Morgunblaðið - 12.05.1994, Side 18

18 FIMMTUDAGUR 12. MAÍ 1994
ERLENT
MORGUNBLAÐIÐ
Ríkisstjórn Berlusconis
tekin við völdum á Italíu
c\ *w • j • * • nj • j_ /5 Keuter
53. nkissijornm ettir stnö
SCALFARO, forseti Ítalíu (fyrir miðju), með Berlusconi á vinstri hönd og Adriana
Poli Bortone landbunaðarráðherra á þá hægri. Hún er úr flokki nýfasista.
Róm. Reuter.
SILVIO Berlusconi sór í gær embættiseið
sem forsætisráðherra Ítalíu og leiðtogi
stjórnar, sem nýfasistar eiga meðal annars
aðild að. Er það í fyrsta sinn frá stríðslok-
um, að þeir komast í valdaaðstöðu í Evrópu-
ríki. Hafa nokkrir frammámenn á Vestur-
löndum lýst áhyggjum sínum af því og einn-
ig sumir fjölmiðlar á Ítalíu.
„Ég heiti að vera hollur lýðveldinu, fylgja
stjórnarskrá þess og lögum í hvívetna og hafa
heill og hagsmuni þjóðarinnar að leiðarljósi,"
sagði Berlusconi þegar hann sór embættiseiðinn
frammi fyrir Oscar Luigi Scalfaro forseta. Brosti
hann sínu blíðasta til hundruða fréttamanna og
það var ekki að sjá, að neinn ágreiningur hefði
verið með þeim Umberto Bossi, leiðtoga Norður-
sambandsins, því að Bossi faðmaði Berlusconi
að sér eftir embættistökuna og rak honum remb-
ingskoss.
Aðild nýfasista hörmuð
Francois Mitterrand, forseti Frakklands, og
James Baker, fyrrverandi utanríkisráðherra
Bandaríkjanna, hafa látið í ljós áhyggjur af þátt-
töku nýfasista í ríkisstjórninni en þeir eiga fimm
ráðherra af 25 alls. „Eg harma það en Italir eru
að sjáifsögðu frjálsir að því að velja sér full-
trúa,“ sagði Mitterrand í viðtali við franska sjón-
varpið í fyrradag en tók fram, að hann yrði að
gæta orða sinna gagnvart Berlusconi þar sem
hann væri nú „forsætisráðherra vinaþjóðar".
Mörg ítölsku dagblaðanna gerðu ummælum
Bakers góð skil en hann sagði, að jafnvel meðal
siðmenningarþjóða eins og Itala löðuðust margir
að öfgafullri hægristefnu. Dagblaðið La Voce,
sem er andsnúið Berlusconi, birti mynd af Scalf-
aro lesa upp ráðherralist'ann og halda jafnframt
byssu að höfði sér og öll forsíða II Manifesto,
málgagns kommúnista, var svört. Svart var ein-
kennislitur fasista Mussolinis og fyrirsögnin var
„Svarta ríkisstjórnin". Dagblaðið L’Indipend-
ente, sem styður Norðursambandið, fagnaði hins
vegar embættistöku nýju stjórnarinnar sem síð-
asta kaflanum í friðsamlegri byltingu gegn spill-
ingaröflunum.
Helstu ráðherraembætti
Berlusconi til halds og trausts eru tveir aðstoð-
arforsætisráðherrar, einn frá hvorum flokki,
Norðursambandinu og Þjóðarbandalaginu, flokki
nýfasista, en aðrir helstu ráðherrarnir eru þess-
ir: Utanríkisráðherra er Antonio Martino, 52 ára
gamall úr Áfram Ítalía. Hann er hagfræðingur,
gamall nemandi Miltons Friedmans, og er and-
vígur því að fara með líruna aftur inn í gengis-
samstarf Evrópusambandsríkjanna. Innanríkis-
ráðherra er Roberto Maroni frá Norðursamband-
inu, stofnandi flokksins ásamt Umberto Bossi.
Hann er kallaður mannasættir og hefur yfirleitt
haft það hlutverk að bæta úr þegar Bossi hefur
sett allt á annan endann með yfirlýsingum sín-
um. Hann er einnig aðstoðarforsætisráðherra.
Varnarmálaráðherra er Cesare Previti úr
Áfram Ítalía, lögfræðingur og náinn ráðgjafi
Berlusconis. Hann hefur enga beina reynslu af
varnarmálunum. Annar tveggja, sem fara með
fjármálin, er Lamberto Dini, óháður, sem gegnt
hefur embætti seðlabankastjóra, og hinn er
Giulio Tremonti, sérfræðingur í skattamálum,
óháður. Fjárlagaráðherra er Giancarlo Pagliarini
frá Norðursambandinu. Dómsmálaráðherra er
Alfredo Biondi úr Miðjusambandinu.
Laugardagar og sunnudagar
eru
Qölskyldudagar
á Jarlinum, Sprengisandi
Bömunum þykir spennandi að koma á Jarlinn og
fá barnabox með Ofurjarlinum og félögum hans.
Innihald: Hamborgari, franskar
og kók + aukaglaðningur.
Verð aðeins 195 krónur.
(Börnin séu í fylgd með matargesti).
Fyrir þá eldri m.a.
mest seldu steikur á íslandi
Verð frá f}{)0 krónum.
Gildir einnig Gildir einnig
í dag! WW í dag!
V t t ! I N 0 A $ f Ö P
Sprengisandi
Kohl fær byr út úr
pólitískri ládeyðu
Daily Telegraph. Bonn.
HELMUT Kohl, kanslari Þýska-
lands, virðist loks búinn að fá byr
í segliri og vera á leið út úr póli-
tískri ládeyðu sem kemur sér vel
fyrir þingkosningarnar í október.
Jákvæðar fréttir birtast honum nú
í hverri viku og líklega gleðst hann
mest yfir úrslitum tveggja skoðana-
kannana sem birtar voru með fjög-
urra daga millibili og sýndu að
kristilegir demókratar (CDU) hafa
bætt við sig fylgi.
Flokkur Kohls, CDU, hefur fengið
slæma útkomu í skoðanakönnunum
undanfarin þtjú ár eða nánast allar
götur frá því þjóðaratkvæði um sam-
einingu Þýskalands fór fram 1990.
Ástæðurnar eru raktar til efnahags-
kreppunnar en þó fremur til þess
að flokkurinn sveik loforð um að
hækka ekki skatta. Yfirlýsingar um
efnahagsbata reyndust ekki eiga við
rök að styðjast lengi. Á því hafa þó
orðið breytingar og nú er gert ráð
fyrir að hagvöxtur á þessu ári verði
1,5%. Annan mánuðinn í röð hefur
dregið úr atvinnuleysi í Þýskalandi
og samkvæmt athugunum eykst til-
trú forystumanna í viðskiptalífi á
að kreppan sé farin að hjaðna. Sam-
kvæmt síðustu skoðanakönnunum
er CDU komið fram úr SPD í fyrsta
sinn í rúmt ár.
Sömuleiðis hefur mikil breyting
orðið á persónufylgi stjórnmálafor-
ingjanna og þykir velgengni Kohls
að undanförnu jaðra við kraftaverk.
Rétt eftir kjör Rudolfs Scharpings
sem leiðtoga SPD í júní í fyrra
mældist hann með 25 prósentustig-
um meira persónufylgi en Kohl.
Nú munar einu prósentustigi.
Þó enn séu fimm mánuðir til'
kosninga virðist sem SPD sé á góðri
leið með að flæma frá sér kjósend-
ur. Scharping hefur reynt að styrkja
stöðu flokksins með því að koma
böndum á á vinstri öflin í flokknum
og höfða til kjósenda sem teljast
til miðjumanna. Virtist það ganga
vel en eftir að stefnuskrá flokksins
var birt í mars hafa margir snúið
baki við flokknum. Ástæðan er sú
ætlun SPD að leggja 10% auka-
skatt á skattgreiðendur á næsta ári.
Kosningabaráttu kristilegra
demókrata stjómar Peter Bönisch
fyrrverandi ritstjóri Bild. Foringinn
Kohl, sem er 64 ára, er sagður for-
vígismaður breytinga og umbóta,
lýst sem „framtíðarvon" Þjóðverja,
en miklu yngri andstæðingi hans
er lýst sem persónugervingi
þreyttra stefnumála. Virðist sú bar-
átta vera að bera árangur.
• •
Ofgamenn
dæmdir
til dauða
DÓMSTÓLL í Suður-Afríku
dæmdi í gær sex hvíta hægri-
öfgamenn til dauða fyrir að
hafa myrt fjóra blökkumenn í
grennd við Jóhannesarborg.
Sexmenningarnir eru í And-
spyrnuhreyfingu Búa (AWB),
hreyfingu nýnasista sem vilja
sérstakt heimaland fyrir hvíta
Suður-Afríkumenn.
Konur gegn
femínisma
TÓLF konur með apagrímur
hafa ráðist inn í skrifstofu þýska
tímaritsins EMMA, sem femín-
istar gefa út. Konurnar skáru í
sundur símalínur, sprautuðu
svartri málningu á tölvur og
köstuðu mykju á gólfíð til að
láta í ljósi andúð sína á greinum
sem birtar hafa verið í tímaritinu.
Drullusokkar
bjarga
mannslífum
ÁRANGURSRÍKARA kann að
vera að nota drullusokka til að
lífga þá sem fá hjartaáfall en
að beita hjartahnoði, samkvæmt
bandarískri könnun. Bandarísk-
ur piltur, sem ekki hafði lært
hjartahnoð, uppgötvaði þessa
aðferð af tilviljun þegar faðir
hans fékk hjartaáfall.
Viðræður
Rússa og
Eista í strand
HELSTI samningamaður Rúss-
lands í viðræðunum um brott-
flutning rússneskra hermanna
frá Eystrasaltsríkjunum sagði í
gær að viðræðurnar við Eista
hefðu siglt í strand og ekki
væri ástæða til að halda þeim
áfram að svo stöddu. Helsta
ágreiningsmálið er staða fyrr-
verandi herforingja í Eistlandi.
Reuter
Hútúi hjó handlegginn af
þessari Tútsastúlku.
Morðingjar
meðal
flóttamanna
STARFSMENN hjálparstofn-
ana segja að á meðal flótta-
manna frá Rúanda, sem þeir
koma nú til hjálpar í stærstu
flóttamannabúðum heims í
Tanzaníu, séu menn sem þeir
hafi sjálfír séð myrða saklausa
borgara í heimalandi sínu. „Ég
sé morðingjana hvert sem ég fer
í búðunum og þeir þekkja mig,“
sagði einn starfsmannanna.
Hann kvaðst hafa séð morðingj-
ana smala fólki inn í hús, læsa
dyrunum og kasta handsprengj-
um inn í þau.