverkefni frá
grunni. Fyrir vikið reikna ég
með því að horfa upp á meiri
neyð heldur en hingað til. Þarna
hefur allt verið í biðstöðu og
þessi mikli fjöldi flóttamanna
•hefur komið þarna inn á mjög
skömmum tíma. Hjálparstarfið
er rétt að byija,“ segir Mar-
íanna.
En hver eru markmið hjáipar-
fólksins frá Rauða krossinum
og hverju getur það komið tii
leiðar?
„Okkar markmið eru í tengsl-
um við heilbrigðismál-
in. Við getum orðað
það þannig. Það er
skortur á öllu. Það er
lítill matur, fyrir fáum
dögum voru til birgðir
til einnar viku, en síðan hefur
flóttafólkinu ijölgað verulega.
Það er allt sýkt þarna. Vatn er
aðeins að hafa úr á sem rennur
við búðirnar og niður hana fljóta
líkin. Þarna er því stórhætta á
farsóttum og við verðum að
reyna að koma í veg fyrir það
með bólusetningum og fleiri leið-
um. Þó að áherslan okkar sé á
heilbrigðismálin verður samt
auðvitað að byija á því að koma
búðunum upp og skipuleggja
matardreifíngu. Það þarf að
flytja bæði vatn og mat á stað-
inn.“
Hvaða fólk fer þarna tii
starfa?
„Við förum fyrst fimm saman
frá ýmsum Evrópulöndum og
sláumst í hóp með um hundrað
sjálfboðaliðum frá Rauða krossi
Maríanna Csillag
►Maríanna Csillag er starf-
andi hjúkrunarfræðingur og
verður næstu mánuðina
sendifulltrúi íslenska Rauða
krossins í Tansaníu þar sem
uppbygging flóttamanna-
búða fyrir Rúandabúa er að
hefjast. Maríanna hefur áður
verið sendifulltrúi RKÍ á
átakasvæðum, nánar tiltekið
í Afganistan. Maríanna er
fædd 1962 og er dóttir ung-
verskra flóttamanna sem
komu hingað til lands árið
1956. Hún iærði hjúkrunar-
fræðin við Háskóla íslands.
„Upplifi hvað
hjúkrun raun-
verulega er“
Tansaníu. Síðan mun okkur Evr-
ópubúunum fjölga og við gætum
orðið allt að 15 til 20 áður en
yfír lýkur. En það fer allt eftir
því hvernig málin þróast hvað
við verðum mörg. Sjálf verð ég
þarna í þijá mánuði."
En hvaða köllun er það að
fara til móts við eymdina ístærri
skömmtum heldur en gengur og
gerist?
„Svarið við þessari spurningu
er tvískipt. í fyrsta lagi er þetta
verðugt viðfangsefni. Ég upplifi
hvað hjúkrun raunverulega er
þegar ég stend frammi fyrir svo
erfíðu verkefni með
ekkert í höndunum
annað en kunnáttu
mína. Hinn hluti
_________ svarsins hefur með
samviskuna að gera.
Ég horfi á þetta eins og aðrir í
fréttum og sef kannski ekki al-
veg nógu vel því að innst inni
vildi ég að ég gæti lagt eitthvað
af mörkunum til hjálparstarfs-
ins. Þegar ég svo gef mig í þetta
get ég farið róleg að sofa á
kvöldin vitandi að ég tók af skar-
ið og gerði eitthvað."
Venst það nokkru sinni að
horfa upp á eymd og dauða í
svo stórum stíl?
„Nei. Það venst ekki. Ég held
að ef ég upplifí það einn góðan
veðurdag að verða köld gagn-
vart starfinu, þá verði það dag-
urinn sem tímabært er að taka
frá til að hætta og taka sér
annað starf fyrir hendur,“ svarar
Maríanna Csillag hjúkrunar-
fræðingur og sendifulltrúi ís-
landsdeildar Rauða krossins.