Morgunblaðið - 21.05.1994, Side 12

12 LAUGARDAGUR 21. MAÍ 1994
AKUREYRI
MORGUNBLAÐIÐ
Morgunblaðið/Hermína
Sungið fyrir fullu húsi
Dalvík- A dögnunum buðu leikskólar bæjarins Fagrihvammur og
Krílakot bæjarbúum í heimsókn og sýndu afrakstur vetrarstarfs-
ins. Sýningar voru á myndlistarverkum barnanna og smáfólkið
á Krílakoti sýndi leikþætti og söng fyrir troðfullu húsi. Foreldrafé-
lög leikskólanna notuðu tækifærið til fjáröflunar og höfðu til
sölu kaffi og meðlæti. Um 200 manns heimsótti börnin. Á mynd-
inni má sjá upprennandi skemmtikrafta á Krílakoti.
Framsókn
ynni einn
FR AM SÓKNARFLOKKURINN
fengi fimm menn kjörna í bæjar-
stjórn Akureyrar og ynni einn
af Sjálfstæðisflokknum, sam-
kvæmt skoðanakönnun sem DV.
Við það myndi meirihluti sjálf-
stæðismanna og Alþýðubanda-
lags falla.
Aðrir halda sínum fulltrúum.
Alþýðuflokkur fengi 10,5% at-
kvæða og 1 fulltrúa, Fram-
sóknarflokkur 38,2%, Sjálfstæð-
isflokkur 29,1% og 3 fulltrúa, og
Alþýðubandalag 22,2% og 2.
Hjónanámskeið
NÁMSKEIÐ um fjölskylduna og
hjónabandið verður haldið í Gler-
árkirkju dagana 26. og 27. maí.
Kennari er Eivind Fröen,
norskur fjölskylduráðgjafi.
Skráning fer fram í Glerárkirkju
og stendur til 25. maí nk.
Skólaslit
SKÓLASLIT Tónlistarskólans á
Akureyri verða í dag, laugardag,
kl. 17 í Akureyrarkirkju. Við at-
hö&iina leika píanóleikaramir Bima
Helgadóttir og Davíð Þór Braga-
son, Eydís S. Úlfarsdóttir lágfíðlu-
leikari og Dagný Pétursdóttir orgel-
leikari, sem leikur ásamt strengja-
sveit Tónlistarskólans.
Bærinn leigir
leikskólann
BÆJARRÁÐ Akureyrar sam-
þykkti í gær að gera leigusamning
við eigendur Dvergagils 3 þar sem
var einkarekin leikskóli.
Bæjarráð samþykkti að reka
þar til bráðabirgða um tveggja
mánaða skeið leikskóla fyrir þau
börn sem þar voru og fól ráðið
bæjarstjóra og bæjarlögmanni að
ganga frá nauðsynlegnm samn-
ingum vegna þessa. A fundi bæj-
arráðs í gær var ítrekað að með
þessari bráðabirgðaráðstöfun fel-
ist engar skuldbindingar gagnvart
þeim börnum sem hafa pláss á
leikskólanum né foreldrum þeirra,
en nýta á leigutímann til að leita
frekari lausna á málinu.
Skátatívolí
SKÁTAFÉLAGIÐ Klakkur efnir
til fjölskylduhátíðar í Skemmunni
annan hvítasunnudag, þar verður
skátatívolí sem ber yfirskriftina
Með sól í hjarta.
Hátíðin hefst kl. 11 og stendur
til 17. Boðið verður upp á um
50 tívolíatriði sem skátarnir hafa
sett saman að undanförnu.
FRAMTIÐARSTAÐUR
Til sölu 140 m2 íbúðarhús
a 1,5 ha. spildu úr landi
Skrauthóla ó Kjalarnesi.
UPPLÝSINGAR VEITTAR í SÍMA 96-24471
AÐEINS 8 MILUONIR
Fuiltrúar ríkisins og Akureyrarbæjar undirrita samninga
um byggingu legudeildarálmu við Fjórðungssjúkrahúsið
Kostnaður fyrsta
áfanga 290 milljónir
Morgunblaðið/Rúnar Þór
GUÐMUNDUR Árni Stefánsson heilbrigðisráðherra, Halldór
Jónsson bæjarstjóri og Friðrik Sophusson fjármálaráðherra
undirrita samning um byggingu legudeildarálmu við FSA.
Framkvæmdir hefjast
á næstunni og barna-
deild gæti tekið til
starfa árið 1997
FRAMKVÆMDIR við nýja legu-
deildarálmu við Pjórðungssjúkra-
húsið á Akureyri hefjast innan
skamrns en frestur til að skila inn
tilboðum í verkið rennur út 8. júní
næstkomandi. Samningar um bygg-
inguna voru undirritaðir í gær.
Guðmundur Árni Stefánsson
heilbrigðisráðherra, Friðrik Soph-
usson fjármálaráðherra og Halldór
Jónsson bæjarsjóri á Akureyri und-
irrituðu samninginn um bygging-
una í gær. Um er að ræða fjögurra
hæða hús, um 4.160 fermetra að
stærð, og hefjast framkvæmdir nú
í sumar og er gert ráð fyrir að
byggingunni verði að fullu lokið
árið 1998. Barnadeild, sem verður
til húsa í byggingunni, verður vænt-
anlega tekin í notkun um áramótin
1997-1998 og sagði Halldór að ef
hagstæðir samningar nást um
bygginguna gæti skapast svigrúm
til að heíja starfsemi hennar fyrr.
Kostnaður við fyrsta áfanga legu-
deildarálmunnar er áætlaður um
290 milljónir króna.
„Við væntum mikils af þessari
framkvæmd í framtíðinni og erum
þess fullviss að hún muni styrkja
bæði sjúkrahúsið og alla heilsu-
gæslu á svæðinu," sagði Halldór.
Guðmundur Ámi Stefánsson heil-
brigðisráðherra sagði að bygging
legudeildarálmunnar væri f sam-
ræmi við þá stefnumörkun rík-
isstjómarínnar að leggja sérstaka
áherslu á að stykja sérhæfða sjúkra-
húsuppbyggingu á höfuðborgar-
svæðinu og Eyjafjarðarsvæðinu.
„Þetta er stórverkefni á þessu sviði,
sem góð samstaða er um, og ég er
þess fullviss að hún muni hleypa
nýju lífí í atvinnulíf í fjórðungnum,"
sagði Guðmundur Árni.
Morgunblaðið/Rúnar Þór
Eldri borgarar sýna
M YN DLISTARSYNING eldri
borgara verður opnuð í dag,
laugardag, í félagsmiðstöðinni
við Víðilund. Sýningin verður
opin um hvítasunnuhelgina frá
kl. 14.00 til 18.00 en henni lýkur
næstkomandi mánudag. Alls
sýna 13 manns verk sín en fólki
hefur verið á námskeiði hjá
Gunnari Dúa Júlíussyni í vetur.
Þau Sigurbjörg Helgadóttir, Jón
Gíslason og Irene Cook voru í
óða önn að hengja upp myndirn-
ar i félagsmiðstöðinni í gær.
Nýr fótboltavöllur
í notkun á Grenivík
Grýtubakka - Magni á Grenivík lék
í fyrsta sinn í sögunni fyrsta heima-
leik á heimavelli, er liðið tók á móti
Hörgdælingum í 4. deildinni í fyrstu
Lélegt á
grásleppunni
Grýtubakka - Heldur hefur dregið
úr grásleppuveiðinni í maí, eftir góða
byrjun, að sögn Friðriks Þorsteins-
sonar, og er hún hálfléleg þessa
dagana.
„Ætli við reynum ekki að hanga
á þessu eitthvað lengur í von um
skárri göngu,“ sagði Friðrik.
umferð í gær, á nýjum fótboltavelli.
Framkvæmdir hafa staðið yfir
þrjú síðustu ár og er völlurinn af
löglegri stærð. Kostnaður var áætl-
aður um 3,7 milljónir króna en 500
þúsund króna framlag úr íþrótta-
sjóði varð til þess að hafist var handa
um framkvæmdir í upphafi. Þá lagði
Grýtubakkahreppur fram 1,2 millj-
ónir króna til verksins.
Vaðfuglar á vellinum
Gert er ráð fyrir að síðar verði
gerð hlaupabraut við völlinn.
Grasvöilur sem notaður var í tugi
ára hefur yfirleitt ekki verið nothæf-
ur til knattspyrnuiðkunar fyrr en
seint í júlí vegna staðhátla. Hann
hefur verið afdrep vaðfugla.
Hátíðarguðs-
þjónustur
um hvíta-
sunnuna
AKUREYRARPRESTA-
KALL: Hátíðarguðsþjónusta
kl. 11 á hvítasunnudag. Hátíð-
arguðsþjónustur á hjúkrunar-
deild aldraðra Seli I kl. 14 og
kl. 16 á Dvalarheimilinu Hlíð.
Ferming í Miðgarðakirkju í
Grímsey annan hvítasunnudag
kl. 13.30. Fermd verða Helga
Fríður Garðarsdóttir, Grund,
og Henning Henningsson,
Höfða.
GLERÁRPRESTAKALL:
Guðsþjónusta kl. 10 á Fjórð-
ungssjúkrahúsinu á Akureyri.
Hátíðarmessa kl. 14 í Glerár-
kirkju, hátíðarsöngvar sr.
Bjarna Þorsteinssonar sungn-
ir.
HJÁLPRÆÐISHERINN: Al-
menn samkoma sunnudag kl.
20. Bænasund kl. 193.0, biblía
og bæn kl. 20.30 nk. fimmtu-
dag.
HVÍTASUNNUKIRKJAN:
Samkoma í umsjá ungs fólks
kl. 20.30 í kvöld. Vakningar-
samkoma á hvítasunnudag kl.
20. Æskulýðsfundur 9-12 ára
og fræðsla fyrir nýja á mið-
vikudag kl. 17.30 og grunn-
fræðsla fyrir nýja kl. 20.30.
Biblíulestur með Jóhanni Páls-
syni og bænastund nk. föstu-
dagskvöld kl. 20.
KAÞÓLSKA KIRKJAN:
Messa kl. 18 í dag, laugardag,
og kl. 11 á morgun, sunnudag.
■ ÞEIR sem eiga 40 og 60 ára
fermingarafmæli á þessu vori ætla
að minnast þessi í Ákureyrarkirkju
á hvítasunnudag. Þess er einnig
vænst að þeir sem eiga 10, 20, 30,
og 50 ára fermingarafmæli í Akur-
eyrarkirkju, en það eru árgangar
fæddir 1930, 1950 og 1960 og
1970, sæki einnig messu í kirkjunni
þann dag.